رواية 30 يوم حياة الفصل الخامس والعشرون 25 بقلم أميرة اسامة
رواية 30 يوم حياة الفصل الخامس والعشرون 25 بقلم أميرة اسامة
رواية 30 يوم حياة البارت الخامس والعشرون
رواية 30 يوم حياة الجزء الخامس والعشرون
رواية 30 يوم حياة الحلقة الخامسة والعشرون
خلص زين شغله وابتدا يقفل في الورشه.
يوسف…مسا مسا يازينووو
بص زين وراه
زين…چو حمد الله عالسلامه
جاي بدري ياعني
يوسف…الجو مريح يا زين والله بلف من الصبح وحاسس اني مش قادر
زين…انت مش جاي معانا ولا ايه
يوسف…ايه ده انتو رايحين فين
زين…الواد لاحه مقالكش قالي هقوله الواطي هنطلع لأدهم انهرده كلمني الصبح وقالي تعالو احنا زهقانين وهنتعشي مع بعض ونشوف الفرح وقالي توته هتكلم البنات
يوسف…ده واد واطي لاحه ده والله ماقالي ولا حتي مريم قالتلي
زين…طيب يلا انجز بقي
يوسف.. لنا شكلي مش هعرف يازين عشان روحيه ابقي اطلعله وقت تاني بقي
زين…ياجدع اخلص بقي كلنا طالعين وبعدين لو علي روحيه هنسبها مع مديحه اهم يسلوا بعض
يوسف…ياجدع دي مع مديحه من بدري مش عارف هشوف طيب ولو نامت هحصلكم
زين…طيب حاول بالله عليك عشان ادهم وهيما هرفعهم انهرده وعايزكم ابقوا موجودين
يوسف…بضحك ليه طيب
زين…لما تيجي هتعرف
يوسف…اشطا يلا سلام
زين شد باب الورشه وقفله
عمر…عايز مني حاجه ياعم زين
زين…تسلم ياعمر يلا سلام
عمر…سلام.
ابتدوا البنات والشباب يجهزوا
عند توته وادهم
ادهم…ايه ياتوته ايه الاخبار
توته…قربت اهو خلاص بنضف بس المطبخ وحطيت الاكل فالفرن وجهزت الحلو والتسالي والفاكهه وكل حاجه
ادهم…تسلم ايدك ياقلبي ريحه الاكل جامده
توته..بفرحه والنبي صحيح
😍
ادهم…اه والله العظيم مش عيزاني أساعدك في اي حاجه عشان تخلصي بسرعه
توته…لا انا خلصت كل حاجه اوعي تكون بهدلت الشقه بره
أدهم…يابت انتي اعده مع ابن اخت انا كنت بلبس
توته…بضحك طب بقولك ايه
ادهم…يانعم
توته…والنبي خد المعطر رش كده فالشقه عشان ريحه الاكل وريحه السجاير اللي انت مالي بيها الشقه دي وافتح الشبابيك كده عشان الريحه تمشي
ادهم…شبابيك ايه انا فاتح التكييف
توته…اقفله طيب خمس دقايق كده لحد ما الشقه تتهوي وقلعت توته مريله المطبخ علقتها
توته…انا هدخل اخد دش سريع كده واروح أجهز
مسكها ادهم من وسطها استني بس هقولك حاجه
توته…ايه
قرب ادهم من شفايفها وباسها بوسه طويله وبعد عنها بعد شويه
توته ..علي فكره اللي انت بتعمله ده مش وقته خالص
زمانهم جايين
ادهم…الله طب مايجو حد حايشهم ورجع باسها تاني
توته…بضحك يووووه ماتتلم بقي وخليني اروح اخد دش
أدهم…يابت الدش مش هينفعك استني بس
توته…مسكتله سكينه بقولك ايه العد عني احسن اتهور
بعد ادهم وهو رافع ايده الاتنين بطريقه تضحك لا وعلي ايه يا وليه ياقلابه😒
توته…بضحك ابوه كده ناس ماتجيش غير بالعين الحمرا
وجريت من ادامه علي اوضتها عشان تجهز
في شقه زين…
كان زين لبس وجهز واعد مستني صحابه والبنات يجهزوا
خرجت وعد بعد ما جهزت هي ومنه اعدوا مع مديحه وزين بره
أعدت وعد جمب زين
زين…بصوت واطي لوعد
أيه القمر ده
برقت وعد اول ما سمعته وابتسمت
ابتسم زين علي كسوفها وسكت
مديحه…بقولك ياوعد
وعد…ايوه ياخالتو
مديحه…عايزين يا لنتي بعد بكره نروح انا وانتي البنك
وعد…ليه
مديحه…عشان الشهادات بتاعتك يا بنتي معاد تجديدها جه خلاص وفي ارباح نزلت عايزين نجمعهم وندخلهم في شهاده جديده
وعد…طيب ما ينفعش انتي تروحي يا خالتو
مديحه…لا مينفعش انتي مبقتيش صغيره ولازم افتحلك حساب بأسمك عشان الفلوس تبقي بأسمك انتي ولا انتي كسلانه انك هتصحي بدري
