رواية غرام العاشق الفصل الثالث 3 بقلم ميرو أحمد

قعدت ابروحي حسيت بجوع من امس مش واكله حاجه رفعت طرف شكلاطه كليته  قعدت نستنا في الوقت ايمر عشان ايجيني ايهاب

سمعت صوت الباب انفتح وقفت  

ايهاب فتح الباب وعلي جت عينه في عين غرام تفاجا بشكل غـرام كيف طالعه اتهبل اول مره ايركز فيها بلع ريقه متوتر وقدم خطوات اعيونه مانزلوش من غرام

غرام حست بنضراته توترت: ليش طولت

ايهاب حس علي روحه ونزل اعيونه: انتي ما اتصلتي

غرام :لانه ماعنديش رقم راجلي عشان نتصل بيه

ايهاب ضحك وخبط ايده علي وجه: عليك غباء انسيت بكل

غرام : خلاص مشت ع خير

ايهاب: واتيه انتي نطلعو

غرام طبست ورفعت تليفونها وشنطتها: اي من امبدري كملت

ايهاب: تمام انا في السياره وطلع

غرام طلعت وراء تمشي ببطء عشان الذهب والكعب مش قادره تمشي اكويس  وصلت لسياره وفتحت الباب وركبت

تتكلم في خاطري خزي حقير ماكلفش روحه وقال انساعدك حتي بالكذب

ايهاب بعد ركبت غرام ولع السياره وطلع

طفي نص الطريق رن هاتف ايهاب

ايهاب شاف المتصل كانت رهف فصل الخط اشوي عاود رن مره تانيه

انا: رد لو مكالمه مهمه

ايهاب رفع حاجبه ايشوفلي: بكيفي انرد و لالا

انا: علي راحتك ما قلت شي انا

ايهاب سكت ايسوق ماردش عليا

ورهف سكنت اترن وايهاب ما رد  

وصلنا لبيت العيله نزلت والمره هذي نزل امعايا ايهاب ايساعد فيا فتح الباب خشينا  

ايهاب جا لعند وذني وتكلم: مافبش داعي حد يعرف بلي ايصير بينا ولا علي علاقتنا

انا: اطمن مش قايله لحد

ايهاب: مانببيش مخلوق يعرف بلي ايصير بينا

انا رقتلي منه:باهي افهمنا بعد عني

ايهاب مسك ايدي: واحني قدامهم زي اي اتنين متزوجين مافيش داعي انفهمك

انا :ايهاااب 

ايهاب: ها  

انا بنتكلم شفت ماما واعميمه واجديده طالعات سكتت  

ايهاب: بعدين نتفاهمو  

انا مارديت عليه

سلمو علينا وقعدو ايباركونا بعدها خششني ايهاب وطلع

مشا الوقت زي اي محضر ليبي  ❤️ حطو العزومه لناس

.

.

.

.

.

.

ايهاب بعد طلع ركب في السياره علي طول رن تليفونه رد

ايهاب: الو

رهف امعصبه:  وينك ليا ساعه ننتصل ماتردش شن كنت ادير

ايهاب: انتي عارفه انه اليوم محضر كنت انوصل فيها وجنبي ماقدرتش انكملك احدها

رهف بعصبيه: كنك خايف علي مشاعر ست الحسن  

ايهاب: رهف نقصي صوتك اول شي ليش بنخاف انتبهي لكلامك

رهف ????: احني ما اتفقنا هكي قلتك نتصل اترد طول كان حتي في الحمام اترد 

ايهاب رقتله: تي كنك اليوم شن جاك قتلك كانت جنبي مهما كان هدي مرتي وبنت عمي مانبيش انقلل من قيمتها ولا انطيح القدر بينا وانكلمك قدامها ما ايجي بالعقل

رهف عصبت: لا واجد هكي وين كلامك ليا شكلها لحست عقلك تتهنا بيها بنت عمك  وسكرت في وجه وفقلت تليفونها

