رواية 30 يوم حياة 2 الفصل الثامن والعشرون 28 بقلم أميرة أسامة
رواية 30 يوم حياة 2 الفصل الثامن والعشرون 28 بقلم أميرة أسامة
رواية 30 يوم حياة 2 البارت الثامن والعشرون
رواية 30 يوم حياة 2 الجزء الثامن والعشرون
رواية 30 يوم حياة 2 الحلقة الثامنة والعشرون
يقال أن الحب الذي لا يحميه التضحية هو ليس الحب الحقيقي وأن الإنسان عندما يحب لابد له من التضحية حيث يحتاج الحب إلى مواقف لكي يثبت الإنسان لمحبوبه أنه يحبه وأنه جدير بحبه ويضيع الحب عادة بين الأشخاص الذين لا يعرفون معني التضحي💔
………………….
أشرقت شمس يوم جديد
أعلن اليوم عن بدايه حب واضح وصريح عن حياه وأمل وتفاؤل عن سعاده بعد وجع ومشوار مرهق وشاق
عن صباح بطعم زمان وريحه زمان عن بدايه مشوار وحلم
عن صباح جديد ولكن صباح بطعم الحب❣️
………….
ومع صباح جديد أنطلقت تاني أغنيه لعامر وفي خلال ساعات كانت مكسره الدنيا
الكل كان فرحان ومبسوط وأبتدت الاغنيه تتردد في كل المحلات والبيوت ووسائل النقل والسوشيال ميديا وكأنه صدي صوت الاغنيه بمثابه طرب من نوع خاص علي مسامع عامر..
حسني….مبروك ياعامر يا ابني الاغنيه حلوه اوي ومبهجه بجد
عامر….علي فكره الاغنيه دي هي اللي قولتلك عليها مفجأه فاكر لما اعدت تكلمني عن ايام زمان لما الكليب الاول نزل جاتلي الفكره من هنا وقولت لازم انفذها واعدت مع الفريق ووصلنا الفكره دي واتكتبت الاغنيه
حسني…وهو بيضربه عشان تعرف ان ابوك صاحب الفضل عليك
عامر…باس ايده طول عمرك يا حاج صاحب افضال عليا ربنا يخليك ليا يارب
حسني…بقولك ايه مش كنت تأجل حوار بعد بكره ده يا ابني وتستني شويه علي طلب ايد منار عشان صاحبك يا ابني ميزعلش
عامر….والله يا حاج ما قادر خلاص انا وهي تعبنا بما فيه الكفايه وبعدين انا هروح اقرا فاتحه ونتفق علي الشبكه يغني مش جواز احنا لسه ادامنا مش اقل من سنه علي الجواز اجيب الشقه ونظبطها لسه في مشوار وبتدين يا غم حسني عشان اي حد يشوفها معايا يبقي عارف انها خطيبتي انت عارف الدبله بالنسبالي مش كل حاجه ولا هتزود فيا اي حاجه غير ان بس احميها من اي كلمه من الناس ولو علي أنس انا عارف انه مش هيزعل والله العظيم
حسني…طلع جدع اوي الواد ده وكبر في نظري
عامر….اه والله ياعم حسني خلص كل حاجه في اعده مكدبش عليك لما روحت وشوفته وشوفت معاه منار قلقت وخوفت يكون عرف حاجه خوفت اخسره وخوفت عليها بس خلف كل توقعاتي استقبل الموضوع بطريقه هاديه انا نفسي بيتهيألي لو كنت مكانه مكنتش هعمل زيه
حسني….في ناس يا عامر يا ابني بتقدر الحب بجد والتضحيه عندها مش مجرد كلمه حافظينها لا دي بتظهر علي تصرفاتهم من غير ما يرتبولها وانس من الناس دي ربنا يارب يرزقه ببنت الحلال اللي تعوضه كل خير وتديله الحب اللي يستاهله