وعد…بأبتسامه طفوليه بصراحه اه
مديحه…معلش مجتش من يوم خلينا نخلص
وعد…ماشي بس الارباح اللي نزلت دي بلاش ندخلهم في شهاده
مديحه…ليه ياحبيبتي انتي محتاجه فلوس
وعد…لا لا بس حضرتك كنتي بتقولي لمنه هتنزلي تجبيلنا حجات لجهازنا يعني فا عشان منعملهمش شهاده وارجع اكسر الشهاده عشان اسحب منها تاني
زين….بصوت هادي ومين قال انك هتجيبي حاجه من الارباح دي اصلا
مديحه…حاجت جهازك مالها يابنتي بالفلوس اللي امك وابوكي الله يرحمهم سابوهالك
وعد….ايوه ياخالتو امال انا الفلوس دي هعمل بيها ايه وهجيب اي حاجه احتاجها منين
زين…وعد الفلوس دي بتاعتك متشاله لاي ظرف يخصك لاكن لبس وجهاز والكلام ده دي مش بتاعتك اصلا
وعد…مش فاهمه بردو
مديحه…يابنتي جهازك هيتجاب زي ما هيتحاب جهاز منه بالظبط
زين…اي حاجه تخص جوازك وجواز منه انا اللي مسؤول عنها
وعد…زين ده يمكن كان الاول مش الوقت
زين…مش فاهم هو ايه اللي كان يخليه ينفع الاول ومينفعش الوقت
وعد…الاول يازين كنت بنت خالتك اختك وبمكن كنت ابقي مسؤوله منك
زين…وانتي الوقت مش مسؤوله مني
وعد…لا يازين مقصدش بس المفروض ان اي عريس وعروسه كل واحد بيجيب حاجته واظن ان الفلوس دي خالتوا زمان قالتلي انها متشاله لجوازي
مديحه…يابنتي ده لو كان في تقصير مننا او حاجه خارجه عن ارادتنا الدنيا متعسره معانا كده لاكن الحمد لله رزقك انتي ومنه حلو معاش ابويا اللي انا باخده ومعاش ابو زين الله يرحمه وشغل زين
وعد…والفلوس اللي بابا وماما سابوها ياخالتو ومعاش بابا كل ده متشال ليا برده
زين…بصي ياوعد عشان منتكلمش كتير فالموضوع ده ونقفله اي حاجه هتخص جوازكم انتو الاتنين تخصني انا
وعد…زين انت فاهم انت بتتكلم في ايه اظن جهاز العروسه ده بيحتاج فلوس كتير ده غير الحاجه اللي انت هتجيبها
زين…عارف وانا ياستي ملزم بكل قشايه فالبيت ويوم ما تحسي انك هتتجوزي بحاجه ناقصه انا مش قادر اجيبها ابقي جيبيها
مديحه…بصي ياوعد انتي عارفه اننا داخلين مع نعمه جمعيه كبيره اوي بقالها سنتين تقريبا وتقريبا دي كانت معموله لجهاز منه واهي قربت تخلص خلاص كلها 3 شهور فا كده اللي هيتحاب هيبقي ليكي بس عشان فلوس منه اصلا موجوده
وعد…ايوه ياخالتو بس حتي لبسي الحجات بتاعت المطبخ عالاقل
زين…انزلي مع مديحه اللي عينك تختاره تجبيه علي طول وملكيش دعوه بأي حاجه
وعد…بغضب بسيط ابوه يازين بس. بس
زين…بس ايه
وعد…انا مش موافقه يازين
زين…نعم مش موافقه علي ايه
وعد…بلعت ريقها من بصته ليها. مش موافقه اني اتجوز من غير ما انا اكون جايبه حاجه وانت اللي جايبلي كل حاجه
مديحه…يا بنتي وهي دي فيها ايه عيب بس ياوعد انتي حتي لو مكنتيش هتتجوزي زين انا وزين اللي كنا هنجهزك
وعد…اديكي بتقولي ياخالتو كنتوا هتجهزوني مش هتجهزوني وتجهزوا العريس كمان
زين…وانا ياستي هعمل زي ما كنت هعمل لو مكناش اتجوزنا كنت هجهزك ومش هجيب حاجت العريس بس بما ان العريس هيبقي انا فانا هجهزك واجيب اي حاجه عليا
وعد….زين
زين…الكلام خلص ياوعد تروحي مع مديحه بعد بكره شوفوا هتعملوا ايه فالبنك تخلصوا وترجعوا وبص لوالدته ومفيش اي مليم يتسحب من قلوسها يا امي
وعد…ولنا هعمل ايه بالفلوس دي طول ما انا كل حاجه بتجيلي
زين….فلوس متشاله للزمن محدش عارف ممكن يحصل ايه
وعد…يعني افهم من كده انك لو في اي وقت احتاجت فلوس هتاخد مني
زين…لا
وعد…نعم
زين…بقولك لا لما هحتاج فلوس ياوعد طول مانا فيا صحه هحفر فالارض عشان اجيب فلوس
