روايات

رواية وجع الماضى الفصل الثاني 2 بقلم مارينا عبود

رواية وجع الماضى الفصل الثاني 2 بقلم مارينا عبود

رواية وجع الماضى البارت الثاني

رواية وجع الماضى الجزء الثاني

وجع الماضى
وجع الماضى

رواية وجع الماضى الحلقة الثانية

مروان اتصدم لما دخل الشقه وملقاش رهف ولقه ورقه على التربيزه مكتوب فيها
مروان انا اسفه بس انا اخترت البيبى ومش هقدر انزل روح بريئه مش ذنبها حاجه انا بجد تعبت اووى يا مروان انا نفسى اكون ام انا مكنتش عاوزه اعمل كده سامحنى ولله بحبك بس انا تعبت اووى وانت حطيتنى فى اختيار صعب وانا اضطريت اعمل كده حاولت اغيرك حاولت انسيك وجع الماضى بس للاسف فشلت سامحنى
مروان دموعه نزلت وقعد على الكرسى؛ليييه ليييه عملتى كده انتى اكتر واحده عارفه انى لما انا بتعصب مش بعرف بقول ايه ليييه سبتينى انا مليش غيرك بس مستحيل اخليكى تبعدى عنى
مروان مسح دموعه وطلع من الشقه علشان يدور عليها
******** فى اسكندريه *******
رهف راحت وقعدت عند صحبتها
خديجه؛رهف انتى من وقت ما جيتى وانتى بتعيطى ممكن اعرف ايه اللى حصل وليه سبتى مروان
رهف فضلت تعيط وبدأ تحكي لخديجه كل حاجه خديجه بحزن ؛انتى إللى غلطانه يا رهف مكنشى لازم توافقى على الاتفاق ده وانتى بتعشقى حاجه اسمها الأطفال
رهف بدموع؛كان نفسى اغيره يا ديجا حاولت انسيه وجع الماضى بس مفيش فايده مرت سنه وانا بلح عليه وبحاول معاه علشان يوافق بس كان بيرفض وعلشان كده قررت اعمل كده يمكن لما يعرف قلبه يحن بس مفيش فايده هو خيرنى بينه وبين الطفل
خديجه بحزن؛طيب انتى ناويه تعملى ايه
رهف مسحت دموعها ؛ناويه اعلمه الأدب
خديجه بضحك ،ازاى
رهف بهدوء؛هبعد عنه الفتره ديه انا عارفه انه بيحبنى وصعب على وعليه بس مفيش حل تانى عاوزه اعرف هو هيختارنى ولا هيختار يفضل فى وجع ماضيه
خديجه بحب؛طيب قومى يلاه علشان ترتاحى وانا هعملك اكل
❤ فى القاهره ❤
عمر ؛طيب ممكن تهدا يا مروان واكيد هتلاقيها
مروان بحزن ؛بقالى يومين بدور عليها يا عمر ومش لاقيها سألت كل اللى اعرفهم محدش يعرف عنها حاجه
عمر بحزن ؛منتا اللى غلطت يا عمر وكفايه انك داخل على سنه ونص متجوزها ومانعها من الخلفه رغم انك عارف مده حبها للاطفال
مروان بدموع ؛يا عمر انا كان نفسى أكبر الشركه واعيشها فى مستوى كويس وأمن مستقبل عيالنا علشان ميتعبوش زى ما ابوهم تعب وبعد كده هخليها تخلف انا كنت ماجل الخلفه بس مش رافضها وعارف انى غلط واتعصبت عليها بس عمرى ما اتخيلت انها ممكن تسبنى هى اكتر وحده عارفه انى لما انا بتعصب مش بعرف بقول ايه كان ممكن تستنانى ارجع البيت حته ونتكلم بس هى مشيت قبل ما تسمعنى
عمر بحزن؛طيب اهدا وانشالله هنلاقيها بس لحد ما نلاقيها لازم تتغير يا مروان
مروان بعدم فهم ؛قصدك ايه
عمر ؛قصدى تنسه الماضى إللى هى بقالها سنه ونص بتحاول تنسهولك تفتح صفحه جديده وتفرح انك واخيرا هتبقه اب يا مروان الأطفال نعمه واحمد ربنا انه ربنا رزقك بالنعمه ديه صدقنى فيه ناس كتيرر محرومه منها انسه وابدا صفحه جديده وادعى اننا نلاقى رهف وكمان كبر شركتك خلى رهف لما ترجع تلاقى مروان تانى غير إللى تعرفه اثبتلها انك بتحبها واتغير علشانها وعلشان الطفل إللى جاى وانا اوعدك هبقه جنبك لحد ما نلاقيها وواثق اننا هنلاقيها
مروان بابتسامه؛عندك حق هى تعبت اووى معايا وجه وقت انى اعوضها وعاوز اقولك انى لو لفيت الدنيا مش هلاقى صاحب زيك