عامر…يارب يا بابا
خلص عامر أعدته مع ابوه وقام اتصل علي عادل
عامر….الوو
عادل…..ايه ياصاحبي عامل ايه
عامر…الحمد لله بخير بقولك ايه انا كنت عايزك
عادل….عارف عايزني في ايه مبروك مقدما يا عريس
عامر…بأبتسامه. وصدمه هي قالتلك
عادل…لا يا خويا انس هو اللي قال لسه نازل من عندنا من شويه
عامر…بأستغراب ليه
عادل….مفيش جه لابويا وخلص معاه حوار منار وقاله انه جمعكم امبارح من غير ما تعرفوا وطلب منكم تكملوا سوا
عامر…طب وابوك قال ايه
عادل…هيقول ايه هو زعلان عشان انس ومحترم جدا اللي عمله ده بس اكيد فرحانلك انت ومنار يا اخويا😏
عامر….ومالك ياض بتقولها كده ليه انت مش فرحان ولا ايه انا حتي كنت بكلمك عشان اعرفك اني جايلكم بعد بكره
عادل….مش طايقكم نشفتوا ريقنا الله يهدكم
عامر…بضحك والله شكلك متغاظ عشان مش هتبقي انت العريس المنتظر لوحدك
عادل….ما كفايه حماتي عليا😂
عامر….😂😂😂سوسو
عادل…اه يا اخويا
عامر…المهم انا كلمتك بس عشان اقولك عشان تبقي علي نور في كل خطوه بس انس سبق
عادل…الواد ده طلع جدع وراجل بجد
عامر….عندك حق هو عمل معايا جميل مش هنساه عمري
عادل….مش هوصيك علي منار يا صاحبي حطها في عينك مبقاش ليا غيرها يا صاحبي
عامر….متقلقش يا عامر منار هتبقي تاج علي راسي انا مصدقت بقت معايت
عادل…لسه يا اخويا مبقتش معاك😒😒
عامر….بضحك مش عارف ليه يا دولا يا حبيبي حاسس كده والله اعلم ان مشهد هيما وزين هيتكرر معايا🤔
عادل…بضحك ده انا هنفخك واعلقك😂😂😂😂
عامر….ربنا يبشرك بكل خير
عادل…انت هتعمل ايه الوقت
عامر…ولا حاجه عندي شغل وفي جلسه تصوير ليا انهرده واشوفكم بليل عالقهوه وحشتني الاعده معاكم
عادل…ماشي ياعم الفنان انا كمان هطلع المكتب تاني اكمل الشغل اللي كان معايا لاني سبته ونزلت لانس وبعد كده هطلع بعد شويه عالشقه عشان اوضه النوم هتيجي عالعصر كده وهنطلها وننصبها
عامر…علي خير ان شاء الله مبروك يا عريس
عادل…الله يبارك فيك يا صاحبي عقبالك
عامر…يارب يا صاحبي.يلا هسيبك تكمل شغلك واشوفك بليل
عادل…تمام يلا سلام
……..
بعد مده بسيطه نزل عامر عشان يروح شغله لكن اتردد قبل ما يمشي وكلم حاج سعيد أستأءنه انه يطلعله
وافق حاج سعيد علي طول وقاله يطلع..
بعد وقت بسيط
فاطمه وهي ماسكه العصير اتفضل يا عامر
عامر…تسلم ايدك يا بطوط
فاطمه.بألف هنا يا حبيبي
حاج سعيد…عامل ابه يا عامر يا أبني
عامر….كله تمام يا حاج سعيد….سكت شويه بتوتر ورجع اتكلم بص يا حاج سعيد انا كنت جاي اصلا عشان اتكلم في موضوع وعرفت من عادل ان انس جه وسبقني
حاج سعيد…انس قال كل حاجه يا ابني و حكالنا
