رواية عذاب الحب الفصل العاشر 10 بقلم شيماء أشرف

رواية عذاب الحب الفصل العاشر 10 بقلم شيماء أشرف

رواية عذاب الحب البارت العاشر

رواية عذاب الحب الجزء العاشر

رواية عذاب الحب الحلقة العاشرة

فى فيلا عز الدين:.
كانت مديحة وجانا يجلسان سويا فى حديقة الفيلا
جانا /انطى مديحة هو مالك كلمك
مديحة /لأ
جانا/لية يا انطى
مديحة /مالك لما بيسافر فى شغل بيبقى مشغول اوى مبيبقاش فاضى يكلمنا
جانا وهى ترفع حاجيبها/للدرجادى دة بقى صعب اوى دة مكنش كدة
مديحة بحزن/هو من زمان كدة ربنا يهدى
…………………………………………………………
فى كلية الطب:.
كانت زينب وشهد على وشك الدخول الى المحاضرة ولكن شهد توقفت لتقول/بصى يا زينب مروان اللى انقذك امبارح قاعد هناك اهو
زينب بلا مبالاة/اعملو اية ياعنى
شهد/يابنتى انتى المفروض تروحى وتشكرية على اللى عملة
زينب/ما انا شكرتو امبارح هى شغلنا وبعدين يلا عشان منتأخرش على المحاضرة
شهد/يلا يا دحيحة قال ياعنى هتطلعى مجدى يعقوب ولا احمد زويل
زينب/ولية لأ لزم يكون عندك حلم تحققية وانا هحقق حلمى
شهد مازحة/طاب لما تصحى من الحلم ابقى بلغينى
……………………………………………..
فى مكان اخر فى الجامعة كان مروان جالس مع اصدقائة حازم وشادى
حازم/اية رأيكم نروح النادى النهاردة
مروان/مليش مزاج
شادى/لية بس يا مروان خلينا نروح بدل ما عنينا اتخرمت من كتر المذاكرة واهو بدل ما نشوف جثث نشوف مزز
حازم/واللهى عندك حق يا شادى انت رايك يا مروان
مروان/خلاص هنروح بس بعد ما نخلص محاضرتنا
شادى وحازم معا/هو دة الكلام
……………………………………………………….
فى شرم الشيخ:.
كان مالك وحياة فى انتظار الوفد فى الريسبشن وكان الصمت يسود المكان لكن بداخل كلا منهما اسئلة يريد اجابتها من الاخر فقررت حياة ان تبدأ
حياة/مالك بية هو مين اللى عمل فيك كدة
مالك وهو ينظر لها ويقول بجدية/معرفش بس اكيد هعرفة وساعتها مش هرحمة
مالك /بس واحدة غيرك بعد اللى انا عملتة معاها مكنتش عملت اللى انتى عملتى اية اللى خلاكى تنقذينى وانا عارف انك مبطقنيش
حياة/انت فعلا ضايقتنى من اول يوم شوفتك فى واهنتنى امبارح بس انا مكنش ممكن اشوف حد محتاج مساعدة ومساعدوش حتى لو كان اكبر عدو ليا