ايهاب رقتله من حركتها حدف التليفون وشغل السياره وطلع 

بعد ما روحو الناس  جو البنات

إيلاف: محلاك ياخيا طالعه اتجنني

انا ابتسمت: عقبال انشوفك لبسته

إيلاف: بعيد السو مزال الوقت عندي احلام بنحققها

وعد:شن احلامك اتحفينا هي

إيلاف:تي لو قلته مايبدا حلم  سر بيني وبين ربي ❤️ 

وعد رفعت حاجبها: هل حلم الكيبر ما تبينا نعرفو 

ندى:واقضو حوائجكم بالسر و الكثمان اصدقت البنت 

وعد: باهي وانتن قلبتها معاش نبو نعرفو عهود وين عمتك ماشفتاهش اليوم

عهود: مانعرفش والله انا عزمتها قلتلها اتجي طول العرس مش غريبه هي

ريهام ضحكت:وانتي شن تبي في عمتها يا فانص

وعد ????: ماهو نبي نطمن عليها وعلي ولدها

عهود: هابا عليك لو يسمعك انس ولا سراج يقتلوك

وعد كشرت وجها:حسستني صاير شي بينا كلها علي بعض حب من طرف واحد

عهود: امغير انتي ارزني عارفتك طايشه كلها فتره مراهقه

ريهام: عيت وانا ننصح فيها 

ندى: هدرزي غرام ليش ساكته

انا: اهو نسمع فيكم ????  

نمارق: شنجوك انتي وايهاب ان شاءالله منسجمين

انا ابتسمت: اي الحمدلله  

نمارق: تعرفي طالعين علي بعضكم اتهبلو

عهود: اي 

وعد: جدي طلع يعرف يختار ❤️ ببجديات اتجننو غير انه حصلنا عرس في العيله ❤️???? 

انا ابتسمت بوجع ???? الناس فرحانه بالمنضر والعرس  مايعرفوش شن في داخل القلب ???????????? 

قعدو البنات ايهدرزو  جاني ايهاب روحت امعا

البنات كسدو ايضمو في الحوسه وايهدرزو

ريهام: إيلاف شوفيلي هيثم وين

إيلاف: صح رفعه مصطفى امبدري

ريهام: اي بري شوفيه

إيلاف طلعت ادور علي هيثم

.

.

.

.

.

.

حمادي:برا انا اطلعي

عهود: تمام هيا طالعه

حمادي: ماطوليش

عهود:تمام وسكرت

لمت دبشها في الساكو وسلمت علي الكل وطلعت لمحمد  

ورحو

حمادي فتح الشقه ورافع الساكو

حمادي:نورتي شقتك ياغاليه

عهود خشت: منوره بيك حبيبي

حمادي خش وراها وسكر الباب  :قداش امرايفلك يافرخه

عهود ضحكت: انا مدام وحرم السيد محمد الطاهر معاش اتقولي فرخه  ????????????

حمادي حط الساكو علي جنب ولف ايديده علي عهود ولفها شورا

حمادي: امممم ياحرم السيد محمد ممكن اتخفي عليا اشويا لاني امرايفلك واجد

عهود ابتسمت: امممم رايفتلي واجد ولا اشويا

حمادي طبس شالها وضحك: توا انخبرك في دارنا ???????????? 

عهود ضحكت:غير نزلني وين ماشي بيا

حمادي ماعدلش عليها وخش الدار وسكر الباب ????

.

.

.

.

.

.

إيلاف طلعت ادور علي هيثم لقت هيثم امع الشباب 

إيلاف: هيثم تعال تبيك ماما

أنس: سلمي علي اقل كنك خاشه طول

أيلاف: السلام علي الملائكه مش علي الشواطين والجنون 

مصطفى: ياساتر كنك يابت 

انس ضحك:هدا عشان ما جبتلها نوتيلا شكلاطه الصبح قلبت وجها عليا

مصطفى:كنك ما جبتلها

انس: الفلوس تمو شن بندير بنسرق من المحل

إيلاف: اصلا عارفتك من البدايه ماتبي اتجيبلي

مصطفى: توا انجيبلك انا الا زعل دلوعتنا

إيلاف ابتسمت: نجك ليا انت احسن واحد عارف صح هومي

هيثم ياكل في الشكلاطه: اها عمو هلو واجد

مصطفى رقص حواجبه لي أنس الي واضح عليه رقيله ????????