عامر…. طيب انا طبعا هاجي تاني انا وابويا واخويا بس انا حابب قبل ما اجي اني اقرر طلبي تاني في اني اطلب منك ايد منار
حاج سعيد….يمكن يا ابني اضايقت عشان انس لانه شاب كويس ومحترم بجد بس انت عارف رأي فيك يا عامر وكفايه ان بنتي بتحبك وقلبها معاك
عامر….وانا اوعدك يا حاج سعيد ان منار معايا هتبقي جوه عيني
حاج سعيد …عارف يا ابني ربنا يسعدكم ويفرح قلبنا بيكم ويبعد عنكم الحزن
عامر…يارب يا حاج سعيد. وانتي يا بطوط ايه رأيك
فاطمه…بفرحه ياواد انت عارف رأيي انا قلبي كان واجعني عليك انت ومنار كفايه اوي اشوف الفرحه اللي في عينك وعينها خصوصا هي من ساعت ما جت امبارح وهي جواها سعاده الدنيا خلي بالك منها يا عامر وحطها جوه قلبك منار غلبانه ومش هتلاقي زيها
عامر….عارف من غير ما تقولي يا بطوط هتوصيني عليها بردو
فاطمه…ربنا يسعد قلبكم واشوف السعاده ديما علي وشكم يا ابني
عامر…يارب يا بطوط طيب انا هستأذن بقي عشان عندي شغل واحنا علي معادنا ان شاء الله بعد بكره يا حاج سعيد
حاج سعيد…تنورا وتشرفوا اي وقت
نزل عامر وكان نفسه يلمح منار او يسأل عليها لكن معرفش
اما منار فكانت بتسمع كل حرف من ورا باب اوضتها وبمجرد ما نزل راحت فاطمه علي الباب فتحته وشافتها وهي بتحاول تسمع
فاطمه….بأبتسامه مبسوطه يا اختي خلاص
منار…بفرحه اوي يابطوط اوي حضنتها فاطمه وفضلت تطبطب علي ضهرها بفرحه
عدي اليوم بسرعه والليل دخل عليهم…
……..
هيما….منه منه بت يا منه
منه…اممم
هيما…هو ايه اللي اممم انتي من ساعت ما اتغدينا وانتي نايمه عالكنبه دي قومي طيب نامي عالسرير عشان تفردي جسمك نومتك دي غلط عالحمل
منه…طيب طيب
هيما…يابت قومي عشان اطمن عليكي قيل ما انزل القهوه
منه….انت هتسبني وتنزل
هيما….شويه بس وهكلع بقالنا كتير متجمعناش كلنا وبعدين هو انت اعده معايا انتي علي طول نايمه
منه….قامت اعدت بتعب مش عارفه الدوا اللي الدكتوره كتبتهولي ده بينيمني كتير كده ليه انا والله نا عايزه انام
هيما….معلش يا قلبي هي قالت عشان الترجيع اللي بيجيلك ده يخلصوا بس ال3 شهور اللي قالت عليها وتبطليه
منه….بحب ماشي يا حبيبي هو انت زعلان مني عشان بنام واسيبك
هيما…لا طبعا نامي وارتاحي انا اصلا مش عايزك تقومي من مكانك خالص عشان الحمل ميتأثرش واللي بس تعوزيه انا هعملهولك
منه…ربنا يخليك ليا يا هيما
هيما…طب يلا قومي تعالي نامي جوه شويه وانا هنزل اعد مع الشباب ولما اطلع هجبلك اكله حلوه انتي بتحبيها ونأعد مع بعض شويه
منه….ماشي يا حبيبي
دخلت منه مع هيما نامت عالسرير غطاها وباسها من راسها وقفل النور وشغل نور بسيط ونزل عالقهوه..
……..
ادهم توته بت يا توته
توته…ايوه يا ادهم انا هنا
دخل ادهم علي صوتها لقاها بتحمي احمد.