مالك /معنى كلامك انك بتعتبرينى عدوك
حياة وهى تهز كتفيها/لأ انت مش عدوى لانى مبكرهكش لانك انسان كويس جدا ومحترم جدا
تفاجأ مالك من كلام حياة عنة فهو كان يعتقد العكس
مالك /انتى اللى بتقولى كدة
حياة/ايوة بالرغم انك ساعات كتيرة بتكون عصبى
انتهت حياة من جملتها واخرجت علبة دواء من شنطتها واخذت حباية وامسكت كوب الماء الموضوع امامها وشربت منة
مالك /حياة هو دة دوا السكر
هزت حياة راسها علامة الموافقة وقالت/ايوة
مالك /هو انتى جالك السكر ازاى بالرغم سنك الصغير
حياة بابتسامة/سنى الصغير دة بيجى لاطفال دة بقى مرض العصر
مالك /ياعنى وراثة
حياة/لأ مش وراثة هو لما بابا مات مستحملتش فزعلت جامد جدا وجالى صدمة عصبية وجالى معاة السكر
مالك /واضح انك كنتى بتحبى ومتعلقة بى اوى
حياة /الله يرحمة
اخرجت حياة مفكرتها لتطلع مالك على جدول اعمالة وبروجرام شرحت حياة لمالك ما قامت بة واطلعتة ايضا على ما انجزتة فى التصاميم والملفات التى طلبها منها مالك من قبل
مالك وهو يرفع حاجبة ويعقد يدة اعلى صدرة/برافو عليكى التصاميم كويسة جدا
حياة بابتسامة/واللهى كويس انهم عجبوك انا كنت عاملة حسابى انك تقولى مش حلو يتعاد من اول وجديد
مالك /انتى قلبك اسود اوى بس واضح انك كنتى شاطرة فى دراستك اوى
حياة بثقة /انا وبلا فخر كنت الاولى دفعتى خمس سنين
مالك/ولما انتى الاولى على دفعتك متعينتيش معيدة فى الجامعة لية
حياة/اتعين مكانى ابن العميد اللى كان طالع الرابع على الدفعة
مالك/وسكتى دة انتى بتخدى حقك اول بأول
حياة/مكنتش حبا اعمل مشاكل على الفاضى وبعدين ربنا عوضنى بالشغل عندك وب..
قاطع كلام حياة ومالك دخول اسلام وهو يقول:.
اسلام/صباح الخير يا مالك بية صباح الخير يا انسة حياة
حياة ومالك معا/صباح النور
اسلام بقلق/سلامتك يا مالك بية اية اللى حصلك
مالك بجدية/وقعت امبارح كنت عاوز حاجة
اسلام/كنت جاى ابلغ حضرتك ان الوفد وصل
مالك وهو يشير بيدة/طاب روح انت وانا هحصلك
هز اسلام راسه علامة الموافقة /حاضر عن اذنكم
نهض مالك من على الكرسى فمسك رأسه من الم فانتبهت حياة لة
حياة بنبرة قلق/مالك بية انت كويس
مالك /ايوة يالا عشان منتأخرش

ذهبت حياة بجوار مالك لاستقبال الوفد ولكنها كانت قلقة جدا على مالك
……………………………………………………..
كان سيف جالس فى مكتبة ينجز بعض الاعمال فرن هاتفة برقم سليم فامسك الهاتف وضغط على زر الايجاب
سيف /ايوة يا سليم فى اية
سليم/اللى امرت بى حصل يا سيف باشا
سيف/اوعى يكون مات او جرالة حاجة
سليم/لأ هو كويس دة حتى البت اللى جات معاة لحقتو فى سعتها
سيف وهويعقد حاجبية/بت مين دى
سليم/دى المساعدة بتاعتو لسة متعينة من كام يوم
سيف/طيب سلام
اغلق سيف الخط وهو يقول لنفسة بابتسامة شيطانية/عشان تعرف يا سى مالك انى اقدر اوصلك لو روحت اخر الدنيا
………………………………………………………
وصل الوفد ورحب بة حياة ومالك وكان على رأسهم روى رئيس الوفد
مالك بابتسامة وهو يصافح مستر روى
Hello;mister Roy narrated Egyptp
اهلا مستر روى نورت مصر
روى بابتسامة وهو يصافح مالك/Welcome mister mallk
اهلا مستر مالك
مالك وهو يشير لحياة/Mister Roy narrated Heyt of my secretary
مستر روى دى حياة المساعدة بتاعتى
ابتسم روى لحياة ومسك يدها وقام بتقبيلها وهو يقول/ Welcome madam
اهلا سيدتى
خجلت حياة من تقبيل روى لها ولكنها لم تعطى الموضوع اهمية
حياة بابتسامة/Ahlabik mister Roy honor Egypt
روى/Thank s Heyt
مالك /Now get to know the first to rest alittle and at four o”clock wemet
دلوقتى بقى تطلعوا الاوض ترتاحو شوية والساعة 4نتقابل
روى/Well mister mallk
حسنا مسترمالك
قامت حياة واسلام بانهاء كافة الاجراءات واعطت مفاتيح الغرف لروى ومن معة وذهب روى ومن معة الى غرفهم وظل مالك وحياة فى الريسبشن يتحدثان فى بعض امور العمل حتى جاء مدير الفندق وقاطع حديثهم
يوسف بابتسامة/عامل اية دلوقتى يا مالك بية
مالك وهو ينظر ليوسف بجدية ويقول/مين حضرتك
يوسف/انا يوسف صلاح مدير الفندق
مالك بابتسامة مصطنعة/اهلا وسهلا خير فى حاجه
يوسف/ابدا بس كنت عاوز اطمن على حضرتك بعد اللى حصلك امبارح
مالك وهو يعقد حاجبية/وانت عرفت منين باللى حصلى امبارح
يوسف وهو يشير لحياة/الانسة حياة جتلى امبارح واترجتنى عشان اسعفك بصراحة انت معاك مساعدة كويسة جدا بالرغم من انها عصبية شوية
حياة /انت اسفة بجد لو كنت ازعجتك امبارح
يوسف بابتسامة/يافندم دة واجبى عن اذنكم
مالك /دة انتى عملتى اللى عليكى وزيادة امبارح
حياة بصوت هامس/ياكش يطمر
مالك /بتقولى اية
حياة/بقول لزم امشى عشان الحق اكمل شغلى من انا مش جاية اتفسح وغير جو مش كدة يا بشمهندس
تذكر مالك ما قالة لحياة فقال/احم احم اوك واناهروح اشوف ورايا اية
ذهبت حياة لتجهز بروجرام الخاص بهذا اليوم وبالفعل جهزت حياة لكل شىء فقررت حياة انا تخاطب والدتها امسكت حياة بالموبايل ورنت على والدتها
حياة/الو ايوة يا ماما عاملة اية يا حبيبتى
سمر/الحمدلله بخير طمنينى عليكى
حياة/انا تمام زينب اخبارها اية وحشتنى اوى

