رواية عذاب الحب الفصل التاسع 9 بقلم شيماء أشرف

رواية عذاب الحب الفصل التاسع 9 بقلم شيماء أشرف

رواية عذاب الحب البارت التاسع

رواية عذاب الحب الجزء التاسع

رواية عذاب الحب الحلقة التاسعة

رن هاتف مالك برقم لا يعرفة مسك مالك الموبايل وضغط على زر الايجاب
مالك/الو مين معايا
المتصل/اخص عليك يا مالك كدة معرفتش رقمى انا زعلانة منك
مالك بحدة/لو مقلتيش انتى مين هقفل السكة
جانا/انا جانا يا مالك
مالك/ازيك يا جانا
جانا/كويسة بس كدة معرفتش صوتى وكنت هتقفل السكة فى وشى
مالك/معلش اصلى مش مسجل رقمك
جانا/طاب سجلو بقى عشان هنتكلم كتير بعد كده
مالك/حاضر
جانا/كنت بتعمل اية بقى لما كلمتك
مالك بجدية/جانا انا مش فاضى للكلام دة انا عندى شغل سلام اغلق مالك الخط دون انتظار الرد من جانا
وضع مالك التليفون بجانبة
مالك لنفسة/لسة راجعة من السفر ودماغها فاضية طول عمرها هيفا
……………………………………………..
فى المطعم:.
انتهت حياة من تناول طعامها وطلبت من الجرسون فنجان شاى اخرجت حياة مفكرتها وبدأت فى ترتيب جدول مالك والوفد وبروجرام للوفد فى الفترة التى تقيم بها بشرم الشيخ دخل اسلام المطعم فوجد حياة تجلس على احدى الطاولات الموجودة فاقترب منها
اسلام بابتسامة/تسمحيلى اقعد معاكي شوية
حياة /استاذ اسلام
اسلام وهو يجلس على الكرسى بجانبها/بلاش استاذ دى ممكن اقعد معاكي
حياة/ماانت قعت خلاص
اسلام/ههه اخبار الشغل معاكى اية
حياة/كلة تمام الحمدلله
اسلام/جهزتى البروجرام للوفد
حياة وهى تعطية المفكرة/ايوة جهزتو وجهزت جدول اعمال مالك بية فى الفترة اللى هو موجود فيها هنا
اسلام/باين عليكى شاطرة اوى ومبضيعيش وقت وذكية ونشيطة
حياة/مش اوى كدة انا لسة متعينة عند مالك بية
اسلام/اوعى تستقلى بنفسك انتى من اول يوم ليكى هنا وانتى بتبتدى واحدة غيرك كان المفروض ترتاحى على الاقل النهاردة
حياة/الانسان المفروض ميضيعش وقتة خالص لزم يستغل كل ثانية والا هيضيع عمره على الفاضى
اسلام/انتى بقالك قد اية شغالة مع مالك بية
حياة/مكملتش اسبوع

اسلام/دة انتى لسة طازة ومعندكيش خلفية خالص عن الشغل معاة
حياة/ انا اول ما اشتغلت فى الشركة اشتغلت فى الارشيف وشوفت كل الصفقات والمشاريع اللى الشركة عملتها ودرستها كويس
اسلام/كل الصفقات والمشاريع ولحقتى دول ما شاء الله كتير اوي اكيد لسة مخلصتيش
حياة/بالعكس انا خلصتهم فى يوم
اسلام/مش بقولك مبضيعيش وقت انتى عارفة مالك بية مفيش ولا مساعدة قدرت تكمل معاة يومين اليوم الثانى بتقدم استقالتها لكن انتى بقالك اسبوع
حياة/هما عندهم حق الصراحة بس انا مبيئسش وهكمل لحد الآخر
اسلام/هو اينعم صعب جدا لكن عمر ما حد طلب منو حاجة الا وعملهالو وقلبو طيب
حياة بابتسامة مصطنعة/بتهيقلك مالك عز الدين معندوش قلب على طول كلامة قاسى
فى نفس اللحظة دخل مالك المطعم فنظر فى انحاء المطعم ليجد طاولة ليجلس عليها ولكنة رأى حياة تتحدث مع اسلام وتضحك معة لايعرف لماذا يشعر بضيق كلما تحدثت مع شخص ما او تضحك معة فاقترب مالك منهم
مالك /يظهر ان القاعدة هنا حلوة وعجباكى
اسلام وهى يستقيم فى وقفتة/اتفضل يا مالك بية
وضع مالك يدة فى جيب بنطالة وتابع قائلا بسخرية
مالك/اتفضل اية بقى ما انا مش هكون عزول ولا اية يا انسة حياة
حياة بنرفزة/عزول اية اية الكلام اللى انت بتقولة دة
مالك/بدل ما انتى قاعدة تضحكى وتهزرى كنتى خلصى الشغل اللى انا طلبتة منك ولا انتى بتشتغلى شوية وبترتاحى شوية فى مصر كنتى على طول مع عمر وفى شرم الشيخ مع اسلام ارحمى نفسك شوية
شعرت بالاهانة من كلام مالك ولكن ليس بيدها شىء
لم تستطع الرد علية خوفاً من تطور الامر وتترك عملها
فادمعت عينى حياة وبدأت دموعها تتساقط راى مالك دموع حياة وشعر بغصة فى قلبة كان يود ان يمسح لها دموعها لكن حياة ذهبت مسرعة من امامة
اسلام/مالك بية انت فاهم غلط احنا كنا بنتكلم عن الشغل واحنا اتقابلنا هنا صدفة واا
مالك وهو يشير بيدة فى وجهة اسلام/خلاص مش عاوز اسمع حاجة
………………………………………………………
فى فيلا عز الدين:.
كان عز وجانا ومديحة يتناولان الغداء معا فى غرفة السفرة
جانا/انكل عز ممكن اطلب من حضرتك طلب
عز/خير يا جانا
جانا/كنت عاوزة اجى اشتغل فى الشركة
عز باستغراب/تشتغلى لية
جانا/لانى متعودة على الشغل وبعدين انا كنت بشتغل مع دادى فى اميركا

