رواية بنت أكابر الفصل السادس عشر 16 بقلم ياسمين علاءالدين

رواية بنت أكابر الفصل السادس عشر 16 بقلم ياسمين علاءالدين

رواية بنت أكابر البارت السادس عشر

رواية بنت أكابر الجزء السادس عشر

رواية بنت أكابر الحلقة السادسة عشر

مرت الايام القادمه بترتيب امورهم ..
يونس : ابوي .ماسه امانه معاك. لو حصلي حاجه حافظ عليها واسال عليها دايما
الراجي : ما توجعش قلبي يا يونس. هترجع بالسلامه.
يونس: ان شاء الله يا بوي. بس دي وصيتي. خلي بالك منهاومن نفسك ومن امي ودهب
الراجي : انت اللي هتحافظ عليهم من بعدي يا ولدي
ابتسم يونس لابيه : طول العمر ليك يا بوي
…
.. ……….
شبل كان يجلس مع السلماني ليوصيه علي دهب وابنه
شبل : ابني ودهب امانه يا بوي . اسال عليهم دايما. لو عايزه تعيش هناك سبها . لو عايزه تعيش هنا. خلي بالك منها
السلماني : هترجع بالسلامه ان شاء الله. املي في ربنا كبير. انت رايح وقاصد خير.
شبل : يارب يا بوي . متخافش ابنك اسد
السلماني: طبعا اسد وهيجيب اسد زيه
ضحك شبل : ان شاء الله.
………

كان تجلس في الغرفه لتجده داخل عليها.
يونس : ماسه البسي واجمعي حاجتي. هرجعك لاهلك زي ما وعدتك
ماسه نظرت له بدموع
يونس : سامحيني علي كل اللي عملته فيكي . مكنتش هقدر ابعد عنك . بس شكلك هترتاحي مني خالص . انا وصيت ابوي عليكي. هيسال عنك دايما
لم تتحمل اكثر لتركض اليها وتضمه بقوه وهي تبكي بقهر والم وخوف من فقدانه
ابتسم فاخيرا سقط عنها قناعه اللامبالاه والغضب
ماسه ببكاء: هترجعلي تاني يا يونس علشاني وعلشان ابننا
كان يسمعها بابتسامه حتي قالت ابننا ليشعر بصدمه لجمته
ابعدها عنه وهو ينظر لوجها بصدمه : ابننا
ماسه: ايوه .انا حامل.
ضحك وهو يضمها بفرحه : ابننا .
ماسه : ايوه. انت اللي هتخلي بالك منه وتربيه.
يونس : ان شاء الله . بس لو حصلي حاجه انتي اللي هتربيه وتطلعيه راجل
ماسه بقوه ورفض : انت اللي هتربي ابنك وهترجعلي. انا واثقه في ربنا.
ضمها مره اخري …
………
بعد ان ودع الاثنان اهلهم . ذهبو في طريقهم الي قياده الجيش
كان ياسين يتحدث في الهاتف مع اميره(زوجته)
ياسين : اميرتي اهدي بس.
اميره : اهدا ازاي . والله جنوني يا ياسين
ياسين : انا هتصل بيهم واتصرف معاهم . وبعدين هما لسه صغيرين
اميره: صغيرين ايه بس . اسر وثائر السنه دي اخر سنه في ثانوي .
ياسين : انا هظبطهم . متزعليش نفسك يا اميرتي
اميره: ماشي يا سينو . اما نشوف
ضحك : قلب سينو . اقفلي بقي علشان ورايا شغل
اميره بقلق : سينو. البس واقي الرصاص ومتقلعهوش

ياسين : اميرتي متخفيش .انا مش بنزل عمليات.. انا بتابع بس
اميره: عليا انا يا ياسين . انا عارفاك اكتر من نفسك
ضحك مره ثانيه : ماشي يا واثق انت . انا هققل. سلام
اميره: لا إله إلا الله
ياسين: سيدنا محمد رسول الله
اغلق الهاتف وهو مبتسم . ليدخل قاعه الاجتماعات كان الجميع مستعد للبدء في اولي عمليات تطهير الارض .
وفي نفس الوقت عمليات مداهمه للجماعات الارهابيه في سيناء
. ياسين بجديه وقوه 😕 مش عايز اي غلطه . كل واحد عارف هيعمل ايه بالظبط . الجميع هيتحرك في نفس الوقت . وهنفضل علي تواصل. . الكل يجهز فاضل ساعه وهنتحرك .
استعد الجميع واخذو اسلحتهم وارتدو واقي الرصاص .
صلو المغرب. وبدا في التحريك في العمليه
ذهبت مجموعه لهدم البيوت التي تحتها انفاق . والمجموعه الاخري كانت تصعد في الجبل مع يونس وشبل الي اماكن المجموعات الارهابيه الذين يسكنون الجبال
.ياسين كان معاهم خطوه بخطوه يتابعهم ويرشدهم الي ما يفعلونهم. وهو قريب منهم.
…………
ماسه ودهب والراجي والسلماني وام دهب وام ماسه
كانو جميعا يعيشون حاله من الخوف والرعب
وقلق علي يونس وشبل
..
استطاعو ببراعه القبض علي مجموعه من الارهابين . وهروب البعض . وحصل قتال بين الطرفين.
لانهم مسلحين ومدربين علي اعلي مستوي .
اضطر ياسين ان ينزل بنفسه ويدخل معاهم
يومين وهما ما زالو في قلب الصحراء يمدهم الجيش بامدادت والاسلاح ليكملو خطه التطهير ..
كان الموضوع مرهق جدا علي الجميع .
….
. لياتي الخبر الذي صدم الكل.
ان الارهابين توجههو الي البيوت وكان يقتلون البدو بطريقه همجيه وبشعه و استولو علي منطقه هناك
شبل ويونس كان الخوف يدب في قلبهم. لا بعلمون اي منطقه هما بها .
شبل : ياسين باشا . احنا لازم نرجع
ياسين : هو ده وقت هزار. ترجع فين
يونس: نرجع لقبيلتنا. اهلنا هناك
ياسين : اهدا انت وهو. في ناس من الجيش بيتصرفو في الموضوع
شبل : واما حد من اهلنا يتآذي . هنعمل ايه

