رواية 30 يوم حياة 2 الفصل التاسع والعشرون 29 بقلم أميرة أسامة
رواية 30 يوم حياة 2 الفصل التاسع والعشرون 29 بقلم أميرة أسامة
رواية 30 يوم حياة 2 البارت التاسع والعشرون
رواية 30 يوم حياة 2 الجزء التاسع والعشرون
رواية 30 يوم حياة 2 الحلقة التاسعة والعشرون
في صباح يوم جديد مليئ بالاشراقه والامل والحب والسعاده اتجمع البنات وراحوا مع بعض الكوافير عشان تستعد شمس لليله عمرها….
اما الشباب فكانوا مستعدين من اول النهار عكس البنات اللي يومهم مليان
وقف الشباب كلهم مع عادل وهو بيحلق كان في قلب محل الحلاق فرح بسبب عامر اللي الاعده مش خاليه من الضحك بسببه..
عامر….ولا يا چو معاك ولاعه
يوسف…اه ليه
عامر ..مفيش ولاعتي خلصت
يوسف…ومالك بتوشوشني كده ليه
عامر..اصل عايز اولع صاروخ وارميه تحت رجل عادل
يوسف…الله يخربيتك كش هتبطل مقالب وجنان وربنا الحلاق يطير ودنه بالموس
عامر…بضحك ياعم متخافش انا هرميه وهو بعيد عنه
يوسف…ياض انهرده فرحه أعقل
عامر…ياعم هات بقي متخافش
يوسف…ربنا يستر بقولك ايه لو خصل حاجه انا مليش فيه
عامر…متخافش لو حصل حاجه هقوله يوسف اللي اداني الولاعه
بعد يوسف ايده عنه اوعي ياض مش مديك حاجه
عامر…بضحك ياعم بضحك هات بقي
يوسف…😒😒امسك يا اخره صبري
خد عامر الولاعه بهدوء وطلع من جيبه صاروخ بمجرد ما يولع بيفضل يضرب ورا بعض ويتحرك فالارض باصوات كتيره
عامر….بقولك يا سامح معلش تعالي
قرب منه سامح الحلاق
سامح.. ايه يا عامر
عامر…بضحك بقولك ايه انا عايز احدف صاروخ تحت عادل خلي بالك بس احسن انت تتخض وتطير ودنه
سامح…بضحك الله يخربيت عقلك هيقوم ينفخك
عامر….بضحك لا ما انا هحدفه واجري انت مش شايف باقي الجتت اللي واقفه وهتتصرع لما ارمي الصاروخ
يوسف…ده لو زين ولا ادهم قفشوك هتاكل علقه محترمه
عامر….لا مانت تحوش عني وانت يا سامح عليك تمسك عادل😂
سامح بضحك….رينا يستر
راح سامح وقف يكمل حلاقه وعينه علي عامر لحد ما يديله الاشاره.
زين….اتوصي بعريسنا يا سامح
سامح…احلي عريس ان شاء الله
عادل…حبيبي يا سامح
وبسرعه غمز عامر سامح اول ما شاف الشباب بيتكلموا مع بعض بعد سامح لورا وعمل نفسه بيظبط حاجه في مكنه الحلاقه
ولع عامر الصاروخ براحه وبطريقه مش ملحوظه حدفه تحت رجل عادل وقام وقف قرب من الباب وفاللحظه دي فرقع الصاروخ الكل اتسرع حتي عادل اللي وقف بسرعه وهو حاطط ماسك علي وشه والفوطه علي ضهره ومان هيقع
جري عامر
عادل…وربنا ما هسيبك
زين…امسك يا ادهم ابن الجزمه ده
هيما…وربنا ماهسيبه قطعلي الخلف
قفشه زين من قفاه
عامر….الحقني يا يوسف
يوسف….معرفكش
عامر…طب وربنا بقي كان مديني ولاعته
يوسف….استنوا بس هو اللي صمم كنت فاكره هيشرب سيجاره
عامر…بصدمه ايه ده ياض يا سامح الحق
الكل انتبه مكان ما بيشاور جري بسرعه عامر علي بره
زين…ياض يا ابن ال….😡
عامر ..بضحك اللي يحصلني يكسرني
ايهاب….هنجيبككككك
عامر…فضل يجري وهو بيضحك😂😂
عدي الوقت بسرعه
….