سمر/كلنا كويسين وانتى كمان وحشتينا اوى انتى هتيجى امتى
حياة/يومين ان شاءالله
سمر/خلى بالك من نفسك
حياة/حاضر يا ماما مع السلامه يا حبيبتى
انهت حياة المكالمة مع والدتها سمعت صوت بكاء طفل اقتربت حياة من الطفل فوجدتة سيدة تتحدث معة وهو يبكى
السيدة وهى تشير باصبعها وبلهجة امرة/خليك هنا متتحركش فاهم
الطفل وهو يبكى/خدينى معاكى يا ماما
السيدة/مش هينفع
ظل الطفل يبكى بشدة لم تتحمل حياة بكاء الطفل فاقتربت حياة منة وانحنت لتصبح فى نفس طولة
وضعت يدها على كتف الطفل وهى تقول بنبرة حنونة/مالك يا حبيبى بتعيط لية
لم يرد الطفل بل ظل يبكى فردت السيدة لتقول /عاوز يجى معايا وانا عندى شغل مش هينفع ومش عارفة اسيبة فين او اعمل اية
حياة /انتى بتشتغلى هنا
السيدة/ايوة ولو اختو معايا هيحصل مشكلة وهو عمال يعيط مش عارفة اعمل اية
رأفت حياة بحال السيدة فقررت مساعدتها
حياة/طاب خلى معايا وانا هاخد بالى منو ومتخفيش انا نزيلة هنا فى الفندق واسمى حياة المصرى وهاخد بالى منو كويس
السيدة بتردد/بس انا خايفة اعطلك او اتعبك
حياةبابتسامة /مفيش تعب ولا حاجة وبعدين حد يطول يقعد مع القمر دة
السيدة /انا متشكرة اوى
حياة/العفو
السيدة للطفل/متعملش شقاوة ماشى
زياد /حاضر يا ماما
السيدة لحياة /عن اذنك
حياة/اتفضلى
حياة لزياد وهى تمسح دموعة /بطل عياط الولاد الشطرين مبيعيطوش
زياد/هو انتى اسمك اية
حياة/اسمى حياة وانت اسمك اية
زياد/زياد
حياة/ماشى ياعم زياد يلا بينا
امسكت حياة بيد زياد ولكن رن هاتفها قبل ان تمشى خطوة واحدة امسكت حياة ووجدت المتصل هو مالك فضغطت على زر الايجاب
حياة/ايوة يا مالك بية
مالك/………
حياة/حاضر سلام
…………………………………………………….