وعد…ايوه يازين يعني كده انا بالنسبالك غريبه صح
زين…بالعكس مين قال كده بس اللي انا عارفه ياوعد واتربيت عليه ان الراجل طول مافي صحه مينفعش يمد ايده حتي لاقرب الناس ليه وانا اتعودت اني اعرف الجنيه ياوعد بس يوم ما احس اني عملت كل حاجه في جهدي وخلاص مش لاقيلها حل اكيد مش هيبقي ليا غيركم ألجأله ولا ايه
وعد…طيب بص خليني حتي اجيب اللبس وحاجت المطبخ
زين…لا ياوعد
وعد…طيب بص خد الفلوس انا مش محتاجها واظن انا لما بحتاج حاجه بتجيلي ومش بتتأخر عني في اي حاجه يبقي خليها معاك وانا لو احتاجت حاجه هقولك
زين…انا قولت لا ياوعد وطول ما انا فيا نفس انتي ومنه مسؤولين مني وشيلي حتت اني هتجوزك يا وعد اعتبري ان انا وانتي زي الاول مفهوم
سكتت وعد من غير اي تعليق وهي باصه لزين بنظره لوم وزعل
مديحه…ريحيه يابنتي
منه…ماخلاص يابت انتي بقي حد طايل فقريه من يومك صحيح😡
فضلت وعد ساكته
بصلها زين بطرف عينه لاكن فجأه أبتسم وهو سامع عامر طالع بالظيطه بتاعته
عامر…بسم الله الرحمن الرحيم وهنبدأ الليله
آه آه آه آه عريسنا الزين كحيل العين وعروسته حلوه وجميله
مديحه…قوم يا الني افتح للمجنون اللي طالع بطبله ده
زين…بضحك راح فتح لقي عامر وكلهم طالعين مع بعض يغنوا ويرقصوا في ايه الله يخربيتك ربنا يفضحك يابعيد ادهم هيرفعك
عامر…الله مش بزفه أزيك ياديحه
مديحه…بضحك ازيك ياعامر
عامر…ايه منه وعد عاملين ايه
منه..ووعد وهما بيضحكوا الحمد لله
منار دخلت باست منه ووعد ودخلوا البنات سلموا علي مديحه والبنات
بوسي…ايه ياديحه مش طالعه معانا
مديحه…لا اطلعوا انتوا انا طلعت خلاص
شمس…طيب ماتيجي تسهري معانا
مديحه…لا انا هأعد اقرأ قرأن وشويه وانام انتوا شباب مع بعض بقي
كيمو…سلام عليييييكم
مديحه…عليكم السلام ياكيمو
كريم…عقبال عندك يا ام زين
عامر…بنمسي
الشباب ردو ورا بنمسي
عامر…ونصبح
الشباب…ونصبح
عامر…علي احلي مديحه فيكي ياحاره
الشباب…علي احلي مديحه فيكي ياحاره
عامر…واسمع احلي سلام لزين الرجااااااالل
الشباب…هااااااي
زين…الله يخربيت اهلكم يالا ياض منك ليه ابه ناقص النقطه والرقاصه
عامر…بضحك بقولك ايه يلا بينا عشان ناوي اخليهالوا فوق قاعه
زين…ده هينفخك😂
عامر…بينا
صالح…خليني انا فالاخر
عادل…لا خليني انا ده ايده طارشه
زين…فين يوسف
كريم…كلمته قال اطلعوا وجاي وراكم
عامر…طيب يلا وخرج ادام الباب وهو بيطبل
ايهاب….انا مليش دعوه مش هحوشك
فتح هيما الشقه بتاعتهم وبص من حرف السلم هو ورحاب
هيما…في ايه ياض ايه الظيطه الانت عاملها دي
عامر….بنصبح
الشباب…بنصبح
عامر…ونمسي
الشباب…ونمسي
عامر…علي اخو العريس
الشاب…علي اخو العريس
عامر…وكمان مره اخو العريس
عامر….والليله ليله هنا وسرور
هيما …بضحك والمصحف هيروق عليك يا عامر
عامر…ياض مش عشان المل يعرف ان صحاب العريس وجبوا معاه
هيما…طيب يلا يا خويا اطلع ده شكله مش سامعك
عامر…بضحك لا مش سامع ايه انا ناقص اقلق راحه الشارع كله
صلاح…ده نازل من بيتهم بالطبله فرج الناس علينا
خرجوا من شقه زين وقفل زين علي مديحه وطلعوا مع بعض
عامر…لا بقول ايه استنوا كده احنا مش هنطلع هاديين تتفاعلوا كده معابا وتردوا ورايا
كريم…يلا غني وانا معاك هي موته ولا اكتر😂😂
عامر…وهو بيطبل يا ادهمممم
الشباب…يا ادهم
عامر ..ياعريييس
الشباب….ياعريس
عامر…وأقروا الفتحه لابو العباس يا أبن العربي ده اجدع ناس ده اجدع ناس
عامر…ياعريييييس
ياصغير كان بدري عليك الجواز يا ادهممممممم
ياصغير عالهم يا صاحبييييي
في شقه ادهم
توته…ايه رأيك شكلي حلو
