رواية صغيرتي البريئة الفصل السادس والعشرون 26 بقلم منال أحمد

رواية صغيرتي البريئة الفصل السادس والعشرون 26 بقلم منال أحمد

رواية صغيرتي البريئة البارت السادس والعشرون

رواية صغيرتي البريئة الجزء السادس والعشرون

رواية صغيرتي البريئة الحلقة السادسة والعشرون

إن الأحداث السلبية التي وقعت في الماضي من شأنها أن تجعل حياتك صعبة. فتلك الذكريات المزعجة قد تجعل النوم مستحيلا، أو تُحيل يومك إلى جحيمٍ لا يُطاق. وفي كل الأحوال، ستأتي المرحلة التي يجب أن تختار فيها هل ستترك الماضي خلفك، أم ستُفسح له المجال ليُحدد مستقبلك! فحتّى الآن فنحن دائما ما نحمل ماضينا معنا، والذي يتجلى في طريقة تفكيرنا وحديثنا وإدراكنا للعالم من حولنا. إن التحكم في هذا الأمر صعبٌ، ويبدو وكأنك تسير على حبلٍ طويل ممتد في الهواء، ولا ترى نهاية الطريق! ولكن التعامل مع الأمر برويّة، خطوةً بخطوة، ومُحافطاً على عقلك مفتوحاً ، يُمكّنك من قبول ماضيك كجزء من نفسك. حيثُ يمكنك ترك كل العادات السلبية ورائك، تلك التي قيدت أحلامك ومنعتك من تحقيقها، أو حالت بينك وبين الوفاء بالوعود التي قطعتها
لتنجح في التخفيف من مشاعر الندم على بعض الأخطاء التي قُمت بارتكابها في الماضي، عليك ألا تحصر فكرك بأحداث مضت وانتهت، وألا تُحمل نفسك ذنباً أكبر من الذي ارتكبته، بل اطّلع بشكلٍ دائم إلى حاضرك الذي تعيشُ بهِ لتُحافظ على كل تصرفاتك وردود أفعالك كي لا تُكرر مرة أخرى تلك الأخطاء الماضية.

……………………………………………………………………………………………………………………………………………………………………………………………………………………………………………………
التفت حازم علي صوت خطواتها ورائحتها التي يعشقها لينظر لها بابتسامة هادئة ويحيد بنظره ناحية بطنها التي لم يتغير شكلها بالطبع ليتخيلها هو ذات بطن كبير وفي اواخر حملها لتزداد ابتسامته ويتمني ان تظل حياتهم بهذا الهدوء وان يستطيع اصلاح علاقتها مع والدها فهي مازالت لا تريد تقبل اي حديث حول هذا ..
# اي هتفضل مبتسم وباصصلي كدا !!
# ايوا انا مبسوط كدا عندك مانع ؟! .
انهي حديثه وهو يمد ذراعيه ليحتجزها بينهم لتضحك هي وعندما شعر ان حالتها المزاجية جيدا قرر المخاطرة والتحدث معها بشأن والدها فهو يعلم انها تشتاق له ولكن مازالت حزينة منه .
# مريم . هو انتي لسة مدايقة من جوازنا ؟!
نظرت له باندهاش حقيقي فهي سعيدة معه وتحاول دائما توضيح سعادتها حتي لا يفكر في ما مضي من حياتهم ..
# ايوا طبعا يا حازم مبسوطة .. ومبسوطة جدا كمان ولا انت بقي عندك شك !!
ابتسم فهي تسهل عليه ما يريده ..
# طيب وباباكي ؟!

نظرت له بحزن لا تستطيع تخطيه ولا انكاره .
# ماله !!
# بيكلمني علي طول يا مريم مدايق انك مخصماه ولسه زعلانه مع انك عارفة انه كان خايف عليكي وانه مكنش بايده اي حاجة يعملها غير انه يبعدك وبعدها ليكي دا اللي وصلنا ببعض .
تعلم ان حديثه صحيح ولكن حزنها من والدها تخطي العقل والمنطقة ولا تفكر به الان هي فقط تفكر انه تركها وهي من كانت تحتاج وجوده كانت تحتاج كلمات تشعرها بالامان والاطمئنان وهو لم يكن بيده ان يتركها تتاذي ويتحدث بهدوء ويشعرها بهذا …
# لا كان بايده يطمني مش يبعدني انا كنت خايفة وزعلانه ومحتجاه وهو معودنيش انه يتخلي عني …
# متخلاش عنك يا مريم هو كان بيحميكي .
# كان ممكن يحميني وانا جمبه ..
# ولو كان حصله حاجة ؟! هاا قولي لو كان حصله حاجة كنتي ممكن تموتي وراه يا مريم ..
# كدا كدا كنت هموت بعده يبقي كنت اموت معاه احسن ..

