رواية جريمة عشق 3 الفصل السابع 7 بقلم مريم نصار
رواية جريمة عشق 3 الفصل السابع 7 بقلم مريم نصار
رواية جريمة عشق 3 البارت السابع
رواية جريمة عشق 3 الجزء السابع
رواية جريمة عشق 3 الحلقة السابعة
عفاف : انا خلاص زهقت ياعبدالعزيز زهقت .
عبد العزيز : يعنى انا الل فرحان ياعفاف ماهي مغمقه عليا قبل منك .
عفاف : احنا بعنا حتة التليفزيون الل حيلتنا . وبعنا الصفره . وكلمت الجيران حد يشترى الانتريه . وانت فى رقبتك ٣ عيال . والمدراس فاضلها اكتر من شهرين وتفتح . قولى هنعيش ازاى .
عبد العزيز : كفاياكى بقى ياعفاف . حرام عليكى . انتى بتزوديها عليا . يارب ياخدنى علشان ترتاحو .
عفاف : جريت عليه بلهفه وزعل . بعد الشر عليك ياحبيبى . ليه بتقول كدا . وعيطت . انا مش قصدى ازودها عليك ابدا يابو رحمه. انا بس تعبت من كتر التفكير وبنتك في الثانوى . وابنك في إعدادى . والتانى فى ابتدائي . وانت من ساعة ما صحابك في الشغل منهم لله سرقو منك البضاعه ووقعوك فيها ورفدوك من الشركه . واحنا مش عارفين نعيش . مرتبك كان يدوبك ساترها معانا ومشيين بيه نفسنا . لكن انت سايب شغلك اكتر من ٣ شهور ومفيش اى شغل متوفر ليك . وبنبيع في العفش زى ما انت شايف . انا بتكلم معاك من قهرتى وتعبى مش بحملك اكتر من طاقتك لا ياعبدالعزيز انت عارفنى . انت عشرة عمرى . انا استحملك لحد اخر يوم في عمري.بس عيالك وجعين قلبى ياعبدالعزيز . وعيطت .
عبدالعزيز : بتعيطى ليه دلوقتي . خلاص سيبيها على الله . انا هنزل دلوقتي اشوفلى اى تاكسي اشتغل عليه إن شاله اشتغل نص يوميه حتى . اهو نجيب قوت يومنا . وحب يطمنها والله بكره هتفرج . احنا عايشين في رضا ربنا لا عمرنا اذينا حد ولا اتمنينا الاذي لحد وان كان على صحابى ايه يعنى ضحكو عليا وسرقونى . وقفو حالى وبسببهم اترفتد من شغلى . انتى مفكره أنهم هيفلتو من عقاب ربنا . ده كفايه انى اقول حسبنا الله ونعم الوكيل .
ده ربنا قال فيها . وعزتى وجلالى لانصرنك ولو بعد حين . هونى عليكى ياأم رحمه إن شاء الله هتفرج .انا واثق فى كرم ربنا . ده اسمه الكريم . والله العظيم لتفرج . والباب خبط . امسحي دموعك يا ام رحمه والبسي حجابك انا هروح هشوف مين على الباب .
عفاف : حاضر يا ابو رحمه . واتحركت .
عبد العزيز فتح الباب .
= السلام عليكم .
عبد العزيز : وعليكم السلام . وبعدم فهم . مين حضراتكم .
مالك : انا مالك الصاوى . ودي حرمي مدام ساره الصاوى .
عبد العزيز : متلخبط . وناس باللبس ده . باين عليهم مستواهم عالى جدا. واتوتر . خير حضرتك تعرفنى .
مالك : حضرتك الاستاذ عبد العزيز محمد .
عبد العزيز : ايوه انا اي خدمه .
مالك : طيب ممكن ندخل ياراجل ياطيب ولا بتسيب ضيوفك على الباب كدا.
عبد العزيز : انا اسف جدا لحضرتك . لكن متأخذنيش لانى معرفش حضراتكم . اتفضلو . ودخل الاول احم يارب ياساتر .
مالك دخل ومعاه ساره وقعدو فى الانتريه وجت عفاف سلمت على ساره . وعفاف وجوزها مش فاهمين حاجه .
ساره : اتكلمت . احم استاذ عبد العزيز . حضرتك مش هتفتكرنى لان طبعا لما انقذتنى انا مكنتش زى دلوقتي ابدا .
عبد العزيز: استغرب ولسه مفتكرش ولا افتكر شكل ساره خالص . واتكلم . انقذتك !؟ انا مش فاكر حاجه ولا فاهم حاجه ..
مالك : انا هفهم حضرتك . لو تفتكر من حوالى ٥ شهور او ااقل . انت انقذت بنت وقفتلك قدام العربيه و انت وقفتلها بالعربيه وادتلها موبيلك واتصلت عليا . وهي اغمى عليها وانت قابلتنى بالعربيه على طريق اسكندريه صحراوى . افتكرت !؟
عبد العزيز : بدهشه . ايوه ايوه . وبص ل ساره بزهول من الفرق بين لما شافها متبهدله ودلوقتى . حضرتك يابنتى . انتى الل كنتى بتجرى ووقعتى قدام العربيه .
ساره : ابتسمت بزعل . ايوه انا . والفضل يرجع ل ربنا ثم لحضرتك . لانك لو مكنتش ساعدتنى الله اعلم مصيرى كان ايه دلوقتي؟
عبد العزيز : بص ل عفاف . سبحان الله تفتكرى ياعفاف يوم مارجعت وملحقتش اسلم البضاعه وركنت العربيه تحت البيت . وقولتلك فى بنت كان شكلها مخطوفه ووقعت قدام العربيه وانا استنيت عيلتها لحد ماجت خدتها . اهي هي الاستاذه دى . وبص ليهم . الف حمدالله على سلامتك يااستاذه . والله انا كنت عايز اطمن وكان معايه رقم التلفون الل حضرتك كلمتيه لكن أحرجت . ودعينالك انا وام رحمه .
عفاف : بدهشه سبحان الله . الحمدلله . بركه ياحبيبتى انك بخير . وربنا يجازى ولاد الحرام . وقامت ثوانى هعلق على الشاى .
مالك : لا شكرا لحضرتك . احنا جايين للاستاذ عبد العزيز فى كلمتين وهنمشى على طول اتفضلى اقعدى . مالك طلع ظرف . وحطه على التربيزه. بكل احترام . اتفضل يا استاذ عبد العزيز .
عبد العزيز : مسك الظرف وفتحه واندهش من حجم المبلغ . ولكن بص ل مالك وحط الظرف فى ايد مالك . ايه ده يااستاذ انت جاى تدفع تمن انى ساعدت بنت كانت على حافة الموت . لا يااستاذ انا مش هقبل انا معملتش غير الل يرضي ضميرى ويخلص ذمتى قدام رينا ..
ساره : عمو . لو سمحت متفهمناش غلط . دلوقتي حضرتك بفضلك انا لسه عايشه . وانا قصتى كبيره وحضرتك متعرفهاش لكن بفضلك انا طلعلى مكافاه كبيره جدا . وحبيت اشكرك . وده تعبير عن شكر مش رد جميل . لاننا مهما نعمل لحضرتك مش هنوفيك حقك .
مالك : ياريت حضرتك متفهمش غلط . وانا اسف على الطريقه لكن انا دورت عليك كتير وروحت شغلك فى الشركه وقاله انك سبت الشغل . ف لو تقبل وطلع الكارت . ده كارت شركات الصاوى . والدى منتظر حضرتك بكره الصبح . لانه محتاج ناس بنزاهة حضرتك.
عبد العزيز بص ل عفاف . وعفاف دموعها نزلت . وبتتمنى عبد العزيز ميرفضش الشغل.
عبد العزيز : بزهول . انا . حضرتك انا هشتغل فى مجموعة الصاوى .
مالك : مجموعة الصاوى تتشرف بحضرتك انك تكون موجود فيها . لكن مؤقتا . لان مدام ساره . هتفتح فرع خاص ليها واكيد انت اول واحد هتكون موجود معانا . وساب الكارت والظرف . اتمنى أن حضرتك تقبل الظرف اعتبرنى صديق جديد للعيله ودي هديه بسيطه للاولاد .. وقام . انا ووالدى هننتظر حضرتك بكره فى الشركه الساعه ١١ الصبح كويس .
عبد العزيز : متلجم . ومزهول .ومش عارف يرد . لكن هز راسه بالموافقه .