أنس:مصلحه ياحاج توا تاكل الشكلاطه واتفوفتك 

إيلاف: انت كنك يا بخيل منحرق 

انس اشر علي روحه: انا بخيل

إيلاف: اي بخيل وبارد اخرى

مصطفى ضحك: كنكم قريب تقتلو بعض ???????? وانتي اهي شكلاطه جايبها لي هيثم  خودي منها

أنس: جو امتاع نوتيلا عشقي ونوتيلا ونوتيلا كيوت مش عارف شنو بطلعي روحك انثى رقيقه وكائنه اتعيش ع النوتيلا ???????? 

إيلاف رفعت حاجبها: خلاص كملت كلامك ????

انس: والله لو تبي انزيدك عادي

مصطفى: فوتك منه واحد فاضي هدا ماتعبريش

إيلاف: وانا فايته مش شايلته من ارضه مايهمني كلامه ???????? عارفه روحي نا شنو ???????????? ما ايقيمني واحد زيه

مصطفى: انتي ياثقه ???? اقوي عليه ???????????? يستاهل

إيلاف ضحكت ورفعت هيثم:  وانت التاني حي عليك ولو تنسا ما اتجيبلي انخط عليك زيه

مصطفى ضحك: لا شنو اتخطي عليا اهو توا نمشي انجيبها عشانك ???????????????? 

انس ضحك: يما ع الزمزكه كنك يا راجل

إيلاف: انت شن دخلك

هيثم ايغمض في اعيونه: نبي ماما ???? 

أيلاف: شكله بيرقد

مصطفى: اي من امبدري ناعس في السياره  يبي يرقد ماخليتاش

ايلاف بتكلم جت ريهام

ريهام: تي ليا ساعه من دزيتك وانتي شادتها هدرزوه

ايلاف عطت هيثم لي ريهام: باهي امسكي ولدك

ريهام: شنجو شباب

انس: والله تمام يا ذوق انتي  كان اتعلمي اختك الذوق اشويا

ريهام:كنها

انس: السانها طويل الزح كيف عايشن امعاها انتم

ريهام ضحكت: والله بلعكس جوها حلو

إيلاف ابتسمت ???? : تصبح علي مصطفى

مصطفى:وانتي من اهله

مشت إيلاف اشويا ولحقتها ريهام

وقعدو الشباب ابروحهم

.

.

.

.

.

.

.

.

.

.

عندي انا وايهاب  

بعد وصلنا غيرت ومسحت مكياج ولبست بجامه ورفعت شعري لفوق  وطلعت كنت ميته جوع ليا يومين مش واكله اعميمه دزت عشاء امعانا سخنت العشاء وحطيته 

انا:زعما انكلمه يتعشا امعايا ولالا خلي انكلمه وخلاص  

مشيت نقدم خطوه انوخر خطوه خبطت ع الباب بخفه

سمعت صوته خشي

انا فتحت الباب: ايهاب سخنت العشاء 

ايهاب كان راقد قعمز: ماعنديش نيه  

انا:عميمه دزاته علي خاطرك لانك ما تعشيت امع الشباب  

ايهاب: تعشي انتي انا مانبي  

انا:لو متحشم مني توا انحطلك ابروحك

ايهاب ضحك: لا شنو متحشم غير ماخاطريش

انا: باهي توا انعقبلك لو جت تاكل

ايهاب: تمام

طلعت وسكرت الباب  تعشيت انا وعقبت حصة ايهاب وغطيتها وضميت الحوسه الي درتها وطلعت قعدت نتفرج علي اثاث البيت كان حلو و راقي  