نظر لها باندهاش لتفسر له ..
# احتمال موت حد فينا في المشكلة دي كان ممكن يبقي 90 % مثلا ؟! احتمال موت اي حد حالا بدون اي اسباب 100 % يا حازم .. الموت مش محتاج مشاكل كان لازم ابقي جمبه وكان لازم يطمني وكان لازم يحتويني مش يهددني بجوازي من العيل اللي كان عايز يجوزني ليه دا ..
# طب بس متفكرنيش دا عيل ملزق ..
ضحكت علي كلماته التي تشبه حديثها عنه تماما ليقرر انه لن يتركها الا بعد تأكده من رجوعها لاحضان ابيها ..
# كلمي والدك يا مريم و زي ما قولتي كدا احتمال موت اي حد حالا بدون اي سبب 100% بلاش تخسري حد وانتي مش بتكلميه وقتها مش هتعرفي تسامحي نفسك يا مريم صدقيني ..
نظرت له تؤكد حديثه ..
# حاضر يا حازم كلمه بقي انت اعزمه علي العشا معانا انهارده ..
# من عيوني يا عمر حازم ودنيته ..
ابتسمت له لتقبل شفتيه بجرأتها المعهودة ليبتسم لها بين قبلتهم التي طالت كثيرا …
………………………………………………………………………………………………………………………………
………………………………………………………………
# سلييم .. سلييم الحقني اصحي انا شكلي بولد ..
انتفض من نومه علي جملتها الم تجد سوي الساعه الثالثة فجرا لتلد كم هي غريبه وهذا الطفل ايضا …
# بتولدي ايه الساعه تلاته الفجر يا ريتاال ..
# بولد ابنك هكون بولد ايه فراخ متخلص ..

# اخلص ؟! يا نهار ابوكي اسود .. انا يتقالي اخلص يا ريتال ..
نظرت له بشر يراه بعينيها للمرة الاولي ..
# اخلص يا سلييم يخربيييتك انت وابنك ..ااااااااااااااه ااااااه الحقني ي سليم….
# وانا مالي الله هو انا قولتله ينزل الساعه تلاته الفجر ..
# مهو بسببك .. هو انا حملت كدا ازاي مش بسبب قلة ادبك …
# والله دلوقت قلة ادبي بقت وحشه ..
# انت لسة هترغي يا سليم انا بولد يا سليييم …
# اه صح دانا نسيته ..
لا تعلم اتضحك ام تبكي الان …… نسي ولادتها لانها حدثته في وقت الفراغ بين كل الم والاخر فهي قرأت كثيرا عن الام الولادة الطبيعية وعلمت انه يكون بينها اوقات تقل مع مرور الوقت وانها كلما اقتربت من ولادتها كلما زاد الالم وقل الوقت بينه لذا هي تنتظر للان وتعلم انها مازالت امامها الوقت لنزول الجنين ولكن الالم بدأ يكون غير متحمل …
# تعالي يلا ..
# يلا بس متنساش شنطة البيبي اهم حاجة انا مجهزاها في الدولاب ولو كلمت جدي أكد عليه ميعرفش مريم ولا تحضر ولادتي ..
# حاضر بس ليه ؟! .
# علشان هي حامل يا سليم ..
# ايوا مفهمتش بردو .
# لا تعالي بقي نأجل الولادة ونقعد اشرحلك .. انت لسة هتسأل انا بوووووللللد ….