ادهم…..ايه ده ايه اللي انت عامله في نفسك ده اول ما احمد شافه فضل يطلع وينزل بفرحه
ادهم…ياض مش مكسوف وانت عريان كده
فضل احمد يضحك وباين سنتين صغيرين 😍🙈
ادهم…يالهوي عالناس الحلوه دي
توته….شوف الجزمه ضحك وبيرقص لما شافك ازاي
ادهم…ده حبيب ابوه ده امال فين كيمو
توته…حميته ودخل يلعب في الاوضع ومعاه ست نجوي
ادهم….يابت هي مش نجوي دي انا جبتها عشان تساعدك وتريحك انا مش بشوفك مرتاحه ليه المفروض طول ما هي موجوده تنامي وترتاحي عشان لما هي تمشي والعيال تقلق تبقي مش تعبانه
توته….ماهي مفايه عليها بتشيلهم وتساعدني فيهم شويه وبصراحه عي ما بتأعدتش خالص علي طول ابدها بأيدي وبصراحه انا مقدرش اعد وهي تفضل تشتغل بتصعب عليا وبتحرج دي اد امي ولا اكبر يا ادهم
ادهم….يابت ده شغلها وهي هتاخد عليه فلوس وانتب عارفه بعيد عن مرتبها انا مش بسيبها في اي حاجه عشان تختم بيكي والعيال اكتر
توته…عارفع يا حبيبي بس والله ما بعرف وعموما لما بحس اني مش قادره بسيبها وادخل اريح
ادهم…اللي تشوفيه ياتوته المهم عندي اني اشوفك مرتاحه ومش تعبانه
توته…ربنا يخليك ليا يا ادهم ونيحرمنيش من حنيتك عليا ابدا
باسها ادهم من راسها وباس احمد…يلا يابت لبسي الواد هيبرد والواطي فرحان عشان مش لابس
توته….طالع لابوه بيكره الهدوم🙄
ادهم…بضحك طب بلاش.احسن والله ما انزل
توته…بضحك لا خلاص انا اسفه
ادهم….بقولك ايه انا هنزل شويه اعد مع العيال تحت
توته…ماشي يا حبيبي
ادهم…مش عايزه اي حاجه اجبهالك في عندك حاجه ناقصه
توته…لا يا حبيبي عيزاك طيب كل حاجه موجوده
ادهم….ماشي لو احتاجتي اي حاجه قوليلي وعموما هكلمك قبل ما اطلع لو عايزه حاجه قوليلي
توته….ماشي خلي بالك من نفسك لابس كويس
ادهم…اه متقلقيش لبسي انتي الواد يلا وغيري انتي كمان ابن الكلب ده غرقك خالص هتتعبي
توته…بضحك حاضر هلبسه واديه لست نجوي وادخل اخد دش
ادهم…ماشي يلا سلام
توته…سلام يا قلبي😍
……..
في منزل زين
خبط الباب فتح زين
زين…تعالي يا چو
يوسف….يلا ياعم الشباب عالقهوه مستنينك
زين…ازيك يا روحيه
روحيه….انت مين
زين…لا بعدين مش فاضيلك انا🤔😂😂
مديحه…روحيه حبيبتي عامله ابه
روحيه…مدييييحه😍
يوسف…روحيه عايزه تأعد معاكي يا ديحه
مديحه…ياسلام دي نورتني تعالي انا عامله رز بلبن وعامله الكيك اللي بتحبيه هعملك كبايه شاي بلين واحبلك الكيك
روحيه…طب والرز بلبن شوف الوليه الناقصه استخسرته فيا😒
ضحكوا عليها كلهم
يوسف…الله يكسف يا روحيه
زين….ياروحين ماهي قالتلك هأكلك رز بلبن بردو
مديحه…سيبها دي مفتريه انا هسافر تاني واسيبها
روحيه…لا خلاص ده انتي حبيبتي 🙄
يوسف…مصلحه مصلحه يعني مفيش كلام
زين…استني جايلك يا چو
يوسف…ماشي هستناك بره
دخل زين خبط علي اوضه وعد ودخلها كانت اعده بتذاكر
زين…حبيبي انا نازل القهوه عايزه حاجه
وعد…هتتأخر
زين…لا ياحبيبي شويه وهاجي عايزه حاجه ولا ايه
وعد…لا بس كان في جزء صغير كده عيزاك تراجعه معايا
زين….طب خلاص انا هأعد معاكي
وعد…لا لا خلاص انزل انا كده كده لسه مخلصتش هسيبها بقي للاخر لما تيجي
زين….طيب خلاص واول ما اجي هشرحهالك قوليلي بقي عايزه حاجه اجبهالك
وعد….بونبوني😂😂😂
زين…بضحك حاضر وهجبلك كمان عصير الشوكولاته باللبن بتاعك عشان لقيته خلصان من التلاجه
وعد…بحبك يا زينوووو
زين…وانا بموت فيكي يا قلب زينووو باسها من راسها وخرج من البيت وراح هو ويوسف عالقهوه.
……..
اتجمعوا كلهم باركه لعامر علي الاغنيه.