فى شركة سيف عبدالرحمن:.
مدحت بتوتر/سيف بية عمر عرف انى بختلس فلوس من الشركة وهيقول لمالك لما يرجع
سيف/هو لو عندو دليل ضدك مكنش هيستنى مالك كان هيقول لعز على طول
مدحت/يمكن يكون معاة اللى يثبت كلامة
سيف /خلاص حاول تلاقى الورق اللى يدينك
مدحت/افرض معرفتش اعمل اية
سيف بنفاذ صبر/مليش فى بقى وانا قلتلك روح اسرق انا كان شغلى معاك انك تجبلى اخبارهم تجبلى ورق صفقة بس لكن طمعك هو اللى عمل فيك كدة
مدحت بنرفزة/ياعنى اية هتسبنى وانت عارف مالك لو عرف ممكن يعمل اية مالك مبيرحمش اى حد يقف قصادة ما بالك لو حد بيأذى فى شغلة
سيف/حاول انت بس تلاقى الورق دة وكلة هيبقى تمام ودلوقتى بقى اتفضل عشان عندى اجتماع مهم
مدحت وهو يستقيم فى وقفتة/عن اذنك يا سيف بية
………………………………………………….
فى كلية الطب:.
انتهت زينب وشهد مز يومها الدراسى فقررت كلا منهم العودة الى منزلهم ولكن اتصلت مديحة بشهد لتخبرها انهم فى النادى وطلبت منها ان تأتئ
شهد لزينب/ما تيجى معايا يا زينب
زينب/وانا اجى معاكى اعمل اية
شهد/اهو نغير جو شوية عشان خاطرى
وافقت زينب على طلب شهد
زينب/اوك بس مش هتأخر
………………………………………………………..
فى شركة عز الدين فى مكتب عز:.
كان يوقع على بعض الوراق ولاحظ سكوت عمر وشرودة على غير العادة
عز وهو مازال ينظر فى الاوراق الذى امامة/مالك يا عمر
عمر وهو يهز كتفية/مالى يا عمى ما انا كويس اهو
عز/ياعنى ساكت كدة ودى مش عوايدك
عمر/لأ أبداً مفيش حاجة
قاطع حديث عز مع عمر صوت رنين هاتف عز
امسك عز الهاتف وضغط على زر الايجاب
عز/ايوة يا مديحة
مديحة/………………..
عز/طيب هخلص واجى سلام
عمر /خير يا عمى فى حاجة
عز/مديحة فى النادى هى والبنات وبتقولى اروح على النادى عشان نتغدا هناك
عمر/روح حضرتك ياعمى وانا هكمل الشغل
……………………………………………………..
فى شرم الشيخ:.
كان مالك يجلس على تلك الاريكة الموجودة امام البحر
فجاءت حياة الى مالك ومعها زياد
حياة/نعم يا بشمهندس
رأى مالك ذلك الطفل الموجود مع حياة
مالك وهو يشير على زياد/مين دة
حياة /دة زياد
مالك /واللهى زياد مين زياد دة وبيعمل معاكى اية
حياة/كنت ماشية ولقيتو بيعيط و…..وحكت لة ما حدث