ومالك اتحرك وخرج مع ساره ومستناش يسمع اكتر من موافقته لأن مالك وساره سمعو كل الحوار مابين عبد العزيز ومراته لما كانو واقفين قدام باب شقتهم . ومالك وساره زعلو علشانه . وقررو انهم يشغلو عبد العزيز فى الشركه ويقفو جمبه . واستغربو بدهشه نظرية آدم . او ان ربنا الهمه انه يصور البطاقه ويبعت صورتها لمالك ويدور عليه ويوصل في الوقت المناسب . ربنا جعل آدم سبب ومالك سبب أنهم يساعدو واحد عنده ثقه في الله ان ربنا هيفرجها .
وبعدها عبد العزيز بكي بشده من كتر الفرحه وعفاف بكت . عبد العزيز كان مزهول من عطاء ربنا . وان ثقته في الله كانت على يقين . وقال ل عفاف . ربنا بيقول انا عند حسن ظن عبدي بي فليظن بي مايشاء .
شوفتى . شوفتى ياعفاف كرم ربنا . مش قولتلك والله هتفرج .
ضاقت … فلما استحكمت حلقاتها فرجت وكنت أظنها لاتفرج ..
وعبد العزيز راح تانى يوم الشركه ورحبو بيه جدا . واشتغل وكان من اسعد الناس . وان ربنا هو الكريم .
——————–بقلمى Mariem Nasar
في جنينة فيلا العدوي قاعدين .
مريم . ومراد وبنته . وفهد ورينو .
مريم : خدى يارينو كلى التفاحه دي يقلبى .
رينو : اخدت الطبق . ميرسي يامامي تسلم ايدك.
مريم : بالهنا يقلبى . خد يافهد ياحبيبى .
فهد : لا يامريوم هاكل مع رينو .
رينو : ابتسمت . انا كنت هعمل كدا . اتفضل واخدت شريحه ورفعت أيديها وهتحطها في ايدو .
فهد : ابتسم. ومسك كف ايدها ورفعها على بوقه وأكل منها التفاحه .
رينو اتوترت . وبصت على مراد . وكان بيلاعب مريم نونو . وبصت على مريم . كانت مركزه مع مراد وبتشاور ل مريم نونو. احم وشدت أيدها . وهمست فهد ارجوك .
فهد : قرب وهمس . ارجوك ايه !؟ هو انا كلمتك .
رينو : بتوتر . التفاح في الطبق . اتفضل كل .
فهد : بنفس الهمس . مع بوسه رقيقه من خدها من غير ما حد ياخد باله. طيب ويرضيكى مراتى وحبيبتى جمبى وانا اكل لوحدى . طيب والصوابع الحلوه دى هتأاكل مين غير فهد . مش انا عشق الفهد بردو .
رينو : غمضت عينيها . ايوه طبعا . بس احنا في الجنينه ومامي قاعده وأبيه مراد ممكن يشوفنا .
فهد : هو انا عملت حاجه غلط ياحبيبتى انا باكل من ايد معشوقتي . ويلا بقى اكلينى . بدال متهور واعمل حاجه اكبر من كدا .
رينو : بصتله . بحرج . حاجه اكبر من كدا . احم . واستغربت فهد باصص فى عيونها بعشق وهيام .
فهد : لما رينو بصتله ضوء الشمس جه فى عينيها . وزادها جمال فوق جمالها . وأثرت حرفيا قلب الفهد . وتاه في عيونها .
رينو : عيونها جت في عيون الفهد . وقلبها بيدق بحب لانها فهمت نظرته وانها نظرت عاشق . واتنبهو على صوت مراد .
مراد : اللللله .مراد بيلعب مع مريم . لان فريحه نايمه تعبانه . وقالتلو سيبنى انام شويه . وسابها ونزل . اللللله اللللله عليكى يامريوم هههههههههههه بنت ابوكي بصحيح . وفاقو على صوته .
مريم : جريت عليه . مولاد وبتضحك .
مراد : تعالى قلب مولاد . وشالها وراح بيها عندهم . تاكلى تفاح يانونو .
مريم : نونو هزت راسها لأ. لاتا .
مراد : مين يختى !؟ بلاطه . بلاطه مين يابت
كلهم ضحكو على مراد .
فهد : بتقولك لاتا . لاتا ياغبى افهم.
مراد : وانت بقى فهمت يعنى ايه لاتا يابو العريف .
فهد : همس ل رينو انقذى جوزك . هي تقصد ايه ب لاتا دى .
رينو : هههههه . حبيبى هي مش عايزه تفاح . عيزا شيكولاته .
فهد : بصله . وادي عايزه مفهوميه . هي عيزا شيكولاته .
رينو : هههههههههههه . ايوه صح .
مراد : بص لبنته . لاتا يعنى شيكولاته .
مريم : نونو . مولاد . لاتا
مراد : ممم حاضر ياقلبى تعالى انا هاخدك دلوقتي على اكبر سوبر ماركت . واحلى شيكولاته لاحلى مريم العدوي فيكى يا جمهويه. وشالها واتحرك .وبص لفهد تيجي معايا يالا .
فهد : قرب من رينو . فى شوكليت فى البيت ولا خلصت .
رينو : ابتسمت برقه . لا في شوكليت كتيره كمان.
فهد : مش مهم . نجيب بردو . علشان نجمتى الحلوه . وبص ليها يخربيت رقتك دى ونفخ اوووف هو لازم نستنى آدم .
مراد : مش كفايه ناحنيح بقى . كملو رغي في بيتكو . قوم يلا ..
فهد : ل رينو . اخوكي ده واد تنح وبارد .
رينو : شهقت . ابيه مراد . وابتسمت بهيام. ابيه مراد ده قمر . حبيب قلبى .
فهد : كشر عينيه . نعم عيدي تانى كدا .
مراد : نط بينهم . قالتلك ابيه موراد قمر . وحبيب قلبي . ايه ياصغنن بتغيرى يابيضه يا نانوسه انتى .
مريم ورينو . كاتمين الضحكه .
وفهد : قاله . عارف ياض يامراد . مسيرى في يوم هعلم عليك . دى صحوبيه مهببه.
كلهم ضحكو . لكن سمعو صرخه فريحه .
مرررااااااااد.
مراد : بخضه . وبص على باب الفيلا . فريحه . ونزل بنته ورينو لحقتها قبل ماتقع .
مراد وفهد . طلعو يجرو .
فريحه : واقفه على السلم . وحاسه انها موجوعه اكتر من ولادة مريم . ااااه مرراااااااد .
مراد : دخل جرى بخوف وطلع على السلم بلهفه . فريحه . فريحه . مالك يافريحه . وفهد جرى عليها ومسك كتفها بخوف فريحه مالك
فريحه : بصوت مهموس ودموع . مش قادره . حاسه اني المرادى بموت .
مراد : قلبه دق بخوف . وبلع ريقه . اهدي يافريحه .
مريم : مراد . فريحه كدا شكلها بتولد . يلا على المستشفى .
فريحه : عينيها متعلقه ب مراد . ودمعه نزلت .
مراد : بصلها وشاف نظرتها وخاف بجد . وقرب منها . تعالى وشالها ..
فريحه : بتعب شديد . على مهلك يامراد مش قادره اخد نفسي .
فهد : مراد انا هشغل العربيه . وانت هاتها وخليك جنبها وانا هسوق . يلا يامراد .وفهد اتحرك . ومراد بيشليها براحه ونازل بيها بشويش حبيبتى ماتخفيش انا جمبك .
رينو . فهد انا هاجي معاك ..
فهد : طيب تعالى بسرعه .
مريم : طيب روحو انتو بسرعه . وانا هجيب شنطت فريحه وهدوم البيبى وهحصلكو مع اي حد . واه يارينو . اتصلى على محمد يجهز كل حاجه .
رينو : حاضر يامامي ورينو جريت علشان تلحقهم .
مريم : اول ماشافت وش فريحه وكان اصفر جدا . قلبها انقبض وخافت . وطلعت تتوضى وتصلى ركعتين لله انه يحفظها وتقوم بالسلامه .
فهد : طاير بالعربيه . ومرعوب على أخته . مراد منيم فريحه على صدره وبيمسد على ضهرها . فريحه مالك يافريحه .
فريحه : مسكت ايده . مراد متسبنيش . انا حاسه انى مش هعيش تانى يامراد .