عادل…بخبث بقول ايه باركو لعامر كمان عشان هيبقي عريس
سكتوا كلهم فجأه وبصوا لبعض
زين…عريس ازاي يعني😡
عامر….شوف قلب وشه ازاي 😂😂😂
زين…بجد عريس ازاي
عادل…ايه هيخطب
زين…نعم طب وو….قطع كلامه وبص لعادل
عادل…قولها قولها ياخويا ومنار صح
زين…بصراحه اه
عامر….ما انا هخطب منار يا اخويا انا اقدر اخطب غيرها
ايهاب…نعم ياروح امك وانا امك من يعلم يا واطي
هيما…استني بس طب ازاي
حكالهم عامر الله حصل وشاركه الحكايه عادل وكلام انس..
الكل فرح فرحه متتوصفش وباركه لعامر وعادل بفرحه وحب وكأنها خطوه استنوها كتير
زين…فرحت قلبي ياعامر والله العظيم
ادهم…كنت واثق ان هيحصل كده فالاخر بس بجد انس ده جدع مفيش منه
هيما…بصراحه اه عيل متربي ومحترم وراجل
عادل….اوي لو تسمع كلامه بجد هتحترمه اكتر
يوسف….المهم ان عامر ومنار خلاص هيبقوا مع بعض
صالح…مبروك يا صاحبي
صلاح…مبروك يا عامر مبروك يا عادل لمنار
عامر…الله يبارك فيكم يارب
زين….واد ياصالح انت ولاحه مش عاجبني مالكم انت. زعلانين مع بعض ولا ايه
صلاح…لا طبعا هزعل من اخويا
زين…امال مالك ياض قالب وشك ليه
صلاح….مفيش
عامر…لا في طبعا انت ساكت ودي حاجه ضد طبيعتك اصلا
ادهم….اكيد اختك مطرقعاله هما الستات كده مش سهلين
ابهاب…مالك ياض انت زعلان مع شهد ولا ايه
صلاح…لا والله ابدا ياريت الدنيا ملها في حنيه شهد
ادهم…ياعم ياعم امال مالك يابوز الاخس
صلاح…كان نفسه يتكلم بس مش قادر ازاي هيقول ان العيب منه وازاي حتي يقول انه من شهد اللي دافعت عنه وقالت ان العيب منها هي …سكت شويه وبصلهم مفيش بس روحنا للدكتوره عشان نشوف حوار الحمل قالت ان الحمل هيتأخر شويه محتاج علاج يعني محتاج فتره
سكتوا كلهم وبص صالح بطرف عينه لصلاح عرف انه مش حابب يقول ان العيب منها…
واتصدم عامر وايهاب
زين…طب وايه يعني ادام في علاج يبقي مفيش مستحيل
ادهم…زين معاه حق انتوا لسه عرسان جداد اتأخر الحمل شهر اتنين تلاته سنه اكتر مش مهم المهم انكم مع بعض وكل حاجه بالعلاج بتتصلح
يوسف….فك كده ومتبينش لمراتك انك مضايق
صلاح…انا مش مضايق عشان الحمل والله العظيم انا مضايق عشانها اه انا بحب العيال اوي بس هي كمان بتحبهم اكتر وكان نفسها في عيال
عامر…في ايه ياعم مالك بتتكلم كده علي ان الحمل مش هيحصل ما الدكتوره قالت محتاجين وقت فين المشكله
صلاح…المشكله اني شهد وجعاني وعارف انها اتصدمت
ايهاب….هي الدكتروه طيب قالت انها ممكن تحتاج عمليه
صلاح…لا هو العيب مش في شهد او فيا هو الحمل عموما في جوازنا مع بعض محتاج علاج لينا احنا الاتنين
عامر…طب عادي خدوا العلاج ياسيدي ولحد ما الحمل يحصل متنكدوش علي نفسكم اعتبروا نفسكم في شهر العسل لسه
زين…فعلا عيشوا حياتكم طبيعيه يا لاحه عشان نفسيتكم متأثرش علي الحمل وصدقني لو شيلتوه من دماغكم مع العلاج الحمل هيحصل
ابهاب…سيبها علي الله يا لاحه
صلاح…ونعم بالله
خاولوا الشباب يتكلموا معاه ويهزروا عشان يفكوه شويه وفعلا اتجاوب معاهم صلاح.
