رواية ذكريات مفقودة الفصل الخامس 5 بقلم يارا هليل

رواية ذكريات مفقودة الفصل الخامس 5 بقلم يارا هليل

رواية ذكريات مفقودة البارت الخامس

رواية ذكريات مفقودة الجزء الخامس

رواية ذكريات مفقودة الحلقة الخامسة

عادت الي المنزل وهي شاردة فيما أخبرها به حسام
حتي شعرت بشئ صلب يقع علي رأسها بقوة
وضعت يدها علي رأسها وهي تشعر بدوار شديد
رأت مشاهد كثيرة وصور تتكرر في ذهنها واحداث تراودها
_ حبيبة بابا شاطرة وهتدخل الحضانة من غير عياط
_ يا قلب ماما متعيطيش فداكي ألف عجلة ، نعيش ونجبلك وتكسري براحتك
_ حبيبتي دة حسام ابن صاحبي إلعبي معاه ومتخافيش منه
_ يا بنتي بقي مية مرة أعلمك تركبي العجلة ومبتعرفيش ؟ ….. طب خلاص متتعصبيش نجرب تاني هو حسام عنده كام سما يعني
_ سما حبيبتي متخافيش انا جمبك اهو انا جمبك ….. متخافيش انتي مشوفتيش حاجة والله لاجبلك حقهم
_ هيوحشوكي ؟ عارف بس انا هعوضك عنهم والله دة انتي قلب حسام
_ اتغيرتي يا سما
_ من امتي وانتي كدة

دارت كل تلك الأحداث في ذهنها بسرعة البرق قبل أن تسقط مغشيا عليها
_ الو
_ مين معايا
_ انا حنان ، اخت سما …. قصدي …
_ اها عرفتك فيه حاجة ولا اي
بتوتر _ كنت عايزة اعرف بس هي سما معاك ؟
بخوف _ لا مش معايا هي مروحتش ؟
ببكاء _ لا وانا هموت من الخوف عليها
_ انا جاي حالا
_ وديتها فين ؟
_ مخزن قديم في مكان الجن الازرق ميعرفش يوصله
_ طب وهنعمل فيها أي ، نقتلها ؟
بسخرية _ دة انتي بتحبيها اوي بقي ، بس لا نستني شوية الوضع يهدي ونفضالها عشان نتأكد أنها غارت بدل ما تطلعلنا تاني
_ الظابط عرف انها مختفية
_ مش هيعرف يوصلها
_ لو شك فيك
_ انا ؟ انا ابن عمها واكيد مش هأذي بنت عمي
بخبث _ حلو
بصراخ _ هق.تله ، لو ملقتهاش هق.تله لا …. هق.تلهمم كلهم

وقف ينظر حوله وهو يتنفس بقوة حتي سمع صوت هاتفه
_ ألو
_ حسااام
صدم عندما سمع صوت ….. صوتها
بصراخ _ هربت ازاي يا مغفلين
_ يا باشا والله …..
_ مش عايز اسمع حاجة ، تروح وتاخد الكلاب بتوعك وتجبوهالي دلوقتي … بصراخ ..يلاااا
عاد إلي المنزل وهو يتنفس بقوة ، دلف إلي مكتبه ليجد كامل ” والده ” ومريم منتظرينه
_ لقيتها ؟
_ لا
_ قولتلك اخلص منها في اقرب وقت دي زي القطط بسبع ارواح
_ مش وقت تقطيم يا بابا اهم حاجة نلاقيها و…
_ واي يا ….. يابن عمي
نظروا لها بصدمة وهي تنظر لهم ببرود وابتسامة ساخرة
_ مالكو بلمتوا كدة ليه شوفتوا عفريت ؟
_ سما .. انا …
_ انتي ؟ انتي ايه يا مريم يا صاحبة عمري ، انتي واحدة زبالة دمرتلي حياتي وحاولت تقت.لني
بصدمة _ انتي …
_ افتكرت ؟ اه افتكرت افتكرت كل حاجة وافتكرت اللي عملتيه لا .. اللي عملتوه كلكم ، نبدأ بمين يا سما .. نبدأ بعمي حبيبي وابويا التاني ؟ ، عمي اللي …. اللي قتل اهلي بدم بارد
flash back…….
_ مش مصدق انك انت يا خويا تحاول تسرقني ؟ ليه يا كامل؟
_ انا …..
_ انت طماع ، طمعت في مال اخوك وحاولت تسرقه ، مش هبلغ البوليس احتراما للدم اللي بيربطنا بس انا مش عايز اشوف وشك تاني ، اطلع برا
نظر كامل لأخيه بغضب قبل أن يخرج سلاحا من جيبه لتتسع عين الاخر بصدمة
_ معاك حق ، انا طماع ، طماع لدرجة اني أسرق اخويا ، ولو مكتبتليش املاكك كلها دلوقتي هقت.لك
ببرود _ اضرب ، مش انت عايز تقت.لني ؟ اقت.لني يا كامل
بلع الاخر بطريقه بصعوبة وهو ينظر إلي اخيه بتوتر

