رواية كيد النساء وقهر الرجال الفصل السابع والعشرون 27 بقلم منى محمود

رواية كيد النساء وقهر الرجال الفصل السابع والعشرون 27 بقلم منى محمود

رواية كيد النساء وقهر الرجال البارت السابع والعشرون

رواية كيد النساء وقهر الرجال الجزء السابع والعشرون

رواية كيد النساء وقهر الرجال الحلقة السابعة والعشرون

في قسم الشرطة كان واقف شادي متوتر ومش عارف يعمل ايه … الظابط لو دور وراه كويس هيعرف أنه زور الشهادات اللي معاه غير أنه معرف الجيران كلها أنهم يتامي ملهمش حد لكن دلوقتي حاليا مفروض احمد والد ياسمينا في الطريق .. مكنش متوقع أنها تنتحر … مكنش في دماغه ابدا أنها تنهي حياتها ولا أن حد غير حبيبها يلمسها … ويا تري مصيرة هيكون ايه دلوقتي
بعد حوالي ساعه كان الظابط بيحاول يفوق احمد والد ياسمينا اللي من اول ما وصل وعرف الخبر وهو وقع واغم عليه ومع تدهور حالته الصحيه تم نقله علي المستشفى وساعتها شادي اتنفس براحة لأن بقا عنده وقت حتي لو قليل حتي لو ساعه واحدة يظبط أمورة
خرج من القسم علي المكان اللي زور فيه الشهادات الطبية دفع فلوس كتير جدا حوالي نص الفلوس اللي خدها من ياسمينا وجاب شهادتين من مكانين موثقين ومختومين من إدارة المستشفيات ومن الدكاترة أن ياسمينا كان عندها اكتئاب حاد بسبب العقم اللي عندها وأنها كانت بتردد عليهم من وقت للتاني للعلاج وان مؤخرا اتحجزت اسبوع في مستشفى منهم واتعملها فيل وسجلات وكل حاجة
خرج شادي وطلع علي العمارة ودفع مبلغ محترم للبواب عشان يشهد أن ياسمينا كانت اوقات بتكون طبيعيه وبتتعامل زي اي زوجة في العمارة وأوقات بتكون غريبه وليها تصرفات مش مفهومة وان شادي كان بيحبها وبيخاف عليها ومهتم بيها جدا
خلص كل دا ودخل البيت نقل كل حاجاتهم في اوضه واحدة وراح اتصل بصديق ليه شاطر في الفوتوشوب وبعتله صور ل ياسمينا من تلفونها اللي كان معاه وكانت متصورها في البيت وطلب منه يحطه هو كمان معاها دليل علي سعادتهم سوا وأتصور ف نفس الاماكن جوة الشقه والراجل في خلال ساعه كان مجهزهم وبعتهم له
اتنهد براحة لما حس ان كل حاجة تمام لو هرب هيثبت أن فيه حاجة غلط لكن وجودة هيخلي موقفه سليم خصوصا أنه قال ل الظابط أنه كان في الحمام لما هي نطت وتقدر تتأكد من اي كاميرات مراقبه أنها كانت لوحدها في البلكونة
❈-❈-❈
اسماء بدأت تشوف اسعار اللاب توب ايه عشان تطلب واحد بس اتفاجات أن اسعارهم عاليه جدا حست بإحباط شديد ويأست انها تشتغل وتصرف زي اي ام علي ولادها
الباب خبط ودخلت نوال
نوال
مساء الخير ممكن ادخل يا قمر ؟
اسماء بحب
مساء الفل تعالي يا نونا معقول بستاذني انتي تدخلي علي طول
نوال
طيب كويس المقابلة دي هتسهل عليا اللي جايه اتكلم معاكي فيه
اسماء باهتمام
خير يا نونا ؟
نوال
خير ان شاء الله بس يارب متنشفيش دماغك انتي معايا
اسماء ضحكت
مش هنشفها حاضر في ايه بقا بدأت اقلق
نوال
بصي هو يعني شريف كان عايز يعمل حاجة كدة
اسماء
نونا بجد كدة هقلق انتي مش بتحبي المقدمات في ايه ؟ هو عايز يسيب احلام ولا ايه ؟؟؟؟
نوال بسرعه
لا لا والله لا خالص ولا فكر ولا قال حاجة زي كدة ابدا لا
اسماء
اومال في ايه طيب ؟
نوال
هو واحلام عايزين يبيعو الشقه القديمة اللي باسمة هو وهي ويديوكي نصيب احلام تعملي بيه اللي انتي عايزاه تبدئي منه شغل وسكن صغير كدة علي قدكم بس جمبي هنا انا هخلي امير يشوفلك هنا جمبي … وتبدأي حياتك صح مع ولادك يا حبيبتي بس احلام خايفه منك ومن نشفيه راسك ف طلبت منى انا ادخل واقولك
اسماء سكتت بس دموعها نزلت ..