في قاعه كبيره اجتمع الكل بعد زفه كبيره اتجمع الكل جوه القاعه حتي عادل اللي فضل مستني عروسته تدخل
وبعد وقت بسيط ابتدت الموسيقي تعلن عن دخول العروسه…اتفتح باب القاعه وظهرت شمس وهي في ايد أدهم وسط زغاريط وتصقيف من الجميع وصل ادهم ادام عادل حضنه وباركله وباس شمس من راسها وسلمها لعادل ..كانت شمس زي القمر بفستانها الابيض وبعد وقت بسيط ابتدا كتب الكتاب تعالت الزغاريط والفرحه كانت ظاهره علي ملامح الجميع وبعد ما كتب الكتاب خلص كتب احمد العربي كتابه علي سهير وسط الناس كلها الكل كان فرحان والفرحه الاكبر لسهير اللي كانت تستحق انها تفرح وترتاح اخيرا بعد ما تمت رسالتها وجوزت بناتها واطمنت عليهم قرب منهم الكل يسلموا عليهم ويباركولهم
توته…مبروك يا سوسو مبروك يا احلي عروسه
سهير…اختشي يابت
توته…الله بباركلك مالك عامله عروسه و مكسوفه بقي
سهير….عامله ايه انا فعلا مكسوفه حاسه ياختي اني عامله عامله
مديحه…ياوليه انتي مش عارفه تفرحي وعملت ايه اللي انتي عملاها بعد الشر انتي متجوزنه علي سنه الله ورسوله
فاطمه…اتبسطي وافرحي والنبي انتي عروسه زي القمر انتي احلي من البت شمس
شمس….اه والله يا امي طالعه زي القمر مبروك يا سوسو هنتجوز مع بعض
حضنتها سهير….انتي اللي قمر يا حبيبتي ربنا يكملك علي خير يارب
توته…السؤال بقي مين فيكم اللي هيروح صباحيه التاني😂😂 اكيد هتشحطتوني معاكم
سهير…شوفو البت القليله الادب يابت اختشي
قربت منها بوسي وعلي وشها ملامح حزن غير عاديه.
بوسي….مبروك يا امي
سهير….الله يبارك فيكي يا بوسي عقبال ما أشيل عوضك يارب
اترمت في حضنها بوسي وأنهارت من العياط
سهير….بت يا بوسي مالك
توته….في ايه يا بومه بتنكدي عليها ليه
مديحه…نكد ايه بس دي فرحانه
بوسي…رفعت وشها وباست امها
سهير…انتي يابت مضايقه ولا ايه مش انتي وافقتي
بوسي..بأبتسامه مصطنعه مضايقه ايه بس يا امي انا فرحانه والله زي ما خلتي مديحه قالت وبعدين بزمتك هو عم احمد يتساب ده موز لولا صالح كنت اتجوزته انا
ضحكوا كلهم علي بوسي وراحت لشمس حضنتها وباركتلها
وابتدا الفرح وسط رقص وفرحه من الكل رغم فرحت بوسي وصالح بيهم لكن كان جواهم حزن كبير وكان واضح اكتر علي بوسي
رقص احمد العربي هو وادهم وهيما وعادل مع بعض بالعصايه ووسطهم الشباب كلهم اما البنات فكانوا مع شمس بيرقصوها
بعد مده بسيطه أفتتحوا البوفيه والموسيقي العاديه أشتغلت.
….
زين….وعد كلي حاجه
وعد….لا مش قادره خالص انا مصدعه اوي
زين…مالك
وعد…مفيش صداع من الاغاني العاليه دي بس
زين…طيب كلي حاجه بسيطه
وعد…مش قادره والله انا عايزه اشرب بس عطشانه اوي
زين…مدلها ايده طب تعالي مسكت وعد ايده وراح بيها علي بره
هيما…علي فين
زين…هجيب مايه لوعد
منه….انا راحه اعد رجلي وجعتني من الكعب
زين…روحي كلي حاجه عشان الحمل احسن تتعبي
منه…وانت سأل فيا يا اخويا كفايه عليك ست وعد
وعد…🤨🤨يابت انتي مستقصداني والله ماكلت
منه ..بضحك ايوه هو كده لو عاجبك
زين…بس كده روحي اعدي وهرجع اعملك احلي طبق
هيما….لا يا اخويا روح انت انا هروح اكل مراتي وبنتي
زين….اشمعني بنتك
هيما…اصلي عايز بنت وهسميها منه ليك فيه
زين….وهو بيعض علي سنانك وربنا لما ارجعلك
هيما…بضحك اجري يامنه هياكلني 😂😂😂😂
خرج زين مع وعد وهما بيضحكوا جابلها ازازه ميه وعصير من اللي بتحبه
زين….امسكي يلا اشربي واشريس العصير ده
وعد…لا هات الميه بس قولتلك مش هقدر اشرب او أكل وانا تعبانه كده
