روايات

رواية عشق من الماضي الفصل الثاني 2 بقلم الكاتبة المجهولة

رواية عشق من الماضي الفصل الثاني 2 بقلم الكاتبة المجهولة

رواية عشق من الماضي البارت الثاني

رواية عشق من الماضي الجزء الثاني

عشق من الماضي
عشق من الماضي

رواية عشق من الماضي الحلقة الثانية

مصطفى : اااه اخيرا خلصنا الاجراءات…. يالا بقى نروح لهم علشان نرجع سحر البيت
على بصوت مجروح : يالا
مصطفى : انت بتعيط
على وهو بيداري وشه : لا لا انا كويس…. كويس
مصطفى وهو بيشده : لا انت بتعيط…. بص لي
على بحده وهو بيزقه : قولت لك انا كويس سبني في حالي بقي
مصطفى بحده : ما تقولها يا اخي…. هتخسر ايه… هتخسر ايه لما تعترف لها بحبك اعمل اي خطوه خذ قرار
على بدموع : مش قادر…. و فكرك اقولها ازاي….. ولو رفضت او بعدت عني… لا خلينا زي ما احنا علي الاقل اديني بتكلم معاها
مصطفى : لا انت لازم تقول لها…. انت كدا هتساعدها حبك هيساعدها انها تنسى الإنسان اللي جرحها
على بغيره و دموع : هي ازاي حبته…. حبته أمتي و فين…. شافته فين اصلا…. محبتنيش ليه تب ما انا قدامها ٢٤ ساعه في اليوم هو انا وحش للدرجه دي محبتنيش ليه… هااه قولي
مصطفى : لانك عمرك ما حسستها ب حبك ٩ سنين و اديك مخبي عليها هتفضل لغايه امتى كدا هاااه ما ترد

 

 

على وهو ماسك دماغه : مش عارف… مش عارف اتصرف ازاي…. انا لحد دلوقتي مش مصدق ان انا كنت هخسرها… انا مش مصدق… انا مش فاهم حاجه
مصطفى : خلاص اهدي…. انا معاك مش هسيبك و هساعدك بس تسمع كلامي
على : ماشي… ماشي
مصطفى : يالا
في مكان آخر
امام الأهرامات
سحر بحده : انتي جبتيني هنا ليه
سلوى بحده : مش دا المكان اللي بنتكلم فيه ولا نسيتي و الوهم عماكي عايزه تنتحري يا سحر انتي ايه معندكيش دم تب و انا و ماما بلاش احنا ابوكي و امك و اخواتك مفكرتيش فيهم تب و على اخويا مفكرتيش فيه.. قولت لك كام مره علي بيحبك يا سحر…. على بيحبك بجد… ايه الاحساس انعدم انتي متعرفيش هو بيحبك ادي ايه… سايبه اللي بيحبك وراحه للي انتي مش فارقه معاه اساسا
سحر بانهيار : لاااااا اكيد حاسس بيا
سلوى بحده : بتضحكي على مين…. عليا انا يا سحر و لا علي نفسك ….. انا و انتي عارفين انه عمره ما فكر فيكي
قاطعتها سحر بحده و دموع : لاااا بيحبني

 

 

سلوى بحده : فعلا بيحبك بدليل انه اختار غيرك وفرحه الخميس الجاي مش كدا
سحر بانهيار : لاااااا كدب كله كدب….. كدب.. كله كدب
سلوى وهي ماسكه ايديها : افهمي حرام عليكي…. خلاص اللي بتحبيه دا هيتجوز…. مش ليكي انسيه انسيه… و حبي على دا على اكتر واحد بيحبك
سحر بانهيار : ياريتوا كان بأيدي….. انتي مش حاسه بيا ليه… محدش حاسس باللي جوايا…. جوايا نار ووجع مش قادره اوصفه انتي عارفه يعني ايه تفضلي تحبي انسان لمده ٥ سنين كاملين دا مكنش بيعدي ثانيه الا و يكون في بالي…. انا كنت بشوفه و بتخيله في كل حته في البيت انتي متعرفيش حاجه…. ياريتني كنت مت ولا اني احس ب اللي انا حساه دلوقتي
سلوى بحده و انهيار : هتفضلي لحد امتى غبيه… هتفضلي لحد امتى مش هامك… انتي مفكره انو هيسيب عروسته و يجي يتقدم لك…. ما انتي كنتي قدامه ايه اللي منعه يجي لك هاااه… هتعذبي نفسك بقصه حب فاشله اتحكم عليها بالفشل من البدايه انتي اساسا عمرك ما حبيتي دا وهم افهمي بقى…. دا وهم.. الحب شعور بين طرفين…. ودا كان من جهتك بس… حبتيه على اساس ايه… امتى قالك انه بيحبك… امتى اتكلم معاكي أصلا…. في حد عاقل في الدنيا يحب شخص ٥ سنين من بعيد بتراقبيه و خلاص…. حب ايه دا انتي غبيه و هتبوزي حياتك كلها على حاجه ملهاش معنى
سحر بندفاع : انا مش هكمل في الحياه دي اصلا
سلوى بحده : تبقى مجنونه و عبيطه
سحر بحده : انا فعلا مجنونه اني منتحرتش من زمان… حياه رخيصه…. دنيا عمرها ما دوقتني الا الحزن طول حياتي عمري ما شفت منها يوم حلو…. حياه ايه اللي تستحق تتنعاش ما دام كلها حزن و هموم الموت ارحم بكتير… علي الاقل مش هحس بالوجع اللي جوايا