نوال بحزن
طيب لية الدموع دلوقتي ؟
اسماء حاولت تكتم صوت عياطها بس مقدرتش الضغط كان كبير عليها خوف وقلق ندم وذنب واطمئنان وأهل
نوال ضمتها لحضنها وفضلت تطبطب عليها وتهديها ولما هديت
اسماء
انا مش عارفه اقول ايه … محتاجة اشتغل واصرف علي ولادي واكون لهم اب وام ومقصرش معاهم ابدا … محتاجة ابدء من جديد …. بس اكيد مش علي حساب حق اختي … دي فلوسها مش فلوسي … اصلا انا طول الوقت حسه بالذنب ومش قادرة اسامح نفسي ان انا اللي عرفتها الطريق دا وكنت سبب في اللي حصلها … كل ما بتعاملوني بكل حب كل ما بحتقر نفسي اكتر … انا مضغوطة اوي يا نونا مضغوطة وتعبانة وندمانة وخايفه انا مش عارفه حتي انا عايزة ايه انا تعبانة يا نونا تعبانة اوي
انهارت تاني في العياط ونوال المرة دي مسكت وشها بين ايديها وقالت
نوال بقوة وحب
الكلام دا كله غلط … انتي شايفه الأمور كلها غلط يا اسماء … حبيبتي كل بني ادم خطاء وخير الخطائين التوابين… وانتي توبتي وندمتي ورجعتي ل ربنا من تاني بتحاولي عشان ولادك بتحاولي عشان نفسك بنعاملك بكل حب لانك صادقه في توبتك يا قلبي والصدق دا وصلنا … اختك انتي مش السبب ابدا في اللي حصلها … اختك مسؤوله عن نفسها عن تصرفاتها خلاص اصلا دي فترة من حياتكم انسوها بقا كنتو ضعاف ولوحدكم والحمد لله أن ربنا نور بصيرتكم …. اختك مع جوزها اه لسه الدنيا بينهم مصفيتش تماما بس هتصفي الحب بينهم موجود ودا المهم … شريف مقتدر ماديا ولسه ربنا مرزقهمش بأطفال … يبقي اختك متقفش جمبك ليه ؟ متساعدكيش ليه ؟ ليكم مين غير بعض عشان تحسو ببعض وتخافو علي بعض … اقبلي يا قلبي وابدئي حياة جديدة بقا وانسي اللي فات. كله وانا جمبك ومعاكي في ضهرك ديما واطردي كل الأفكار الوحشه دي من دماغك من هنا ورايح متفكريش غير ف ولادك ومصلحتهم وبس سامعه ولا لا لازم تبقي قويه ومؤمنة بالله ومتصالحة مع نفسك عشان تقدري تربي العيلين اللي برة دول ياما والله اخدهم منك واربيهم من البت تيا انا بقولك اهو
اسماء ابتسمت من وسط دموعها
هيبقو احلي تربيه يا نونا لو طالعين من تحت ايديك … انا كل صلاة ليا بحمد ربنا انك دخلتي في حياتنا انا واحلام … صدقيني احنا بنحبك اوي يا نونا اوي
نوال بصوت مخنوق
خربيت سنينك داخله اخليكي تفرحي تقومي معيطة ومش مكفيكي كمان عايزة تعيطيني معاكي ايه البت النكديه دي علي راي احلام
اسماء ضحكت ونوال كملت
أيوة كدة يا حبيبتي اضحكي ضحكتك جميلة ومنورة وشك … يلا انا هقوم واسيبك تنامي بقا وهقول ل احلام اللي قاعدة متوترة في الصاله دي انك وافقتي وكله تمام
اسماء هزت راسها بموافقه ونوال خرجت بلغت احلام اللي طارت من الفرحة
❈-❈-❈
اليوم انتهي علي كدة … وانتهت بعدة أيام كتير … لحد ما وصلت جودي للسابع
كانت تعبانة جدا … حركتها قليله جدا وبصعوبه كمان …. الكل كان مرعوب عليها
في الفترة دي هند كانت ماسكة كل حاجة تخص المشروع مع امير وكتير كانت بتروح تعرف جودي تفاصيل المطبخ وتلعب مع العيال وتمشي
