روايات

رواية زينب الفصل السادس عشر 16 بقلم هي جنته

رواية زينب الفصل السادس عشر 16 بقلم هي جنته

رواية زينب البارت السادس عشر

رواية زينب الجزء السادس عشر

رواية زينب الحلقة السادسة عشر

فضلت العربيه ماشيه ورا زينب وخالد طول
اليوم وألاخر نزل منها واحد
وقال:زينب زينب
لفت زينب للصوت وانصدمت لما لقت شاب
واقف ولابس كاب ونضاره شمس وبينادي عليها
:نعم حضرتك بتنادي عليا أنا
:ايوا انتي يازوزو
خالد بص لزينب وبص للشاب اللي خلع
النضاره والكاب
زينب :: آسر ؟ آسر حمدا لله علي السلامه انت جيت امتي
آسر:الله يسلمك انا جيت بقالي كام يوم وكنت
بدور عليكو ايه هنفضل نتكلم هنا كتير
زينب مسكت ايده وشدته لا طبعا دا انت
واحشني موت انا وماما
وآسر مصدوم انها مسكت ايده أول مره تعملها
وخالد واقف مصدوم من مسكتها ايده وحس
انه مضايق :ازاى تمسك ايد واحد وانا واقف
ليه شيفاني كيس جوافه اما أشوف موضوع آسر دا كمان
آسر :فين امي يازوزو

 

 

زينب: تعالي بس وانا هنادي عليها
عمر:ابيه آسر وحشتني حمدالله علي سلامتك جيت امتي
آسر:الله يسلمك ياعموره بقالي كام يوم فين آيه
عمر:بتلعب مع ليان هروح اناديلها
ام زينب :آسر حبيبي وحشتني (وحضنته )
آسر وهو بيبوس ايدها :امي حبيبتي
وحشتيني اتغيرتي يابوحه واحلويتي
ام زينب :ههههههههه اه يواد والله ماواحشني
إلا كلامك الحلو دا
آسر :وانتي كلك علي بعضك واحشني يابوحه
ياعسل (وباسها من خدها )وطبعا البت زوزو
وحشتني موووووووووت هي راحت فين صحيح
ام زينب: والله وانت كمان وحشتها ودايما
بتسألني عنك هتلاقيها راحت تغير وجايه
آيه وهي بتجري علي آسر وبتحضنه :أبيه
آسر وحشتني فين هديتي بقي مش انت كنت
واعدني تجيبلي العرايس اللي نفسي فيهم
آسر :جبتلك اللي نفسك فيه كله ياقلبي
الصغنن انتي ومين القمر دي

 

 

 

آيه:دي ليان بنت آبيه خالد
آسر وهو رايح يحضنها:ازيك ياعسل هاتي
بوسه طيب
ليان:عمر قالي مسلمش علي حد ولا أبوس حد
آسروهو بيبص علي عمر: مالك بالبت ياض ها
مبتخليهاش تسلم علي حد ليه ها😉😉
عمر:انا راجل محبش حد يخصني يكلم رجاله
آسر:😳😳 يخصك يلهوي ايه دا دا أنا
مكنتش عيل علي كدا
خالد: السلام عليكم يأمي عمله ايه
أم زينب :وعليكم السلام ياحبيبي تعالي اما
أعرفك علي آسر ابن اختي فوزيه الله يرحمها
ودا خالد جوز زينب يآسر
خالد وهو بيسلم عليه جامد: أهلا وسهلا يا
آستاذ آسر اتقابلنا برا بس باين حضرتك
مأخدتش بالك مني وانت داخل

 

 