عز/وانتى هتشتغلى اية
جانا/اى حاجة ممكن اكون مساعدة مالك
عز/عندوا المساعدة بتاعتو
جانا بحزن/بس حبا اشتغل
عز/استنى لما مالك يرجع اكون فكرت فى حل
مديحة/صح يا عز وبالمرة نكون جهزنا الحفلة
عز/حفلة اية
مديحة/حفلة عيد ميلاد شهد
عز/دة انا كنت ناسى عيد ميلاد شهد خالص
مديحة/اطمن انا هجهز كل حاجة
…………………………………………..
فى فيلا سيف عبد الرحمن:.
كان سيف جالس فى مكتبة ينجز بعض اعمالة فرن هاتفة المحمول امسك سيف الموبايل وضغط على زر الايجاب
سيف /ايوة يا سليم
سليم/الوفد هيوصل بكرة الساعة11
سيف/طبعا عارف هتعمل اية
سليم/اطمن سيادتك تأمر بحاجة تانية
سيف/لأ نفذ اللى قلتلك علية سلام
…………………………………………………….
فى منزل حياة:.
كانت زينب وشهد يجلسان معا فى غرفة زينب يزاكران سويا فرن هاتف شهد فضغطت شهد على زر الايجاب
شهد/ايوة يا ماما
مديحة/انتى فين لحد دلوقتى
شهد/انا عند زينب
مديحة/تعالى دلوقتى متغبيش
شهد/حاضر يا ماما باى
هبت شهد واقفة ووضعت متعلقاتها فى حقيبتها
شهد/انا لزم امشى
زينب/مش انتى قلتلها انك عندى
شهد/ايوة بس انا اتاخرت الساعة بقت 8 هعدى عليكى بكرة عشان نروح الجامعة مع بعض يلا باى
زينب/باى خلى بالك من نفسك
……………………………………………………………
فى شرم الشيخ:.
كانت حياة جالسة امام البحر تنظر لة وتتذكر كلام مالك لها وكانت مازالت تبكى بشدة على تلك الظروف التى جعلتها لا ترد على كلام مالك لها ورد كرامتها
فى نفس اللحظة دخل سليم ومعة شخص اخر غرفة مالك وبدأو فى قلبها رأس على عقب ففتح مالك باب غرفتة ودخل فوجدها مبعثرة ووجد شخص يبعث بمتعلقاتة
مالك بحدة/انت مين وبتعمل اية هنا انتبة سليم ومن معة لوجود مالك ولكن مالك لم ينتبة للشخص الذى يقترب منة من الخلف وقام بضرب مالك بكعب المسدس على رأس مالك
مالك وهو ممسك برأسه متالما/ااااااة
سقط على الارض مغمى علية