مراد : قلبه وجعه وخاف . وحس انه عيل صغير مش عارف يعمل ايه . وحضنها . بس يافريحه ايه ال انتى بتقوليه ده . حبيبتي . انتى بتولدى . وانتى عارفه أن الولاده صعبه .
فهد : دايس بنزين . ورينو عيونها على فريحه . واتصلت على محمد . وقالها هانجهز كل حاجه .
فهد : وصل ونزل . وفتح الباب وساعد فريحه . ومراد نزل جرى ولف شالها . تعالى . تعالى ياحبيبتي . ودخل بيها المستشفى ومحمد شاورله على الاوضه ودخل . ونيمها على السرير . مراد وفهد ورينو معاها .
فريحه : نايمه على السرير وعيونها متعلقه ب مراد . وبتقاوم
مراد : قاعد جنبها . ومسك ايدها وباسها . حبيبتي اهدي ماشى . كل حاجه هتبقى تمام . وابتسم بتمثيل . يلا شدى حيلك كدا علشان نشوف هندلع الواد ونقوله ايه .
فريحه : ضغطت على ايدو وصرخت . اااااااااه .
رينو : بدموع . واستخبت في حضن فهد .وفهد اخدها بره علشان متخافش .
مراد : قام . وفك ليها الحجاب . ومسح دموعها ووشها . حبيبتي انا متفق مع محمد انك هتولدى ولاده بدون الم . علشان خاطرى خليكى كويسه علشانى .
فريحه : بدءت تنهج . متبعدش عنى يامراد اااااااه متسبنيش . انت لو خرجت من هنا انا هموت صدقنى اااااه .
مراد : راح وقف عند الباب .بعلو صوته فييين الدكتووووره ..
محمد : ثواني يامراد . هي كانت بتولد واحده دلوقتي وهي نازله . الدكتوره دى من أكفأ الدكاتره في التخصص ده . ودخل محمد . حبيبتي فريحه . ايه حبيبت خالك .
فريحه : خالو . انا عيزا مراد معايه ابوس ايديكو . سيبوه معايه .
مراد : جري عليها . وقلبه وجعه . فريحه انا جمبك ومش هسيبك . علشان خاطرى بلاش كلامك ده . انا عمرى ماهسيبك . وكمان هفضل معاكى لحد ماتولدى وتخرجي بالسلامه .
فريحه : بتحاول تتدارى وحاسه أن روحها بتتسحب .
محمد : قاس ضغط فريحه . وانصدم لانه واطي جدا جدا. وممكن يعملها هبوط حاد . وبسرعه ركبلها الكانيولا . وعلقها محلول وحط فيه حقن . واستنى شويه . ومتابع شاف أنه بدء يطلع شويه . لكن لسه واطى .
الدكتوره : دخلت . وشافت فريحه . ومحمد فهمها هو عمل ايه و طلع . ومراد رفض يخرج .
الدكتور بصت على فريحه . وقاست الضغط ولسه واطي . وعطتها حقنه . وقالت لفريحه . انتى اخر مره اكلتى امتى ؟.
مراد : بقلق . الصبح لكن مكلتش كويس . ورجعت .
الدكتوره : هزت راسها . وراحت بصت على فريحه . والممرضه جمبها وبيتكلمو بهمس.
مراد : لاحظ أن الدكتوره عايزه تقول حاجه . لانها مش على طبيعتها ..
مراد : مسك وش فريحه بايديه . حبيبتي ثوانى وجاى ..فريحه : بتتالم ومش قادره تصرخ . لأ . لأ متسبنيش ارجوك .
مراد : فريحه انا معاكي . بس هشوف الدكتوره وهسالها عليكى .
فريحه : متبعدش عنى .
مراد : قلبه بيدق بخوف . حاضر يافريحتى انا جمبك مش هبعد كتير . انا بس هسالها سؤال وارجعلك . وقام واخد الدكتوره على جمب . دكتوره . مراتى مالها . دى مش قادره تصرخ . ولما بتصرخ كأنها بتجرى أميال . وبعدين وشها اصفر اوى كدا ليه دكتوره عايز اعرف مراتى مالها هى مش اول مره تولد . دي تانى مره .
الدكتوره : حضرتك مدام فريحه ضغطها واطي جدا . وغير كدا هي هتتعب معانا شويه . ولو .
مراد : بقلق . تتعب معاكو ازاى . ماتفهمينى .
الدكتوره : مدام فريحه .ولادتها هتبقى ولاده متعسره .
مراد : مش فاهم. يعنى ايه ولاده متعسره .ياريت تفهمينى كل حاجه وبسرعه . فريحه مالها .
الدكتوره : الولاده المتعسره . دي بتبقى ناتجه عن ضغوط الأم في فترة الحمل الاولى . او ممكن يكون عنق الرحم ضيق. او ممكن يكون وضع الجنين غير طبيعي . وفى أسباب تانيه كتير .
مراد : بخوف وتوتر . طيب كل ده هيأثر على فريحه .
الدكتوره . انا مش هخبي عليك . فريحه والجنين . لحد دلوقتي كويسين . لكن في حالات احيانا بتكون فى خطر .
مراد : رجع خطوه لورا . انتى بتقولى ايه .
الدكتوره . حضرتك انا مبقولش ليك كدا علشان تقلق . لا في اساليب تانيه كتير . انا متابعه الميا حوالين الجنين والحمد لله كويسه . وده هيساعدنى فى انى هستعمل الجفت. وده بيساعد فى اخراج الجنين . لكن لو ..
مراد : عيونه مليانه بالدموع . وبصلها برعب . لكن .!؟ لكن ايه .
الدكتوره : لكن لو فضلت على الوضع ده انا هضطر أن مدام فريحه تولد قيصري ..
مراد : مسح الدمعه الل نزلت . دكتوره انتى ممكن تولديها قيصري من دلوقتي . انا مش عايز جنين المهم فريحه . اعملى اى حاجه .واتخض .
فريحه : مرررااااااااد . اااااااه . وجرى عليها برعب . ومسك ايديها . فريحه . فريحه حبيبتى . انتى كويسه . حبيبتي .وماسك نفسه بالعافيه .
الدكتوره : قاست الضغط . وكان اتظبط . وابتسمت علشان تدى مراد وفريحه دافعه . مدام فريحه . ضغطك اتظبط اهو . ممكن بقى تساعدينى علشان تشوفى البيبى .
فريحه : بدموع . ومكلبشه في ايد مراد . مش قادره . مش قادره اصرخ . مش قاااااااااااه . يارب . يااااارب . وبتنهج.
الدكتوره : اتحركت . مدام فريحه استحملى معايه شويه . وعيزاكي تساعدينى بقوة الدفع.
مراد : قام . وراح للدكتورة . انا قولتلك انا عايزها تولد قيصري . وزعق انتى ايييه مسمعتنيش . انتى مبسوطه بوجعها .
الدكتوره : حضرتك انا هصبر عليها ربع ساعه كمان . انا ادرى بحالتها . هي اه هتتعب معايه شويه . وإن شاء الله هتقوم بالسلامه . لكن القيصري هيريحها ساعه . وبعد كدا هيألمها كل دقيقه . وانا لو حسيت ان فى خطر انا هولدها قيصري.
مراد : بيزعق . وانا هستناكي لما تحسي بالخطر . انتى اييييه ماتسمعى الكلام مراتى وانا ادري بمصلحتها. وسمع صوت فريحه بتنادي يهمس . مورا . موراد
مراد : جرى عليها . ورفع راسها وحضنها . وبيدارى دموعه الل نازله . بقالهم ساعتين فى الاوضه . وفريحه . شكلها متغير .
فريحه : في حضن مراد . بتنهج . قيصري لأ . لأ يامراد . قيصري لأ .
مراد : مسح دموعه . وقعد جنبها ومسك وشها بايديه . وقرر يديها دافعه .. بتحبنى يافريحه .
فريحه : ابتسمت بتعب . عا .. عندك ش . شك .
مراد : ردي عليا بتحبيني . بتحبى مرادك .
فريحه : دموعها نازله من الجمب . انا عايشه بمراد .
مراد : بإصرار . خلاص . يبقى تفوقى كدا علشان مراد . مراد حبيبك . وقرب حط جبينه على جبينها .فوقى وفتحي عينيكى علشانى علشان مراد حبيبك. فريحه انا بحبك . ولاحياتى تكمل غير بيكى . عشان خاطري يافريحه قومي علشانى .
