رواية حكايات كيان والأيهم الفصل الرابع 4 بقلم روان محمد صقر

رواية حكايات كيان والأيهم الفصل الرابع 4 بقلم روان محمد صقر

رواية حكايات كيان والأيهم البارت الرابع

رواية حكايات كيان والأيهم الجزء الرابع

رواية حكايات كيان والايهم الحلقة الرابعة

عدى كتير قوى على بعده عنى وقربى من الموت بس كنت فرحانه أوى أنه نسانى ونسى حبه ليا فرحت لما عرفت أنه سافر عشان يعمل أكبر صفقة للشركة بتاعته كنت هموت وأشوفه قبل ما يمشى ما بقتش بشوفه ولا بسمع صوته غير فى التليفزيون أصل أيهم مشهور قوى ومجتهد وصاحب ومالك أكبر شركات طيران فى الشرق الأوسط
المهم أنه خلاص مشى مش هشوفه تانى خلاص أنا بكرا العملية بتاعتى عشان اخلص من التعب يا إما الوجع والمرض هو اللى هيخلص منى ويريحنى منه على الآخر وأروح لجدو حبيبى اروحله عند ربنا لأنه وحشنى أوى والله وحشنى ريحته و دعواته ليا وخوفه عليا وحشتينى أوى يا جدو 😔😔 ما تقلقش جيلك يا أغلى من روحى هشوفك أنا مش عايزه أكمل الحياة دى خلاص تعبت من كل حاجه
مسحت دموعى وأنا بكتب آخر كلمات ليا فى مذكراتى آخر حروف بتتكتب بدموعى ووجعى قومت عشان أحضر الشنطة بتاعتى عشان هفضل بره البيت كتير هقعد فترة تحت ملاحظة الدكاترة ليا
وقولت لعيلتى أنى ورايا شغل بره مصر فترة ولازم افضل هناك على الأقل شهر وفقوا لأنهم عارفينى بس هما ازاى مش حاسين بيا وبتعبى كل السنين دى ودموعى اللى بتنزل كل يوم على المخده مكنوش حاسين بيها ازاى بس مش مشكلة أنا أهم حاجه عندى أنهم ما يعرفوش حاجه

لميت شنطتى وطلعت من البيت بعد ما سلمت على ماما وحضنت بابا قوى هيوحشونى قوى بس وأنا ماشية قولت طب لو مت وحصلى حاجه هيعرفوا ازاى وهيعملوا إيه خرجت وأنا فى قلبى وجع بالاكوام وكأن الوجع مستتر جواه قلبى تعبت والله
ركبت العربية وإذ فجأة بيه اه هو أيهم بيركب العربية من الباب التانى
بصيت بأستغراب ودموعى ما عرفتش تتخبى جوايا وصوت مهزوز من كتر العياط
كيان : أنت جيت يا أيهم أنت هنا بجد
حط أيده على خدودى وهو بيمسح دموعى بأمان
أيهم : أنا جمبك دايما يا كيانى
مقدرتش استحمل أى حاجه واتخبيت فى حضنه وبصوت مهزوز من أثر عياطى
كيان : أيهم أنا بحبك قوى ما تبعدش عنى مش عايزه أموت يا أيهم والنبى خايفة قوى
خرجنى من حضنه بعد ما دموعه احتلت كل إنش فى وشه وملامحه وبصلى بضعف مماثل لضعفى وهونى على نفسى ومسكنى من وشى بخفة وقربنى ليه وعيونه مصوبه على عيونى بقوة وأمان
أيهم : أنتى مش هتموتى ولا هتروحى منى
ده أنا روحى تروح قبل ما تمشى من الدنيا يا كيان أوعك تستسلمى عشانى يا كيان 🌑 أوعى التعب والمرض يخدوكى منى يا ملكة أيهم
فضلت اعيط قوى لدرجة أنى نمت فى حضنه من كتر العياط شالنى وحطينى فى الكرسى اللى وراء بعد ما باس أيدى بخفة ودموع نزله تكوى قلبى وبس
روحنا المستشفى وهو شيلنى ومخبى وشى فى حضنه وماشى بكل هيبة وأنا لسه فى غيبوبة حزنى وخوفى ومرضى
– مالها يا أيهم أي اللى حصل كيان مغمى عليها ليه

مسح دموعه ورد عليه بشئ من القوة
أيهم : كيان هتعيش مش كده
الدكتور بخيبة أمل : ادعيلها هى اللى عملت كده فى نفسها كتير قولتلها العملية كانت لازم تتعمل من زمان بس هى اللى كانت بتأجلها عشان الشغل وأنها مش هتقدر تسيب الشغل وتمشى لغاية ما بقى نجاتها شئ مستحيل بس أنا واثق أن كيان هتعيش وهتكمل طول ما أنت جمبها يا أيهم باشا
خرج الدكتور من الاوضة بعد ما ركب ليا محلول وحط جهاز التنفس على وشى بهدوء
خرج ومع خروجه تفتت حصون أيهم قدام سريرى ونزل على الأرض وبدموع لو حد سمعها يبكى معه عليها والله ونطق بصوت ضعيف وكأن ضعف الدنيا اتجمع فى قلبه فى اللحظة والثانية اللى عرف فيها أنها ممكن ما تكملش
أيهم وهو ماسك أيدى بخفة : أوعك يا كيان 🌑 تمشى
شغل إيه اللى كنتى مأجله حياتك عشانه أن شاء تروح كل حاجه لأجل عيونك وضحكتك يا روح أيهم
ما تسيبنيش وحيد والنبى هنكمل ونعيش سوا
نام زى الأطفال على أيدى وفى اللحظة اللى كلها امومه دى فوقت وأنا بحسس بأيدى التانية على شعره وبصوت كله ضعف
كيان : ياطفلى شوف أى اللى حصلك بسببى شايف الدموع والضعف ده بسببى عشان كده لازم تبعد عنى وعن كل حاجه منى
قومت بضعف وخفة من على السرير كلمت الدكتور اللى مشرف على حالتى
كيان : أنا عايزه اتنقل من الاوضة دى بسرعة
الدكتور : ليه يا كيان 🌑
كيان بضعف : يعنى أنت مش عارف ليه
كملت المكالمة كلها عياط وبس و شهقات مكتومه عشان ما يصحاش على صوتها
مسحت دموعى وكملت كلامى مع الدكتور : أول ما أيهم هيقوم من النوم تقولوله أنى موت آنت فاهم وأنكم نقلتونى أوضة عناية خاصة عشان قلبى ضعف ونبضاتى قلت ومقدرتوش تنقذونى فاهم يا دكتور
الدكتور : أكيد هيسأل عنك يا كيان 🌑

هنعمل ايه ساعتها
كيان : يسأل عليا عادى ما تقلقش الموت كده كده طول عمرى بعرف امثله ما تقلقش جربته كتير وأنا بتوجع كل يوم فى قلبى
الدكتور : بس ده هيبقى صعب عليكى وعليه قوى
كيان : مفيش أصعب من أنى أعيشه بيتعذب مع واحدة ميته 😔😔😔❤️❤️❤️
” لتبتعد عنى كبعد القمر ولآقترب أنا من موتى يا أيهم قلبِ لعلك ترى السعادة مع نجمةُ آخرى غيرى

يتبع..

لقراءة الفصل التالي : اضغط هنا

لقراءة باقي حلقات الرواية اضغط على 🙁رواية حكايات كيان والايهم)