زين…وانت بقي مالك قالب وشك ليه
بصله صالح ومن غير اي مقدمات رمي في وشهم القنبله.
صالح…انا هطلق بوسي
الكل في نفس واحد بصدمه…أييييييبه😳
ادهم…انت ياض عبيط ولا بتستعبط
عادل…في ايه ياصالح طلاق ايه يا جدع
زين….حتي لو في مشكله يا صاحبي متوصلش للطلاق دي بوسي بردو
صالح….قفلت زي الدومنه والله يا زين خلصت خلاص
هيما….طب في ايه ياجدع الامور مبتتاخدش كده ايه اللي حصل لكل ده.
صالح. حكالهم اللي حصل كله بالحرف وقالهم علي اتفاقها معاه ان الطلاق يتم بعد جواز شمس وامها.
ادهم….فكك من حوار الطلاق ده عشان مش هيحصل ياصالح ولو علي بوسي انا وتوته هنأعد معاها نقنعها تشيل حوار الشغل ده من راسها خالص وكفايه عليها المحل
صالح…حتي المخل يا ادهم انا مش موافق عليه راضيه علي كده راضيه مش راضيه هي حره هي اللي اختارت
زين….بس انت كده بتتلكك ياصالح اظن الملام ده فتحناه مع بعض قبل كده وقولتلك بوسي من صغرها بتشتغل يعني صعب عليها تسيب شغلها اللي جرب الشغل يا صاحبي ميقدرش يأتد منه خصوصا ان بوسي بتحب شغلها بجد
صالح…طب ما توته قررت تسيب شغلها عشان تبص لبيتها
ادهم….لا في اختلاف توته مابتنامش ياصالح معاها توأم العيال مطلعبن عينها وهي حست انها هتقصر معاهم ومع بتها قالت من نفسها انها مش هتكمل
صالح…طب ما بوسي مسيرها تحمل وادام الخطوه دي جايه جايه يبقي تسيب من الوقت وتسمع كلامي مش تعند
ادهم….في فرق يا صالح اولا انا معترضتش عمري علي شغل توته لاني عرفتها من وهي بتشتغل وحبيتها وهي بتشتغل واتجوزتها كمان وهي بتشتغل واحترمت فيها وقفتها مع امها واختها بطولهم شايلين الشغل وواقفين وقفه راجل عمري ما شوفت عليها هي وامها واختها حاجه لا عندهم دلع ولا مياعه حتي لبسهم مش زي غيرهم من بنات كتير شغالين في كوافيرات لا كانوا واخدين شغلهم جد بيجروا ورا لقمه العيش توته كانت شايله المحل فعلا بس الكل يشهد ان الكلب كان علي بوسي وشغل بوسي توته شاطره بس توته بنفسها بتعترف ان بوسي اشطر منها هما اه اختين بس كل واحده ليها طموح مختلف توته تعبت وحابه ترتاح وخلصت مشوارها فالشغل بدري انما بوسي حابه الشغل يبقي ليه لا ياصالح وبعيدا عن حوار المحل بتاعهم اي مشكلتك انها تشتغل بره ادام انت اصلا كنت سايبها تشتغل ليه متحاولش تجرب بره في مكان احسن مش عيب هي شاطره ومش مجرد كوافيره عاديه في حي شعبي اللي بيخرج من تحت ايد بوسي بيبقي ولا نجوم السيما وده يدل علي انها محترفه وغاويه وعندها موهبه
عابز تقنعني ان لما توته قالتلك انها هتأعد مفرحتش
ادهم…لا والله العظيم عادي يعني مفرقش كتير بالنسبالي انا الاهم عندي راحتها هي انا بخرج الضهر برجع بليل يوم ما ارجع بدري ابقي علي 12ولو عندنا تدريب برايڤت بخلص عالفجر يعني طول اليوم هي لوحدها ايه المشكله لما تشتغل وتغير جو ليه اسيبها الوقت ده كله فالشقه لوحدها وسط عياط عيلين صغيرين مبفصلش دي بني ادمه ومحتاجه تغير جو حتي لو تغيير الجو ده فالشغل وبعدين الشغل بيخلي مفيش خناق ومشاكل وشكاوي احنا الاتين بنخلص شغل بليل هي اه بتطلع بدري عني بس بنبقي واحشين بعض لا عندنا وقت لخناق ولا مشاكل وقولتها لتوته لما قالتلي انها قررت انها هتأعد قولتلها اللي يريحك اعمليه ولو حابه تاخدي وقت وتأعدي ترتاحي اعملي كده بس لو حبيتي ترجعي مش هقولك هتقولي بحبها طب ما انا بحب توته وهي لسه عيله عندها 14 سنه يعني اللي بينا عمر تاني