قبل أن يفتح عينيه بقوة ثم يطلق النار علي أخيه ليسقط أرضا
ثم سمع صوت تكسير لاكواب خلفه ليري زوجة أخيه تنظر له بصدمة قبل أن تصرخ وتركض ناحية زوجها
ليطلق الرصاصة الأخري عليها وتقع فوقه
كان هذا تحت أنظارها … التي لم تكمل الخامسة عشر عاما ، تنظر لهم بصدمة افقدتها القدرة علي البكاء
رجعت للخلف عدة خطوات لترتطم بجسد خلفها
إلتفتت لتجده هو …. حسام
_ ح.حسام ، ب بابا ، عمي
ضمها بقوة ثم قال
_سما حبيبتي متخافيش انا جمبك اهو انا جمبك ….. متخافيش انتي مشوفتيش حاجة والله لاجبلك حقهم
ثم ركض بها بعيدا عن البيت ولم تكتمل دقيقة حتي اندلع النار في المنزل بأكمله
back……
_ ها افتكرت يا عمي ؟ ، من يومها وانا بكر.هك ، دم.رتني ، اتغيرت بقيت واحدة انا مبحبهاش ، مبقتش البنت اللي بابا رباها ، بقيت نسخة قذ.رة من واحدة أنانية ومغرورة شايفة الكل أقل منها ، ودة كله بسببك
نظر كامل لها بدموع ثم إنزل رأسه أرضا
_ ندخل ع اللي بعده ، ابن عمي حبيبي …. سيف ، اللي حاول اكتر من مرة يقرب مني بطريقته الزبالة ، بس نسي حاجة مهمة اوي اني اه اتغيرت من برا بس من جوا نفس البنت القوية اللي ابوها رباها علي القوة وعلمها تاخد حقها بإيديها ، فاكر ؟ فاكر لما ضحكت عليا و خليتني اروح نايت كلاب وبارات وخلتني زيك ؟ ، طب فاكر لما في يوم شربتني جامد لحد مبقتش قادرة أقف وبعدها فهمتني أن فيه حاجة حصلت بينا واني ضيعت شرفي مع واحد زيك ؟ وانا الغبية اللي صدقتك …. انت عارف انا كنت حاسة بإيه وانا مفكرة أن ضيعت تربية بابا وماما وشرفهم ؟ لا وكمان كنت عايز تتجوزني غصب والا هتفضحني ، خليتني اوافق علي الجوازة دي واسيب الإنسان الوحيد الى حبيته اللي فضل واقف جمبي حتي لما اتغيرت ، اضطريت بسببك اسمعه كلام يوجع عشان يبعد عني ، هه علي اساس يهمك يعني
_ طب نروح لحبيبة قلبي وصاحبة عمري ، اللي من صغرنا واحنا مع بعض لدرجة أن اللي بيشوفنا كان بيفكرنا اخوات ، اقنعتتي بالهرب يوم الفرح وانا مفكراها خايفة عليا عشان اكتشف بعدها أنك متفقة معاهم وأن دة كله خطة عشان يوقعوني ، فاكرة لما قولتلك بعد هروبي بكام يوم أن فيه رسالة جاتني من مجهول وبيقولي أنه عايز يقابلني علي التل عشان موضوع ضروري يخص بابا ، واروح واكتشف أن الي بعت الرسالة تبقي انتي …. شوفت وقتها الحقد في عينيكي اللي كنتي مخبياه ورا وش الحب اللي بترسميهولي ، هه وقتها جيتي حضنتيني وقولتيلي كلمة هفضل فاكراها لحد ما اموت
” لو مفكرة أنك احسن مني ، ف أحب اقولك انك معاكي حق ، عشان كدة لازم تختفي من الوجود ”
وزقتيني من ع التل بدم بارد ولا كأن بينا عشرة عمر