اسرع في خطواته في الغرفة بعد رؤيته لألامها حقيقية وانها تعاني ……
………………………………………………………………………………………………………………………………………………………………………………………………………………………………………………………………
بعد مرور ساعات في المشفي وقد تمت ولادتها لطفلها بسهولة ضمته لصدرها بينما يجلس بجانبها سليم ينظر لها بحب هي وطفله ” يحيي ” …..
دخل الغرفة جدها وخالها ثم تبعهم حازم ومريم لتقبل مريم عليها مباشرة تعاتبها بسعادة وفرحة ..
# كدا يا ريتا اعرف اخر واحدة وكمان بعد مولدتي ..
نظرت لها ثم اجابتها بضعف ..
# مكنش ينعف تحضري الولادة يا روما ..
ليقاطعها سليم وقد تذكر هذا الامر ..
# ايوا قوليلي مينفعش ليه بقي !!!!!
هزت رأسها بيأس منه ..
# علشان مريم حامل وغلط ان الحامل تحضر اي ولادة لانها لو في شهورها الاخيرة دا هيسبب ولادة مبكرة ولو في شهورها الاولي هيسبب اجهاض ..
# مش فاهم ليه دا يعني ؟!
كان هذا صوت حازم الذي لاول مرة يتقبله سليم بل ويؤيده الرأي ..
# ايوا ولا انا فاهم ..
نظرت لسليم لتجيبه هو …
# علشان هي طبيعي لما تحضر ولادة الرحم عندها هينقبض نتيجه التوتر ودا غلط عليها ممكن خلاص اسألة بقي ..
ليتحدث سليم بفضول ..

# لا لا اخر سؤال انتي عرفتي كل دا منين ؟!
# منا كنت طول فترة الحمل بقرأ عن الحمل والبيبي وكدا ..
ابتسم سليم علي طفلته التي كبرت معه واصبحت ام واصبحت الان تحمل مسؤلية طفل …
# الف مليون حمدلله علي السلامة للباشا يحي يا بنتي …
كان هذا صوت جدها تملئه السعادة ويمني نفسه بميلاد حفيده الاخر قريبا ..ً..
انتهي يومهم وسط فرحة العائلة والتهنئة وتمنيات السعادة ودوام الخير والهدوء لحياتهم …
………………………………………………………………………………………………………………………………………………………………………………………………………………………………………………………………
في مكان بعيد قليلا عنهم لدي العروسان كانت ليلي تجلس بأحضان رائف بينما تجلس خديجة في احضان ليلي ليشكلو لوحة رائعه للمنزل البسيط والعائلة التي دائما ما رغبت ليلي في امتلاكها …
# رائف ..
# نعم
# ريتال ولدت ولازم نروح ..
# ونروح ليه واحنا مالنا اصلا ..
# مالنا ازاي يعني دا ابن عمي يا رائف ..
# وطليقك !!
# هيفضل ابن عمي يا رائف ومفيش اي حاجة هتلغي دا للاسف دا واقع هو ابن عمي الكبير وكبير عيلتي وماليش غير هو وماما وارجوك تتقبل وجوده وتحاول تتعامل معاه بتلقائية علشان انا مش بحب المشاكل ..
# طيب يا ليلي بكرا هنروحلهم ..
انهي كلماته وتركها ونهض ليتجه لغرفته ولا يحادثها طوال اليوم ويقرر ان يكمل عقابها علي اللا شئ طوال اليوم التالي لتسيقظ ولا تجده في المنزل ثم يرسل لها ان تجهز هي وخديجة وانه سيمر ليذهبوا لسليم وريتال ….
لتحاول الحديث معه عندما اتي للمنزل ..
# رائف ممكن نتكلم لو سمحت ..
# مش دلوقت يا ليلي يلا بينا علشان منتاخرش علشان عندي شغل مهم ..
# لا يا رائف احنا مش اطفال علشان تتقمص مني وتبعد بالشكل دا لو سمحت …
# عايزة ايه يعني دلوقت ؟!

# عايزة افهم انت مدايق ليه !! دا كله علشان عايزة ازور ابن عمي ومراته ؟!
# لا يا ليلي علشان عايزة تزوري طليقك ..
# يا حبيبي افهمني .. دا ابن عمي بغض النظر عن اي حاجة هو ابن عمي ولو مروحتش هتفهم غلط حاول تفهم دا .. انا مش بخلف وسليم فضل معايا 5 سنين ولما اتجوز وخلف لو انا مروحتش اقل حاجة هتتقال اني غيرانة ..
# يبقي مطلبيش مني اني اعامله عادي ..
# حاضر مش هطلب دا بس علشان خاطري نعدي اليوم ..
# ماشي يا ليلي يلا بينا هاتي خديجة وتعالوا ..
تركها وذهب لتنظر في اثره بسعادة فهي متقبلة غيرته كرجل شرقي علي زوجته وتعذره في عدم تقبله لسليم …

يُتبع ..

• لقراءة الفصل التالي : اضغط هنا
• لقراءة باقي حلقات الرواية اضغط على (رواية صغيرتي البريئة)