رواية غيبوبة القدر الفصل الثالث عشر 13 بقلم رويدا القاضي

رواية غيبوبة القدر الفصل الثالث عشر 13 بقلم رويدا القاضي

رواية غيبوبة القدر البارت الثالث عشر

رواية غيبوبة القدر الجزء الثالث عشر

رواية غيبوبة القدر الحلقة الثالثة عشر

حاتم: سمعت شن صار مع مرت أنس .
خالد: شن فيه .
حاتم: روحت ودارت وكالة لبوها وطلب الطلاق ورافع قضية .
خالد: كيف بيطلاقها فهمني وانس صاحب الشان في غيبوبة.
حاتم: تتطلق عادي بوها يقدر ايطلقها مسكين أنس معقولة هكي ايصير معاه.
خالد: النيرة فيما اختارها الله.
خيرية: خيرك قالبة وجهك من وقت امشيتي لي منى وجيتي جوك مش تمام.
خولة: بعدللي سمعته منها .
أمينة: اللهم لا أسألك رد القضاء ولكن أسألك اللطف فيه .
منى: (وعسى أن تكرهوا شيئا وهو خير لكم وعسى أن تحبوا شيئا وهو شر لكم ، والله يعلم وأنتم لا تعلمون )
مها:ونعمة بالله اسمعي يما قولي لبوي مايتعبش روحه في المحاكم هيا مش تبي تتطلق خلي تتطلق وتم .
أمينة: هذا للي نفكر فيه حتى انا .
مهيب:اسمع ياعمي خليها تتطلق بهدوء خير ماتصير دوشة والناس كلها تسمع.
علي: مشكلتي في ولدي شن بيصر فيه لما بيعرف انها رخت بيه في أول ظرف.
خالد: هذا كان اذكرها أصلا المهم يفيق ع خير وقتها لكل حادث حديث.
علي: انا متأكد انه انس ينسى كل شئ الا سارة مستحيل ينساها .

خالد: توا للي كاتبه ربي بيصير ورد الفايت محال تبي تتطلق سرحها ياعمي علي وعلاش تعب في روحك في المحاكم حتى عمرك معاش يسمح .
مهيب: هذا للي نقوله فيه من بكري انا .
علي: شديت هاتفي واتصلت بي محمود اسمع غدوا نتلاقو في المحكمة كان تبي ورقة بنتك .
محمود: الحمدلله ع سلامتك هذا وين رجعلك عقلك .
علي: اقلها اهو قلتها انا عقلي رجع لكن انت وين عقلك
للي تبي طلق بنتك بالغصب من راجلها .
محمود: اهوقلتها بنتي يعني انت ماعندكش علاقةبيها.
حواء:😏 ان شاء الله للي فهمته صح .
محمود: ايه اهو بيطلق .
حواء: من الفرحة زغرتت .
سارة: حتى الحيوانات عايشيين خير مني نسمع فيهم نحسابه أنس فاق كنت نستنى تصير معجزة وتنقدني من للي انا فيه لكن 🥺 طلع عمي بيطلقني .
“امسامحاتك ياعمي نعرف انه بوي جبرك وبهدلك لكن
حتى انا كنت مجبورة زيكم “

أمينة: بجد بطلقها ولما يفيق أنس شن بتقوله انا طلقت مرتك منك وانت في غيبوبة.
مها: خليه للي فيه ساده اصلا رح تتطلق بالقانون سواء وافق بوي ولا.لا.
خيرية: كلمتني ام حاتم قالت الليلة بنجيب الشرط والشهر الجاي العرس.
خولة: وعلاش هيا مستعجلة هكي نبي نفهم بالك الراجل فيه حاجة.
خيرية: انت المسلسلات التركية أثرت في عقلك حاجة شن هكي الأصول ولا يقعد ماشي جاي هكي.
خولة: يمشي وايجئ باش يلبي طلاباتك اما انا أخر همي ايجئ ولا يمشي.
خيرية: أول وأخر مرة نسمحلك بيه الكلام هذا ومانبيش نسمعه بكل .
خولة: اصلا من قبل مش متعودة تسمعيني شن الجديد في الموضوع 😏.
حاتم: اسمع بنمشي نقولهم بنتزوج باش مايلوموش عليا بكل .
خالد: من بيلوم عليك توكل ع الله ربي يسهلك .
حاتم: نبيك تشد معاي مركز الصيانة الحمل ولا ثقيل ياصاحبي ومعاش نقدره.
خالد: غير توكل ماتفكر في شئ انا مزلت موجود وربي يرجعلها صاحبها ع خير.
،،،،،،،،،،،،،تسريع،،،،،،،،،،،،،،،،
حاتم: خيرك وين وصلتي من توا تفكري وشاغلة بالك راك مازال عروس.
خولة: نفكر في للي صار مع سارة مسكينة توجع والله ماتستاهل هذا كله.
حاتم: لومها ع بوها .