زين…لا هتشربيه انتي وشك مش مظبوط من يوم ما خلصتي الامتحانات المجهود بتاع المذاكره وتوتر الامتحانات باين عليكي يلا اشربي بلاش دلع
وعد….هرجع يا زين والله
زين…لا مش هترجعي اشربي يلا
وعد…حاضر
خلصوا ورجعوا تاني علي جوه وبعد وقت بسيط رجعوا تاني للرقص
يوسف….ياروحيه اعقلي مش هفضل اجيبك كل شويه من وسط الناس وبعدين كوشه ايه اللي انتي عايزه تأعدي عليها دي بتاعت العرسان يا اما
مديحه…متسبها براحتها يا واد يا يوسف
يوسف…منزلها بالعافيه
مديحه…يعني هما اعدين اوي ماهم بيرقصوا تعالي ياروحيه معايا وهصورك كمان عالكوشه
روحيه….من غير عريس
جه من وراهم عامر ونزل راسه بطريقه مضحكه انا العريس يا روحيه
روحيه…مسكت فيه بطريقه مضحكه اهو العريس اهو
نعمه…بضحك الله يجازيكي يا روحيه
منار…بضحك عريس يا ماااي
ضحك ا كلهم علي منار اللي رجعت من تاني بخفه دمها اللي اختفت من بعد موت كريم
بصلها عامر بحب ومدلها ايده تعالي نتصور مع روحيه
راحت معاهم منار اعدو التلاته علي الكوشه وروحيه في وسطهم ولقطتلهم مديحه صور جميله
عامر…بقول ايه ياروحيه ما تقومي ناخد صوره انا ومنار نجرب الكوشه كده قبل فرحنا نعمل بروڤه يعني
روحيه …انت ياواد بتبيعني عشان البت دي🤔
منار…بضحك لا طبعا حد يقدر يبيعك ياروحيه ده انتي قمر
روحيه…بابتسامه والنبي انتي اللي قمر انتي مين ياب🤔
عامر…مرات ابويا يا روحيه انا غلطان اني جيت اتصور معاكي
مديحه….بضحك خد عروستك وامشي مش هتسيبكم وسيبها انا هصورها
خد منار وراحو مع بعض للشباب يرقصوا معاهم
مد عادل ايده لمنار عشان ترقص كانت مكسوفه ورفضت فضل يتحايل عليها وهي مكسوفه مسك عامر ايدها ودخل بيها لعادل رقصها معاه وفضل يرقص معاهم كانت حاسه انها بتحلم ❣️
قربها عادل من حضنه وفضل يرقص بيها وسط دموع منار اللي نازله بفرحه وحب …بعد وقت بسيط
خد عامر المايك
عامر….اس اس اس واحد اتنين تلاته اوعيييي
ضحكوا الكل علي عامر
عامر…بضحك بجرب المايك بتضحكوا عليه
ادهم…بتعمل ايه
عامر….مبدأيا كده عايز اسلم علي كل الموجودين. احد واحد نورتونا وعايز ابارك للعروسه اختي وبنت حتتي
شاورلته شمس من بعيد
عامر…وهايز ابارك لاخويا وصاحبي وحبيبي العريس مبرك يا حبيبي ربنا يسعدك ويفرح قلبك انت وشمس فالحقيقه انا قولت لازم اعمل حاجه تفرحك وانت عارف انا هديتي لازم تكون مختلفه
عادل…بضحك من بعيد يبقي مقلب ما انا عارف😂😂
عامر…بضحك 😂😂لا لا والله مش مقلب
طلع زين وقف جمبه ومسكه من كتفه….
زين…متقلقش يا عادل هو هرب الصبح الوقت اهو في ايدي متقلقش
عامر…ياجدع عيب وانا وش مقالب😂😂😂
زين….بضحك سمعتك سبقاك يا نجم
عامر….بضحك لا والله متقلقوش مش مقلب انا بس حبيت اعمل حاجه حلوه كده للذكري وهغنيلك اغنيه جديده ليا من الالبوم الجديد يعني حاجه كده لسه حصري لفرحك
صفر الجميع لعامر
عانر…ياريت بقي عريسنا وعروستنا هما بس اللي يفضلوا عالبيست
نزل الجميع وفضل عادل وشمس في وسط القاعه
شمس ..بضحك انت مالك متوتر كده ليه
عادل…ده جزمه ملهوش امان حاسس انه هيفتح بينا القاعه ويوقعنا ده انا اتوقع منه اي حاجه
شمس…بضحك لا شكله طيب انهرده
عادل…هنشوف 🤔
عامر ادي بتاع الدي چي فلاش ميموري عليها الاغنيه متسجله ابتدت الموسيقي تشتغل وابتدا عامر الاغنيه وسط رقص الكل وتصقيفهم
بعد وقت بسيط خلص عامر وغني هو وايهاب الكل كان متفاعل والفرح اتقلب وولع اكتر 😍😍🔥🔥
راح عامر يرتاح شويه
فالوقت ده دخل انس وراح علي طول علي عادل حضنه بعض بقوه باركله أنس.