آسر بيتوجع من مسكة خالد بس مش ميبين :
اهلا بيك يأستاذ خالد لا والله مأخدتش بالى
أصل اول لما شوفت زوزو نسيت نفسي
( نهارك ابيض ان شاء الله خف ياحاج)
خالد لما سمع كدا كان قاعد علي نار وذادت
النار لما شاف زينب نازله من علي السلم
كانت جميله كأنه بيشوفها لاول مره ( هي
احلوت كدا امتي ) كانت لابسه درس بأكمام
وطويل وكانت مسيبه شعرها الحرير وحاطه
مشبك شعر من ناحيه واحيه واحده وفعلا
كانت قمر وخالد مزبهل واول لما فاق من
صدمته جري عليها ومسكها من دراعها
:ايه اللي انتي مهبباه دا
زينب: مهببه ايه مش واخده بالي
خالد:احنا هستعبط فيها فين نقابك ياهانم
زينب: فوق انت عايزه
خالدبعصبيه:انتي هتستهبلي انتي ازاي نازله
كدا وهتقعدي قدام راجل غريب كدا
زينب :دا مش غريب دا آسر ابن خالتي
خالد:اطلعي إلبسي نقابك

 

 

 

زينب مش لبساه وأنا حره ولا انت بتغير
خالد بتوتر :وأنا هغير من أيه مش غيران ولا
حاجه….. انا بس …عشان. …. انتي منتقبه يعني
زينب :مدام مش غيران تعالي اقعد معانا
خالد: لا انا هطلع اغير هدومي
وهوطالع اختفي ورا عمود و شاف زوزو عمله
تتكلم وتهزر مع آسر وتضحك وبقي مضايق
(وانت ايه اللي مضايقك مش انت مبتحبهاش
ملكش دعوه بقي )دخل غرفته وهو علي
آخره ولبس ونزل بسرعه لقي زينب قاعده
جنب آسر فراح قعد في الوسط
زينب: اه خالد متقعد هناك علي الكرسي دا هو
لازم تقعد علي الكنبه وسطنا كدا
خالدبعند:برتاح علي الكنبه اكتر أناجعان
شوفي الغدا جهز ولا لسه
زينب:حاضر ……

 

 

زينب جهزت السفره مع سعاد وراحت عندهم
:يلا ياماما يلا يآسر تعالي دا انت حماتك
بتحبك عملين النهارده الاكله اللي انت بتحبها
آسر:لأ متقوليش محشي ورق عنب مش
معقول وبط لالالالالا دا فعلا بتحبني مش كدا ياأمي
ام زينب :كدا ياقلبي يابخت حماتك بيك
خالدكان قاعد بياكل بغل ومش علي بعضه خالص
زينب :مالك ياخالد مش علي بعضك
خالد:لا مفيش اصلي مش جعان
آسر:😏 ماهو باين دا انت أكلت نص حلة
المحشي لوحدك ونص البطه ومش جعان
خالد: 😒 وانت مش كالت متقوم بقي الليل
دخل ومش هتعرف تروح في الضلمه
زينب :ايه ياخالد الكلام دا آسر هيقعد معانا طول الاجازه
خالد:ايه ليه ان شاء الله

 

 

زينب :ملوش مكان تاني يروحله وعيب بيت
أخته مفتوح ويقعد في فندق ولا حاجه
ام زينب هيقعد معايا في الغرفتين بتوعي
خالد: بعد اذنكم هدخل المكتب
دخل المكتب وعمال يلف حوالين نفسه
وبعدين قال :هو انا بعمل كدا ليه أنا مبحبهاش
طب انا زعلان ليه هشوف شغلي ومش هشغل دماغي
آسر وام زينب راحو يقعدو مع آسر في
غرفتها وزينب راحت معاهم
زينب :دا انت مشكله حرام عليك الراجل كان
فاضله شويه ويمسك فيك
آسر :كان نفسي يمسك عشان اديله علقه
تفوقه هو أساسا كان يطول يتجوزك أصلا دا
أنا زعلت عشان الكلام اللي قالهولك ودا اللي
جابني من السفر واللي يزعلك اشرب من دمه
انا معنديش أغلا منكم انتو كل اللي ليا فؤي
الدنيا دي والله لأخليه يجيلك راكع لحد عندك ويقولك انا بحبك

 

 