خولة: كيف هانت عليهم بنتهم مرات لما تسمع ع الأهل للي هكي الواحد يقول الحمدلله .
حاتم: مانبيكش اضايقي روحك بكل غيري جوك وسارة هذا مكتوب بتعيشه .
مجهول:قتلك مصيرك بتكوني ليا سواء قبلتي ولا رفضتي .
سارة: حسبي الله ونعمة الوكيل في كل شخص ظلمني
حتى لو كانوا اهلي انت بالنسبة ليا غريب لو نعيش معاك سنين انت عارف انه قلبي وعقلي ملك أنس وبس
مهما كنت بعيدة عليه لو طلعوني من البلاد كلها ماتقدروش تطلعوه من قلبي هوا جزء مني .
أحمد: اسمي راجلك مش غريب خلي ياخده قلبك وعقلك هذا لو كان حي اصلا😏.
” معقولة هذا كله صار فيك ياسارة انظلمتي الظلم هذا كله ”
سارة: بعد طلاقي من أنس أمي وبوي ماسدهمش انهم طلقوني منه بعنا الحوش ورحلنا لا عاد أهل ولا اصحاب
كاني مدايرة العار ومتحشمين مني .
علاش الجهل هذا كله لأمتا احنا بنقعدو هكي الصح نحسابو صغارنا عليه والغلط مش مهم .
حواء: هذا وين اطمنت انه شبح انس طلع من حياتنا للأبد.
محمود: لكن قسينا عليها هلبا.
حواء: غير كان نفتكو من الحن للي عندك تمشي حياتنا صح .
محمود: علاش قلبك متحجر هكي.

حواء: غير الموضوع 😡 ولا عندك نية في مشكلة.
محمود: معاش حمل مشاكل وكلام وانا في العمر اهو .
أمينة: خير يما جارة وين ماشية .
منى: بنمشي لخولة في حوشها قداش ليها شادة فيا وتتسخفلي .
أمينة: شن معناها رضيتي عليها .
منى: السنين تجري وصدام ليه سنة متوفي لعند امتا بنقعد نعاقب في الناس ع شئ صار ومعاش نقدر نرده.
أميمة: الحمدلله يابنتي فقتي لروحك كل يوم ندعيلك في صلاتي ربي يعوضك بولد الحلال للي يسر قلبك وخاطرك.
منى: مش لو قلت هكي معناها بنفكر في غيره.
أمينة: بالله مش عارفة وين بتوصل بيه دماغها اهو.
خالد: شن تتسلحب وين تبي خلاص تمت دسكة عريس توا ليك ثلاثة شهور راهو.
حاتم: معشوقتك جايتنا للحوش وخولة منفخة رأسي بقائمة طلبات تقول الصديق الكبير جاينا للحوش.
خالد: بنمشي معاك حتى انا معزوم .
حاتم:شن 😒 امتا عزمتك انا ياكذاب.
خالد: انا مش براني ولا تعرفني غير في العمل وعلاش اسمك صاحب.
حاتم: باهي تعالى وانا تلوم زي الشيابين راك تفوت حاجة .
خالد: اشتقت نشوفها.
حاتم: موسع بالك ياراجل حب الأفلام اهو متعك امتا يكمل.

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية غيبوبة القدر)