طلع ايهاب ماسك ايده

ايهاب: غرام عادي اتغيرلي ع الجرح

انا: تمام لحضه بس انجيب الاسعافات وانجي

ايهاب قعمز جنبي

 وانا مشيت انجيب علبة الاسعافات القيتها في المطبخ رفعتها

ورجعت لمكاني

ايهاب مدلي يدا: امبدري كنت بنكلم انس انسيت

انا مسكت ايديده وقعدت نفتح في الشاشه: واضح الجرح كبير وعميق من شنو هدا

ايهاب نزل راسه :شي كنت امعصب بس

انا حطيت المطهر وقعدت انضف في الجرح وننفخ عليه: وليش اتعصب في حاجه اهم من صحتك 

ايهاب: انا هكي بعد انعصب انكسر كل شي

انا رفعت راسي وجت عنيني في عينه: نسالك سؤال

ايهاب: شن

انا: شن السبب الي عصبك وجرحت ايدك

ايهاب: موضوع خاص بيا كملتي ولا مزال

انا وجعتني القطه لفيتله يده وحطتله الصقه وقفت: اها كملت

خشيت لدار طول وسكرت الباب

انا: الحق فيا الي لفيتلك ان شاءالله تنحرق انا شن دخلني فيك  

.

.

.

.

.

.

.

ايهاب ولع دخانه وايفكر وامعصب من لقطة رهف مايبي يتصل بيها عشان هي غلطانه

.

.

.

.

.

.

.

مصطفى: اي انا مصطفى من امعايا

البنت: انا ريان اليوم اعطيتني رقمك في الحديقه امعاك ولد اصغير عطاني الرقم

مصطفى ايحك في راسه ايحاول يدكر اما وحده من الي عطاها الرقم ???????? 

مصطفى ????:والله انسيت دكريني شن كان لون لبستك عشان نزبطك

ريان: امالا كم وحده عطيها رقمك

مصطفى: مش عارف والله انا كتبت اكثر من 10 ارقام وكلهن وزعتهن

رفيف ضحكت: محلاها صراحتك ???????????????? واتقول فيها عادي 10

مصطفى: وانتي محلاها جرئتك الي متصله بيا وانتي ماتعرفيني 

ريان ازلطت: اوك تمام بنسكر اعتبر انه ماتصلت بيك

مصطفى: غير ارجي كنك مستعجله خلي نتعرفو ع الحلو

ريان: اممم من الولد الصغير الي كان امعاك

مصطفى: ولدي

ريان بصدمه: قصدك متزوج  

مصطفى ضحك: لالا مش متزوج

ريان:امطلق

مصطفى: تي اصبري خلي انكمل كلامي

ريان:ها سكتت تكلم

مصطفى:الولد الي شفتيه امعايا هذا ولد خوي المتوفى وهدا ولده معتبره زي ولدي 24 ساعه امعايا

ريان:اها الله يرحمه خوك ربي يحفظه اصغير ع اليثم ياروحي عليه هو قاعد امعاكم يعني امه خلاته

مصطفى: لا قاعد امع امه وعايش امعانا لانه مرت خويا اتكون بنت عمي  

ريان: اها

مصطفى:خلاص فوتي غيري السيره  

قعد مصطفى ايهدرز امع ريان ويتعرفو علي بعض  

خشت عليه فرح انتظار ???????? سكر من ريان واتصل بفرح ???????????? 

.

.

.

.

.

.

ريان بعد سكرت من مصطفى التفت علي اختها الي كانت تبكي

ريان: انتي ياخرا ليش تبكي ماهو بيدك درتيها وتعاركتي امعا

رهف: ريان فوتيني مش ناقصك

ريان: اي يا حلوه فضيله الجو هو ومرته وتعاركي امعا هو ايقرب منها ويخبطك في الساس بعدها تعالي ابكي علي عمرك

رهف: ريان اقلبي وجهك خطيني

ريان: هدا الي فالحه فيه ريان ريان بكرا بعد ايفوتك ايهاب قوليلي ريان شن اندير ياغبيه هكي تعطي فيه فرصه ايقرب من زوجته اكثر 

