رواية احببت مصاص الدماء الفصل الرابع 4 بقلم شهد محمد

رواية احببت مصاص الدماء الفصل الرابع 4 بقلم شهد محمد

رواية احببت مصاص الدماء البارت الرابع

رواية احببت مصاص الدماء الجزء الرابع

رواية احببت مصاص الدماء الحلقة الرابعة

بعد ما مليكه بتخلص عمل الاكل بتطلب من ابوها انها تروح المكتبه وابوها بيوافق وبتدخل تلبس بلوزه بيبي بلو وبنطلون اسود وكوتشي بنفس لون البلوزه وتعمل شعرها ضفيره وشنطة ايد وتروح المكتبه وتقعد في مكانها المفضل وتنادي علي براد وبيظهر وبيفضلو يتكلموا ويضحكوا وبعدها براد بيقولها: بقولك ايه تيجي اوريكي حاجه حلوه
مليكه: حاجه ايه وبعدين بصراحه كده مفيش احلي منك
براد بابتسامه: لا دانا بتعاكس كده
مليكه: بصراحه ايوه هي المعاكسه وحشه ولا ايه
براد: مقولتش انها وحشه بس الحقيقه انا مستغربك اوي
مليكه: ليه
براد: علشان انت عماله تعكسيني وانتي اصلا متعرفنيش خالص يعني كل اللي انتي عارفه اني مصاص دماء وبس وبعدين نظراتك كلها تقريبا حب ليا وانتي لسه شايفاني من يومين بس هو ايه الحكايه بقي
مليكه هنا كانت مش مصدقه الكلام اللي اتقال وحسة انها اتهانت بسبب الكلام لانه نظراته ليها كانت زي الاستهزاء بيها بس هنا قالت: انا اسفه لو كنت ضايقتك بكلامي ولو علي نظراتي ليك خلاص مش هبصلك تاني واتفضل صورتك اهي مش عاوزاها وياريت متجيش عندي تاني عن اذنك
هنا براد استغربها جدا وكان في صدمه لانه مكنش يقصد اللي هيا فهمته ولما هي جت تقوم مسك ايدها وقال: مليكه استني انا اسف صدقني انا مكنتش اقصد حاجه من اللي انتي فهمتيها انا بس مستغرب لان انا اول مره يحصل معايا كده يعني عمري في حياتي ما شوفت حد بيتكلم بعفويه زيك فعلشان كده انا استغربت بس مش اكتر صدقيني
مليكه: ياسلام ونظراتك اللي كلها استهزاء بيا دي افهمها ايه
براد: صدقيني انا مكنتش اقصد حاجه وبعدين لو قصدي كنت هقولك مش هخاف منك يعني صح ولا لا
مليكه: خلاص حصل خير المهم قولي كنت هتوريني ايه
براد بضحك: انتي موديه تقريبا علي العموم اتفضل قومي معايا
وتقوم مليكه مع براد ويروحوا مكان محدش يعرف انه في المكتبه وبراد بيفتح الباب وبيدخل هو ومليكه وبعدها بيعدوا حاجز وبعدين بيصلوا لارض كبيره فاضيه ومليكه بتقول: ايه ده هو ده اللي حاجه حلوه دي ارض فاضيه انت بتهزر يا براد
براد: ايه يا ماما اهدي شويه هو انتي مسدس جاهز علي الضرب علي طول اهدي وتعالي
ومليكه بتتحرج وبتمشي لحد ما بتشوف ان الارض دي بدأت يظهر ليها معالم لحد مابتشوفها وبتلقيها ارض جميله اوي وبتمشي وهي ماسكه ايد براد وبتقوله: ايه ده كان معاك حق دي فعلا جميله جدا
براد: علشان تصدقيني بس عارفه بيتي هناك اهو
مليكه: ينفع اشوفه
براد: طبعا اتفضلي
ويخدها علي البيت وتدخل وتلقي البيت جميل والديكورات هاديه وبراد بيقولها: تحبي تشربي ايه
مليكه: اي حاجه
بيمشي براد ومليكه بتتمشي في البيت وبتتفرج عليه وتدخل اوضه وبتتصدم لما بتلقي فيها هدوم بناتي وحاجات خاصه بالبنات وبتضايق وبترجع تقعد وبراد بيجي ويقولها: ايه رايك بقي في بيتي
مليكه: هو انت عايش لوحدك
براد: لا
مليكه: اومال عايش مع مين
براد: مع حبيبتي
مليكه بتتصدم وبتقوله: حبيبتك يعني اللي في الاوضه دي هدومها
براد: ايوه اومال هدوم مين يعني
مليكه بتزعل ان هو عنده حبيبه وبتقوله: ممكن تروحني
براد باستغراب: ليه وبعدين كارول زمانها جايه استني تتعرف عليها انا حكتلها عنك وهي عاوزه تشوفك
مليكه: مره تانيه بس انا لازم اروح علشان اهلي مقلقوش عليا
وفعلا براد بيروحها وبخل البيت بتلقي امها وابوها بيتفرجوا علي التليفزيون وتدخل تسلم عليهم وبعدها بتدخل الاوضه بتاعتها وتقعد تعيط لانها حبته وبعد ما خلصت عياط بتقرر انها مش هتشوفه تاني

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية احببت مصاص الدماء)