هتقولي بغير ومين فينا مبيغرش علي مراته او اللي منه بس في ثقه يا صاحبي
صالح…شغل الكوافير ده مش جاي علي هوايا يا ادهم بصراحه مش بحسه غير شغل شمال
ادهم…بعصبيه واضحه خد بالك من كلامك يا صالح توته اشتغلت وهي بميت راجل حماتك اشتغلت وهي بميت راجل حتي بوسي جدعه وبنت بلد وتحط صوابعها في عين اللي يقرب منها كفايه اوي الكلمتين اللي سمعتوهملها وحسستها انها رخيصه لما قولتلها علي شغلتها انها مش جايه علي هواك انا لو منها ما بصش في وشك
صالح…يا ادهم افهم انا مقصدش انا واثق فيهم وعارف توته وامها كويس والا مكنتش اتجوزتها بس انا فعلا بغير غليها
زين…لا ياصالح دي مش غيره ده تحكم ما كلنا بنغير زي ما ادهم قالك ومش هقولك عدم ثقه لان بردو شايف انك لو مش. اثق فيها مكنتش اتجوزتها انت حابب بوسي زوجه وبس عابزها تأعد فالبيت تنضف وتعمل اكل واخر اليوم تستناك علي سنجه عشره وبس انما هي عايزه ايه مش مهم
صالح…طب وايه يعني الست مكانها بيت جوزها
زين….مش كل الستات بترضي بده خصوصا ست زي بوسي هي واخده عالشغل صعب تأعد بسهوله الا لو كان قرار جاي من جواها زي توته
قولتلك قبل كده ياصالح عمر الشغل والطموح ما كان عيب
مراتك عندها موهبه اقف معاها وشجعها ولو قدرت تكبرلها شغلها متترددش لانها فالنهابه ادام عينك لكن انت مسمعتش مني لا وكمان جاي مره واحده تدخل كله في بعضه وتقولها بالمره بقي ماهي كملت ان حتي محلها تنساه ده انت لو قاصد تخلص منها مش هتيجي كده
صالح…..خلاص بقيت انا الظالم الوقت والمفروض اني اسكت واسمع كلامها
عادل…هو مش عند يا صالح وياتسمع كلامك يا نفضها سيره شمس اللي مبتشتغلش ولا ليها في شغلهم من الاساس لما كانت تطلب مني انها تنزل تقف معاهم في المواسم عمري ما اعترضت
صالح…عشان مساعده مش شغل دايم
عادل…لا علي فكره انا في مره قولت لشمس بدل ما تفضلي طول اليوم اعده لوحدك لو حابه تنزلي تشتغلي معاهم انزلي هي اللي رفضت وقالتلي انها مش حابه وملهاش فالشغل
زي ما ادهم قالك بتختلف من ست لست في ستات بيحبوا اعدت البيت وفي ستات بتحب الشغل بجد وفي ستات بتشتغل عشان مرتب بيجيلها كل اول شهر ولو اتعرض عليهم الراحه وتوفير الفلوس هتأعد من غير تفكير لانهم بيشتغلو بس عشان الدخل يزيد مش عشان هما حابين الشغل
زين….المفروض انك تقف معاها مش تحسسها ان هي ولا حاجه ايه المشكله لما تنجح وتجرب ادام في حدود معينه مش هتتخطاها
صالح….وانت ناوي تعمل كده مع وعد
زين….انا عملت كده فعلا ومكلم حد يشغلها معاه لحد ما تصلب طولها وتعرف تتعامل وتفتح مكتب هندسه لوحدها
