رواية لعنة قلبي الفصل الرابع 4 بقلم إيمان أشرف

رواية لعنة قلبي الفصل الرابع 4 بقلم إيمان أشرف

رواية لعنة قلبي البارت الرابع

رواية لعنة قلبي الجزء الرابع

رواية لعنة قلبي الحلقة الرابعة

خيال ظاهر من ورا ستارة البلگونه جعل قلبها ينقبض ورجليها بتخبط في بعضها لحد ماظهر بهيبته وظهوره المرعب في الاجواء
جنان بخوف: الشبح.. بص والله العظيم انا مگنتش اعرف انك الشبح خالص ولا خدت بالي لما انقذتني ولا اي حاجه بالله عليگ ماتقتلني انا هبلة والله بص… في طبق بشاميل في التلاجه برة خده ومتقتلنيش احيات عيالگ
قرب منها بخبث وهى ترجع ورا لحد مالقيت حاجه وراها منعتها من الحركه وبقيت محاصرة بينه وبين الحائط
“كاتك الارف هو ده وقتگ”
كانت باصه للحائط منتظرة انه يتحرك او يختفي (عشم ابليس في الجنه😂)
همس في اذنها وقال: بقيت قدرگ للأسف
وفاجأة لقيت الدنيا خير اللهم ماجعله خير اسودت كداهون ومتعرفش ده اغماء ولا ماتت
ـــــــــــــــــــــــــــــــــــــــــــــــ
ايمان اشرف ♡♡
ـــــــــــــــــــــــــــــــــــــــــــــــــــــــــــــــ

يالهوووووووووووووي (صراخ حول المنزل المظلم الهادي ليصبح كتلة من الضوضاء والهرج)
كل الخدم اللي في المنزل اتجه ناحيه الصوت لاكن لما عرفو ان الصوت خارج من غرفة ادهم لا احد تجراء حتى ان يسأل ماذا يحدث وكلهم عادو للعمل بصمت
خرج ادهم من الحمام وكان عاري الصدر وحاطط منشفه على شعره وجرى بسرعه ليرى ماذا يحدث وجد تلك المجنونة التي اختط*فها ليلة امس من امام عائلتها وامام رجال الشرطه واقفه على السرير ووجهها احمر من شدة الغضب
جنان بصوت عالي: اناااااااعاااايزة اعرف مييين اللي القمر ابن القمر اللي خط*فني ده
ظهر لها رجل في اوائل الخامسينات ينظر لها باستغراب فاجأة صرخ بعلو صوته
“حراااااااااااااميييييي ”
اقترب منه ادهم لينقذ الموقف وقال
ادهم: بس بس يابابا انا ادهم والله العظيم
الرجل بغضب: ادهم مين وبابا مين حرااااااااااااااامي
ادهم: يختي يختي يختي ادهم ابنك يابابا افتكرني مش وقت زهايمر والنبي
نظرت لهم جنان بغباء وقالت: هو في اي
النويهي: نهار ابوك اسود مين دي اللي طالعه من اوضتك ياض ياادهم
ادهم: اممم هفهمك كل حاجه بكرة روح نام يلا
النويهي: انام اااه ياابن ال *** عايزني انام عشان تستفرض بالمزة دي لوحدك
ادهم: يابابا اللي قدامك دي كتلة مشاكل لعنة اقتحمت حياتي مجنونة ودماغها ض*اربة
النويهي: بجد
ادهم: اه والله يا نويهي يلا بقا روح استريح وسيبني انام منتمتش من امبارح
النويهي: ماتنام يااخويا انا ماسكك واد قليل الربايه صحيح…ثم صمت لبرهه وكأنه يتذكر شئ وقال: هو مين ده حرااااااااااااااامي
جنان: ايوة صح يا عم الحج ده حرامي وقت.. ال قت…لة وخاطفن….
ادهم حط ايده على بوقها بسرعه وقال: مجنو*نة يبابا دماغها مفوته اوي
النويهي بخبث: اممم طب مين دي
ادهم: دي دي…دي الخدامه الجديدة
عضته جنان في ايده وقالت: نااااعم مين دي اللي خدامه
النويهي: وطالما انتي خدامة مش قاعدة في المطبخ ليه ومش لابسه جيبة قصيرة ليه
جنان: ياعم الحج ده منظر خدامة ده انا برنسيسه ياراجل
النويهي: فعلا قمر خلاص انا هتجوزها
ادهم: احيييه لالا دي اصلا مش بني ادمة يبابا دي من العالم السفلي
النويهي بخوف: يعني عفريتة