وبردو في الفترة دي اتولدت صداقه قويه جدا بين ياسين وامير وعلاقة تحت مسمي الصداقه بين الرباعي ياسين وامير وهند واسماء
اسماء جابت اللاب توب وشافت فيديوهات كتير جدا عن التنسيق والكتابه والتدقيق اللغوي وبدأت في الشغل اللي قالها عليه ياسين وكانت متميزة جدا فيه بس نوال رافضه تخليها تسكن برة وكل شويه بحجة شكل عشان تفضل معاها
شريف واحلام روحو فيلتهم بس حياتهم زي ما هي احلام بتحاول ومش بتيأس وشريف بيقاوم لكنه مش قادر
شادي !! طلع منها خصوصا بعد ما احمد من الصدمة اتصاب بجلطة في المخ ومات بعد ما اتنقل المستشفي بساعات قليله وبرر شادي للنيابه أن احمد مكنش علي علم بجوازهم لانه كان رافضه لفرق المستوي المادي ما بينهم لكنهم كانو بيحبو بعض جدا عشان كدة ياسمينا سابت كل حاجة وهربت معاه واتجوزو ولأن مفيش دليل ضدة طلع منها واندفن السر بموت ياسمينا
❈-❈-❈
وأنهاردة وبعد ما اتخرجت هند والاء اخيرا جة اليوم اللي عاصم كان بيحلم بيه يوم خطوبته علي حبيبته
في التلفون الساعه ٧ صباحا
الاء بنوم
الووو
عاصم بحب
يا صباح الفل علي احلي عروسه في المجرة كلها
الاء ابتسمت
صباح النور … بس مصحيني بدري كدة ليه حرام عليك انا نايمة بعد الفجر
عاصم
ونايمة بعد الفجر ليه أن شاء الله
الاء
هند وأميرة كانو سهرانين معايا بنعمل مسكات وحاجات بنات مالك انت
عاصم ضحك
حاجات بنات ماشي ماشي بكرة نتجوز و
قاطعته الاء
بس بس في ايه … عايز ايه يا عاصم علي الصبح ؟ منك لله قلقت نومي ومش هعرف انام تاني
عاصم
بقا في عروسة قمر وكيوت تقول لعريسها منك لله هه لسانك طول اوي خلي بالك
عموما ياستي انا والله ما اعرف انك نايمة متأخر اوي كدة انا بس من فرحتي قلقت بدري لاقتني بكلمك علي طول حقك عليا يا حبيبي
الاء بحب
احلي صباح دا ولا ايه … اوكي حبيبي انا هقوم أفطر وارخم علي هند وأميرة واصحيهم زي ما انا صحيت
عاصم
هي أميرة باتت عندكم ؟ و وليد سابها كدة ؟
الاء ضحكت
لا مسبهاش طبعا واتخانقو خناقه كبيرة وفي الاخر وقالتله لما تبقي دبلتك في أيدي ابقي احكم عليا اروح فين ومرحش فين
عاصم
لا جدعه احسن
الاء ضحكت
هههههههههههههههه انت بجد لسه مش طايقه يا عاصم ؟ حرام عليك
عاصم كشر
بقولك ايه اقفلي سيرتة خالص احسن … يلا قومي افطري وقبل ما تصحيهم اتصلي بيا نرغي سوا الاول اوك ؟
الاء بحب
اوك حبيبي يلا باي
عاصم
باي
❈-❈-❈
هند قلقت لوحدها كانت اميرة نايمة بعمق جمبها مسكت تلفونها تشوف الساعه كام لاقت رسايل واتساب من أمير فتحتها بلهفه
امير
صباح الفل علي ست البنات … انا مكنش قصدي اسمعك امبارح وانتي بتوصفي ل جودي الفستان … بس سمعت للاسف … هند لو ينفع تغيريه عشان خاطري غيريه … بلاش مفتوح اوي ولا ضيق ممكن … عشان خاطري يا ست البنات
هند ردت
صباح النور … هحاول يا أمير … نهارك ابيض سلملي ع تيا اوي لحد ما اشوفها
هند ابتسمت وقامت ترخم علي اميرة وتصحيها عشان تلحق تنزل تغير الفستان زي ما امير طلب منها
❈-❈-❈
في بيت جلال كان سهران مطبق بيخلص شغل عشان طول اليوم يكون مع جودي
قلقت ولاقيته صاحي وبيشتغل