 

 

 

 

عمر بمرح؛كده هتغر انا
مروان بضحك؛ولااا قوم غو،،ر من هناا قوم
عمر بضحك ؛هههههه اهون عليك يسطااا وبعدين انت إللى محظوظ انى عندى صاحب زيك قوم يلاه علشان نخلص شغلنا ونرجع ندور عليها
مروان بابتسامه؛يلاه
******* بعد مرور ثلاث شهور *******
مروان كان بيشتغل ليل نهار لحد ما كبر شركته وكمان اشتره شقه جديده بس كان قلبه واجعه وملامحه بهتت من الحزن لانه خلال التلات شهور مقدرش يعرف مكان رهف
رهف كانت قاعده عند خديجه وطول الوقت بتفكر فى مروان وكانت فاكره انه خلاص نسيها
***فى شركه مروان ****
عمر بفرحه؛مروان عندى ليك خبر محصلش
مروان بحزن ؛قول
عمر؛عرفتلك مكان رهف
مروان بصدمه ،بجد هى فين
عمر ؛فى اسكندريه فاكر خديجه زميلتنا اللى كانت ديما مع رهف فى الكليه
مروان ؛اااه
عمر ؛هى موجوده فى بيتها والعنوان ******
مروان بفرحه؛طيب خلى بالك من الشركه وانا هروحلها
عمر بحب؛اشطااا يا صديق روح ربنا يفرحك
مروان نزل بسرعه واخد عربيته وساق بسرعه وسافر اسكندريه علشان يشوف رهف
بعد وقت
****فى اسكندريه *****
خديجه بضحك؛يا بنتى رايحه فين ببطنك ديه
رهف ؛رايحه اجيب لبس للبيبى
خديجه بضحك؛رهف بلاش جنان انتى لسه فى الشهر الرابع
رهف ؛وايه يعنى يلاه باى بقااا
خديجه بضحك ،مجنونه طيب خلى بالك من نفسك
رهف ؛ماشى
رهف طلعت وراحت محل بيبع ملابس اطفال
فى منزل خديجه

 

 

 

خديجه كانت قاعده وفجاه لقت الباب بيخبط
خديجه بضحك؛هى لحقت ترجع بنت المجانين
خديجه فتحت الباب لقت مروان
مروان بحزن؛رهف فين يا خديجه
خديجه بصدمه ؛م مروان انت عرفت ازاى
مروان بحزن؛ارجوكى ناديهالى عاوز اشوفها
خديجه بحزن ؛هى مش هنا
مروان بصدمه ؛امال راحت فين
خديجه بضحك؛بصراحه اتجننت وراحت تجيب لبس للبيبى وهى لسه فى الشهر الرابع
مروان بابتسامه؛طيب قوليلي العنوان
خديجه؛العنوان *******
مروان بغرحه؛تمام نزل واخد عربيته ومشى
خديجه بابتسامه؛ربنا يهديكم ويرجعكم لبعض
****فى محل الملابس ****
رهف بزهق؛عاا ده احلا ولا ده الاتنين حلوين انا زهقت
……..؛على فكره الاحمر حلوه اووى
رهف اتصدمت والتفت لقت مروان
رهف بصدمه ؛ا انت انت ايه جابك
مروان بحب؛وحشتينى
رهف بدموع؛كداب يلاه امشى من هناا مش عاوزه اشوفك
مروان قرب وباس جبينها واخدها فى حضنه ؛انا اسف حقك عليه كنت غبى اسف انى زعلتك بقالى تلات شهور بدور عليكى مش قادر اعيش من غيرك انا اسف علشان خاطرى ارجعى معايا ارجوكى انتى عارفه انى مقدرش اعيش من غيرك لو مش علشانى علشان الطفل إللى هينور الدنيا قريب
رهف بدموع ؛امممم انت مش قولت مش عاوز أطفال
مروان؛كنت غبى مكنتش عارف قيمه النعمه إللى ربنا رزقنا بيها انا سمحت لوجع الماضى انه ياثر على حياتنا انا اسف عارف انى تعبتك وانك استحملتينى كتيرر حقك عليه
رهف بدموع ؛مش هتزعلنى تانى
مروان بحب؛عمرى ما هزعلك
رهف بطفوله؛اممم وهتوافق نخلف أطفال كتير
مروان بضحك؛موافق بس انتى ربيهم بقااا
رهف ؛ده الطبيعى امال هسيبك انت تربيهم علشان يطلعوا مجانين زيك
مروان برفعه جاجب ؛بقااا كده ماشى حسابك معايا فى البيت
رهف ؛طيب استنى روح ادفع حق اللبس ده يلاه
مروان بضحك؛ههههه بدانا من دلوقتى
رهف بغيظ؛دنا هوريك النجوم فى عز الضهر يا حبيبى روح
مروان ؛لا انا بفكر ارجعك لخديجه وارجع القاهره
رهف؛ولله طيب اعملها
مروان بضحك؛هههه مقدرش انا اصلانا صدقت ما لقيتك يلاه بينا علشان عندى ليكى مفاجاه محصلتش
رهف بفرحه؛ماشي
مروان دفع حق اللبس واخد رهف بيت خديجه خلاها تلم هدومه وشكر خديجه انها خلت بالها من رهف واخدها ورجعوا القاهره
بعد وقت
رهف؛مروان أنت جايبنا فين

