رواية ملاكي على الأرض الفصل الثامن 8 بقلم أسماء وائل

رواية ملاكي على الأرض الفصل الثامن 8 بقلم أسماء وائل

رواية ملاكي على الأرض البارت الثامن

رواية ملاكي على الأرض الجزء الثامن

رواية ملاكي على الأرض الحلقة الثامنة

صل علي محمد
نوال وملاك /حاااااسب
مروان حاول يبعد عن العربيه اللي قصاده بكل قوته والحمد لله فلت منها ووقف العربيه يهدي من الصدمه
نوال /الحمدلله يا حبيبي وابقي خلي بالك المره الجايه
مروان /الحمدلله بس ازاي جات قدامي فجأه كده دي حاجه غريبه اوي
ملاك /خلاص حصل خير يلا نرجع
وبصوا شافوا مازن عمال بعيط زي الاطفال لان الحادثه دي فكرته بموت ابوه وامه
مروان /مازن مازن حبيبي متخافش انا معاك اهدي
وشهقات مازن تعلي وتعلي حضنه مروان كنوع من الطمأنينة وفضل يطبطب عليه وملاك حزنت جدا علي هذا الولد الصغير فقيد الام والاب ولكن سرعان ما فرحت من ان الله عوضه بمروان فهو بمثابه ابيه وامه واصدقائه
نوال /خلاص يا ولاد تعالي يا مازن في حضني وانت يلا يا مروان الركب الناس بتبص علينا
مروان /حاضر يلا يا ميزو روح جمب نونا وتعالي انتي يا ملاك جمبي
ملاك بخجل /حاضر
وركبوا ووصلوا البيت بسلام
مروان /تعالي يا مازن نام معايا فوق
مازن حاول يكون شجاع قدام ملاك علشان متبصش له بشفقه زي اصدقائه/لا انا هنام لوحدي عادي متخافش عليا
مروان باستغراب وهو عارف كويس ان اخوه هيقعد يفتكر اللي حصل وهيعيط /اسمع الكلام ويلا علي الاوضه
مازن /حاضر وطلع علي الاوضه يعيط

مروان /يلا يا نونا انتي ملاك علي اوضكم
نوال وملاك /حاضر
وفعلا كل واحد طلع علي اوضته
مروان/خلاص يا ميزو فك كده بدال انا معاك متخافش وعياطك دا مش هيعمل حاجه ولا هيرجعهم لنا تاني المفروض نقرا شويه قرآن علي روحهم وندعليهم ان ربنا يدخلهم الجنه ونبقي احنا كمان معاهم فيها علشان نشوفهم
مازن بعياط /عندك حق بس انا مش قادر اتجاوز الصدمه دي مش قادر
مروان بحزن علي حاله اخوه /طب اي رايك ندخل نتوضي ونصلي ركعتين لله يمكن ربنا يفرجها من عنده ويريح قلبك يا اخويا
مازن وهو بيمسح دموعه /فكره حلوه يلا
وفعلا قاموا اتوضوا وصلوا
مازن /مروان ممكن تحكيلي عن بابا وماما لحد لما انام
مروان /حاضر يا حبيبي
وفضل مروان يحكيله لحد لما راح في النوم وجاي مروان ينام جاتله رساله ومكتوب فيها «تعيش وتاخد غيرها ابقي خليها تنفعك سلام يا مارو»

وفي الوقت دا عرف ان نور هي السبب في اللي حصل معاه وقال/والله ما هرحمك يا نور
ونام مروان وهو بيغلي من نور علشان كانت السبب في اذي اخوه
ـــــــــــ صل علي محمد 🌺ــ
عند ملاك فضلت تحلم احلام غريبه هي كانت فيها ولكن كان في ناس معاها هي مش عارفه مين دول وفضل دماغها يوحعها لحد لما قامت مفزوعه استعيذت من الشيطان وكان اذان الفجر بيأذن قامت اتوضت وصلت وفضلت تدعي لربنا انه يدلها علي الطريق الصح وانه يذكرها هي مين لان شعورها مؤلم اوي وبدات في البكاء وبعد فتره صغيره قامت غسلت وشها وعطشت ملقتش مايه في الاوضه نزلت تجيب من المطبخ وهي طالعه سمعت صوت طالع من اوضه مروان/ لا دا صوت مروان دا بيعيط وبيدعي ربنا

مروان/«يارب انا مش قادر اتحمل خلاص انا عمال اعمل نفسي قوي قدام اخويا وقدام الناس ومفيش حد عارف اللي فيا غيرك واني في امس الحاجه لوجود ابويا وامي في حياتي يارب اديني القوه والصبر من عندك واسعد اخويا في حياته الصحه علشان افضل جمبه انه يعدي المرحله دي
يا حنان يا منان استجب لدعائي انك علي كل شيء قدير»

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية ملاكي على الأرض)