عادل….لو مكنتش جيت كنت هزعل منك
انس…ينفع مجيش فرح اخويا
عادل…حبيبي يا انس الشباب هناك اهم روحلهم
انس…ماشي
راح انس سلم علي الشباب لمحه عامر قام راحله خدوا بعض بالحضن وسلموا علي بعض
عامر….عقبالك يا صاحبي
انس…عقبالك انت الاول خد الخطوه هتلاقيني في قفاك عدل
عامر…قول يارب
انس….مبروك يا صاحبي وربما يتمملك بكل خير يارب
عامر…اللهم امين تعالي سلم عالجماعه
انس…. يلا راح انس سلم علي حاج سعيد وفاطمه وعلي الكل وبارك لاحمد العربي وسهير وسلم علي منار بابتسامه جميله مبروك يا عروسه عقبال الليله الكبيره
منار…ربنا يخليك يا انس عقبالك يارب
انس….ادعيلي بس اخلص شغلي الفتره دي وهخليكي تدوريلي علي عروسه
منار…بس كده خلص انت بس شغل وهجبلك احلي عروسه
أنس….ان شاء الله طب ايه مش هنرقص بقي ياعم انت
عامر…بس كده يلا ولا اقولك تعالي نغني يلا
انس….يلا بينا
انضم عامر وانس من تاني ليهم وغنوا مع بعض وولعوا الدنيا…
انس….ما بلاش اللون ده معانا، راح تتعب اوي ويانا
ولّا احنا عشان مش قدك، تشتري وتبيع في هوانا
ما بلاش اللون ده معانا، بلاش ده معانا
عامر…هتلوّن ليه ويانا ما بلاش حركاتك ديا
امبارح كنت معانا، سكر في حلاوة طحينية
حصل ايه مننا يا اخينا توعدنا ولا بتجينا
وتعدّي ولا بتسلم، بكره اللي عطاك يعطينيا
أنس….ولّا احنا عشان مش قدك، تشتري وتبيع في هوانا
ما بلاش اللون ده معانا، بلاش ده معانا
إيهاب…..هنسيبك كده على كيفك بطلنا خلاص نلاغيك
و في يوم لو زارنا طيفك هنقول له الله يهديك
وهنتقل ولا نسألشي، وهنقسى ولا نرحمشي
وإن جيتنا فى يوم تنادينا راح نعمل مبنسمعشي
عامر…مابلاش اللون ده معانا معانا
الكل كان متفاعل والفرح كان مولع طاقه من النشاط والفرح والحب والسعاده..
واخيرا بعد وقت طويل خلص الفرح رجعوا زفوهم من تاني لحد بيتهم
عادل….شكرا يا رجاله
زين…مبروك يا صاحبي
عادل…الله يبارك فيكم يارب ربنا يخليكم ليا ومتحرمش منكم ابدا
هيما….بقول ايه ماتيجي نأعد عالقهوه شويه
عادل….امشي ياض من ادامي ياض مش عابز اشوف وشكم انا عريس
هيما…شوف الواد الواطي
عادل…معلش يا صاحبي هي صحيح اعدت الراجل بميت ست بس لو جت الست
زين…بضحك يغور الراجل يا ناقص😂😂😂
سلم عليهم عادل وطلعت سهير مع شمس وصلتها لحد شقتها وظبطتلها الاكل ونزلت كان لسه المل واقف تحت
ادهم…مايلا ياسوسو كل ده
سهير…يوه مش البت عروسه ولازم اوصلها بايدي لبيت جوزها
ادهم….طب ما انتي عروسه يلا ادامي عشان اوصلك لبيت جوزك
ضحكت سهير باحراج وضحك الجميع بعد وقت بسيط طلعت سهير مع احمد
الكل كان فرحان ومبسوط
كان يوم جميل ومبهج ومميز في حياتهم …
………….
عادل …نورتي بيتك يا احلي عروسه
شمس…البيت حلو اوي بعد ما اتفرش يا عادل صح
عادل….حلو اوي بس عشان انتي بقيتي موجوده فيه..
ابتسمت شمس باحراج
عادل…لا بقولك ايه مش وقت كسوف خالص انهرده
شمس….انا مبسوطه اوي يا عادل
عادل…وانا كمان والله يا شمس الفرح كان جميل واليوم اجمل يمكن كان ناقصه بس كريم بس اكيد هو حاسس
شمس….ربنا يرحمه يارب واكيد هو فعلا حاسس ان شاء الله فالجنه يارب
عادل….يارب يا شمس يلا تعالي نغير عشان انا جعان اوي وفي قضيه كبيره اوي لازم نتناقش فيها
شمس….بضحك و إحراج ماشي❣️
………
طلعت بوسي الشقه هي وصالح اعد صالح عالكنبه يلعب في موبايله ويشوف الصور اللي اتصوروها مع بعض في الفرح ومتجاهل بوسي خالص
اعدت بوسي جمبه بتوتر وحزن صالح
صالح من غير ما يبصلها نعم
بوسي…ممكن تسيب الموبايل من ايدك وتسمعني
صالح….ايه جايه تقولي ان خلاص المده خلصت
بوسي….لا يا صالح جايه اقولك بلاش توجعني في بعدي عنك جايه اقولك بلاش نبعد عن بعض.. جايه اقولك اني محتجاك في حياتي عشان انا من غيرك هبقي ضعيفه يا صالح…جايه اقولك اني مش مفضله شغلي عليك بس كمان انا حابه الشغل وحابه اعمل الحاجه اللي بحبها….جايه اقولك اني نفسي انجح في شغلي وانت تنجح في شغلك
ونكمل بعض ولما رينا يرزقنا باطفال يفتخروا بينا
متسبنيش يا صالح وكمان متجيش عليا انا نفسي الاقي راجل واقف جمبي بجد انا مش بس بعتبرك جوزي انا بعتبرك ابويا واخوبا وصاحبي يا صالح نزلت دموعها بوجع
حس صالح ان قلبه واجعه
بصلها ومسك ايدها…وانا موافق يا بوسي
أبتسمت بوسي بفرحه لكن بسرعه أختفت أبتسامتها لما سمعت باقي كلامه.