فريحه : كلبشت فيه . وحست بشوية قوه. وصرخت ااااااه . يااااارب . اااه مرراااااااد
مراد : حضنها جامد . وحابس دموعه بالعافيه . ايوه يافريحه انا جمبك . انا معاكي ياحبيبتى .
الدكتوره : حطت بنج موضعي . جابت الجفت . وسمت الله . وبدءت . لانها خايفه على الطفل من نقص الاكسجين . وفريحه بدءت تصرخ . وده هيساعد الدكتوره
فريحه : اااااااااااه يااااااااراااااب . وبتصرخ كل قوتها .
والكل بره سامع صوت صريخها . وطارق مستحملش . وكان متوضي . ودخل الاوضه يصلى ويدعي لبنته . ورنا بتدعيلها وبتعيط . ومريم . بتعيط وقلبها بيدعي بكل يقين . وفهد زعلان ورينو ماسكه دراعه وخايفه وبتتخيل نفسها لما تبقى حامل . وجسمها اتشد . وفهد طمنها انها متخافش .
آدم وزين قاعدين قلقانين . وريتال بتعيط . محمد .. نور كل شويه تتصل عليه . لانها راحت الفيلا تقعد مع مريم نونو واريان وليليان . ومحمد طمنها .
فريحه : بتصرخ وكأنها بتستغيث . وصوتها كله وجع والم . ومراد حاضنها . ودموعه نازله . من قوة صوتها الل موجوع .
الدكتوره : بتحاول على قد ما تقدر . وخلاص قربت . مدام فريحه . لازم تحاولى تدفعى بكل قوتك لازم .
فريحه : بتغيب عن الوعي .
مراد : فريحه علشان مراد يافريحه .وهزها .
فريحه : فتحت . وحااولت لكن مش قادره .
الدكتوره : اصرخي علشان ابنك يافريحه . دافعه واحده بس ارجوكي .
فريحه : بتحاول .. اااه . ااااه وصرخت صرخة امل فى الله يااااااااراااااب . مورراااااااااد . وسمعت صوت آدم الصغير . واطمنت. ورجعت راسها لورا . واغمي عليها .
مراد : برعب . فريحه . وقلبه دق بخوف
.فريحه . ردي عليا . فررريحه .
الدكتوره : عطت البيبى الممرضه و راحت بسرعه . وشافت فريحه . ونفخت لانها كانت خايفه . الحمدلله . متقلقش هي اغمى عليها .
مراد : منتبهش لعياط ابنه . وبيفوقها . فريحه . فريحه حبيبتى ردى عليا .
الدكتوره . حطتلها حقنه فى المحلول . صدقنى هتفوق دلوقتي . حضرتك هي عملت مجهود كبير جدا .
مراد : بص للدكتوره بغيظ . وعيونه مليانه بالدموع .
الدكتوره : فهمت نظرته . وانه بيقولها انتى السبب . واتكلمت . لما مراتك تفوق انت بنفسك هتشكرنى انى مولدتهاش قيصرى . صدقنى انا براعي ربنا فى شغلى ومدام فى ايدى اصبر على الحاله الل قدامى وهتجيب نتيجه فا انا هصبر . وحمد لله على سلامتها هي والبيبى .
مراد : عيونه على فريحه . وباس جبينها. وهمس فريحه حبيبتى فوقى .
الدكتوره : جابتلو البيبى اتفضل . ابن حضرتك . اللهم بارك . قربه من مدام فريحه وهي هتفوق .
مراد : بص على آدم . وشاله وقلبه دق بشعور مختلف . لكن بردو قلقان فريحته . وقرب آدم من فريحه . وآدم كان بيعيط . وفريحه بدءت تفوق على صوت البيبى . وفتحت عينيها .
مراد : قلبه دق بقوه رهيبه وضحك. اول ما فريحه فتحت عينيها . ومسك آدم وعطاه للمرضه . امسكى . طلعيه للعيله بره .
الممرضه اخدته . وطلعته . والكل كان منتظر بره . ولما شافو الممرضه . جايه عليهم قابلوها . وعطت البيبي ل طارق الل جرى اول واحد عليها . طمنينى بنتى عامله ايه دلوقت
الممرضه : الحمد لله كويسه . وفاقت . وجت تمشي لكن آدم شاورلها . وعطاها هديه المولود . وفرحو بيه اوى . وطارق باسه وعطاه ل آدم . وآدم شال حفيده واذن في ودنه . وكلهم مبسوطين بيه . والممرضه جت اخدته لان الدكتوره هتعرضه على دكتور اطفال . وآدم قال ل زين خليك مع ابن اخوك عينك عليه . الدكتور يكشف ويطمنك وتجيبه . وزين هز راسه حاضر يابابا . واتحرك
مراد : مسح وش فريحه بايديه . ودموعه نازله فرحه على زعل وحضنها بكل قوته وقلبه بيبكي بوجع . فريحه . فريحه حمدلله على سلامتك يافريحتى .
فريحه : بهمس . مراد . انا ولدت يامراد .
مراد : رجع راسها على المخده . ايوه ياروحي انتى ولدتى بالسلامه.
فريحه : يعنى انا عايشه . انا ولدت ولسه عايشه .
مراد : ايه يافريحه الل انتى بتقوليه ده . حبيبتي انتى ولدتى وقومتى بالسلامه . بلاش السيره دى علشان مرادك .
فريحه : عيونها على مراد . واتنهدت براحه . لان الوجع الل كان جواها كان ساحب روحها . وحمدت ربنا بقلبها . انها موجوده جمب جوزها .
مراد : من جواه زعلان . ونفسه يقعد فى مكان لوحده ويبكي . لكن حاول يفكها . هاه يافريحه . مش يدوبك كدا بقى . عايزين نخاوى آدم .
فريحه : ضحكت . بتعب . بس يامراد مش قادره اضحك .
مراد : شاف ضحكتها ودمعه نزلت . وباس جبينها وايديها . انتى بنت لذين . كدا تخلى مراد زى العيل الصغير الل مش عارف يتصرف . عارفه بس لما تخرجى من هنا . مش هتعرفى انا هعمل فيكى ايه يابنت الورما انتى .
فريحه : ضحكت من قلبها .واتكلمت بتعب ياموراد بس والله مش قادره . مره تقول بنت مستخبى ودلوقتي بنت وارما وضحكت .
مراد : اعمل ايه بس يافريحتى انتى الل صحتك بتيجى على الشتيمه . وضحك بصوت بتمثيل . مع أنه بيكابر دموعه . وقرب منها . واتنهد بوجع . الف حمدالله على سلامتك يافريحت قلب المراد .
فريحه : ابتسمت بتعب . الله يسلمك يامرادي . آدم فين . ابنى فين يامراد !؟
مراد : باس أيدها. آدم مع العيله اطمنى انا فتحت الباب بعد الممرضه ما اخدته وشوفتها وهي بتديه لطارق والعيله .
فريحه : بحب انا عايزه آدم يكون مراد التانى .
مراد : قرب منها وباسها من شفايفها بوسة خوف لانه كان خايف أن فريحه تبعد عنه الفكره نفسها مرعبه بالنسباله . وحط جبينه على جبينها . كل الل انتى عايزاه هيتحقق ياقلب المراد .
——————–بقلمى Mariem Nasar
وخرجت ونقلوها على اوضه تانيه .ورينو لبستها الحجاب . والكل دخل وسلم عليها واطمن .
مراد : قاعد جنبها لكن ماسك ايدها وساكت . قلبه زعلان وموجوع .
مريم : حست با ابنها وقامت . وشايله البيبى . امسك يامراد ياحبيبى . البيبى قمر اللهم بارك نسخه منك بالظبط سبحان الله . كأنى شايله مراد بالظبط . خد ياحبيبى سمي الله وشيله .
مراد : اتنهد . وبص على ابنه . بسم الله . وشاله . وقلبه دق. وشاف ملاك صغير بين ايديه . وفعلا كله مراد .وابتسم . وقرب منه وباسه من جبينه . وبص ل فريحه . مراد الصغير اهو يافريحتى.
فريحه : عايزه اشيله يامراد .
مراد : ابتسم . بس كدا . اتفضلى . وشالته بحب وسعاده . وضحكتها على وشها . وبشرتها رجعت ل لونها الطبيعى . وهمست حبيب ماما انا .نورت حياتنا ياحبيبى .
طارق : ها يامراد . ناوي أن شاء الله تسميه ايه
مراد : هز راسه . لسه مفكرتش هشوف كدا واقولك .
الباب خبط . وكان فارس ورودي . ودخلو . وسلمو علي فريحه وعلى الكل .
