رواية تزوجته متزوج الفصل الأول 1 بقلم نورا الرويني
رواية تزوجته متزوج الفصل الأول 1 بقلم نورا الرويني
رواية تزوجته متزوج البارت الأول
رواية تزوجته متزوج الجزء الأول
رواية تزوجته متزوج الحلقة الأولى
ليان:مخنوقه اوي يا ماما هو انا وحشه عشان متحبش؟
الام:بت بلاش دلع ماسخ واتكلمى زيينا
ليان بحزن :حاضر يا امي همشي انى بجي اتأخرت على الشغل
دي امى الى المفروض تكون سندي وتقف جمبي لانى مبقاش ليا غيرها بعد موت بابا الله يرحمه كان احن واحد عليا
ف محل ملابس للاطفال
ليان:ي مدام والله مينفعش انزل ف سعرها اكتر من كدا
ايمان:دانا لسه شايفه زيهم بظبط ب200جنيه
ليان:مستحيل تبقي زيها شوفي القمشه والخامه!
ايمان:لا نفسها وآخر كلام بقا هتبعيها بكام ؟
ليان بصوت عالى :استاذ كريم لو سمحت تعالى ثانيه كدا
كريم صحاب المحل:فى اي يا ليان
ليان:المدام عايزه تشتري الطقم دا على بعضه ب 200جنيه!
كريم:نعم !!ثم وجه كلامه لايمان حضرتك الطقم كامل ب 450 جنيه ودا كمان بسعر الجمله
ايمان بحزن حاولت تخفيه:تمام هاجى مره تانيه
كريم:تمام
شوفت حزنها وكسرتها الى بانو ف عنيها ولاقيت نفسي بنادي عليها اول ما صاحب المحل بعد عننا
ليان:لو سمحتى استنى
ايمان وبصوت منخفض بسبب حبسها لدموعها: فى حاجه ؟
ليان ببسمه:انا جهزتلك الطقم الى عايزاه ممكن بقا تدينى ال 200جنيه؟
ايمان بتعجب:بس انتو بتقولوا أن تمنهم 450جنيه وانا معملتش حسابي ف الفلوس وانا نازله
ليان مدت أيدها بشنطه الهدوم وقالتلها ببسمه حنونه ممكن تعتبرينى اختك وتاخديهم ؟
ايمان:طب وصاحب المحل !
ليان: متشغليش دماغك بيه اتفضلى وادتها الشطنه
ايمان بفرحه:شكرا اوي ربنا يخليكى ومدت ايديها بالفلوس
ليان خدت 100 جنيه بس وسابتلها 100 وقالت ب ابتسامه بوسيلى الكتكوته الى هتلبسهم عن اذنك وسابتها ومشيت تشوف الزباين..
معقول لسه فى ناس بالطيبه دي ربنا يفرحك ويجبر بخاطرك زي ما جبرتي بخاطري
ليان بتعب :اخيرا اليوم خلص وبصت للفلوس الى ف أيدها لأنها دفعت ثمن الملابس التى أعطتها لايمان وملقتش غير يدوبك يكفي المواصلات وهتضطر تمشي مسافه كبيره
ثم اقتربت من صاحب المحل وقالت :انا ماشيه حضرتك محتاج منى حاجه؟
كريم:لا اتفضلى
ليان بعد ما خرجت من المحل وقفت تقول لنفسها بمزاح :بصي انتى هتمشي الحته دي لغايه ما توصلى لموقف العربيات ف معلش ي رجلى استحملى معايا شويه وانا هريحك لما نوصل اشطا !