سليم للشخص/يلا بينا بسرعة
كانت حياة متجهة الى غرفتها فوجدت من يخرج يجرى من غرفة مالك قلقت حياة
حياة /مين دول وبيجروا كدة لية من اوضة مالك
تقدمت حياة من غرفة مالك وجدت الباب مفتوحا طرقت حياة الباب لكن مالك لم يجيب عليها فدخلت الى الغرفة وجدتها مبعثرة ووجدت مالك ملقى على الارض فاخافت بشدة واقتربت منة وجثت على ركبتيها وحاولت ان تفيق مالك
حياة/مالك بية فوق ياربى اعمل اية
خرجت حياة مسرعة من الغرفة الى مدير الفندق
حياة وهى تلهث وتشير بيدها/من فصلك عاوزة دكتور بسرعة ارجوك
مديرالفندق/اهدى حضرتك وقعدى ارتاحى
حياة/مفيش وقت انا عاوزة دكتور
مدير الفندق/طاب احكيلى اية اللى حصل
حياة/مالك عز الدين نزيل هنا الفندق وانا المساعدة بتاعتو كنت رايحة اوضتى وبعدين…….وحكت لة ما حدث
مدير الفندق/دة اتفضلى وانا هبعت حد يحيب الدكتور
حياة/بسرعة ارجوك
امسك مدير الفندق بسماعة الهاتف وطلب الدكتور الموجود بالفندق وطلب منة الحضور الى غرفة مالك
…………………………………………………….
فى فيلا عز الدين:.
دخلت شهد الى الفيلا وركضت تجاة السلم ولكن اوقفها صوت والدتها
مديحة/شهد
تراجعت شهد للخلف والتفت الى والدتها
شهد/نعم يا ماما
مديحة /الساعة كام معاكى
شهد وهى تنظر فى ساعة يدها/8ونص
مديحة وهى تقترب من شهد/واية اللى اخرك كدة
شهد/كنت عند زينب بنزاكر سوا
مديحة بلهجة امرة/لو حصل واتاخرتى تانى مش هيحصل كويس مفهوم
شهد/اسفة يا ماما عن اذن حضرتك
كانت شهد تشعر بدفء فى منزل زينب الدفء والحنان تجد من يحتويها ويهتم بها وبامرها تشعر بالدفء الذى تفقدة فى فيلتها الكبيرة
………………………………………………….
عودة الى حياة ومالك:.
فى غرفة مالك كان الدكتور مجدى يكشف على مالك وكانت حياة تقف بجانبة تشعر بالقلق الشديد والخوف على مالك وتفكر من الذى فعل بة هذا انتهى الدكتور من الكشف على مالك ولف رأس مالك بشاش
حياة بقلق/طمنى يا دكتور عامل ايه دلوقتى
مجدى/الحمدلله هو دلوقتى بقى احسن والخبطة مكنتش جامدة
حياة/ياعنى مش محتاج يروح مستشفى
مجدى/لأ على بكرة هيبقى كويس بس هومين اللى عمل فى كدة
حياة/الله اعلم يا دكتور
نهض مجدى من على الكرسى ووضع متعلقاتة فى حقيبتة وتابع قائلا
مجدى/على العموم انا اديتو حقنة بس هيحتاج حد يكون معاة النهاردة عشان لو حصل حاجه عن اذنك
حياة بابتسامة مصطنعة/اتفضل يا دكتور ميرسى اوى تعبت حضرتك معايا
اغلقت حياة باب الغرفة وراء الدكتور ودخلت الغرفة مرة اخرى وقفت امام السرير ونظرت الى مالك النائم على السرير
حياة/يا ترى مين اللى عمل فيك كدة ولية اعمل بس ياربى اسيبك كدة وانت فى الحالة دى واروح اوضتى ولا اعمل اية