بس تعالي هنا و قوليلي يازوزو اول لما دخلت
انتي مسكتيني من ايدي ايه اللي حصل دا
عمرك معملتيها من ساعة الحادثه
زينب: بصراحه خالد مقصرش معايا و وخلاني
أروح لدكتوره ممتازه الحمد لله بقيت أحسن
بكتير المهم دلوقتي مش دا اللي انا
عايزاك عشانه عايزاك عشان موضوع اهم وأكبر
عند مراد
مراد: عرفتي ياريري هتعملي ايه انا عايز
زينب تثق فيكي ثقه عمياء ماشي
ريري: ماشي ياسي مراد وانا هكسب ايه يعني لما توقعها
مراد: اللي تقولي عليه عايزه فلوس عايزه اي
حاجه اللي انتي عايزاه
ريري راحت عنده وقربت منه ولمست وشه
عايزاك انتي يامراد عايزاك تتجوزني
مراد: جواز لا انا مش بتاع حب ولا جواز وانا
معرفك كدا من الاول

 

 

ريري:اومال عايز البنت دي تعمل بيها ايه مدام
انت مش بتاع حب
مراد وهو ماسكها من دراعه جامد : ملكيش
فيه اللي قلته يتنفذ بس سامعه
ريري وهي بتتألم من دراعها : حاضر حاضر
مراد: ايوا كدا نبقي حبايب يلا بقي قومي
جهزي القعده
تاني يوم بعد الفطار
خالد: يلا عشان اوصلك للكليه وأطلع علي الشغل
آسر:لأ انا اللي هوصلها عشان بقالنا كتير
متكلمناش مع بعض هنروح بعد الكليه مكان
نشرب اي حاجه ونرجع علي معاد الغدا
خالد كان قاعد مصدوم من كلام آسر وبص
لزينب بتبريقه اللي عملت نفسها من بنها ولا أكنه بيبص خالص
زينب: هلبس وهنزل بسرعه ياآسر استناني
خالد بعصبيه :انا ماشي السلام عليكم
زينب راحت مع آسر الكليه وبعد مخلصت
طلعت هي وسهر وكانو بيتكلمو مع بعض
ومأخدوش بالهم انهم واقفين قدام آسر

 

 

آسر:زوزو خلصتي ولا لسه
زينب : هههههه والله نسيتك خالص يآسر
دا آسر ابن خالتي معلش استأذنك دلوقتي
سهر:ولا يهمك حبيبتي روحي انتي استودعك الله
زينب :استودع الله دينكم وآماناتكم وخواتيم اعمالكم
راحو كافتريا وقعدو
آسر:مين البنت القمر دى
زوزو:ههههههههه هو انت شايف منها حاجه
عشان تقول قمر
آسر: انتي عارفاني نظرتي في الناس بتخيبش
صح هي قمر صح
زوزو:آسر حرام اوصفلك بنت اتقي الله
آسر:مفيش فايده فيكي زوزو هتفضل زوزو
مش هتتغير أبدا
زوزو:ومش عايزه اتغير

 

 

آسر: طب قوليلي حبيتي خالد
زينب وهو بتبص في ناحيه تانيه حطت ايدها
تحت خدها بحبه كلمه قليله علي اللي جوايا
أنا بعشقه لو قلتلك هو الهوا اللي بتنفسه هو
نبض قلبي هو حياتي كلها برضو مش عارفه
اوصفلك احساسي ناحيته انا بحبه أوي يآسر
ومن حبي ليه خايفه ليروح مني وأمنية
حياتي يحبني زى مبحبه
آسر :ايه يابنتي كمية المشاعر اللي جواكي دى
زينب :واكتر من كدا
دا خالد بيرن عليا هرد عليه
زوزو:السلام عليكم…….. ايوا ياخالد انت في البيت ……
ههههههه وكمان جعان طب كل انت ولما نرجع
هناكل ……. خلاص دقايق وهنكون عندك
آسر:خير في آيه
زينب : ههههههه جعان ياسيدي ومش هياكل ألا لما نرجع
آسر :قلتلك والله لأخليه مش يقولك بحبك
بس لا دا هخليه يقولك انتي العشق الاول والاخير
روحو البيت ولما رجعو لقو مراد ومعاه واحده
ياتري ايه خطة مراد لزينب
وياتري زينب عايزه آسر ليه

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية زينب)

اترك رد