جودي بتعب
صباح الخير يا روحي
جلال قام من علي المكتب وقرب منها وباس راسها بحب
جلال
صباح الجمال … حبيبي عامل ايه انهاردة ؟ و الزئرد الصغنن عامله ايه ؟
جودي
الحمد لله … بس ابنك تعبني اوي يا جلال حسه اني روحي هتطلع علي ما اولده
جلال بلهفه
بعد الشر عنك … جودي بلاش الكلام دا الله يخليكي حتي لو بهزار انا مش بستحمله ماشي
جودي ابتسمت
ماشي يا سيدي قولي بقا يومنا هيمشي ازاي انهاردة ؟
جلال
الاول انتي واثقه انك هتقدري تحضري الخطوبه يا جودي ؟؟
جودي
اه والله متقلقش
جلال تتنهد بخوف
ربنا يستر … عموما احنا هنقضي اليوم هنا سوا واخر النهار هننزل علي هناء ع طول
جودي
بس مش كان المفروض انهاردة تكون مع هناء ومحمود من اول اليوم يا جلال
جلال بنفي
لا يا قلبي متقلقش ياسين وامير معاهم من الصبح وهما عارفين انك في شقتك اليومين دول واني معاكي وهناء بنفسها اللي قالتلي متحركش من جمبك ابدا
جودي بفرحة
انا فرحانة اوي ل الاء يارب يتمم لها علي خير يارب وعقبال هند هي كمان
جلال
يارب حبيبتي انا هروح احضرلك الفطار اوك
جودي
اوك
❈-❈-❈
احلام تعبت من كتر ما حاولت تقرب من شريف … كانت مقررة متيأسش بس للاسف بعده عنها ونفوره منها اللي بيحاول يخبيه خلاها ديما مطفيه ساكتة عيونها ديما فيها دموع …
قررت بعد الخطوبه تتكلم معاه بصراحة وتحاول توصل ل حل لعلاقتهم اللي كل يوم بتبوظ عن اليوم اللي قبله بس شريف مدهاش فرصه وبدء هو كلام علي الفطار
شريف
محتاجة حاجة قبل ما انزل الشغل ؟
احلام بحزن
لا شكرا
شريف تجاهل نبرة صوتها
تمام انا هرجع ع ٤ كدة اخد شور والبس ونتحرك علي طول تمام
احلام
تمام يا شريف
شريف وهو بيقوم
وفكي بوزك دا شويه لأن الطريقه دي مش هتجيب معايا نتيجة بالعكس يا احلام دي بتفكرني ب زمان لما كنتي بتطلبي مني طلب وارفض وتكشري في وشي عشان انفذهولك وانا مجرد ما بتفكر زمان بحس اني مش طايق نفسي
جة يمشي بس احلام مسكتة من دراعه ولفته ليها
احلام بعصبيه ودموع
مش طايق نفسك ولا طايقني يا شريف …. انا مش مكشرة في وشك عشان عايزة حاجة انا تعبت يا شريف تعبت … عملت كل حاجة عشان نرجع زي زمان ومفيش فايدة فحسه اني تعبت ومحاولاتي بدأت تخلص قولي انت ايه يرضيك يا شريف … ايه يخليك ترجع حبيبي تاني قولي وانا والله من غير ما أتردد لحظة واحدة هعمله
شريف بحزن
انتي فاكرة اني مرتاح كدة ؟ فاكرة انك لوحدك اللي بتتعذبي ؟ انا كمان عمال احاول بس مش قااااااادر مش قااااادر يا احلام
احلام بترقب
و و الحل يا شريف ؟
شريف بحزن
لا تحاولي ولا انا احاول اهي حياة وعايشنها وخلاص السنين قدرت ترجعنا قدرت مقدرتش خلاص قدرنا ونصيبنا ولازم نرضي بيه … عن ازنك سلام
مستناش أنه ترد ومشي بسرعه كان عارف انه جرحها لكن هو فعلا مش قادر لا يبعد ولا يقرب راح شغله وقرر يهرب من التفكير بالشغل زي عادتة
أما احلام قعدت علي الكرسي بإحباط ويأس ودموعها نزلت وهي مش عارفه تعمل ايه بعد كلامة دا مفروض تبعد ولا تقرب اكتر ولا تستسلم وتعيش زي ما هو قال
❈-❈-❈