فارس : بص لأمه وابوه بلوم وعتاب . انا مش عارف اقول ايه بصراحه . يعنى محدش افتكر يتصل عليا يقولى اختك بتولد . وبص على رنا . مجتش على بالك ياماما .
رنا : حبيبي . والله كنت هتصل عليك . بس انت ورودي معزومين عند حماك . وفكرت وقولت بلاش . علشان رودي كمان حامل ومتخفش من الولاده ..
رودي : ليه يارنوش . مالها الولاده . دي حاجه عظمه .
رنا : بدهشه . لكن قالت . يعنى مش خايفه من الولاده يابت يارودي.
رودي : واخاف ليه . الولاده هي الل تخاف منى ولامؤاخذه . وبعدين . انا قررت أولد قيصري . تشق وتطلع البيبى على طول .
كلهم كاتمين الضحكه .
رنا : بدهشه . تشق وتطلع البيبى . هي بطيخه يارودي
ردوي : حمار على ابووووه يابطيييخ هههههه .
اله ايه يارنوش . وانا لسه هضرح واقول وييك وييك . وحورات لا يامزه انا مش فاضيه للكلام ده . ولا ايه يافروسه . هو ماله فاتح بوقه كدا ليه .وبصت للكل . اله متوحدو الله مالكو ياجدعان . وبصت لطارق هما مالهم ياطاروق .
كلهم ضحكو لا إله إلا الله .
طارق : سيبك منهم . المهم اتفقتى مع الجزار الل هيشق ولا لسه .
رودي : هههههههههههه لا ما احنا هنا في مستشفى العيله . ههههه المفروض الدكتور محمد يغير اسمها من مستشفى النور . لمستشفى النور العائلى .
كلهم ضحكو .
فارس : قرب منها بغيظ . هتعقلي امتى .هتفضلى مجنونه كدا على طول .
رودي : ايه يافارس انا قولت حاجه غلط .
فارس : ابدااا هو انتى بتغلطي . وبعدين ايه تشق دى
رودي : اله . مش انا عامله الزايده . انا هاقول للدكتوره خدي من عند الزايده كدا وانتى ماشيه . لحد ما تتكعبلى في العيل . مفيهاش حاجه يعنى يافروس .
طارق : وبعدهالك يافارس ماتبعد عنها انت عايز تنكد عليها علشان العيل يطلع نكد زيكو . وبص ل رودي . بت يارودي . اوعي تنكدي على نفسك . انا عايز عيل فرفوش كدا .
رودي : حبيبي ياطاروق والله . ومين سمعك . العيله دي انا ما شوفتش في ….. والكل بصلها وكشرو عينيهم . احم فى خفة دمها . عيله عسل ومزز هههههههههه بس من ناحية مزز ههههخخ ايه ده . هو انا واخده بنج ولا ايه هههههههههههه
والكل بيضحك عليها .
رودي بصت على رينو . الل هيمانه هي والفهد فى ركن لوحدهم .
منوواارااه يارينوو
رينو : بصت ليها بشرز . ده نورك يارخمه . ايه حولتى عليا .
رودي : ياظلماني ديما . يلا عقبالك كدا لما تجيبلنا جعبل . ههههه
كلهم : بعدم فهم ايه جعبل ده !؟
رودي وطارق . هههههههههههه .
رودي : جعبل فهد السيوفي هههههههههههه
والكل غصب عنه ضحك حتى فهد وقرب من رينو . هي البت دى متخلفه .
رينو : اظاهر كان عندها خال اهبل .
رودي : يسسلام بقى يابت يارينو هههههههههههه تيجي تعيشى معانا في الفيلا . وانا وانتى سلايف يلهههههويى . وانا اخلف وانتى تخلفى . وابنك يضرب ابنى . وانا اقفلك على السلم واشرشحلك هههههههههههه اه إن كان على الشرشحه موجوده هههه .
اصل انا ديما اسمع . أن السلايف عقارب هههههههههههه . يلهههوى ونتخانق بقى ونشد فى شعر بعض . ههههه وفارس وفهد يحجزو بينا هههههه . مسخره اقسم بالله .
وكلهم بيضحكو . حتى آدم ومريم .
فارس : غصب عنه ضحك. وقال اللهم لا اعتراض ولا مانع يارب . ههههههه .
رينو : بتتخيل كلام رودي وعيونها مفتوحه ومتغاظه من رودي . وفهد ضحك على رودي ورينو وقرب من رينو . تخيلى كدا . وانتى موقعه رودي على الارض ورنتيها العلقه التمام هههههه
رينو : ههههههههه . ايوه منا بتخيل بس اتخيلت انى انا المضروبه البت دى مش طبيعيه .
فهد : لا ياقلبى اطمنى انتي ناسيه إن انهردا معاد التمرين بتاعك . وكمان تتدريبات دفاع عن النفس.
رينو : بتوسل . ارجوك يافهد بلاش .. عايزه اخد اجازه انهردا . والله التمرينات .و التدريبات صعبه اوى . جسمي كله بيتكسر مبعرفش انام .بلييييز اجازه .
فهد : نيڤر . استحاله . وكمان انهردا هتشيلى دمبل . بس دمبل بناتى فرافيرى يعنى .
رينو : بدهشه . نعمم !! دمبل . مش كفايه الاجهزه التانيه . كمان دمبل .وانا مش هقدر اشيله .
فهد : نجمتى . بقولك دمبل حريمى . وصدقينى هتحتاجي للحجات دى علشان تجيبى البت رودي دى من شعرها هههههه .
رينو : ههههه . اممم اقنعتنى .
فهد : طيب بقولك بقى . هنقعد ساعه كدا ونخلع احنا . هنتعشى عشا ملوكي . وبعدها نطلع على الشقه . علشان نلحق نتمرن ساعه اوكي ياقلب فهد .
رينو : ابتسمت . اوكي .
وبعد فتره .
الكل اتحرك وروح بناءا علي طلب من مراد . وانه هيقعد لوحدو مع فريحه. والبيبى . وكمان آدم ومريم يروحو علشان مريم نونو والكل روح .
فريحه نايمه من تعبها . وآدم نايم .
مراد : راح وقف قدام الشباك وحط ايده فى جيبه . وسرحان . وافتكر كلام الدكتوره وان ممكن عسر الولاده تكون الأم عاشت فى ضغوط نفسيه . وافتكر عياطها في اول الحمل لما بيروح مهمات . وزعلها المستمر وهو مسافر . واحساسها أنه مش بخير وكان مضروب برصاصه . وعياطها على طول فى الفون وأنه واحشها أوى . وافتكر شكلها وهي واقفه على السلم وبتقولو انا حاسه انى هموت. ولما شالها وقالت براحه مش قادره اتنفس . وتعبها وقت الولاده . وصريخها الل كله الم . ودمعه نزلت منه . وافتكر ضغطها الواطي والخطر . ومسح دمعه تانيه . وفضل واقف سرحان . وسمع همس فريحه . مراد . ومسح دموعه . وبص ليها وراح عندها. ورسم الابتسامه . حبيبتي فريحتى صحيتى ياقمر . وقعد جنبها . وباس خدها .
فريحه : حبيبي انت منمتش شويه ليه.!؟
مراد : حبيبتى . لسه بدرى الساعه لسه ١٠ المهم سيبك منى . انتى عامله ايه دلوقتي .
فريحه : حطت ايدها على خدو . انا كويسه يامرادي .
مراد : اتنهد بحب . وباس ايدها الل على خدو . احلى مرادي يافريحتى ربنا يخليكى ليا ياقلبى . وحب يفكها . بقولك ايه انا عايز سكر .
فريحه : ابتسمت بحب . وهزت راسها بالموافقه .
مراد : ابتسم . وقرب منها وباسها من شفايفها بوسه رقيقه .
فريحه : سمعت آدم بيعيط . مراد آدم بيعيط .
مراد : بهزار . اه شاف انى بحب فيكى . ومستحملش . شكل كدا الل بنعمله في الناس هيطلع علينا .
——————–بقلمى Mariem Nasar
فهد : بيمرن رينو . ويتجرى على المشايه . برافو يارينو . برافو .
رينو : بتجرى وتنهج وعامله شعرها ديل حصان . كفايه يافهد . انا دوخت والله مش قادره .
فهد : حاضر ياحبيبتي . وقفل المشايه . ورينو نزلت . اوووف حرام عليك بجد . وبتنهج .