 

 

سلوى بحده وهي بتضرب في سحر : انتي ايه… فوقي… فوقي لنفسك يا سحر
قاطعتها سحر بحده و دموع : انتي مالك بيا…. انتي ايه اللي دخلك حياتي…. انا مش عايزاكي معايا… امشي… امشي يا سلوى… امشي
سلوى بحده و دموع : بعد السنين دي كلها بتقولي لي الكلام دا…. صح انا لازم امشي… وابقى اقتلي نفسك يالا علشان تخسري اللي باقي من عمرك
و مشيت
سحر بدموع : لو اللي باقي من عمري من غيره انا مش عايزه اعيشه
وبتبص حواليها بدور على حاجه تفتل نفسها
على الجهه الأخرى من الأهرامات
جمعه : وقف هنا
خميس : يا عم خلينا نكمل توصيل التابوت
جمعه : انا مش قادر…. كان لازم يعني يروح المتحف النهارده
خميس : قدرنا كدا السياحه تتنشط على دماغنا …. بس التابوت دا تقيل اوي دا فيه ايه دا
جمعه : الاسطوره بتقول قال ايه التابوت دا بيرجع ب الزمن ههههههه….. كلام مجانين قال ايه لو ضغطنا على فصوص الدهب دي ب عدد مرات محدد هنرجع ب الزمن على عدد الوقت اللي ضغطنا عليه
خميس وهو بيحط ايده : دا بجد… ما تجي نجرب
قاطعه جمعه وهو بيشد ايده : ايدك ههههه…. هو دا كلام عاقلين بردوا…. ادينا بنضحك بيه على الأجانب واهوا ننشط السياحه و عدي

 

 

خميس : هههه… على رأيك يالا نجيب بقيت التماثيل من المتحف و بعدين نبقى نجي ندخل
دا
جمعه : يالا
و مشيوا و سابوه
عند سحر
سحر بانهيار : انا لازم اموت ايوا اموت دا الحل الوحيد علشان اخلص من الوجع اللي في قلبي
و ماشيه تدور على اي حاجه تقتل بيها نفسها
لقت التابوت دا قدامها
سحر وهي بتخبط على التابوت
سحر بحاله هستيريا : ههههه و انت بقى يا متحنط انت حكايتك ايه….. مجروح زي ولا نظام اهلك ايه…. متخديني انام مكانك و خليني اخلص من ام العيشه دي…. ااه قاعده ملوكي تابوت دهب بقى و فصوص الدهب الحلوى دي يالا ربنا يزيدك
سحر فتحت التابوت و لقت فيه كائن متحنط ملفوف بالشاش
سحر : هههههه… مش قولت لك…. و الله ما بقيت اخاف لو كان نفس الموقف دا حصل من سنين كان ممكن اترعب اما حالا و الله ما فارقه لعنه فراعنه او موت او اتقتل دا ياريت هههه
سحر وهي بتشيل الجثه : ما تطلع كتك القرف واخد المكان كله استحاله تكون ولد لان اثر المحشي طافح حتى بعد تحنيتك يا طفس….. فين الضايت يابت انتي
سحر وبعد معاناه طلعت الجثه من التابوت
سحر بحاله هستريه : اما التابوت العسل دا ينفع ل اميره حلوه زي..شكله حلوا كدا
سحر معقبه بدموع : علشان أحمد لما يحضر عزايا يشوف ادي ايه انا جميله زي الاميرات

 

 