مالك بسخرية/قمتى جبتى وجيتى برافو عليكى واللهى
حياة بابتسامة/ميرسى
مالك بجدية / حياة ودى لامة انتى وراكى شغل
حياة/مش هيحصل لان مامتو مش فاضية ولزم حد يخلى بالو منو وبعدين حط نفسك مكانو
مالك بعصبية/حياة قلتلك مش هينفع يبقى خ…
زياد مقاطعا /لو سمحت متزعقلهاش كدة
مالك وهو يرفع حاجبة/نعم
زياد/ايوة انت عمال تتعصب عليها بطل تذعقلها والا انا اللى هرد عليك
ضحكت حياة على طريقة زياد مع مالك وشجاعتة ودفاعة عنها
مالك وهو ينظر لحياة/فرحانة انتى طبعا
حياة بابتسامة/الصراحة ايوة وبعدين احنا لزم نساعدو مش يمكن يدعيلك دعوة تنفعك فى اخرتك
مالك/يا شيخه
حياة /امال اية احنا لما نساعدو النهاردة هنلقى اللى يساعدنا بكرة
مالك/خلاص خلى معاكى بالرغم ان لسانو طويل
فرحت حياة بقرار مالك فاخذت زياد وقضت معة وقت ممتع جدا حيث كانو يلعبو سويا ومالك يتابعهم وعلى وجهة ابتسامة عريضة لاول مرة تظهر من قلبة
…………………………………………………………..
وصلت شهد وزينب الى النادى فى سيارة شهد
شهد/اسبقينى انتى يا زينب وانا هركن واحصلك
زينب/اوك بس متتاخريش
نزلت زينب من السيارة ودخلت الى النادى فى نفس اللحظة كان مروان ويارا يسيران معا وكانت ممسكة بكوب عصير فى يدها واليد الاخرى تتعلق فى ذراع مروان
يارا/تعرف انك وحشتنى اوى يا مروان
مروان/لحقت اوحشك ما انا لسة كنت معاكى من يومين
يارا/ايوة بس انا مجتش الجامعة امبارح
مروان/ما انا جيت النادى اهو وبعدين حد قلك متجيش الجامعة
يارا/غصب عنى بس اوعدك مش هبعد عنك بعد كدة
مروان/طاب يلا نرجع عشان نتغدا
يارا/اوك
التفت يارا فاصطدمت بزينب دون قصد فوقع العصير على يارا
زينب بحرج/معلش انا اسفة مكنش قصدى
يارا بنرفزة/اسفة اية وزفت اية انتى عامية مبتشوفيش
زينب بعصبية/على فكرة انتى اللى خبطى فيا الاول بس انا ذوقيا منى اعتذرتلك
يارا بنبرة عالية نسبيا/انتى اصلا مبتفهميش فى الذوق
مروان متدخلا /استنى بس يا يارا ازيك يا زينب
يارا/انت تعرفها يا مروان
مروان/ايوة دى معايا فى الجامعة
يارا بتكبر /بقى انتى معانا فى الجامعة اكيد فى حاجة غلط عشان انتى تدخلى طب
زينب /هو الغلط ان واحدة زيك انتى تبقى فى طب انتى المفروض تبقى تمرجية او دكتورة بهايم عشان تعالجى نفسك
دخلت شهد النادى فوجدت زينب تتشاجر مع احدى الفتيات
شهد /فى اية يا زينب
زينب/خبطت فيا واعتذرتلها فقلت ادبها

يارا وهى على وشك الهجوم على زينب/بقى انا قلت الادب واللهى لوريكى
وقفت شهد حائلا بين يارا وزينب ومسك مروان بيارا
مروان بحدة/خلاص يا يارا الناس بتتفرج علينا
زينب بسخرية/بقى انتى اسمك يارا دة كانوا المفروض يسموكى حمارة
ضحك مروان عفويا على كلام زينب ليارا وكيف اخذت حقها فلا احد استطاع ان يرد عليها او يكلامها هكذا من قبل فهى فتاة مغرورة للغاية
يارا بحزن/شوفت يا مروان بتكلمنى ازاى
مروان/معلش يا يارا
كان شهد وزينب ابتعدا عن مروان ويارا
شهد وهى ترفع حاجبيها/اية ينتى اللى عملتى دة مع يارا
زينب/هى اللى قلت الادب
شهد/دة انتى فرجتى عليها الناس دى تبقى اهم واحدة فى النادى مفيش حد يفكر انو يكلمها بطريقة دى
زينب/طز فيها وبعدين احنا جاين نتغدا ونغير جو ولا نتكلم عن ست حمارة دى
شهد بابتسامة/لأ هنتغدا يلا

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية عذاب الحب)