فهد : جابلها الفوطه . ونشفلها وشها ورقبتها . وشاف انها مجهده وشالها تعالى . واخدها وقعدها على طرف السرير . وضحك على شكلها وهي بتنهج . وقالها رقيقه اوى انتى يارينو .
رينو : بتهوى على وشها بايدها . رقيقه . كل ده ورقيقه . اجري يارينو اتنططتى يارينو . شيلى الدمبل يارينو . لأ وكمان عايزنى انافسك ووقعك على الارض . انا مش عارفه انت عايز توصلنى لايه !؟
فهد : لبر الامان . صدقني . انا عايز اعلمك كل حاجه علشان تكوني في امان .
رينو : بتنظم أنفاسها . وحطت راسها على كتفه . ااااه يافهد مش قادره حاسه انى كنت بجرى يوم كامل . ومرهقه اوى . والمفروض انى لسه عروسه . وبصلته في عروسه بتتكحرت كدا . انا لسه مكمله شهرين جواز .
فهد : باس على راسها . اجمل عروسه . حبيبتي اسف . تعالى انا هفوقك . وشالها .
رينو : ايه ده هتودينى على فين !؟
فهد : بخبث . الحمام . هعملك ريفرش.
رينو : بتحذير . فهد نزلنى لو سمحت . وبعدين . يلا علشان نرجع شقتنا .
فهد : دخل بيها الحمام . طيب ما احنا فى شقتنا بردو .
رينو : يعنى مش هنروح .
فهد : لأ انتى مرهقه . هتاخدي شاور حلو كدا . واخدك فى حضن الفهد وانيمك . ونزلها فى البانيو .
رينو : اتوترت . ف .. فهد لو سمحت . انا هاخد شاور بنفسي .اتفضل انت .
فهد : قرب منها . انتى لسه مكسوفه منى يالاري . انا فهد حبيبك ..
رينو : لو بتحبنى يافهد سبنى اخد شاور لوحدي اوكي .
فهد : ابتسم بخبث . ومالو يقلب فهد . انا هستناكى في الليفنج . ولف وابتسم وهو خارج شال هدومها من غير ماتشوفه وقفل الباب . ونام على السرير . وابتسم . وادي قاعده يقلب الفهد .
رينو بتاخد الشاور . وافتكرت صوت فريحه . وشكلها . ونفسها اتقطع تحت الميا وشهقت واتحركت بعيد عن الميا . واتنهدت . وقالت كويس انى استخدمت وسيله . وفهد وافق نأجلها سنه . وبعدها افتكرت فرحتهم بالبيبى . وحطت أيدها على بطنها . لو مش الكليه انا كنت جبت لفهد حته منه . واتنهدت . وخلصت الشاور . وراحت تلبس . ايه ده!؟ هي البيجامه فين !؟ وحطت ايديها على جبينها بتفكر . لأ انا فاكرا انى طلعتها من الشنطه وعلقتها هنا . يمكن بيتيهائلى . ولفت الفوطه على جمسها . وشعرها مبلول . وقالت فهد قال هيستنانى فى الليفنج .امم وخرجت . وكانت الاوضه اضاءتها خفيفه جدا . ايه ده !؟ فهد قفل الاضاءه العاليه . واتحركت . ورايحه على شنطة الهدوم الل سايبنها هنا فى الشقه . لكن شهقت وبصوت عالي .
فهد : نايم على السرير . وقفل الاضاءه ومستنيها لما تطلع . واول ماطلعت وعدت جمب السرير . شدها جامد ووقعت على صدرو وشهقت جامد. فااه.. فهد .
فهد : بحب . المفروض تكونى اتعودتى على كدا . وشعرها مبلول وانسدل على وشه ونقط على صدره.
رينو : بتوتر . ومحرجه لانها بالفوطه. وبتحاول تقوم . لكن فهد قربها منه اكتر . فهد . سبنى اقوم..
فهد : رجع خصله شارده ورا ودنها وهمس . طول ما انتى فى حضن فهد .. فهد مش هيسيبك تبعدى عنه . وقربها اكتر وباسها من شفايفها .
رينو : همست برقه . فهد سبنى اقوم .
فهد : بدء يخدرها وباسها بشغف .
رينو : تاهت واتلخبطت . وهمست . فهد .
فهد : قربها اكتر بحبك يارينو. وباسها بشغف اكبر . ورينو اتخدرت وتجاوبت معاه . بحبك يا فهد .
وعاشو ليله رومانسيه جميله .
تاني يوم . فهد اخد رينو . وراح ل مراد المستشفى علشان يوصلو فريحه للبيت. ومراد شال فريحه وكانت محرجه جدا . وفهد شايل آدم ورينو ماشيه جمبه وحطه أيدها فى دراعه . واتحركو على الفيلا .
مراد : طلع فريحه اوضتها . والكل طلع يطمن عليها .
مريم : حمدلله على سلامتك يافريحه . نورتى بيتك ياقلبى .
فريحه : بحب . الله يسلمك ياماما .
رنا : قلب ماما . حمدالله على سلامتك ياروحي وباستها من خدها .
فريحه : ياحبيبتى يامامي الله يسلمك .
ريتال : راحت قعدت جنبها . عامله ايه دلوقتى يافريحه كويسه.
فريحه : ابتسمت الحمد لله ياروتى . فين مريم ..
ريتال : مريم نايمه مع ليليان فى الاوضه . متقلقيش عليها .
مراد : مريوم آدم و زين فين .
مريم : زين فى المكتب تحت ياحبيبى وآدم عند الاستاذ بيتر فى الشركه وبعدها هيروح على الشركه مع طارق .
مراد : هز راسه وبص لفريحه . انا هنزل ل زين شويه وطالع . وباس على راسها ونزل .
مريم : طيب يارنا انا هسيبكم مع بعض . وهنزل اشوف سعاد جهزت اكل فريحتنا ولا لسه . وهبعتو مع زينب . وانتى اكليها كويس . لازم تتغذى .
رنا : ماشى ياميرو . ربنا يخليكي لينا وليهم يارب . كفايه معاملتك الطيبه معاهم .
مريم : كشرت عينيها . جرا ايه يابت يارنا . انا خالتك ولا نسيتى . وبعدين قبل مااكون خالتك احنا اخوات ومتربين يختى مع بعض. وفريحه وريتال ولاد اخواتى . وعينيها دمعت . دول عوض ربنا . ومصبرنى على فراق نور ورينو .
مراد : نازل وفهد شايل آدم ورينو جمبه . طالعين على السلم .
مراد : شيل عمك كويس ياض يا فهد .
فهد : بصله . عمى . ابن اختى يبقى عمى .؟
مراد : ولك الشرف يا بن السيوفي . مش عارف انا ايه سيوفى دى كمان . مكان كفايه علينا سيف واحد . ههههه .
فهد : دمك يلطش على الصبح .
مراد : علشان شوفتك يلا يلا طلع عمك فوق عند مامته خالتك فريحه .
فهد : اتغاظ . ماتلم نفسك يالا ولا علشان اكبر منى خلاص هتسوق فيها .
مراد : تؤ . انا بحكم قرابتى بيك . ابقى خالك . امك رنا المزه . تبقى بنت اخت مريوم . الل هي شوشو المزه الكبيره. وانا ابن مريوم . الل هي خالت امك . انا بقى خالك . قول ياض يافهد . خال مراد .
رينو : كاتمه الضحكه . وساكته .
فهد : اتغاظ اكتر . غور من وشى يالا شوف انت رايح فين .
مراد : همس ل فهد فى ودنه بخيث . انت قولت للغلبانه الل جمبك دى على الخنفسه . ياعينى عليكى يارينو ياختى ياغلبانه .اضحك عليكى . ومتعرفيش أن جوزك كسب النيشان هههههه
فهد : بص ل مراد . بدهشه . وكشر عينيه . وخاف لا يتكلم قدام رينو . لكن ابتسم . وقرب بخبث . وانت قولت ل مريم على طلقة الرصاص . ياعينى عليكى يامريم ياغلبانه . ابنك خبى عليكى . وصك على اسنانه وكمل . أنه اتصاب في قلبه .
والاتنين واقفين ند لبعض . ورينو مش فاهمه حاجه .
مراد : ماشى يابن السيوفي .
فهد : غمز . ماشى يابن العدوي .
مراد نزل . وفهد طلع .
مراد : دخل على زين المكتب .
زين : اهلا اهلا . حمدالله على السلامه . انا كنت لسه هطلع اطمن عليكو .