احسن حاجه افضل سهرانة لحد ما انت تقوم وارجع اوضتى وبالفعل جلست حياة على الكرسى المقابل لسرير مالك وكانت تتفقد حالتة من وقت لآخر
……………………………………………………..
فى اليوم التالى فى منزل حياة:.
فى غرفة زينب كانت زينب تجهز نفسها لتذهب الى جامعتها فدخلت سمر الغرفة
سمر وهى تبتسم/غريبة انا كنت جاية اصحيكى اول مرة تصحى لوحدك
زينب/اصل عندى محاضرات بدرى النهاردة
سمر/ياعنى هتتاخرى النهاردة
زينب/معرفش يا ماما بس هبقى اكلمك ياعنى
سمر/طيب يا حبيبتى ربنا معاكى
رن هاتف زينب برقم شهد فمسكت زينب الموبايل وردت عليها
زينب/ايوة يا شهد فينك
شهد/انا تحت يلا انزلى
زينب/انا نازلة على طول اهو باى
وضعت زينب متعلقاتها فى فى شنطتها
زبنب/ماما انا ماشية عاوزة منى حاجة
سمر/لأ يا حبيبتى خلى بالك من نفسك
زينب وهى تقبل والدتها/وانتى كمان باى يا ماما
خرجت زينب من منزلها ونزلت الى شهد
ركبت زينب سيارة شهد
زينب بابتسامة/صباح الخير اتاخرتى لية
شهد/الطريق كان زحمة
زينب بغمزة/المعركة كانت جامدة ولا اية
شهد وهى تدير السيارة/العادى بتاع كل يوم فكك انتى
زينب/هى بتعمل كدة عشان بتحبك وبتخاف عليكى
شهد/ما انا عارفة
…………………………………………………..
فى شركة عز الدين:. فى مكتب عمر
كان عمر يعمل على بعض الملفات فلاحظ شيء غريب بهذة الملفات
عمر لنفسة/ازاى دة يحصل كدة يبقى شكوكى بقت حقيقة
ترك عمر مكتبة وذهب الى مكتب مدحت يونس ودخل دون ان يستاذن
عمر بحدة/استاذ مدحت الورق دة مش مظبوط
مدحت/خير يا بشمهندس عمر فى اية
عمر وهويضع الملف امام مدحت/التصاميم دى مش مظبوطة ودى مش اول مرة تحصل ودة معناة ان فى حد بيستغفلنا
مدحت بعصبية/تقصد اية يا عمر
عمر/اقصد انك حرامى ومختلس وعلى فكرة انا شاكك فيك من زمان وحاطط عينى عليك وانا هقول لمالك اول مايرجع وانا معايا اللى يثبت صحة كلامى
ترك عمر مكتب مدحت وخرج منة بينما ظل مدحت يفكر فيما قالة عمر
……………………………………………………

فى شرم الشيخ:.فى غرفة مالك
بدأ مالك يستعيد وعية ويفتح عينية تدريجيا نظر مالك حولة فوجد حياة نائمة على الكرسى المقابل لة
اعتدل مالك فى جلستة ولكنة كان يشعر بدوخة والم فى رأسه وبدأ يتذكر ما حدث معة ليلة امس
مالك/ودى اية اللى جبها هنا ونايمة كدة لية
مالك بنبرة عالية /حياة
افاقت حياة من نومها
حياة بفزع/مالك حصلك حاجة انت كويس
مالك/شسشش اهدى شوية على طول كدة مخضوضة
حياة/انا اسفة معلش بس خفت يكون حصلك حاجة
مالك بابتسامة/اطمنى انا كويس انتى بتعملى اية هنا ودخلتى ازاى
حياة/كنت داخلة اوضتى وبعدين…….وحكت لةماحدث
مالك/ولاد…..ودينى ما هسيبهم حد فيهم عملك حاجة
حياة/لأ محدش قربلى منهم
مالك/وانتى قاعدة هنا طول الليل عشانى
حياة/امال اسيبك افرض كنت مت
مالك/بعد الشر عليا
حياة/مش قصدى المهم انت عامل اية دلوقتي
مالك/احسن الحمدلله
حياة/كويس حاول ترتاح شوية ولو احتجت حاجة أو حسيت بتعب ابقى اتصل بيا عن اذنك
مالك/استنى انتى رايحة فين
حياة/رايحة اوضتى عشان اجهز لاستقبال الوفد

مالك/هى الساعة كام دلوقتى
حياة/الساعة 9ونص
مالك/والوفد هيجى 11 ياعنى لسة ساعة ونص هتجهزى من دلوقتى لاستقبالهم
حياة/ايوة دة يدوب وبعدين انا حاسة ان جسمى مكسر من نومة امبارح دى كويس انى جهزت شغلى من امبارح سيبك انت المهم حاول تسترخى وترتاح شوية
مالك/لأ انا لزم استقبل الوفد بنفسى
حياة/ايوة لكن انت تعبان
مالك/لأ انا بقيت كويس
حياة/انت حر عن اذنك
كانت حياة على وشك الخروج ولكن اوقفها صوت مالك
مالك/حياة
حياة وهى تلتفت/نعم
مالك/شكراً على اللى انتى عملتى
حياة بابتسامة/انا معملتش حاجة وبعدين انت انقزت حياتى مرتين
مالك /ولاونى مش اخد على الحنية بتاعتك دى بس اهى احلى من قبل كدة
حياة بخجل/انا لزم امشى سلام

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية عذاب الحب)