ادهم…قمر يلا تعالي عشان اضرب ابن الجزمه ده
توته…طب استني بس اقفلي بقيت السوسته دي اللي في ضهري مش طيلاها
ادهم…وهو بيقفل بسرعه
توته…براحه متسربع علي ايه
ادهم…مش عارفه علي ايه علي ابن الصرمه اللي فاضحني ده وجري ادهم يفتح بسرعه
عامر…ياصغير عالجواز ياحبيبييييييي
قفشه ادهم من قفاه انت ياض طالع تعدد عليا يا ابن الجزمه هو انا موت
عامر كان ماسك الطبله في ايده وشكله يضحك وهو ماسكه من قفاه وفضل عامر مكمل
عامر….ياعريس
الشباب…ياعريس
عامر…ياعريسسس
الشباب….ياعريس
خرجت توته وقفت جمب ادهم وهي ميته من الضحكه
عامر…ياعروسه
الشباب…ياعروسه
ادهم…بضحك ربنا يفضحك يا بعيد
ضحك عامر وساب الطبله وحضن ادهم وسلم عليه وعلي توته وابتدوا الشباب يدخلوا ويسلموا واحد واحد علي ادهم والبنات يسلموا علي توته ويحضنوها
مريم…ايه القمر ده يا توته
شهد…احلويتي يابت
توته…في ايه بت منك ليها هو قبل الجواز كنت معفنه ولا ايه
منه…يابت انتي طول عمرك قمر الحته بس الصراحه احلويتي اكتر😉
توته…والنبي صحيح
شمس…وحشتيني ياتوته
حضنتها توته هي وبوسي ودخلت وعد حضنتها وسلمت علبها وباركتلها
وكل بنت كانت داخله بهديه في ايدها لتوته ادهملها
توته…لبه كده يابنات بجد تعبتوا نفسكم كفايه وقفتكم معايا
رحاب…يابت انتي عروسه
منه…متقوليش كده ياتوته دي حاجه بسيطه
وعد…يارب ذوقي يعجبك
توته…كفايه انكم افتكرتوني
سلم زين علي ادهم وحضنوا جامد
زين…مبروك ياصاحبي
ادهم…وهو بيخبط علي ضهره مبروك علينا احنا الاتنين ياصاحبي
دخل زين..
ادهم…ايه ده فين الواد چو
صالح…جاي ورانا
صلاح…قال اطلعوا وانا جاي وراكم
ايهاب…تلاقيه مش عارف يهرب من روحيه
عادل…صحيح هيسيها لوحدها ولا ايه
زين…شكله بيسرح بيكم قالي احتمال ميعرفش يطلع
كريم…ياعم انا مكلمه قبل ما اطلع علي طول قال جاي
ادهم…لا ميجيش ايه في تليفوني توته شوفيلي الموبايل والنبي كده
توته…اهو وراك عالتربيزه
مسك ادهم الموبايل واتصل علي يوسف
يوسف….ايه ياعرييييس
ادهم…وحيات امك انت فين ياض
يوسف…ايه الداخله دي 🙄
ادهم…انجز ياض واياك ماتجيش العيال كلهم هنا
يوسف…هاجي والله بس معلش هدبسكم في روحيه مش راضيه ولا تنام ولا تسيبني
ادهم…ياجدع عيب متقولش كده دي قبلك روحيه حبيبت الكل يلا هاتها متسبهاش لوحدها
يوسف…خلاص والله جاي
ادهم…يلا انجز سلام
يوسف…سلام
ادهم…جاي هو وروحيه
توته….والنبي بجد
عامر…احييييييه روحيه جايه يبقي هتهزق
كريم…مش لوحدك انا بقول نمشي انا وانت😂😂😂
منار…مالك يا وعد
وعد…مفيش ياقلبي
منار…هو ايه اللي مفيش بتخبي عليا طب ده انا اكتر حد عارفك وبيحس بيكي
وعد…هحكيلك بعدين مش هينفع الوقت
منار…انتي متخانقه مع زين ولا ايه لنتو لحقتوا
وعد…لا متخانقه ايه بس مش متخانقين بس مش عايزين اجيب اي حاجه لجهازي بالفلوس اللي ماما وبابا الله يرحمهم سابوهالي
منار…طيب فين المشكله
وعد…المشكله اني مينفعش اتجوز من غير ما اجيب اي حاجه يامنار هحس نفسي رخيصه
منار…انتي يابت عبيطه ولا حماره رخيصه ايه انتي تبقي رخيصه عنده فعلا لو هو مخليكي تجيبي حاجتك وحاجته وبيستعتر بأي حاجه عشان انتي تزودي وتجبيها ساعتها هتبقي فعلا رخيصه لانه متعبش فيكي انما هو عايز يجبلك كل حاجه يا هبله
وعد…يعني ايه
زين…يعني اللي يتعب في عروسته ياوعد يبقي بيحبها بجد وتبقي عنده غاليه مش محتاج اي حاجه منها غيرها هي وبس وبعدين ياستي اعتبري نفسك بتتجوزي عالطريقه الاسلامه زين بيحبك ياوعد متنكديش علي نفسك وعليه وحطيه في عينك