لا وكمان مكتفتيش ب دة حقدك وصل بيكي انك تبعتيلي ورقة مع الساعي وتحذريني من عمي وابن عمي ، ولأنك عارفة اني مش همرر الموضوع دة مرور الكرام ، كنتي عارفة اني مش هسيب الموضوع دة لحد ما اوصل أن ابن عمي وعمي بيأذوني ووقتها مايفضاليش غير مين يا تري ؟ صاحبتي حبيبتي
صح ولا يمكن انا غلطانة
أنهت جملتها وهي تنظر بسخرية لصدمة سيف وكامل
_ أيوة انا عملت كدة ، دايما انتي الأولي في كل حاجة ، الشاطرة اللي بتطلع علطول الأولي في المدرسة ، عندها فلوس لو فضلت تصرف فيها عمرها كله مش هتخلص ، حياتها كلها وردي وانا ؟ انا اهلي منفصلين وكل واحد في حاله ومحدش معبرني ومقدرتش ابقي زيك ، كنتي عايزاني اعمل اي وانا كل ما اشوفك احس ان فيه حاجة. جوايا ناقصة بسببك
بصراخ _ انا كنت اختك قبل صاحبتك ، عمري ما عاملتك بغرور ولا اتكبرت عليكي ، لو كنتي قولتيلي كل دة كنت هساعدك بس انتي الغل والحقد عموا عنيكي
_ خلصتي الشو بتاعك ، جه وقت الشو بتاعي انا
نظرت إلي سيف الذي أخرج سلاحه في وجهها وقبل أن يطلق كانت يده قوية تمسك يده وترفعها لاعلي ، ليدوي صوت الرصاصة في المكان
_ لو كانت جات فيها كنت هقت.لك
بصدمة _ انت ؟
_ حسام هاشم السعد ، والدي كان صاحب ابو سما …. واه انا مش ظابط
انهي جملته ثم ضربه برأسه بقوة ليسقط الآخر أرضا
وفجأة يتجمع رجال الشرطة في كل مكان
ويمسكون بهم تحت صراخ سيف ومريم واستسلام كامل
بعد دقائق كان القصر فارغ تماما لتسقط هي أرضا وهي تبكي بحرقة ، شعرت بأحد يجلس بجوارها
_ بتعيطي ليه ، انتي خدتي حقهم
_ كان نفسي يكونوا ليا أهل بس هما ….
_ خلاص اهدي انا موجود

نظرت له بحب قبل أن تقول
_ انا اسفة علي كل حاجة ، كنت بعاملك بطريقة وحشة اوي قبل الحادثة ، وانت استحملتني ، لو كان حد غيرك كان زهق مني بس انت. ….
_ بحبك ، أيوة انتي مفكرة انا بعمل كل دة ليه ، عشان عيونك مثلا ؟ هو اه بصراحة عيونك تستاهل
ضحكت عليه بين دموعها
_ هو الوقت مش مناسب بس …. احم يعني ، تتجوزيني
نظرت له بدهشة ثم اخفضت نظرها بخجل
_ احم موافقة
بعد مرور عدة سنوات
دلف إلي بيته ليسمع صوتها قادم من المطبخ
اتجه ناحيته ليجدها تعد الطعام وهي تغني
_ وحشتيني
بخضة _ خضتني يا حسام حرام عليك
_ يا قلب حسام … ثم اكمل بغمزة …. تعالي عايزك في موضوع مهم
_ عايزها في أي
اغمض عينه ثم فتحهما مرة أخري واستدار ليري “جميلة ” ابنته صاحبة السبعة أعوام
_ نفسي افهم انتي بتطلعيلي منين
ببرود _ من الباب
_ خفة يا بت يلا يلا روحي ذاكري ولا اعملي اي حاجة ، وحلي عني بقي
_ احل عنك بس بشرط
_ ايه هو شرطك يا جميلة هانم
وقفت علي كرسي المطبخ لتصل إليه
_ اسمحلي اروح ألعب عند الجيران
_ عند الجيران ، ولا ابن الجيران
_ ايوة هو كدة بالظبط
_ حد يشيل البت دي من قدامي هقت.لها
_ يووه انتو قفوش ليه كدة
_ خلاص يا حسام سيبها تروح … ثم أكملت بضحك … ولا انت بتغير علي بنتك من ابن الجيران
_ انا قولت لا يعني لا
بغضب _ يوووه كله لا لا انا زهقت
_ انتي بتزعقيلي ؟
_ انا ؟ لا مزعقتش

_ لا زعقتي
_ لا لا مزعقتش
_ اومال مين اللي زعق
_ محدش زعق انت سمعت حد زعق …. اااااه
هربت منه وهو يركض خلفها وسط ضحكات سما ونظرتها له بسعادة
#النهاية

• لقراءة باقي حلقات الرواية اضغط على (رواية ذكريات مفقودة)