وليان ماشيه مش واخده بالها عربيه خبطتها
ليان بوجع:اااااه
نزل من العربيه بسرعه
عدي:انتى كويسه ي مدام
ليان بعصبيه ودموع :مدام اي يعنى اعمى وعبيط كمان ااااه ياربي
عدي بغضب:انتى متخلفه انتى بتكلمى مين كدا !! تصدقي انا غلطان انى نزلتلك اصلا وقام ليركب مره اخري ولكن توقف عندما وجدها ضمت قدمها ووضعت يديها على وجهها واخذت تبكى ك الاطفال
رجع ليها وقال بحزن:طب اهدي انا اسف قومي معايا نروح المستشفي نطمن على رجلك
ليان بدموع:لا ششكراا انننا هممشي
عدي نزل لمستواها ثم حملها وسط صراخها
ليان:نزلنى لاما هلم عليك النااس انت ازاي تعمل كدا ابعد عني
عدي :ممكن تسكتى شويه انا مش هخطفك
ليان بكسوف لقربها منه:طب نزلنى وانا همشي
عدي بصلها ومردش عليها وابتسم لما شاف وشها احمر من الكسوف
ركبها العربيه وبعد وقت قليل وصلو المستشفي ومدلهاش الفرصه تتكلم ونزل بسرعه وشالها تانى بس المرادي كسوفها مخلهاش تقدر تتكلم
فحصها الدكتور وجبس رجليها
الدكتور:مينفعش تمشي على رجلك لمده 20يوم ع الأقل ف حاولى على قد ما تقدري ماتقفيش عليها كتير
ليان بوجع:تمام ي دكتور شكرا لحضرتك
الدكتور:العفو عن اذنكوا وخرج من الغرفه
شهقت ليان بخوف شديد لما افتكرت والدتها لانها اتأخرت ثم قالت بدموع ل عدي المتعجب :انا لازم امشي دلوقتى ممكن توصلنى لاقرب موقف عربيات وشكرا انك جبتنى المستشفي
عدي ب ابتسامه زادت من وسامته:هييح استعنا ع الشقي بالله وحملها بسرعه قبل أن تعترض
ف العربيه
عدي :انتى منين؟
ليان:من…
عدي:تمام
عندما اقترب من مكان سكنها قالت بخوف وتوتر اثار تعجبه
ليان:اقف هنا لو سمحت وانا هكمل
عدي:هوصلك عند بيتك عشان متدوسيش على رجلك وتتعبي
ليان:لا متشكره لحضرتك مينفعش عشان كلام الناس وكدا وقالت هذا لانها تعلم كم تهتم والدتها لكلام الناس
عدي بتفهم:تمام بس هوقفلك تاكسي
ليان:ملوش داعى واسفه لو كنت تعبتك النهارده وعطلتك
عدي:لا متقوليش كدا انا الى اسف ثم نظر لقدمها واكمل للى حصل ف رجلك
لم ترد عليه واكتفت ب ابتسامه لطيفه
نزلت من السياره ووقفت ع الطريق بوجع وخوف من والدتها التى لن تعدي تأخريها هذا وسوف تتخانق معها اكيد
كانت تنتظر اي تاكسي لتركبه وبعد دقائق ركبت
امام منزلها نزلت من التاكسي وكل هذا وهى تحاول تحمل وجع قدمها ودموعها بدأت ف الهبوط ولم تلاحظ ذلك الشخص الذي كان يراقبها.
وصلت لشقتها وأخرجت المفتاح وعندما دخلت وجدت والدتها تنتظرها وغضبها قد سيطر على ملامحها
فاطمه بغضب ولم تنظر لقدمها:ما لسه بدري
ليان بتعب واضح:انا اسفه ي امي بس عملت حادثه ثم أشارت لقدمها
فاطمه:انى ميهمنيش الكلام دا ادخلى غيري خلقاتك دي عشان خالتك زمانها جايه هى وابنها وطالبين ايدك وهنكتب الكتاب بكرا الصبح ونرجع معاهم عصعيد
ليان بصدمه ودموع :انتى بتقولى اي انتى متأكده انك امي !!
عايزه تجوزينى لواحد متجوز !!
فاطمه ضربتها بالقلم بقوه وقالت اياكى تعلى صوتك عليا تانى ولا تقولى الكلام الماسخ دا فاااهمه ،وماله المتجوز مش شرع ربنا دا ولا عايزانى اسيبك تمشي على حل شعرك والناس تأكل وشي
ليان بصراخ :لا ازاي تخلى الناس تاكل وشك لا جوزينى وادفنينى بالحيا عشان ترتاحي منى ثم أكملت ب انهيار ودموعها تسقط بشده ف لم تعد تتحمل أن تسكت اكثر من ذلك دانتى حتى عمرك ما حسستينى بحنيه من نحيتك دا لو كنتى مرات ابويا كنتى هتعاملينى احسن من كدا،نفسي احس بشعور البنات لما بتزعل وتروح تجري على حضن امها وتعيط دانتى حتى مسألتيش اي الى حصلى وازاي عملت حادثه للدرجادي بتكرهينى !!عارفه انا عمري ما هكون زيك مش هخلى عيالى يحسو بالشعور دا ثم وقعت مغشي عليها وتركت هذا العالم حتى لو لوقت قليل
فاطمه بخوف اقتربت منها بسرعه وهى تخبط وجهها بيدها بخفه وتقول بدموع:ليان قومي يا بنتى غصب عنى لازم اعاملك كدا ثم أكملت بدموع شديده انااسفه سامحينى ي ضنايا هما السبب هماا
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية تزوجته متزوج)