صالح….موافق انتي عارفه انا بحبك ازاي وانا كمان مقدرش عالبعد يا بوسي بس انا مش حابب الشغل لبكي عليا ياستي هعملك اللي انتي عيزاه وهنعمل مع بعض مستقبل حلو لولادنا ان شاء الله ومش هأثر في اي حاجه تكونوا محتاجينها بس شغل لا يا بوسي عشان خاطري انا لو غالي عندك
سحبت بوسي ايدها من ايده بوجع….هو انت ليه كده بجد ليه المفروض انا اللي اتنازل مش انت انا جتلك تاني بعد ما سمعتني كلام متوقعتش اسمعه منك بعد ما قولت علي نظرتك لشغلي ومع ذلك مزعلتش منك وجيالك تاني اتكلم معاك عشان مش عابزه اخسرك لبه انا اتنازل عن حلمي وانت مش راضي تتنازل علي حاجه مش هتنقص منك اي حاجه
صالح…وانتي لو اتنازلتي هتنقص منك ايه
بوسي…بدموع لو اتنازلت عن حلمي يا صالح مش هبقي مبسوطه وهعمل كده غصب عني وطول الوقت هفضل حاسه انك انت اللي وقفت بيني وبين حلمي مش هبقي عايشه مبسوطه انت كلمه موافق مش هتأثر عليك بالعكس هتفرحني ده لو فرحتي هتفرق معاك هتكبرك في عيني هشوفك ديما اكبر داعم ليا اكتر حد سندني وكبرني ليه الست لازم هي اللي تفضل تقدم في تنازلات ليه الست مينفعش تنجح وتكبر وتشتغل وتجيب فلوس ليه مينفعش الست تبني مستقبلها بايدها ليه لازم نكون تابع ليكم عارف ياصالح انا لمت حبيتك شوفت فيك حلم كبير فضلت اعافر لحد ما وصلتله كنت شيفاك حلم بعيد عني كنت شايفه حبك ليا كبير عليا عشان متعودتش علي الحب في حياتي ابويا كان راجل ظالم للاسف كنت بحبه وكان نفسي يجي يوم ويحضني ويطبطب عليا زي اي اب لكن اول حاجه ابويا كان عايزها انه ياعدنا من مدارسنا عشان نساعد امي ونجيب فلوس اكتر بس امي كانت قويه ومستسلمتش ياصالح وصممت انها تحقق حلمها فينا انها تشوفنا معانا شهادات وقدرت وعرفت وسابته لما حست ان هو هيضيع حلمها …انت مفرقتش كتير عن ابويا يا صالح عشان كده اسفه عرضك مرفوض وحتي لو هتعب في بعدي عنك بس كفايه اني أحقق حلمي واحترم نفسي لان لو قبلت بعرضك الاناني لا هحترمك ولا احترم نفسي
انا داخله أحضر شنط هدومي وأجهزها وهمشي وبكره يا صالح هبعت حد ياخدهم واي حاجه تاني فالبيت متلزمنيش مش عايزه اي حاجه تفكرني بيك حتي المؤخر بتاعي انا متنازله عنه ميلزمنيش سابته بوسي ودخلت علي اوضتها حطت الشنط عالسرير وفضلت تلم في هدومها وحاجتها ودموعها بتجري علي خدها بوجع وحزن كبير خدت شنطه صغيره حطت فيها كام غيار والحاجه اللي محتجاها
وخرجت من الاوضه مسحت دموعها اللي اتحولت للون الاحمر لكن كان باين علي عيونها الدموع
صالح كان اعد علي الكرسي حاطط ايده علي راسه بحزن
حطت بوسي عالتربيزه ادامه المفاتيح
بوسي…دي مفاتيح الشقه ودي فلوس كنت مديهاني ملهاش لزوم معايا مش عيزاها ودي الشبكه وقلعت الدبله من ايدها وحطتها فوق علبه الشبكه بتاعتها ودي دبلتك اظن ملكش اي حاجه معايا تاني بعد اذنك
رفع صالح وشه
صالح…خليكي لحد الصبح يا بوسي الوقت متأخر
بوسي…مش هتفرق كتير يا صالح ووفر خوفك علي نفسك مش عليا البيت مش بعيد البيت جمب البيت بعد اذنك مسكت بوسي الشنطه وقربت من الباب فتحته وخرجت قفلت وراها ونزلت
اول ما نزلت صالح حدف كل حاجه من عالتربيزه بوجع
طلعت بوسي علي شقتهم فتحت الباب ودخلت وقفلت وراها واول ما دخلت دموعها نزلت بدون توقف سابت الشنطه من ايدها و اعدت عالارض وفضلت تصرخ وتكتم في بوئها عشان صوتها ميطلعش بعد وقت عدي متعرفش اد ايه حست براحه بسيطه بعد ما خرجت الطاقه اللي جواها مسحت دموعها بقوه وهي مقرره انها لازم تكون حاجه ولازم تخليه يندم عالوجع اللي حسسها بيه.. وخصوصا ان الحل البديل والسهل عنده
هو الطلاق 💔💔
…………….