صالح…بس اديك قولتها اهو هندسه مش كوافيره يا زين يعني في فرق
زين…بغضب منه. الفرق في دماغك انت واللي زيك يا صالح بالنسبالي مفيش فرق بالعكس ممكن بوسي تنجح وتعمل اللي وعد مقدرتش تعمله وتبقي اكبر ميكب ارتست مشهوره ووعد متقدرش تحقق اي حاجه
كل واحد في مجاله شاطر يا صالح بوسي متعرفش تعمل اللي وعد بتعمله وكذلك وعد متقدرش تعمل اللي لوسي بتعمله….مفيش فرق في المهن يا صاحبي دكتور مهندس عايز اقولك لو خياطه وشاطره لازم تلاقي اللي يقف جمبها ويدعمها يمكن في يوم تجتهد وتكبر وتبقي من اكبر مصممين الازياء الخياط هو نفسه مصمم الازياء الكوافيره هي نفسها الميكب ارتست بتختلف المسميات مع اختلاف المهارات يا صاحبي
صالح….وانا مش عايزها تشتغل اظن ده حق من حقوقي اني ارفض اي حاجه مش حاببها
زين…حقك وهي كمان حقها توافق علي شرطك او لا زي ما انت حر هي كمان حره
صالح…بس لو عملت كده يبقي عمرها ما حبتني لو فضلت شغلها عليا يبقي متستاهلش
زين….هو يا اما توافق علي الانت عايزه يا اما تبقي مبتحبكش طب ما انت لو بتحبها بجد يا صالح هتقف معاها هتفرح لو شوفتها بتكبر هتحب نجاحها
هيما…مش معني انها بتحبك يا صالح انها هتلغي نفسها يا صاحبي بصراحه انا مش معاك
يوسف…راجع نفسك يا صالح
صالح….انا خلاص قررت معاها اسبوع لو حبت ترجع في كلامها معنديش مشكله محبتش كل واحد هيروح لحاله وتروح بقي تشوف طريقها اللي انا عارف انها هتفشل فيه بس المهم محدشيفتح الموضوع ده ادام اي حد عشان اختها وامها ميتنكدوش
ادهم…بسخرين فيك الخير والله
زين….اعمل اللي انت عايزه يا صاحبي بس انا واثق انك انت اللي هتندم مش هي
……………
مر الاسبوع بكل تفاصيله
فرحه عامر ومنار اللي كملت بعد قراءه الفاتحه والاتفاق اللي تم فيه ان شبكتهم خلال اسبوعين..بعد فرح يوسف ومريم
خلال الاسبوع ده اتجمعوا البنات وستات الحاره فرشوا لشمس شقتها وسط فرح وسعاده بينهم
عامر وايهاب اتكلموا مع شهد وحبوا يخففوا عنها الزعل ويطمنوعها ان ربنا هيكرمها في اقرب وقت وعرفتهم شهد ان العيب منها مش منهم ووقتها عرف عامر وايهاب انه. هو خبي ده وقال ان هو كمان هياخد علاج واعتبروه موقف رجولي واطمن ا علي اختهم معاه اما صلاح وشهد قربوا من بعض واتكلموا وحاولوا يطمنوا بعض وينسوا موضوع الحمل ويسلموا امرهم لله بعد عرض صلاح لاخر مره طلبه في انهم يبعدوا وتشوف حياتها لكن رفضت شهد بشده…خلصت وعد اخر مادتين في الامتحانات وهي راضيه عن حلها وفي انتظار النتيجه…
خلال الاسبوع ده كمان اتعرض علي عامر اعلان لمنتج ووافق علي طول…والفرحه الاكبر لما اخيرا مضي ايهاب عقد مع نفس شركه الانتاج اللي عامر بيشتغل فيها وكأن الشركه بتعلن عن ولادت نجمين وظهورهم للنور.
اما صالح وبوسي فا الكلام بينهم كان الصمت.💔
أشوفكم بكره مع
فرح شمس وعادل
يوسف.ومريم
يتبع…
- لقراءة الفصل التالي : اضغط هنا
- لقراءة باقي حلقات الرواية اضغط على (رواية 30 يوم حياة 2)