وعد…بصت لزين بطرف عينها لقيته باصصلها واتقابلت عينهم في نظره سريعه وكل واحد فيهم بعد عينه بسرعه
منار…كانت متابعه نظراتهم والنبي انتي عايزه ميت جزمه علي دماغك الناشفه دي
وعد…يعني تفتكري مش هيشوفني بنظره تانيه
منار…يابت انتي هبله لا طبعا
وعد…ايوه بس انا شايفه ان هيبقي كتير عليه اوي
منار…هو اللي قال ولا انتي اللي قولتي
وعد…هو
منار…خلاص يبقي هو عارف انه أدها
وعد….ماشي
منار…اضحكي بقي يا كئيبه
ضحكت…وعد علي منار وانضموا لحديثهم
وثواني والباب خبطت اعلن عن وصول روحيه ويوسف🙄
فتح ادهم الباب
يوسف….ياعريييييس
حضنه ادهم جامد وفضلوا يطبطبوا علب بعض بحب
يوسف….مساء الفل عالمقاطيع
ادهم…باس روحيه من راسها وجت توته سلمت عليها
عامر….مسك طبلته تاني ونسمع احلي سلام لچو صاحبنا وابن حتتنا والست أمه أمه يعني روحيه يعني الطيبه والدم الخفيف اللي مرواقنا كنان مره اللي مروقانا أحلي ام فالدنيا
عامر…الست دي امي شيلاني طول عمرها مشالتش غير همي وانا اخر صبرها
وغير الرتم في لحظه والشاب كلهم ميتين من الضحك
وفضل يطبل ويغني وروحيه كل ده واقفه ومره واحده فضلت ترقص والبنات مش قادرين يمسكوا نفسهم من الضحك علي عامر وروحيه واللي فطسهم من الضحك اكتر يوسف قام بعد ما سلم عليهم واعد ومسك ايد روحيه وفضل يرقص
بعد شويه…
عامر…بس خلاص مش قادر الله يحرقك يا ادهم
ادهم…بضحك وانا مالي ياض انت اللي اعد تغني
عامر…نفسي اتقطع
روحيه…ماتطبل ياواد ياعامر
عامر….ياروحيه اتهدي بقي انتي جايه في اي رقص
يوسف…اعدي يا اما احسن يجيلك عين يرقدك
مريم…ازيك ياروحيه داخله كده عالرقص من غير ما تسلمي
ىوحيه…وانتي مالك يابت متغاظه ليه😏
مريم…بقي كده ياروحيه ده انا حبيبتك
يوسف…ايه يا اما كله الا الموزه
روحيه…عليك وعلي الموزه يا خويا
مريم…بضحك شكرا ياروحيه
هيما…اديهم ياروحيه
روحيه…انت مين ياولا وبتدخل ليه فاللي ميخصكش
كريم وعامر ميتين من الضحك وبيحاولو يخبوا وشهم من روحيه
هيما…كده ياروحيه تصدقي انا اللي غلطان
توته…بقول ايه يلا بقي ناكل احنا متغدناش وهنموت من الجوع
ادهم…اه يلا بقي انا جعان اوي قومي يلا يات ته انتي حضري
توته…تعالو يابنات ساعدوني يلا
روحيه…بنات ايه اللي يساعدوكي هي ناقصه عك امال انا هنا بعمل ايه
توته…ياسلام يلا تعالي ياروحيه ورينا شغل الشيفات
يوسف….ربنا يستر 🙄توته
توته…نعم
يوسف…الله يباركلك ميبقاش اعتماد كلي هااا فهماني طبعا انا جاي جعان ومرضتش اكل عشان نتعشي سوا متخلنيش اندم
توته…بضحك متقلقش ودخلت توته هي والبنات وروحيه
وفضل الشباب مع بعض وكل واحد فيهم طلع ظرف فيه فلوس نقطوا بيه ادهم وباركوله
بعد وقت بسيط كان البنات رصوا السفره طبعا عددهم كان كبير فيهم اللي أعد وفيهم اللي كان واقف الاعده كانت جميله كلها ضحك وهزار قضوا العشا بين ضحك علي روحيه وضحك علي طريقه ضحك عامر وكيمو اللي كانت مفكساهم من الضحك وخلصوا اكل وراحو اعدو تانب فالانتريه منهم اللي اعد عالانتريه ومنهم اللي كان اعد عالارض
زي يوسف اللي كان اعد بين روحيه ومريم عالارض وكريم اللي كان اعد فارد رجله وساند عالكرسي اللي منار اعده عليه وجمبها عامر اللي مش مستغني عن الطبله
جت توته بالشاي والحاجه الساقعه والمشروبات هي والبنات وانضمولهم تاني
زين…بقول ايه في حد جوه فالمطبخ
توته…لا كلنا هنا عايز حاجه ولا ايه
زين…بقولك يا توته ملاقيش عندك حبل
توته…وهي بتفكر حبل حبل اه عندي حته فاضت من منشر الغسيل
زين…حلو اوي هاتيها
توته…ليييييه🙄
زين…هاتي بس وهاتي مقص
