رواية نور العين الفصل الأول 1 بقلم ندى يوسف

رواية نور العين الفصل الأول 1 بقلم ندى يوسف

رواية نور العين البارت الأول

رواية نور العين الجزء الأول

رواية نور العين الحلقة الأولى

بارك الله لكما وبارك عليكما وجمع بينكما في خير.
المأذون قال الجملة وانا كان نفسي اطير وأخيراً بقيت مع اللي بحبه….
الابتسامة اخ*تفت من أول ما بصيت علي ماما كانت واخدة جنب ومش بتتكلم مع حد… افتكرت لما جه يتقدملي وهي كانت رافضه نهائي.
فلاش باك………..
بعد ما مشيوا من عندنا….
: نور الفرحة ظاهرة قوي حاولي تخفيها لأنك مش هتتجوزيه.
نور: ماما مش مصدقة انت أكتر واحدة عارفة اني بستني اليوم ده من أول ما شفته.
: نفسي أعرف فرحانه لي دا أعمي انت فاهمه.
نور: اه يا ماما فاهمه وعارفه بس أنا بقيت عيونه اللي هيشوف بيهم.
: الكلام معاكي مفيش منه فايدة.
نور: كويس عارفة لأني مش هتراجع.
الأب: اي يا نور موافقة علي ابن عمك يعني.
: وانت معاها اي عايز تتدمر مستقبل بنتك ولا علشان اخوك يعني…
الأب:لأ مش علشان أخوي علشان هي موافقة مش كده يا نور.

نور:أنا اه موافقة وحددوا معاد للجواز.
الأب: تمام هرد عليهم ونحدد المعاد ونظبط كل حاجة.
: براحتك يا نور بس خليكي فاكرة اني نبهتك.
بااااك…
نور: ليه يا ماما بلاش تك*سري فرحتي.
خلص الفرح وأنا كنت ز*علانة علشان ماما….
روحنا من بعد ما ودعتهم ورحت بيتي أنا و يوسف.
: البيت كله ليكي اعملي اللي عايزاه بس بلاش تقربي من الأوضة دي.
وشاور علي أوضة..
نور:ليه..
يوسف: بلاش اسألة ومتحتكيش بيا قوي لأنه دا هيض*رك.
نور: بس يعني انت محتاج….
يوسف: دي شقتي وحافظ كل شبر فيها ومش هحتاج مساعدة منك.
نور: يوسف طيب ممكن يعني..وسكت.
يوسف: ممكن اي قولي.
نور:ولا حاجة بس فين المطبخ والحمام وأوضتي.
يوسف: امممم…
نور: خلاص هدور عليهم.
يوسف: تدوري علي اي ابره هما علي العموم اوضتك اختاري الأوضة اللي تعجبك اما المطبخ والحمام فأهو المطبخ “وشاور عليه” والحمام في واحد في اوضتي وواحد اهو “وشاور عليه برضه”

نور: شكراً ولو احتجت حاجة فتقدر تناديلي.
يوسف: تمام..
دخل الأوضة بتاعته واللي ممن*وع ادخلها…. وأنا دخلت اوضة…
نور: هو ليه با*رد كده يالهوي لوح تلج بس لسه مش متعود.
عقلها: شكله كده مش بيحبك ومش هيحبك ريحي نفسك.
قلبها: بس هو جه اتقدملك من بين كل البنات يعني في أمل.
عقلها: كل البنات اي دا أعمي يعني مش كل البنات هترضي بيه بس انت غبيه ومسمعتيش كلام أمك.
قلبها: لأ مش غبيه انت بتحبيه وهتخليه يحبك وهتثبتي لأمك انك هتكوني سعيدة معاه.
عقلها: متضحكيش علي نفسك هو مش هيحبك.
قلبها:لأ انت هتخليه يحبك.
نور: بسسسس اي دا راسي وجعتني بطلي تفكير يا نور واللي فيه الخير ربنا هيقدمه كفاية.
نور اتوضت وصلت اهو تشكي لربها همومها هو اعلم بيها اه بس تشكي وخلاص…
نور ببكاء: يا ربي أنا هحاول اخليه يحبني يا رب ساعدني وقدملي اللي فيه الخير يا رب.
…………..
خلصت صلاة ونمت مش عارفة نمت قد اي بس مكنش نفسي اقوم بس مضطرة الصبح خلاص ولازم اصحي علشان يوسف….
تاني يوم…
نور: يوسف انت صحيت امتي.
يوسف: من بدري..
نور:عشر دقايق والفطار يكون جاهز.
يوسف: مش عايز.
نور: مش عايز اي بس اسكت كده دا بابا يقطعني لو حصلك حاجة.
يوسف: انت بنته.
نور:آباء اخر زمن بس مش مهم العشر دقايق ضاع منهم حوالي دقيقتين حرااام عليك…

نور جريت علي المطبخ وحضرت الفطار……
نور: آسفة بس انت اللي خليتني اتأخر.
يوسف: عادي أصلاً مش جعان قوي.
نور: اتفضل اقعد.
يوسف: مش عايز آكل خلاص.
نور: ليه.
يوسف: ملهش كلي لوحدك مش حابب آكل.
نور: لو مش عايزني آكل معاك كل انت وانا هاكل بعدين.
يوسف: لأ قلت مش حابب آكل خلاص مش بتفهمي.
كانت نبرته شديدة اه مش بيصرخ بس نبرة تخوف.
نور: براحتك…. علي العموم انا كمان مش هاكل تحب اعملك شاي أو قهوة…
يوسف: لأ شكراً.
نور: أنا في الأوضة لو احتجتني……
دخلت قعدت علي السرير وأنا زعلانة وببكي…

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية نور العين)