رواية مرامي الفصل السادس 6 بقلم آية هاني

رواية مرامي الفصل السادس 6 بقلم آية هاني

رواية مرامي البارت السادس

رواية مرامي الجزء السادس

رواية مرامي الحلقة السادسة

_ مرام متنكريش إنه قمر هو و الولد اللي كان معاه دا..
– امشي بلاش كلام فاضي هو إنسان مستفز وبارد..
_ فعلاً يلا بينا..
ودخلوا الفندق و بلغوا الأمن إنهم جايين يقدموا ع الوظيفه..
_ اتفضلوا ارتاحوا هنا و أول ما دوركوا يجي آنسه سيلين هتناديكم..
– تمام..
بعد شوية..
_ الآنسه مرام عز الدين.
مرام قامت ودخلت للمدير..
_ انت بتعمل ايه هنا.
– دي أوضة مين..
_ المدير..
– يبقى مش محتاجه سؤال..

مرام بعدم تصديق ” يعني انت المدير”..
_ بالظبط كدا اتفضلي اقعدي..
– مستحيل اشتغل مع واحد زيك وجت تخرج قام بسرعه مسكها من ايدها.
_ اقعدي احسنلك هاتي الفايل اللي ف إيدك دا و اترزعي..
– وكمان قليل الأدب..
_ يا بت انتي انا عملتلك حاجه..
– بتقعدني غصب عني..
_ انتي مش جايه تشتغلي..
– اه..
_ يبقى تقعدي اشوف الفايل بتاعك دا و بعدين اقرر هتشتغلي ولا لا..
مرام بغيظ” تبقى مين انت يعني “..
مروان ب استفزاز” المدير ” وبعدين بص ف الفايل وبص لها شويه.
_ للأسف مش عاجباني..
مرام بغضب ” هو انت هتتجوزني انت مالك ومال شكلي قال مش عاجباك ثم ماله شكلي يعني مش زي الصفرا اللي كنت متصور معاها دي “..
_ انتي تعرفيني بقى..
– لا..يعني هو انا هعرفك منين..
_ اومال عرفتي البنت دي منين..
– ملكش فيه وهات الفايل دا بقى..
مروان بضحك” بهزر معاكي انتي هتشتغلي م النهارده “..
_ قول وحياة أمك..
مروان ضحك اوي” ايه وحياة أمي دي “..
مرام ندمت ع اللي قالته” انا..انا آسفه بس متوقعتش إنك هتوظفني “..
_ طيب ولا يهمك اخرجي ل سيلين برا هتفهمك الباقي..
– تمام شكراً ليك..
_ العفو يا مرام..
_ روز انا اتقبلت ف الشغل..
– وانا كماان انا مش مصدقة..
_ انتي مين عمل معاكي الانترفيو..

– عارفة الولد اللي شوفناه من شوية مش اللي اتخانق معاكي دا لا اللي كان جمبه..
_ اهاا هو دا.
– ايوا يلا دلوقتي كل واحد على شغله..
_ اشطا بس ايه الهبل دا مش هنطلع الشنطه و نشوف اوضتنا فين..
– ما السكرتيرة هتقول لينا بقى..
_ اشطا يلا سلام..
_ كريم ما تيجي نروح البيسين..
– معنديش مانع يلا انا خارج م المكتب اهو..
_ وانا كمان..
ونزلوا تحت عند البيسين ونزلوا المايه وبعدين لقى مرام قدامه..
_ لو سمحتي..
مرام بصت وراها” أفندم”..
_ عصير ليمونادا لو سمحتي..
– تمام..وراحت جابت العصير وجت
_ اتفضل..
– فين التلج..
_ تلج ايه..
– انا بحب العصير و فيه تلج..
مرام بعصبيه “وانا أعرف منين يعني مقولتليش ليه”..
_حصل خير حطيلي فيه تلج..
– حااضر..وحطت التلج فيه وجت..
_ اتفضل خده منها وبعدين رجعه..
– لا لا ماليش نفس له هاتيلي كانز..
مرام حاولت متبينش غضبها وراحت جابت كانز
_ اتفضل..

– ايه دا مش ساقع اوي هاتيه ساقع..
_ انت إنسان بارد ومش معنى إنك مدير يعني ف تذل الموظفين لو هتفضل تعمل كدا محدش هيشتغل هنا تاني..
جت سكرتيرة مروان وسمعت كلام مرام” آنسه مرام الزمي حدودك انتي مستوعبه اللي انتي قولتيه اتفضلي مفيش ليكي شغل هنا “..
مرام عيونها دمعت لإن الكل كان بيبص لها و مروان طلع م البيسين بسرعه..
_ سيلين انا هنا اللي اقرر مين يشتغل ومين لا و مرام مش هتمشي اتفضلي ارجعي شغلك..
مرام مردتش عليه ودخلت الفندق ودخلت الاسانسير و مروان جري وراها لحد ما دخل معاها الاسانسير..
_ انت ايه اللي جابك هنا مش كفايه التهزيق اللي خدته بسببك..
_ حصل خير تعيشي وتاخدي غيرها..
أول ما الأسانسير اشتغل مرام داخت ومبقتش قادره تتنفس ومسكت ف مروان..
– مرااام.. مراام..
مرام اتكلمت بصعوبة” انا..ب..خاف.. ”
_ انتي عندك فوبيا..
مرام فقدت وعيها ومروان قلق عليها وفضل ساندها لحد ما وصل الدور بتاعه واتفاجئ لما لقى…

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية مرامي)