ادهم…انت هتعمل ايه ياعم
زين…أتقل بس
منه ووعد كانو بيضحكوا بصوت واطي عشان هما اللي فاهمين
هيما…بتضحكوا علي ايه والله شكلكم فاهمين هيعمل ايه
زين…كان حاطط السيجاره في بوئه ومبتسم وساكت مبيردش
عامر….في ايه ياعم حبل ومقص دول بيتعمل بيهم ايه ياض ياكيمو
كريم….والنبي يا اخويا ما اعرف ادينا هنشوف بس انا مش مطمن🙄
صالح….في ايه يازين
زين…ماتبطلوا رغي والوقت تعرفوا
عامر…استر يارب
توته…اتفضل يازين ادي الحبل وادي المقص
خدهم منها زين وقام وقف وحط السيجاره علي جنب شفايفه وفضل يفك فالحبل لحد ما سلكه من بعض خالص وهما كلهم مراقبينه في صمت تحت ضحك منه ووعد
يوسف…ماتفهمنا ياعم ايه فقره الساحر دي
بص زين لايهاب وصالح
زين…ايهاب تعالي انت وصالح
ايهاب…ايه في ايه
صالح…لا ياعم قول في ايه الاول مش مطمنلك
زين…تعالي بقي متقلقش
صالح…طب احلف
بص زين لوعد وغلاوه وعد
اتحرجت وعد ووشها احمر
عامر…ايوه بقي واللللعه
كريم…..ايوه بقييييي
توته…مين ادك ياست وعد
روحيه…شوف الواد بدل ما يحلف بغلاوتي🤔
زين…وغلاوه روحيه ولا تزعلي😂
روحيه…شالله يخليك ياحلو
يوسف..رفع راسه لروحيه وهو اد اتلمي ياروحيه
روحيه…ضربته علي راسه با خويا انت كمان
قام ايهاب وصالح راحوله
زين…تعالي انت كمان يا چو وتعالي ياض يالاحه
عامر…بضحك احييييه وربنا انا خوفت😂😂😂😂
زين…في ايه ياض انا هديهم حقن انا هلعب معاكم لعبه حلوه
رحاب…مش عارفه ليه انا حاسه ان في غدر
بصلها زين وابتسم. لا مفيش غدر ياستي بقول هنلعب
يوسف….ايه عايز ايه
زين…تعالي يا ادهم
أدعم…ايييه عايز ايه مش مرتاحلك
زين…بضحك ياجدع عيب تعالي ماهم واقفين كلهم اهو
قام ادهم وعدل هدومه وراحله أؤمر يا عم الحاوي
زين…بص ياشباب هلعب معاكم لعبه حلوه وبقالي كذا يوم مجهزها عشان لما نتقابل
عامر…وانا عليا الموسيقي التصويريه وفضل يطبل عالطبله 😂دوم دوم دوم
زين…خليك انت حلو ده عشان الحماس برده
قطع زين حته من الحبل
زين…رجع ايدك لورا يا أدهم
ادهم…اشمعني انا🤨🤨
زين…ياجدع رجع بس
رجع ايده ادهم وهو مترقب اللي هيحصل ربط زين ايده
زين…تعالي ياهيما
هيما…لا انا هتفرج
زين…خد ياض متبقاش جبان
هيما…لا ياعم انا جبان
زين…خايف من ايه تعالي بس
هيما…ياعم انت طول عمرك اعقل واحد فينا لا ليك فاللعب ولا شغل الساحر ده يبقي اكيد دي تغفيله
زين…بضحك لا متقلقش
هيما…اهي كلمه متقلقش دي عمري ماوثقت فيها عشان ديما بعدها تسويح😂😂😂
ضحك…زين والله خد بس ماهو ياتيجي بالذوق يا هجيبك بالعافيه
هيما…اهي ذوق وعافيه دي تأكد انك هتسوحني
زين…بص للشباب اهو بما ان الذوق منفعش يبقي ايدكم معايا ياشبا وراح زين لهيما وفضل يشد فيه هو والشباب وهمو ميت من الضحك رجع زين ايده ورا وابتدا يلف عليها الحبل وسط محاولات هيما من الهروب
ادهم…انا كده ابتديت اتوغوش
زين…بصوا ياشباب حطوهم بقي في ضهر بعض واربطوهم تاني زياده تأكيد
ادهم…الللله كده انا قلقت
توته…هتعمل ايه في جوزي يا زين
زين…اتقلي انتي دورك جاي يا ختي متستعجليش
توته…نهار اسود ليه
روحيه…بضحك الله جدع بازين
زين…مبسوطه ياروحيه
روحيه…اوي
هيما….ياجدع عيل احنا مش صغيرين فهمنا بس في ايه
زين…في انكم هتترفعوا بس متستعجلوش
هيما…انا قولت مش مطمن
ادهم….انا معملتش حاجه فك ياض انت وهو
زين ..لو حد فيكم فك اي حد هيتربط بداله
ايهاب…معلش يا ابو نسب حكم القوي
ادهم…ماشي يا ايهاب
هيما…فك ياض وربنا ماهجوزك اختي
زين…كمان بتحلف عليه ادامي
ايهاب…وانا مالي يا ابو نسب بس
ربطهم صالح ويوسف في ضهر بعض