رهف قعمزت:ايهاب ايحبني ومتاكده

ريان: ما تصديقي كلمة ايحبني ولا ما ايحبني تي الحب ايجي صدفه الحب ايخش لقلبك من غير استأذن لا بيسالك ولا بيخيرك من الشخص بالخص الحب الحلال انتي ماتعرفي ممكن امع الايام ايحبها ويتقرب منها وهي تستغل كل شي لصالحها تهتم بيه وقت انتي اديري امعا مشكله بيمشيلها هي اول وحده رد بالك اتخليه ايقارن بينكم ولا اديري مشاكل امعاها لين تتزوجو بعدها اعلني الحرب وديري المشاكل المهم بعد اتاكدي مكانك ثابته في حياة ايهاب

رهف ساكته وتسمع في كلام اختها الي شبه وعت علي هلبا حاجات كانت ادير فيهم

رهف:باهي شن اندير توا

ريان: توا ماتتصلي اكيد مزال امعصب منك  بكرا اتصلي بيه واعتذري قوليله غرت وتمسكني وابكي 

رهف: اكيد توا قاعد امعاها صح ???????? 

ريان: سواء قاعد امعاها او لا انتي شن بتستفيدي في النهايه هدي مرته انتي شغلي عقلك واعرفي كيف اتبعديه عنها واتخلي ايهاب ليك

رهف: ما اتلفي بيا قولي الي عندك

ريان عدلت تقعمزيتها وقعدت اتخطط امع رهف وقلبتلها عقلها

.

.

.

.

.

.

.

.

.

ريهام كانت اتهدرز امع ماماو بابا في الصاله وامعاهم إيلاف

ريهام : باهي تصبحو علي خير وخشت

إيلاف: اي صح بابا المدرسه بعد اسبوع تبدا ماتنسا اتكلملي صاحب الباص ونبي السوق والمكتبه ناقصاتي حاجات

بابا: حاضر في اليومين هذين نرفعك لسوق اما قصة الباص فوتيها البلاد خاربه الوقت مش مطمن عليهن الباصات توا نرفعك انا احسن

إيلاف: تمام بس والله الباص مافيه شي لكن زي ما اتحب

ماما: والله صح كلامه بوك البلاد خاربه وحروب خاشه بعضها

وناس سرقه وخطف وقتل

إيلاف: حتي انا قلت باهي تمام

بابا: السنه هذي شدي روحك اكويس نبيك اتجيبي معدل اكويس نرفع راسي بيك 

إيلاف: حاضر حتي انا نبي معدل اكويس عشان انخش طب

بابا ابتسم: قررتي خلاص طب

إيلاف هزت راسها: اي

ريهام طلعت من الدار تبكي ورافعه هيثم وتبكي  

الكل ايشوفها مصدوم ومنخلع

ريهام قعمزت تبكي وهيثم في حضنها: بابا هيثم حرارته نار شايطه مايرد عليا 

بابا خدا منها هيثم وقعد ايشوف في حرارته: لاحوله ولا قوة الا بالله العيل نار يغلي 

ريهام تبكي واتحاول اتفيق هيثم: ياماما تسمع فيا هومي حبيبي يا ماما رد

ماما مخلوعه: يا عبدالقادر شيل الولد بسرعه لمستشفى

بابا: اي هيا توا نرفعه نطلع انولع السياره بسرعه انتي لبسي العيل اكويس برا صقع ايزيد يمرض اكيد واخد برده

طلع بابا ايولع في السياره

ريهام لبست هيثم وهكي تبكي وماما وايلاق ايساعدو فيها ولبست عباتها هي وماما طلعو لبابا لمستشفى بي هيثم

إيلاف طلعت في جرتهم لين طلعو  

مصطفى كان ايهدرز في المربوعه سمع صوت السياره الي طلعت  سكر علي المكالمه طلع تلاقا امع إيلاف خاشه تمسح في ادموعها

مصطفى: بسم الله كنك شن امطلعك في نص اليل  

إيلاف بزعل: هومي مريض توا شالوه ماما وبابا ويهام لمستشفى

مصطفى انخلع: كنا بسم الله قبل اشويا ما فيه شي يلعب  

إيلاف:  من رفعته منك امبدري راقد توا ريهام خشت بترقد لقاته حرارته مولعه نار

مصطفى انشغل علي هيثم:  تمام انتي خشي البنات داخل ماتقعديش ابروحك انا بنلحق عمي  

إيلاف: عادي مش صايرلي شي ماتعبش روحك بابا امعاهم توا ايطمنا عليه

مصطفي هز راسه ماعدل عليها خش لي حوشهم ورفع مفتاح سيارته وطلع لحق بابا اتصل بي بابا وقاله علي اي مستشفى هم ماشيلها  وصلو هم الاتنين في نفس الوقت