ادهم هز راسه بإيجاب
جنان بغضب: عفريتة اما تلبس*كم انتو الاتنين
النويهي: انتو مين
جنان وادهم في وقت واحد: يووووووه
ـــــــــــــــــــــــــــــــــــــــــــــــــــــــــــــ
عزت هيموت من الصدمة مش عارف بنته فين وحصلها اي
منال ببكاء: اهدى ياابو جنان متعملش في نفسك كدا
عزت: بنتي اتخط*فت قدام عيني وانا عملت اي…انا عااااااجز يامنال عاجز
منال: متقولش كدا ياعزت بالله عليك انا قلبي وجعني لوحدى
عزت: ياترى عمل فيها اي ياترى عايشه ازاي ااااه يابنتي
دخل خالد وندى في الوقت ده
ندى ارتمت في حضن منال وفضلت تعيط: جنان ضاعت مني ياطنط مكنش ليا غيرها
منال زادت في البكاء اكثر واكثر
خالد بيحاول يهديهم لحد مايوصل لادهم: اهدو ياجماعه انا هتصرف اهدو بالله عليكم
عزت: هتتصرف ازاي ده شيط*ان محدش يقدر يوقف في وشه ابدا يبني انا بنتي ضاعت
خالد: لالا متقولش كدا ياعمي متخفش هرجعها ان شاءالله
ـــــــــــــــــــــــــــــــــــــــــــــــــــــــ
ذهب خالد الى ڤلة ادهم
خالد اول ما شاف ادهم طلع يجري عليه وقال بعصبيه: فين اختي ياادهم عملت فيها اي
ادهم ببرود: مش اختك
خالد بعصبيه: ادهم جنان انا اللي مربيها على ايدي هى وندى جنان اختى غصب عن الكل انطق ودتها فين انطق
ادهم بحدة: بسسس
سكت خالد للحظه وقال: انا كل اللي عايزو ان جنان تطلع من كل العابك دي
ادهم بزعيق: مهو مش بمزاج اهلى اختك للأسف هى اللي عملت في نفسها كدا يوم المطعم كنت قاعد مع اخ*طر رجل مافيا ليه في كل حاجه قت*ل مخدر*ات اتجار بالب*شر س*لاح كل حاجه ولما شاف زفته جنان كان هيقت*لها او هيأذي*ها اضطريت اقول انها المساعدة بتعتي ونسيت خالص ان المطعم في كاميرات وطبعا بما ان محدش عارفه يوصلي وعرفه ان الخطه اتغيرت لقيو ان جنان هى نقطة ضعفي ده بالنسبالهم يعني وهى ولا حاجه اصلا وحدة اقتحمت حياتي وورطت نفسها في عالم خط*ير اوي على طفلة زيها لازم تفهم حاجه انا لو سيبتها او رجعتها هتموووت….
خالد بهدوء: اهلها هيموتو عليها ياادهم ابوها راجل طيب اوي ووالدتها كمان ده غير ندى…ندى مكسورة اوي في غيابها وانا مقدرش اشوف ندى كدا قالها بحزن
ادهم: امممم خلاص انا هروحلهم واشرحلهم كل حاجه وهما اكيد هيخافه على بنتهم
خالد: امتى