زين…عايز حد جامد من البنات كده يجيلي
بوسي…انا
زين…تعالي يابوسي
توته…انا
زين…انتي لا انتي ايه كان بودي والله ياتوته بس انتي انهرده ضحيه مش عامل مساعد
توته….ليه انا عملت ايه
زين…تعالي يامنار
منار…بطفوله ايه ده الله هشترك فالجريمه
كريم…البت فرحت
منار…اصل انا شريره اوي
زين…تجبولي توته بقي وتربطوها زي ما ربطت هيما وادهم
توته…اللي هتقرب هروقها
زين…يلا يابنات توته…الله يخربيتكم طب استنوا هقوم بالذوق وقفت توته وربطوها البنات
زين…اللي عملتوه في توته تعملوه في منه واربكوهم في بعض بقي
منه…بصدمه طلعت فوق ايد الكرسي لا وربنا ماينفع يازين ده انا اللي قولتلك
هيما…قولتي ايه يابت
منه…استني انت كمان زين يا حبيب يانا اختك وبعدين انت قولت اقولك وتسامحني
زين…لا ياحلوه انا قولت افكر
منه…وحيات امك يازين
زين بأبتسامه يلا يابنات وقومي معاهم بالذوق بدل ما اقفشك انا
منه…لا وعلي ايه بس علي فكره كده ظلم😫
كريم…لعامر ناولني يا ابني النسكافيه ده شكل الاعده هتحلو مع فقره الساحر دي
عامر….اديله يا عادل انا شغال فالنوسيقي التصويريه الوقت مش فاضي
منار…ايه رأيك كده ربطهملك ربطت هدايا
عامر…بضحك ربطه هدايا الله يخربيت عقلك😂😂😂😂😂😂
أبتسمت منار بحب لعامر وسكتت
زين..يلا يابنات شكرا اتفضلوا اتفضلوا ياشباب منجلكوش في حاجه وحشه اعدوا يلا عشان نبدأ العرض
ادهم…ياض عيب انا عريس
هيما…وشرف امي يا زين لا هوريك
زين…كمان بتستحلفلي اتقل عليا
زين…انا عايز عصايه
روحيه…اروح اجبلك بتاعتي
يوسف…اعدي انتي يا اما تموتي في الضرب😂
عامر…روحيه حاضره علي طول😂😂
ادهم…طب فهمنا بس في ايه وهنسيبك تعمل الانت عايزه
زين…في انكم يا واطين بتتفقوا عليا
وبص للشباب طبعا مفيش هنا حد غريب وطبعا الشباب كلهم عارفين حكايتي مع وعد من زمان
ايهاب….في ايه😳
يوسف…انا بفكر اخد امي واجري😂😂
توته…انا فهمت وربنا فهمت بس وربما كانت نيتي خير
ادهم…فهميني ياتوته
زين…لا ذكيه وتصدقي اني ناوي اخلي عقابك اسهل عقاب ان مكانش في خالص
توته…اه والنبي يازين انا غلبانه
صلاح…ماتفهمنا ياجدع
زين…البشاوات عرفوا من اختي ان وعد بتحبني يروحوا هما قايلين لمنه ان انا كمان بحبها كل ده كان في مكالمه بينهم الاربعه
وحكالهم زين كل حاجه زي مامنه قالتها
زين…هي دي الحكايه ياشباب احكموا انتوا بقي اعمل فيهم ايه لما خبوا عليا واعمل في منه وتوته ابه لما خبوا علي منه
عامر….نأخذ من كل رحل قبيللللللله😂😂😂😂😂
زين…بضحك ده انا هاخدهم رهينه
زين…بوسي شوفيلي اي عصايه
بوسب…ياسلام عيني في معالق خشب تنفع
زين…ياسلام عز الطلب
راحت بوسي ورجع ادتله المعلقه
هيما…ورحمه ابوك بلاش يا زين جسمي مهدود من اللعب انهرده اااااه
كانت اول ضربه ليه
هيما ..وهو بيضحك ياجدع عيب متصغرناش
ادهم….زين عيب يا جدع انا عريس ااااااه
زين…وانا بوجب معاك يا عريس ياوااااطي سنين ادامكم هتجنن مش قادرين تفرحوني
وعد…كانت ميته من الضحك هي والبنات
توته…اضحكي يا اختي اوي ما مله بسببك
منه….وربنا يا عد لا هطلعه علي عنيكي
زين…انتي كمان بتهدديها اداني ده انتي يومك مش معدي
منه…اااه😂😂😂😂وربنا خلاص انا اسفه ياوعد انا حبيبتك
توته…بقولك ايه اوعي تقرب مني اما قلبي كان عليكم طب بزمتكم مش اعترافكم لبعض احسن ما كنا ندخل
زين…ماهو بردو انتي الراس المدبره
توته.. والنبي كان نفسي افرحكم
زين…خلاص صعبتي عليا
هيما…ياعم صعبت عليك ايه هي السبب وربنا انا كنت هقولك
ادهم…انت عايز مراتي تضرب ياض
هيما…واشمعني هي ما انا خطيبتي بتضرب