نزل بابا ونزلت ماما و ريهام رافعه هيثم و ادموعها ماجفوش من اعيونها نزل مصطفى جاهم يجري ورفع هيثم من ريهام

خشو داخل اتجهو لـقسم الاطفال

حصلو دكتور امناوب خدا منهم هيثم داروله اسعافات الزمه 

طلع الدكتور  

مصطفى: شنو يا دكتور نزلت حرارته

الدكتور: عطينا مخفض حراره كانت حرارته 40  قعدت تنزل حرارته تدريجيا توا 37.7 وقاعده تنزل عنده التهاب في الصدر واضح امحصل برده من الجو متغير اليوم بيقعد عندنا لعند بكرا انشوفو حرارته ونطمنو عليه اكثر لا باس عليه

بابا: يعني بيقعد عندكم الليله

الدكتور:اي لازم يقعد عندنا نرات ترتفع حرارته مره تانيه واحني نعرفو كيف نتصرفو

ريهام: باهي يادكتور مافيش خطر علي ولدي ولا اي مرض  

الدكتور: الحمدلله برده عاديه ماتخافيش 

مصطفى: باهي نقدرو انشوفو توا

الدكتور: اي بس مسموح بمرافق واحد

مشا الدكتور ايمر علي الحالات التانيه

مصطفى:خلاص عمي انتم روحو توا نقعد انا امعا

ريهام: لالا انا نبي نقعد امعا انتم روحو

بابا:وين تقعدي ابروحك يابنتي

ريهام: انت اسمعت مرافق واحد

مصطفى: توا نقعد انا امعاها ياعمي عارفها راسها يابس ما بتروح  

بابا:وين بتقعد انت

مصطفى: توا نرقد في السياره  

بابا: تمام كان هكي اتريحني مانبيش انخليها ابروحها

مصطفى: اطمن عمي انا امعاهم

بابا:  خلي نطمنو علي هيثم وانروحو  

خشو كلهم علي هيثم كان مزال راقد

روحو ماما وبابا وقعدو مصطفى ويهام ابروحهم

ريهام امقعمزه جنب هيثم وماسكه ايده ويدها التانيه امدخلتها في شعره: ياريتها فيا ولا فيك يا عيوني ???????????? 

مصطفى:خلاص خلي العيل يتريح وانتي تبكي من امبدري اهو الحمدلله اكويس وحرارة بدت تنزل

ريهام ????: والله اليومين هذين بسبب العرس هملت اوليدي

مصطفى سكت وحتي ريهام ساكته اشوف لي هيثم وتمسح في ادموعها

مصطفى: ادكرت اليوم امع العصر رفعته لحديقه وقال خاطره في ايسكريم خديته ليه

ريهام: حرام يامصطفى مش شايف الجو صقع وشتاء خش تعطي عيل اصغير جلاطي ياكله وين عقلك تي شوف حالته توا

مصطفى: عارف عندك حق بس هو سكنلي يبي منه وانا مانقدرش انقوله لا تعرفيني

ريهام: في اوقات لازم اتقوله لا وتقسا امعا عشان مايتعلمش اي حاجه يبها ياخدها خربته بطبعك هكي اي شي يبيه تاخده ليه  

مصطفى:ان شاءالله انا نازل تحت تبي شي انتي

ريهام هزت راسها:لالا سلامتك

مصطفى طلع مضايق حاسس انه هو في سبب حالة هيثم ومرضته هو كان علي حسن نيته مش داير في باله بيمرض   

طلع من المستشفى قعد في السياره

.

.

.

 .

.

.

.