النهار عدي والليل بدء يدخل والكل بيجهز عشان الخطوبه في بيت نوال
نوال
يا اسماء خلصتي ولا ايه هنتاخر كدة
اسماء وهي خارجة من الاوضة
خلاص يا ماما خلصت اهو … امير فين لسه مجاش ؟
نوال
لا لسه بس كلمني جاي هو وياسين ف الطريق خلاص
اسماء بضيق
انا كل ما بفتكر أنه سايب بيته بسببي وقاعد مع ياسين
قاطعتها نوال
بومة بطلي نكد يا بومة ويلا وريني العيال لابسو ايه يلا امشي
اسماء ضحكت
على فكره انا لسه ما خلصتش الموال بتاع كل مره الاول بقول ان امير سايب البيت وقاعد عند ياسين وده بسببي وبعدين برجع اقول لك ان انا خايفه لاحسن مصطفى يظهر تاني في حياه الولاد وياخدهم مني انتي قطعتيني كده على فكره ما ينفعش
نوال وهي بتمسك من جنبها ازازه عشان تضربها بيها
امشي يا بنت من هنا امشي خشي اندهي العيال يلا ده انتي بومه بصحيح
الباب خبط وكان أمير وياسين
نوال
اهلا يا حبايبي ايه الحلاوه دي كلها انتم العرسان انهاردة ولا ايه ؟
امير
ايه رايك ؟ الصرف باين ولا لا
نوال
باين يا قلب امك ..
ياسين
طب ايه انا سايب هناء ومحمود بالعافيه قلتلهم ساعتين وهرجع تاني انا وامير وبقالنا ساعتين ونص اهو فين اسماء والعيال اوعي يكونو لسه مخلصوش كدة
قطع كلامة لما شاف اسماء خارجة من الاوضة لابسه فستان سواريه وحطة ميكب خفيف لكن كانت زي القمر شايلة تيا علي ايديها وجمبها اياد وايلين
اسماء ببتسامة
مساء الخير … احنا جاهزين اهو
نوال
تمام ادخل يا أمير اقفل الغاز والمياه علي ما اجيب بس شنطتي من جوة
امير
حاضر يا ماما
ياسين قرب من اسماء
ايه القمر دا لا متفقناش ع كدة ع فكرة
اسماء بخجل
بجد شكلي حلو ؟
ياسين ابتسم
حلو بس ؟ دا حلو اوي والله
اسماء بتوتر
احم و و انت كمان
ياسين
انا كمان ايه ؟
اسماء
وانت كمان شكلك اوي
ياسين باستغراب
شكلي اوي يعني ايه مش فاهم
اسماء
ا اقصد يعني شكلك حلو يعني
ياسين لسه هيرد كانت خرجت نوال وامير نزلو كلهم واتحركو ل فيلا محمود
❈-❈-❈
في الفيلا عند محمود الكل كان موجود
المعازيم والأهل والأصدقاء ماعدا العريس اللي تلفونه مغلق وجلال وجودي اللي مش بيردو
هناء
وبعدين في القلق دا يا محمود ؟ انا مش مطمنة لا ع جلال ولا ع عاصم ربنا يستر ويعدي اليوم دا علي خير
محمود
ربنا ييسر يا هناء اهو كامل بيكلم صحابه االلي مفروض أنهم معاه من الصبح وان شاء الله يطمنا وياسين وامير قالو عشر دقائق كمان جلال مردش ولا جة هيتحركو ويروحو يشوفوه ف شقته
هناء وهي بتبص ع الاء اللي نزلت من اوضتها والدموع ف عينيها
هناء
يالهوي ودي ايه نزلها دي ياربي سلم
الاء بدموع
عاصم فين ؟
محمود لسه هيرد اتفاجا ب ياسين جاي جري عليهم
ياسين برعب
جودي تعبانة اوي وحالتها هي والبيبي مش مطمنة وجلال منهار في التلفون لدرجة أن اغم عليه وهو بيكلمني انا هروحله
وقبل ما اي حد يرد عليه سمعو صوت كامل بيصوت
لاااااااااااا عاصم ابني ممتش لااااااا لا يمكن يموت ويسبني ابدا لااااااا

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية كيد النساء وقهر الرجال)