مر كام يوم الكل عرف بمشكله بوسي وصالح
حاول حاج سعيد واحمد العربي واللي يعتبروا كبار الحته يأعدو مع صالح لوحده ويأعدوا مع بوسي لوحدها حاولوا يصلحوا بينهم كتير لكن كان صالح مصمم علي موقفه وبوسي كمان صممت علي موقفها حاولوا البنات يقنعوا بوسي لكن رفضت. الشباب اعدوا مع صالح فضل رافض زين اتعصب عليه وسابه ومشي حتي ادهم كان مضايق منه وهو منشف دماغه..
اما سهير فا اتجمع هي وبناتها حاولت تقنع بوسي وتترجاها
سهير….يابنتي بلاش عند حلم ايه وشغل ايه اللي هيخلوكي تخربي بيتك بايدك
توته….يابوسي فكري ده صالح يا بت صالح اللي بتحبيه واللي حلمتي باليوم اللي تكوني معاه واللي اختارتيه بنفسك طلعي الشغل من دماغك بس بلاش تخسري صالح.
شمس….استهدي بالله يا بوسي واتكلموا بالعقل بقي بعد ما امك اطمنت علينا كلنا في بيوتنا عيزاها تتوجع عليكي
سهير…عشان خاطري يابوسي بلاش طلاق انتي وصالح بتحبوا بعض حلم ابه يابنتي وبعدين انتي ايه عرفك انك ممكن تنجحي وتكبري ما انتي ممكن تفضلي مجرد موظفه وتبقي خسرتي كل حاجه بلاش الحلم اللي هيخليكي تخسري بيتك ده..
فاللحظه دي مقدرتش بوسي تستحمل وانفجرت فيهم بانهيار.
بوسي…..بااااااس بقي حرام عليكم كفاييييه اتنازلي اتنازلي اتنازلي مفيش عندكم غير الجمله دي ليه المفروض انا اللي اتتازل ليه هو ميجيش علي نفسه ليه لازم كلمته اللي تمشي وعشان ايه عشان طالبه اكمل شغلي اللي هو عرفني بيه طب ما انا قولتله خلاص مش عايزه الشغل ده وهفضل في محلنا رفض الشغل كله من الاساس لو في حد المفروض يتناول فا هو مش انا انا مطلبتش حاجه صعبه او غلط انا طلبت اكمل شغلي بالحلال
طلبت احقق حلمي وبعدين لو كل الناس هتيجي عليا المفروض انتي الوحيده يا امي متجيش عليا عشان انتي اكتر حد تعب في حياته بسبب كلمه تنازل…طالبه مني اتنازل ليه وانتي مقبلتهاش زمان لما ابويا قالك هياعدما من التعليم ليه صممتي تطلقي مش عشانا مش عشان كان حلمك تشوفي ولادك متعلمين
سعير…يابنتي انا لما صممت كان عشانكم مش عشاني لو عليا انا كنت وافقت بأي حاجه لنفسي لكن عن حاجه تخصكم او حلم ليكم مقدرتش ….مقدرتش اشوف العيال كلها متعلمه وانتوا لا مقدرتش اني موفرش ليكم اي حاجه تحتاجوها عشان متحسوش بالنقص
بوسي….وكبرنا بس انا لسه بنتك وزي ما كنتي بتسعي انك تحققلنا حلمنا انا الوقت عندي حلم هتبقي مبسوطه وانا هتجنن واحقق الحلم ده وصالح رافض هتبقي مبسوطه اني افضل تابع ليه.
اه عملتي كل ده عشانا وكان عندك أستعداد تقبلي علي نفسك اللي متقبلهو علينا بس انا مش زيك انا مش هقبل علي نفسي تحكم صالح وهعمل كل حاجه في جهدي عشان اعمل مستقبل ليا ولولادي في المستقبل مش هستني لما يجوا الدنيا
عشان احارب عشانهم انا هحارب عشانهم من قبل ما يجوا.
سهير…بقله حيله انتي صح ومعاكي حق بس فكري يابوسي فكري يابنتي
توته…طب هقولك ادي نفسك اسبوع كمان فكري يمكن ترجعي في كلامك
شمس ..او أعدي تاني انتي وصالح مع بعض يمكن توصلوا لحل
بوسي…مسحت بوسي دموعها انا معنديش مانع بس التأجيل ده هيغير حاجه
ميتهيأليش خلصت خلاص صالح الحل الوحيد اللي عنده الطلاق وانا قبلت الحل بتاعه….