مراد : الله يسلمك يازينو .
زين : فريحه عامله ايه دلوقت . والبيبى .
مراد : الحمد لله كويسين . المهم كنت عيزك فى مشوار مهم كدا دلوقتي .
زين : خير يامراد . مشوار ايه .
مراد : انا منمتش كويس امبارح . وعايز اخطف ساعه كدا . عايزك تروح تسجل ابن اخوك .
زين : ابتسم . يسلام بس كدا عونيا . انا هطلع البس واروح حالا . لكن قولى قررتو تسموه ايه ان شاء الله .
مراد : ابتسم بخبث . آدم مراد العدوي .
زين : كان مبتسم وهو بيسمع الاسم لكن انتبه وتنح . ووبص ل مراد . وقاله مراد . انت هتسمى آدم .
مراد : اي نعم .
زين : ضرب كف على كف . والله انت ماهتجبها لبر مع أبوك . وبصله ناوى على ايه يا بن العدوي .
مراد : رفع المفاتيح ومسكها وابتسم . ناوي على كل خير . وها بقى هتروح ولا ايه .
زين : لله الامر من قبل ومن بعد .
مراد : بارك الله فيك ياشيخ زينو . ابقى اطلع خد الاوراق من فوق وآدم الصغير . وغمز ل زين واتحرك . واتنهد وقال . وانا مالى عمه هو الل سماه ههههههههه .. وطلع عند فريحته .
فهد ورينو . قاعدين جمب فريحه . ورينو شايله البيبى . ياخلاثي انا ياناث ياتى كميله انا . باس باس قلب عمتو انا والله امووواه .
ورفعت راسها . وشافت رنا وفريحه كاتمين الضحكه على ريأكشن فهد . وبيترجم كلامها . واتكسفت . احم . اييه مشوفتوش حد بيدلع اطفال قبل كدا .
فهد : ياااااشيخه قولى والله . هو ده دلع اهااها .
رينو : كشرت عينيها . اه يسي فهد . ده دلع اوكي يافهوده . وكملت دلع فى البيبى .
فهد : قرب وهمسلها .. ومالو انا بموت في عنادك . ولما نروح بيتنا واهو كله بثوابه .
رينو : اتوترت . احم . امسك يافهد انا افتكرت حاجه. وهنزل ل مامي . وسابت البيبى مع فهد ونزلت .
مراد : ورنا اكلو فريحه . وزين خبط . واخد البيبى والأوراق . واخد ريتال معاه ورواحو يسجلو آدم .
رنا نزلت تقعد مع مريم . وسابت مراد وفريحه ينامو شويه .
رينو كانت فى اوضتها عند آدم . وفهد خبط عليها ودخل . وكانت بتغير فستانها . شافت فهد دخل اوضتها وابتسمت . تعالى ياحبيبي .
فهد : بص للاوضه . وقعد على السرير . وبصلها حلو سريرك مريح . ورجع ضهره لورا .
رينو بتعلق هدومها في الدولاب . واتخضت لأن فهد قام وحضنها من الخلف . فااهد . حرام عليك انت هتفضل تخضنى كدا .
فهد : اخضك ايه بس المفروض تكونى اتعودتى . ومين غيرى هيحضنك الحضن ده . ومين هيشدك يخطفك لحضنه غيرى انا . المفروض تتعودى على كدا بقى . ولفها ليه . تعرفى انك هتوحشينى .
رينو : بزعل . انت هتروح الجهاز امتى !؟.
فهد : اتنهد . دلوقتي .
رينو : رفعت عيونها ليه بزعل. فهد انا اول مره من يوم جوازنا هقعد لوحدي من غيرك يافهد .
فهد : مسك دقنها بايده وباسها من شفايفها . وانا اول مره هبعد عنك . وصدقينى غصب عني . انا لو أطول اخدك معايه فى كل مكان اكون موجود فيه .
رينو : حطت راسها على صدره . هترجع امتى يافهد .
فهد : زاد من حضنها . حبيبتي شغلى مالهوش مواعيد . اول ما اخلص هجيلك واخدك على شقتنا على طول .
رينو : هستناك . بس ياريت متتأخرش عليا .
فهد : باس راسها . إن شاء الله . بصي . نامي شويه علشان ترتاحي . ومتنزليش دلوقتي. اوكي ياروحي.
رينو : اتنهدت . حاضر ياحبيبى . هنام ..
فهد : ولا اقولك تعالى . وشالها ونيمها على السرير . وقفل الاضاءه . وقعد جنبها . ومسد على شعرها. يلا ياحبيبتي انا هنيمك قبل ما مشي واول ماتصحي اسمع صوتك انا اول واحد وانتى على السرير اوكي .
رينو : ابتسمت واتنهدت . حاضر يافهد . وغمضت عينيها وفهد فضل قاعد جمبها لحد ما نامت . وقرب منها وباسها من جبينها وشعرها . وطلع من جيبه الشوكليت بتاعتها وسابها على الكمود جمبها . وقام بشويش وخرج وهو زعلان . لان راجع على شغله من تانى .ونزل وسلم على مريم ورنا . ووصاهم على معشوقته الصغيره وخرج وراح الجهاز.
——————–بقلمى Mariem Nasar
بعد فتره الساعه ٥ مساءا .
بعد فتره الساعه ٥ مساءا .
آدم : رجع من الشغل ومعاه طارق . واتصل على مريم تلبس النقاب . ودخلو وقعدو فى الليفنج .
آدم وطارق : السلام عليكم .
كلهم : وعليكم السلام .
آدم : اذيك ياحبيبتى عامله ايه .
مريم : بتوتر . الله يسلمك من كل شر . حمدالله على سلامتك .
طارق : قعد جمب رنا . وباس ايديها . حبى عامله ايه ياروحي.
رنا : الحمد لله ياحبيبي . حمدالله على سلامتك.
طارق : الله يسلمك . اذيك يا ام مراد.
مريم : الحمدلله بخير .
طارق : بص ل رنا . فريحه فوق .
رنا : ايوه بس نايمه هي ومراد . شكلهم مناموش في المستشفى كويس .
آدم : شاف مريم متوتره . مالك يامريم. انا شايفك متوتره . حصل حاجه ؟
مريم : خايفه تقول ل آدم أن مراد سمى آدم على اسمه . احم . لا ياحبيبى مفيش حاجه انا كويسه . وقامت انا هقول ل سعاد تجهز الغدا . تكون انت وابو فهد غسلتو ايديكو واتحركت .
مراد : صحي واخد شاور وساب فريحه نايمه وآدم نايم ونزل مع مريم نونو وشايلها . السلام عليكم.
كلهم : وعليك السلام .
مريم نونو : شافت آدم . بترمي نفسها عليه اتم اتم .
آدم : ابتسم . حبيبت آدم وعقل آدم وشالها وقعدها على رجله . اذيك ياروحي .
مريم : اتم . لاتا .
آدم : بس كدا . حاضر ياقلبى. وطلع من جيب الجاكيت شوكليت ليها وهيا فرحت وسقفت . واخدتها .
مراد : حمدلله على سلامتك يا حج. اذيك ياطاروق . وقعد جمب طارق .
آدم : الله يسلمك . فريحه عامله ايه دلوقتى .
مراد : الحمد لله تمام.
طارق : اذيك ياواد يامراد .
زين نازل من على السلم .
مراد : تسلم ياطاروق .
طارق : ها سميت الواد ولا لسه . ماتنجز بقى مكنش حتة اسم ده . وفى الاخر هيطلع اسم خيبان انا عارف .
رنا : كتمت الضحكه . البس ياطاروق .
مراد : فضل ساكت لحد ما زين قرب منهم . واتكلم . والله ياطارق . انا سبت المهمه دي لعمه حبيبه . وكتر خيره اخد الواد والأوراق وراح بنفسه وسجلو . وبص ل زين الل تنح . عقبال ما اتعبلك كدا يازينو .
زين : بص ل مراد بشرز . وقال جواه . والله مااااشى .مش انا الل اتسلم تسليم أهالى إن ماوريتك . احم.علي ايه يا ابو آدم احنا فى الخدمه انت تطلب وانا انفذ.
آدم : كان بيأكل مريم نونو الشوكليت . ورفع راسه ل مراد اول ماسمع يا ابو آدم . وفهم الحوار وأنه بيلبس الليله ل زين . وبص ل مراد بشرز .
مراد : كاتم الضحكه. ومستعد للهجوم .