اما ريهام سهرت جنب هيثم كل اشويا اتجي الممرضه تطمن عليه ومره ايجي الدكتور لين الصبح

مصطفى ناض امع الساعه 7ونص خدا اميه وغسل وجه وخش لمستشفى داخل وصل لقسم الاطفال خش في الغرفه الي كانو حاطين فيها هيثم فتح الباب

كانت ريهام كيف غفت ورقدت  

قدم ايشوف في هيثم كيف راقد واخدوده ورديات ☺️ 

حط يده علي جبينه كانت مافيش حراره تنهد براحه وباس راسه وطلع نزل لي الكفتريا المستشفى خدا قهوه وعصير وكيكه سندويشات ورد لغرفه القي ريهام نايضه تضحك و هيثم امقعمز في حضنها ابتسم

مصطفى:شنو ناض البطل

ريهام مبتسمه: اي 

مصطفى حط الي في يده علي حافة السرير: شنو ياعمو هك اتخوفنا عليك

هيثم رفع اعيونه الذبلات وصوته مرخي: عمو

مصطفى: ياروح عمو انت ???? كنك طبت توا نشريلك موتور الي عجبك يومها ناخد ليك

هيثم: اهلف

ريهام: مصطفى شن قلنا امس

مصطفى هز راسه ضحك: ما قلنا شي بعدين الحلو هدا يستاهل غير يسمع الكلام بس انجيبه ليه

هيثم بفرحه:هبك عمو ،،،وقعد ايكحح

مصطفى: نجك ليا عمو مش ماشي امعاك المرض ان شاءالله في عدوك المرض

ريهام:مصطفى ماتعود العيل هكي يخرب بعدين

مصطفى: كنك واعره امعا ياريهام خليه مزال طفل خليه يفرح بطفولته مانبي انحسسه بالنقص  

ريهام:مهما كان يامصطفى مانبيش ولدي يتعلم الدلال بعدين يخرب عليا

مصطفى: زي ماهو ولدك حتي هوا ولد خويا زي ولدي حتي انا مانبيش يخرب ولا نبي نمنعه من حاجه خاطره فيها وانا بي استطاعتي نقدر انجيبها له ولا نحرمه من حاجه هذا ريحة الغالي وانحبه زي ما انتي اتحبيه ممكن اكثر وامقدر خوفك عليه مش كل ما انجيبله حاجه تفتحيلي محاضره عليها انا عارف روحي شن اندير تمام جبلتك قهوه وعصير وحاجات افطري انتي وهيثم وطلع

مصطفى رقتله من حركة ريهام ديما اتعارك فيه علي اي حاجه ايديرها لهيثم وكانها ماتبيش ايقرب منه

ريهام عرفت مصطفى رقتله من كلامها فتحت الكياس وطلعت عصير وكيكه وقعدت اتفطر في هيثم وعقلها مش امعاها

هي ماكنت في نيتها شي ماتبي ولدها يتعود علي دلال مصطفى واجد لانه ماتبي يتعود فتره بعد مصطفى يتزوج وايكون عليه بيهمل ولدها ويلتهي في عيلته وماتبي ولدها يتربى علي شي موقت عرفتو ليش ريهام حكت هكي

.

.

.

.

.

.

.

.

.

نضت علي صوت تليفوني فتحت الخط منغير ما انشوف الاسم

انا بصوت ناعس: الو

منذر: قداش رايفت لصوتك حبيبي

انا انصدمت بعد وصلني الصوت: منذرررررر

انفتح الباب وخش ايهاب ????????

انا ????????????????????

.

.

.

.

.

.

.

.

حمادي: كنك تبكي توا

عهود:مش عارفه قلبي مش امريحني لمشيتك

حمادي: نلغيها لو ماتبي نمشي

عهود تمسح في ادموعها:لالا خلاص توكل حبيبي بعد توصل كلمني

حمادي باس راسها: حاضر ياقلبي خلاص خشي سلميلي علي عمي ومرت عمي

عهود هزت راسها و ادموعها ينزلو خط

طلع حمادي وعهود خشت

.

.

.

.

.

.

.

ايهاب:………….

جدي:………………

.

يتبع ..