المحاولات كانت مستمره لكن من غير اي فايده💔
بعد يومين كمان عدوا كان الكل بيحضر لفرح مريم ويوسف وفنفس الوقت صالح بيخلص كل حاجه
وقبل فرح يوسف ومريم بيومين تم الطلاق
وسط حزن الجميع وبعد محاولات كتير باءت بالفشل تم الطلاق…رفض صحابه كلهم يقفوا معاه في موقف زي ده ومحدش كان موجود غير والدتها وتوته وشمس واحمد العربي وحاج سعيد اللي كان باين عليه الزعل
بعد اخر جمله قالها المأذون والطلاق اتنفذ نزلت دمعه سريعه من بوسي حاولت تداريها لكن لمحها صالح 💔
بعد مده بسيطه انسحب الجميع وفضلت بوسي واخواتها مع بعض في صمت رهيب وبوسي نازله دموعها من غير ولا كلمه
………..
توته….مش عملتي اللي انتي عيزاه بتعيطي ليه الوقت
بوسي…لا يا توته مش هو ده اللي كنت عيزاه انا لاخر لحظه كنت فاكره اني هفرق مع صالح وان حياتنا مع بعض مش هتهون عليه لكن هو داس علي حياتنا بجزمته مفرقش معاه اي حاجه هو شايفني انانيه عشان فضلت حلمي علي حياتي معاه لكن العكس اللي حصل هو اللي اناني هو اللي رافض يسبني اجرب مش يمكن افشل واقتنع ان هو صح مش يزهق وابطل من نفسي بس هو عارف ان ده مش هيحصل وعارف ان هنجح وهو مش حابب كده صالح اناني عايزني ليه وبس وحيات حبي ليه لا هخليه يندم ويرجع وانا اللي هرفضه وحيات اللي خلقني وخلقه بحث ما طلعني انا اللي ظالمه لا هنجح وهبني حياتي ومستقبلي
سهير…مبقاش ليه لزوم يا بوسي الكلام ده الوقت خلينا فالمهم هتلمي حاجتك وهتيجي معايا عمك احمد قاللي اقولك انا هي فكرته اصلا مش هينفع تعيشي لوحدك
بوسي….انا م هعيش مع حد انا هفضل هنا والنبي يا اما ما تزوديها عليا
سهير…يابنتي الناس تقول عليكي ايه وانتي مطلقه واعده لوحدك
بوسي…يا دي الناس هو لامته هنفضل نعمل حساب للناس مالها المطلقه عار عالبشر مينفعش تبقي لوحده ما انتي كنتي لوحدك ومطلقه ومعاكي 3 بنات ايه اللي حصل الناس مورهاش غير الكلام ولازم اللي تطلق تتحط في سجن ومتتشافش عشان الناس…والمطلقه وحشه والعيب فيها وعيب انها تبقي لوحدها مع ان لو بنت متغربه زي سهر كده وهي بنت واعده لوحدها الناس تشوفها بنت بميت راجل لو واحده اهلها ماتوا واعده لوحدها بتصعب عالناس لكن المطلقه تأعد لوحدها يبقي جابت العار لاهلها انا مش هاجي يا امي انا اعده هنا في بيتنا
حست توته بوجعها…خلاص يا امي سبيها براحتها وبعدين كلنا في نفس الحاره مع بعض هنفضل طالعين نازلين عليها وهي كمان هتبقي معانا مش هتسافر يعني
سهير….بقله حيله اللي يريحك اعمليه بس لو حسيتي انك عايزه تيجي قوليلي ونزلت دموع سهير…يارتني ما كنت اتجوزت يا بنتي
بوسي…ليه بس يا اما كده حتي لو متجوزتيش منت هطلق
سهير…بس عالاقل كنت هبقي معاكي
بوسي…زي ما مكتوبلي اطلق مكتوبلك تتجوزي محدش بيهرب من المكتوب يا اما
توته…بوسي عندها حق يا اما ده مكتوب
شمس…بقولكم ايه بقي بلاش نكد خلاص اللي حصل حصل وبرده ربنا كاتب حاجه احنا منعرفهاش اكيد ليه حكمه في كده
سهير…ونعم بالله
……….
عدوا اليومين وجه يوم فرح يوسف ومريم…
اتفرشت الحاره كلها استعداد لاستقبالهم يوسف كان فرحان هو ومريم لكن كانوا موجوعين عشان طلاق بوسي وصالح
اتجمع الكل في الشارع بعد الاكليل واخيرا جم الشارع في زفه كبيره مريم كانت ملاك في صوره بشر كانت طالعه حلوه بطريقه غير عاديه ويوسف كان حلو جدا في البدله الكل كان فرحان
ومبسوط بيهم
الفرح ولع من عامر وايهاب الناس اللي كانت بتجامل كانت كتير الشارع كان مليان ناس ناريمان وعيسي كانوا كايرين من الفرحه وهما شايفين بنتهم الوحيده بفستان الزفاف روحيه كانت مقطعه الدنيا رقص وفرحانه
ولاول مره تنزل دموع روحيه في حضن يوسف من فرحتها وكأنها مستوعبه وذاكرتها قويه وفاهمه انه بقي عريس فعلا طول الفرح اعده جمبه هو ومريم وخايف يسبها احسن تتوه كالعاده …بوسي كانت موجوده فالفرح خصوصا بعد زياره مريم ليها.