طارق : يادي الليله على رأي رودي . وبص ل رنا هو انا قولت تلاقيه اسم ايه !؟
رنا : كاتمه الضحكه . خيبان .
طارق : طيب كدا باظت .
آدم : نزل مريم نونو . وقال . زيين .
زين : بلع ريقه . احم نعم يابابا .
آدم : انت سجلته با اسم آدم .
زين : احم . مراد ط..طلب منى انى اسجله على اسم حضرتك .
آدم : شايف برود مراد . وقام مسكه من قفاه . وصك على اسنانه . انا كام مره منبه عليكو كلكو ان محدش يسمى على اسمى واسم مراتى . وانت الوحيد الل مسمعتش كلامى . وسميت مريم . ونبهت عليك تانى انك متسميش على اسمى . وبردو مسمعتش كلامى . انت ايه يالا . انت مش هتتعدل معايا يالا . انت عايز ايه بالظبط .
مراد : بص ل طارق . وطارق عامل نفسه من بنها . وبص ل زين . وزين رفع كتافه ماليش دعوه . وحب يخلع . ياحج دي كانت رغبة مريوم مراتك .
مريم : كانت جايه عليهم . وسمعته وشهقت . يلهوى يامراد . بتلبس امك فى الحيط . وبصت على شكل مراد وهو متعلق من قفاه . وصعب عليها . ياحبيبى يامرادي اكيد عمل كدا خوفا من آدم .
آدم : لسعه على قفاه خفيف .وكمان بتكدب .
مراد : اله ياحج آدم.وانا عملت ايه بس غلط . طيب ولنفترض انا نفسي اسمى ابنى آدم . انا ذنبى ايييه .
مريم : جت عليهم . احم .خلاص يا آدم حصل خير و…..مكملتش من نظرة آدم ليها وسكتت
مراد : بتفكير . اله طيب ما انتو سمتونى مراد ومتكلمتش .
كلهم بصو لبعض .
آدم : لا ياالا . كنت اتكلم . وعايز اعرف مالو اسم مراد .
مراد : حضرتك ياحج معترض على اسم آدم ومريم . تمام . دلوقتي بقى انتو قسمتو اسمكو نصين ولبستهولى في اسم مراد . ولا نسيتو . وبص ل مريم . فاكره . لما قولتى انك سميتى مراد . من اسم مريم وآدم . ولا هو ليكو حلو وغيركو وحش .
مريم : قربت من آدم . حبيبى . وحياتى خلاص . وبعدين يا آدم مراد مبقاش صغير على تصرفك ده . وكمان حماه وحماته موجودين يقولو ايه .
آدم : بتريقه .هو بيحس . ابنك ده بيحس ده برميل برود .
مراد : رفع ايديه للسما اللهم ديمها نعمه يااارب
آدم : اتغاظ . وبصلها شوفتى . شوووفتى ابن الكلب الجبله . وبعدين بتقولى حماه وحماته . مالهم ماهو واحد واقف عامل نفسه من بنها . والتانيه هتموت وتضحك .
طارق : اله . جرا ايه ياعم انت . انت بتقول شكل للبيع . وبعدين مراد حر في اسم ابنه . يسميه آدم يسميه لؤى هو حر .
مراد : بص ل طارق يييع لؤى . يبقى ابنى جاى من الحج والناس يقولو حمدالله على السلامه ياحج لولو . لااااا هو آدم خلاص . وبص ل آدم قلبك ابيض بقى ياحج . وبعدين والله كل ده هايصب في المصلحه العامه .
آدم : ازاى بقى اسم آدم هيصب في المصلحه العامه.. عايز افهم . انا عايز استوعب .
مراد : يعنى دلوقتي لما حضرتك تبقى موجود في الشركه . امي المسكينه دي هتقعد تفكر فيك لحد الساعه ٥ مش حرام . تاخد عصارة مخها . لأ !! ولانى انا الإبن البار . انا ضحيت وسميت ابنى آدم علشان يشغل وقت مريوم المسكينه دي على ما حضرتك تكون موجود .
مريم ورنا . كاتمين الضحكه .
. وزين بيقول لنفسه والله الواحد عايز ياخد قرصات عندك .
. وطارق . واد ابن طارق بصحيح .
مريم : قربت من آدم . حبيبى لو ليا خاطر عندك خلاص بقى . علشان يبقى عندنا آدم ومريم . انت اهتميت بمريم وانا هاهتم ب آدم . وبصتله بترجي .
وعدى الوقت على خير و آدم هدي نوعاً ما . وكمان حس انه مبسوط من جواه أن حفيده اسمه آدم . وبعدها مراد حضنه وآدم بارك ل مراد . واتفقو على العقيقه بعد اسبوع .
——————–بقلمى Mariem Nasar
. رينو صحيت . وشافت الشوكليت جنبها . وابتسمت . واتصلت على فهد اول ما صحيت من النوم . لكن مردش. ولبست الحجاب والنقاب ونزلت . لأن رودي جت مع فارس . وكانت رودي مبسوطه لان الدكتوره قالتلها حامل فى بنوته . وفارس كان مبسوط . لكن قالها ابوس ايدك تسبينى انا اربيها . ورودي غمزتله وقالتله انت بتاعى انا وبس . بنتك هنسيبها ل رنوش . ونركز انا وانت فى حجات أهم وضحكت . وفارس ابتسم بتعجب .
. والكل اتغدي مع بعض . ورينو سرحانه فى الفهد .
آدم وطارق كانو بيتكلمو في موضوع يخص الشركه . وانهم محتاجين محاسب في الشركه . لأن طلعت مدير الحسابات الل كان موجود طلع معاش . وقدامه اسبوع ويمشى .. ومراد سامع الحوار . وقالهم انا عندي ليكم حتة محاسب مفيش منه اتنين . هو صاحبى وحاله متوسط . وأعرفه من زمان جدا . واسمه عادل . بس واد رجوله ومجدع.
آدم . يعنى واثق فيه يامراد .
مراد : اضمنهولك برقبة طارق هههههههه . ايوه ياحج . واثق فيه .
آدم : خلاص خليه يشرفنى بكره ونشوف . لانى محتاج محاسب في اسرع وقت .
مراد : اتصل عليه . وعادل كان فرحان جدا وقاله هكون موجود في الشركه قبل الميعاد .
طارق : عارف ياض يامراد . راشوان المحامى ال انت ضربته فى الشركه ورفدته .فاكره.؟
مراد : ايوه . فاكره ماله سي زفت .
طارق: جه ل آدم الشركه انهردا . واعتذر اكتر من مره . وعايز يرجع الشركه من تانى .
مراد : بغيط . وبص لابوه . وحضرتك هتسامحه وهترجعه الشركه يابابا .
آدم : والله انا كنت . هسامحه . لكن رفضت طبعا علشان مصغرش بيك . وكمان عارفك بجح ومتخلف وهتطرده تانى .
مراد : اممم تسلم ياحج . قال يرجع قال . بعد ماشتم عليك ودعى على العيله ميحطش رجله فى الشركه .
.فهد : أتأخر على رينو . واتصلت عليه. ورد عليها . وقالها انا مش هعرف اكلمك حاليا لانى داخل عند المدير . لما اخلص هكلمك . وقفل معاها . وهي قاعده مخنوقه . لكن جالها بعدها بساعتين وصالحها واخدها على عشهم .
تانى يوم فى الشركه .
عادل. راح الشركه . وآدم رحب بيه جدا . واتفقو أنه هسيتلم الشغل من انهردا .
آدم : طلب الاستاذ طلعت مدير الحسابات فى الشركه . وعرفه على عادل وقال ل عادل أن ده الاستاذ طلعت الل طلع على المعاش وهيقولك نبذه مختصره عن نظام شركتنا . اتفضل معاه .
طلعت رحب ب عادل . وخرج معاه . وعرفه كل حاجه عن نظام الشركه . وجابله ملف .
طلعت : اتفضل ياعادل يبنى ادي اخر ملف بالحسابات فى الشركه .
عادل : اخد الملف وبص ل طلعت حضرتك شغال هنا بقالك كام سنه يا استاذ طلعت .؟
طلعت : يووه من زمان انا شغال مع آدم بيه . من ٢٠ سنه واكتر .
عادل : امم . طيب يا استاذ طلعت . انا عايز اعمل جرد لحسابات الشركه والشحنات من ١٠ سنين فاتت لحد انهردا !!
طلعت : بصدمه حقيقه . اييييه . ———
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية جريمة عشق 3)