توته…نهارك اسود معايا يا هيما
ادهم…اتلمي يابت ملكيش دعوه باخويا
يوسف…احيييه دول وقعوا في بعض
عادل….ببرود انا من رأي تسبهم متربطين كده لحد مايلاقولهم صاحب
ادهم…اتلم يا رايق صوتك طلع الوقت
وعد…بضحك زين عشان خاطري خلاص فكهم
زين…يعني مش عيزاني اكمل
وعد…لا خلاص والنبي
ادهم…ده انتي يومك مش فايت ياوعد كله بسببك
وعد…بضحك طب انا مالي بس
زين…انت كمان بتهددها ادامي
أدهم…اااه لا انا اقدر بردو
زين…عشان خاطرك بس 😉
هيما…مش وقتك ياعم الحنين ايدي وجعتني فكني
زين…اتملم بأدب ياض
هيما…لو سمحت يازين الرجال فكني
روحيه…اوعي تفكهم يازين شكلهم يضحك 😂😂
توته…اتمسي ياورحيه
زين…بضحك خلاص فك هم ياشباب
قام هيكا ويوسف يفكوا الشباب ومنار قامت تفك البنات
توته…اااه ايدي حرام عليك
منه…ماشي يازين
وفجأه انقض ادهم وهيما علي زين
زين…بضحك اااه يا ولاد الجزمه
فضلوا يضربوا في بعض بهزار واخيرا اعدوا كملوا سهرتهم
زين…لوعد اي خدمه
وعد…انت مجنون
زين..بس بحبك
توته..جت بالحلو والفاكهه والتسالي
توته…يلا يا ادهم شغل الفرح
مريم…اع والنبي عايزه اشوفه
رحاب…توته مرضيتش توريهولنا امبارح ابدا
توته…عشان نتفرج سوا
شمس…يلا شغلوه بقي
زين…ادهم هات طفايه
ادهم…عندك عالترابيزه
زين…مفيش حاجه
ادهم…استني انادي علي توته تجبلك
هيما…استني في طفايات هنا فالنيش اهيه
ادهم…بتخذير ساب بسرعه اللي بيعمله فالتلفزيون لااااااا
هيما..في ايه ياجدع
تدهم…لو راجل بصحيح جرب تفتحه
هيما…في فار ولا ايه
ادهم…لا في توته
خرجت توته فالوقت ده ومعاها سكينه نيش ايه اللي تفتحه يا هيما
هيما…سلام قولا من رب رحيم انتي هتتحولي ولا ايه
ادهم…دي كانت هتموتني يوم الصباحيه عشان حبيت اعملها جو رومانسي صحيت قبلها اعملها فطار ملاقتش اطباق فتحت النيش وجبت هي لما عرفت كان يوم اسود وانت بكل جبروت عايز تجيب طفايه
توته…انت لعبت في عداد عمرك
هيما…بكريقه مضحكه لزبن انت ياعم انت ماتطفي في ايدك صحيح
توته…ايوه كده
فضلوا كلهم يضحكوا علي توته راحت جابت لزين طفايه وكملوا يومهم مع بعض في هزار وضحك وكانت احلي سهره وفتح ادهم الفرح وابتدوا يتفرجوا عليه وكل واحد فيهم مرسوم علي وشه ابتاسمه جميله خصوصا زين ووعد اللي من اول صدمه وعد بكتب الكتاب لحد ما اتكتب كتابهم كانت مبتسمه هي وزين ومبسوطين
خلص الفرح… وابتدا زين يقول يلا
عامر…بقول ايه هتعملوا ايه فالرحله
ادهم…في معادها هنروح
عامر…الناس بتسألني وعايزين يحجزوا
زين…بلغهم اول رحله هتبقي الخميس الجاي
منه…ايده ده يعني بعد خمس ايام
زين…ان شاء الله
شهد…والله وحشتني الرحلات اوي
منار…وانا كمان نبتدي نجهز نفسنا بقي
توته…اه والله وبعد جوازي هيبقي يوم عسل
ادهم…😉😉😉
زين…عامر انت وكيمو وهيما اللي مسؤوليين عن حوار الفلوس بقي ماشي
عامر…اشطا معادنا مع احلي رحله في الموسم
كريم….مستنيها انا الرحله دي اوي
يوسف…ياعم اتنيل اللي يشوف كده يقول مقطع العوم
عامر…ده بيغرق عالشط
كريم…عيب عليكم انا سباح عالمي
عادل…اتوكس انت بتعرف تعوم
كريم…بضحك داري عليا طيب انا اخوك عامر وجو جوز واطين متبقاش زيكم وبعدين اللي يشوف يقول واخدين البطوله في السباحه انتو اخركم عوم الترع
عامر…بسسسس الرحله فاضلها خمس ايام نروح بس ونشوف هنا مين اللي عوم ترع ومين عوم كلابي
فضلوا يضحكوا واتفقوا علي كل حاجه تخص الرحله واخيرا خلص اليوم بتاعهم وكل واحد راح بيته بعد وقت الكل اتبسط فيه❣️❣️❣️❣️❣️
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية 30 يوم حياة)