فلاش باك…
طلعت مريم عند بوسي في شقتها
مريم…طبعا انا مش جايه اكلمك في اي حاجه احنا اتكلمنا معاكي كتير واهم حاجه تكوني مقتنعه باللي عملتيه بس انا جيالك عشان حاجه تانيه خالص
بوسي…قولي يامريم عيزاني في اي حاجه
مريم…لا ولمعت الدموع في عيون مريم. انتي عارفه اني بحبكم كلكم وكلكم اخواتي انا مليش غيركم فالدنيا وبصراحه بقي انا خايفه بعد اللي حصل بينك وبين صالح انك متنزليش فرحي خصوصا ان اكيد صالح هيكون موجود وانا عيزاكي معايا
بوسي…اعدت جمبها حضنتها…انتي يابت عبيطه فرح ايه اللي محضرهوش وبعدين مال طلاقي انا وصالح بنزولي الفرح
مريم…بحب يعني هتيجي
بوسي…اه يا اختي هاجي وعلي قلبك انتي واي واحده وهاجي معاكي الكوافير وهفضل معاكي من الصبح زي ما بنعمل ديما انتوا اخواتي ومقدرش.اقصر مع اي حد فيكم واللي بيني انا وصالح انتوا ملكوش دعوه بيه
مريم….ربنا يخليكي ليا يارب واشوفك اسعد واحده فالدنيا
بوسي…ويخليكي ليا واشوفك اجمل عروسه هتبقي قمر يابت
مريم بحب حضنتها يارب يا بوسي😍
باك….
وقفت معاها بوسي وبرغم ضحكتها ووقفتها مع مريم وصحابها إلا انها كانت مكسوره وطول الوقت بتحاول تبعد عينها عن صالح. ونفس الموضوع كان عند صالح اللي راضي زين وادهم ووقف مع يوسف وصحابه..
نعمه….ازيك يا بوسي
لفت بوسي وابتسمت حضنت نعمه ازيك يا خالتي
نعمه…الحمد لله يا حبيبتي ايه مش عايزه تيجي تأعدي معايا
بوسي.. ليه بتقولي كده يا خالتي انتي عارفه اني بحبك انا بس والله واقفه مع مريم والبنات
نعمه…عارفه ان انتي وصالح بعدتوا بس متخليش حاجه زي دي تأثر علي علاقتك بينا
بوسي ..ياخالتي هو احنا لينا اهل غيركم انا وعيت عالدنيا لقتكم في وشي انتوا اهلي
نعمه…بدموع انا قلبي واجعني عليكي انتي وصالح
لمعت الدموع في عين بوسي بس حاولت تخفيها بابتسامه متعيطيش بقي ربنا ليه حكمه في كده اكيد ومحدش يعرف هيحصل ايه بكره بس اللي عيزاكي تعرفيه انك غاليه عندي انتي وعم فاروق وصلاحه حتي صالح..
نعمه…ربنا يابنتي يبعد عنكم الشيطان والعين وترجعوا لبعض
طبطبت بوسي علي كتفها قولي يارب يلا هسيبك بقي واروح للبنات
نعمه…ماشي يا حبيبتي
……..
خلص الفرح اخيرا
وطلع يوسف مع مريم علي شقتهم بعد ما اطمن ان مديحه مش هتسيبها وهتبات معاهم
وبعد محاولات كتير رفضت روحيه انها تعيش معاه واتمسكت ببيتها واضطر يوسف يخضع لطلبها وغير مفتاح البيت زي ما اقترح عليه زين قبل كده والبيت بقي ديما مقفول والمفتاح مع الجيران وبس وعمل يوسف نسخه لمديحه وناريمان وباقي ستات الحته عشان يبقوا ديما بيطمنوا عليها
واتفقوا طول الوقت هتبقي معاه فالشقه او مع مديحه او ناريمان وهيسيبوها بس عالنوم
………
مر اسبوع كمان
ابتدت بوسي تنزل الشغل اللي جالها وقدمت في كورس تعليمي عشان يفيدها اكتر كانت مبسوطه وحاسه انها مرتاحه مكان جديد عليها لكن كمان اتاح ليها فرصه التعليم والخبره الزياده…
اما عند عامر ومنار فا اتفق مع اهلها يا خدها وينزل يجبلها الشبكه ويجيبوا مع بعض الفستان والبدله..
…❣️❣️❣️❣️❣️
يتبع…
- لقراءة الفصل التالي : اضغط هنا
- لقراءة باقي حلقات الرواية اضغط على (رواية 30 يوم حياة 2)