 

 

 

مروان ؛انزلى بس
رهف نزلت وكانوا واقفين قدام بيت كبير شكله جميل اووى من بره مروان مسك ايدها ودخلوا
مروان ؛ده يا ستى بيتك الجديد
رهف بصدمه ؛ازاى بس انت
مروان؛فى التلات شهور إللى بعدتى عندى فيهم مكنتش بنام كنت طول الوقت بشتغل لحد ما كبرت الشركه وكان معايا عمر صاحبى وبعت شقتنا القديمه واشتريت ديه وكمان مجهزلك مفاجاه احلى مروان حط ايده على عيون رهف وفتح غرفه من الغرف
مروان شال ايده ورهف اتصدمت كانت أوضه أطفال وفيها العب كتيره وصور أطفال على الحيط واقل ما يقال عنها انها تحفه
مروان بحب؛فاكره لما قولتيلى انك نفسك تعملى أوضه أطفال زى ديه لما اشتريت الشقه حبيت تكون ديه اول أوضه اعملها علشانك انتى والبيبى الجاى
رهف كان واقفه مصدومه وبتدمع وافتكرت لما اتجوزو هى ومروان
Flash Back
رهف ؛مروان مروان ممكن إطلب منك طلب
مروان بحب؛اطلبى يا روحى عيونى ليكى
رهف؛انا نفسى اعمل أوضه أطفال املاها لعب وصور للاطفال وكمان اجيب سرير صغنن علشان احط عليه اول مولاود
مروان بحب؛عيونى اول ما ربنا يفتحها علينا ونكبر شركتنا هشتريلك شقه جديده واول حاجه هنعملها انا وانتى أوضه أطفال وهعملها زى ما انتى بتتمنى اى رايك
رهف بحب؛ماشى موافقه انا بحبك اووى يا مروان
مروان بحب ؛وانا كمان بحبك يا قلب مروان
Back
مروان بحزن ؛مالك يا رهف بتعيطى ليه هى معجبتكيش
رهف اترمت فى حضنه وفضلت تعيط
مروان بحب؛اهدى اهدى يا قلبى مالك
رهف؛انا بحبك اووى يا مروان بحبك اووى
مروان بحب ؛وانا كمان بحبك يا قلب مروان انا اسف يا روحى زعلتك كتيرر بس خلاص انا مسحت الماضى ووجعه من دماغى ومش هخليه ياثر علينا تانى وهنفتح صفحه جديده مع ابننا او بنتا إللى جاى
رهف طلعت من حضنه ومسحت دموعها ؛خلاص متتاسفش تانى انا مبسوطه اووى انك اتغيرت ونسيت الماضى
مروان ؛قوليلى بقااا انتى حامل فى بنت ولا ولد
رهف بضحك؛اتنين توأم بنت وولد
مروان بفررحه؛بجد
رهف هزت رأسها بمعنى اااه

 

 

 

مروان كان مبسوط اووى واخدها فى حضنه ؛بحبككككك
وبعد مرور خمس شهور رهف جابت توأم بنت ووالد وقررو يسموا الولد ادم والبنت كنزى ومروان كان فرحان اووى بيهم وهو إللى سمأهم
وبعد مرور سنه رهف جابت ولد تانى وسموه أدهم ومروان بقااا رجل أعمال معروف وكل يوم حبه لرهف واولاه كان بيزيد اكتر واكتر❤
تمت ❤👑

اترك رد