ودخلت جوا التابوت ورقدت
سحر وهي بتحاول تشد غطا التابوت : ايوا كدا اتحرك خلينا نخلص من ام العيشه دي…. الواحد يموت كدا ولا يحس بتعب ولا وجع قلب..يرتاح ولا يشغل باله
سحر وهي بتلعب في فصوص الدهب : شكلهم جميل اوي في الجنب دا… أما لو فيه بقى في الجنب تاني تبقى قمر
و بصت بصه اخيره على الدنيا اللي حواليها
وقفلت التابوت عليها
و ما أن قفلت عليها التابوت حتى وقعت في دوامه كبيررررررررره و لقت نفسها واقفه مع سلوى قدام الأهرامات من تاني
و كان شريط حياتها بيرجع لنفس النقطه من جديد
سلوى بحده : مش دا المكان اللي بنتكلم فيه ولا نسيتي و الوهم عماكي عايزه تنتحري يا سحر انتي ايه معندكيش دم تب و انا و ماما بلاش احنا ابوكي و امك و اخواتك مفكرتيش فيهم تب و على اخويا مفكرتيش فيه.. قولت لك كام مره علي بيحبك يا سحر…. على بيحبك بجد… ايه الاحساس انعدم انتي متعرفيش هو بيحبك ادي ايه… سايبه اللي بيحبك وراحه للي انتي مش فارقه معاه اساسا
سحر بانهيار : لاااااا اكيد حاسس بيا
سلوى بحده : بتضحكي على مين…. عليا انا يا سحر و لا علي نفسك ….. انا و انتي عارفين انه عمره ما فكر فيكي
قاطعتها سحر بحده و دموع : لاااا بيحبني
و كل دا و سحر بتتفرج على اللي حصل شايفه نفسها جنب سلوي و بيدور نفس الحديث
سحر باستغراب : مش دي انا هناك……. اااه دا كان كلامي مع سلوى
سحر لسه هتتحرك و تجري عليهم و لكن سرعان ما وقعت في نفس الدوامه الكبيررررره ولقت نفسها رجعت للتابوت
سحر وهي بتشيل غطا التابوت : اااه…. الله يخربيتك تابوت على اللي عملك… انا عايزاك تموتني مش تدوخني ما هو اصل الواحد ناقص كتك داهيه في شكلك.. بلا قرف

 

 

ولسه هتقوم لقت ورقه جانبها
سحر وهي بتمسك الورقه : كمان لغه هيلغروفيا…. كمان
وبحكم دراستها في كليه الآثار و شغلها ك مرشده سياحيه للمعابد و الأهرامات قرت الكلام الموجود فيها و ترجمته
و كانت الترجمه
نننننننيييها هاو
أيتها الروح الحسناء ارجعي الي حيث ماضيكي عند وقت خلودكي لتعودي إلينا و الي مصير حكمكي فاءن لن تستطيعي فاذني ب لعنه تصيب من يحاول تحريككي لعنه تحركه عبر عصور الزمن
سحر : بجد و الله
قاطعها ياسر : سحررر…. انتي ايه اللي جابك هنا…. مش انتي في اجازه
سحر بارتباك : ااه ااه ما هو
ياسر : عينك حمره كدا ليه… انتي في حاجه مضياقاكي
سحر بارتباك : لا لا ابدا اصل
قاطعها ياسر بخضه : نهار اسود… ايه اللي طلع الجثه دي من التابوت…. دي نصيبه زارقه
سحر : ليه يعني ايه اللي هيحصل
ياسر بخوف : الاسطوره بتقول لو حد حركها من مكانها او حاول يسرق دهبها هتصيبه لعنه تنقل الشخص دا عبر الزمن
سحر : ما هو حلو
قاطعها ياسر بحده : حلو ايه انتي كمان انتي عارفه لو حاجه حصلت زي دي عارفه تأثيرها على الحاضر هيبقي ازاي
سحر : يا عم كبر
ياسر بخوف : علشان خاطر أغلى الناس في حياتك حطي الجثه مكانها
سحر : ما تحطها انت
ياسر : الاسطوره بتقول اي حد هيقرب منها غير اللي طلعها اول مره هتصيبه لعنه وتحوله الي اصغر حشره في العالم
سحر : انت بتصدق….. و الله كل كدب في كدب…. معطلكشي

 

 

و سابته و مشيت
ياسر طلع يجري وراها
و ما أن مشي ياسر حتى جاء جمعه و خميس
جمعه : يالا نروح ندخل التابوت
خميس : يالا
جمعه بخوف : بسم الله الرحمن الرحيم… ايه اللي طلع دي هنا
خميس : يالا نحطها مكانها
جمعه بخوف : لا انا خايف
خميس : لا يالا
و ما أن شالو الجثه حتى تحولوا الي حشره صغيره جدا جدا
خميس : اااااااااا
جمعه : ااااااااااا
عند سحر
سحر بحده : قولت لك لا مليش في الهري ذا
قاطعهم صوت الصويت
ياسر و سحر طلعوا يجروا
ياسر : مين هنا … في حد هنا
جمعه : احنا هنا
خميس : هو هيسمعك .. ابد نور الكشاف اللي معاك في عينه
ياسر لاحظ شعاع نور خفيف جدا في عينه و نزل شافهم
ياسر وهو شايلهم على ايده
ياسر : جا لك كلامي يا سحر
سحر : ههههههه دا بجد …. ووقعت فاقده الوعي

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية عشق من الماضي)

اترك رد