ادهم: النهردة بليل…….
جنان نزلت اول ماشافت خالد جريت عليه وحضنته
… عااااا خالد الحقني ده بيع*ذبني وبيطفي السج*اير في جس*مي ياخااالد عااااا
خالد: اهدى ياجنان ياحبيبتي
ادهم شدها من حضن خالد ووقفها جنبه: طيب ياخالد نتقابل بليل بقا
خالد بإصرار: لا انا هقعد هنا مع اختي لحد بليل
ادهم: طيب براحتك انا هطلع اريح شوية
جنان: الاهي تطلع متنزل يابعيد
تجاهلها ادهم وطلع اوضته
جنان بعصبيه: شايف ياخالد اختك الطيبة الوقورة البريئه
خالد بسخرية: شايف يختي
جنان: هو انت عرفت مكاني ازاي
خالد بتوتر: ده ده الشبح اللي جابني هنا عشان اقعد معاكي
جنان بخبث : شبح وجابگ هنا ازاي انا مش فاهمه حاجه هو انت كنت عارف ان ادهم صاحبگ هو نفسه الشبح
نظر لها خالد بصدمه وفضل الصمت
مر بعد الوقت بصمت
جنان: خالد خالد ياخالد خالد خاااااااالد
خالد بزعيق: اييييي
جنان: جعانه
خالد: اعملك اي؟!
جنان: معرفش جعااااااانععع
خالد: طب ادخلي المطبخ شوفي حاجه كوليها
قامت جنان ودخلت المطبخ واعجبت جدا بيه واتمنت لو كان ده مطبخها هنا هتحط كذا وهنا هتعمل كذا لاكن مجرد مافتحت الميكرويف انفج*ر في وشها
نزل ادهم بخوف بسرعه وطلع جري ع المطبخ وكان خالد وراه لقيو جنان وشها كله اسود ادهم بزعيق: عملتي ايي الله يخربيتك يازفت*ه
جنان بعياط: مسميش زفته ياعم انا ليا اسم….
ادهم بسخرية: اهااا جلابت المص*ايب
جنان بغضب: انت مالك انت هتصاحبني ولا اي
ادهم: انتي اي اللي دخلك هنا يابت انتي

جنان: كنت جعانه وانت عارف كدا ف روحت جهزتلي موت*ة حلوة اموت بولع الاهي تولع في جهنم انا هوديك في داهيه مش هرحمك هبلغ عليك
ادهم بضحك سخرية: واااو هتبلغي عني وهتلغي عن خالد طبعا وهتقوليلهم اي مين انا وخالد بيعمل اي هنا؟!
ركزت جنان وقربت منه جنان وقالت: خالد معااااااك
ادهم بعدم فهم: اي مالك انتي عملتي ريفرش لدماغك يابت انتي ركز هنا ادهم وعرف انها كشفت خالد
خالد بضحك: اشررررب
مسكها ادهم من دراعها وقربها منه شوية: اللي عرفتيه ده تنسيه خالص انتي فاهمه
جنان بتحدي: لااااا ده انا هبلغ عنك وهوديك في ستين داهيه
ادهم: اولا انتي مش هتعرفي تعملي حاجه لان اللي بيكشف هويتي اخره المو*ت محدش يعرف الموضوع ده غير خالد وبابا ودول يعتبر عيلتي انما انتي مين انتي
خالد: متخفش ياادهم هى بس هتفضحك ع الفيس وتبلغ عنك وتنزل صورك على القناة المتخلفه بتعتها وتعمل فيها صحفية وتوديك في ستين داهيه وانا معاك طبعا اختى بريئه
ادهم: ده لو خرجت من هنا كدا خلاص نهايتها اتحسمت
ـــــــــــــــــــــــــــــــــــــــــــــــــــــــــــــــ
في المساء في منزل عزت
خبط بابا الشقه ودخل خالد ومعاه ادهم وبنت منقبة
عزت بأستغراب: اهلا يبني اتفضلو
جنان اول ماشفاته اترمت في حضنه
عزت: انتي مين يابنتي
جنان: بنتك يابابا جنان الي الدنيا جاية عليها
حضنها عزت وعيط: بنتي حصل اي كنتي فين
ادهم: هفهمك كل حاجه
عزت بغضب: هو انت
ادهم: ايوة انا
هجم عليه عزت: انت مين ياعم وعايز اي من بنتي
مسكه خالد قبل ماادهم يندفع وينسى انه راجل كبير
خالد: انا هحكيلك كل حاجه…… فهمه خالد كل حاجه

عزت بصدمة وهو يجلس ع الكرسي: بقا بنتي بقت مجرم*ة عالمية
ادهم: دلوقتي انا هستأذنك ان بنتك هتقعد معايا لحد مانشوف حل
عزت بسخرية: على اساس اني هقبل بنتي تعيش مع واحد غريب في بيت واحد انت اتجننت
جنان بعصبيه: ايوة اتجنن
ادهم ببرود: هتجوزها…..
كلهم بصدمة وفم مفتوح: اييييييي؟!

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية لعنة قلبي)