ياسين : انا مقدر خوفكم. بس هترجع ازاي. انت بعيد عن المكان . وقدامك يومين لو عرفت ترجع.
شبل: يعني ايه . هنفضل اهنا
ياسين نظر لهم . ليجد الخوف فعلا باديا عليهم .
فكر قليلا. ياسين : خلاص انا هكلم سيف ابني. هو طيار حربي. وهيتصرف
يونس : بسرعه بالله عليك
شبل : شكرا يا باشا
اجرا ياسين مكالمه يطلب من سيف الحضور بالطائره لنقل شبل ويونس الي قبيلتهم ..
ياسين : هيوصل بس بعد ٥ ساعات
يونس : كتير
ياسين ؛ مفيش قدامك حل غير انك تقعد وتنتظر .
شبل كان سيجن. لا يعلم وضع عائلته . اين دخلو هؤلاء هل هم في قبيلته ام قبيله الراجي وفي الحالتين الوضع صعب جدا
…. ياسين فكان يعلم اين هم الجماعه ولكنه لايريد ان يخفيهم . فهو يعلم الان ان حالتهم صعبه .
ياسين : انتم في دور اولادي . وانا عارف ان الوضع صعب عليكم. انا مريت بيه قبل كده اما مراتي اتخطفت.
اجمدو كده علشان تعرفو تتصرفو . انتم لسه مش عارفين هما فين بالظبط . هتقلقو علي الفاضي
شبل : عندك حق . ربنا يستر .ويحافظهم
يونس : قل لن يصيبنا الا ما كتبه الله لنا
ياسين : قومو صلو لله و ادعو وان شاء الله خير
………..
في القبيله كان الجو ملئ بالخوف والرعب.
.
وصل مجموعه الارهابين الي قبيله السلماني . ليعرفو ان السبب وراء هجمات الجيش هما يونس وشبل.
فجرو البيت اللذي كان يسكن به السلماني وزوجته.
ليستشدو الاثنان ومعاهم الخدم. .
. كبير الجماعه الارهابيه . امر باحضار عائله الراجي كلها ليخلص عليهم ليكمل انتقامه من يونس وشبل
………
استغلو الوقت الباقي في القبض علي ما تبق من الجماعات الارهبيه وقامو بمسح المنطقه . ليجعلوها خاليه من الارهاب .
كانت هذه اكبر عمليه تطهير تحدث في سيناء بقياده ياسين سليم وبمساعده شبل ويونس …
…….

مر الوقت ووصل سيف بطائرته الهليكوبتر الحربيه.
هبط بها.
ليذهب لابيه يحيه : ياسين باشا
ابتسم ياسين وهو يري ابنه اصبح كبير ورجل يعتمد عليه
ليضمه بحضن ابوي وفخر في عينه
ياسين : سيف ابني
سلم شبل ويونس علي سيف .
ياسين : دلوقتي عايزك تنقلنا للمكان ده .
فتح الايباد ليري سيف المكان الذي يريده .
سيف : ريع ساعه يا باشا وتكون هناك . بس انت جاي معانا
ياسين : اه جاي . مش هرجع بالعربيات.
كلم قائد الكتيبه واخبره ان يعودو الي مقر الجيش بعد ان نقلو مجموعه الارهابين
صعد ياسين وشبل ويونس مع سيف الي الطائره
يونس كان ينظر بقلق الي شبل الذي يشعر بقبضه في قلبه
نظر لهم ياسين باسف فهو يعلم ان الصدمه الذي سيتلقوه ليست بسهله ..
سيف كان ينظر لابيه يعلم ان به شيئا
سيف : بابا انت كويس
ياسين : الحمد لله. انت هتعمل ايه اما توصلنا
سيف : خدت اذن من القائد وهرجع بكره .
ياسين ؛ ربنا معاك
وصل سيف بالطائره .
لينظر شبل بقلق الي يونس ؛ هما هنا
ياسين : للاسف اه. *** . معندهمش رحمه
شبل : ابوي وامي .
ياسين : لسه منعرفش عنهم حاجه .
شبل : نزلني . نزلني بسرعه
يونس : خطر عليك. اهدا كده .
شبل : اموت وله اتحرق . نزلني
ياسين : امسكه يا يونس. وانت نزلنا بعيد شويه
سيف : تمام .
هبط بالطائره بعيد عن القريه.
لينزل شبل وهو في قمه خوفه ..
لم يسمع لصراخ ياسين ان ينتظر وله لصوت يونس .

يونس : انا لازم احصله
ياسين : انا جاي معاك
سيف : جاي فين يا بابا . مينفعش طبعا . خليك هنا . انا رايح معاهم
نظر ياسين له بقلق . ليخرج سيف السلاح من جيبه
سيف : تربيتك يا باشا . متقلقش
.ذهب يونس وسيف معه الي شبل ..
الذي كان ينظر الي البيت وهو محروق انهار علي الارض لاول مره وهو يبكي بالم وحسره . قهر ملاء قلبه سينتقم من الذين فعلو بهم هذا سيحرقهم احياء.
ليخرج السلاح من جيبه و هو يري النار تاكل في البيت. ليشعر بهذه النار تاكل في قلبه ….
شعر بيد علي كتفه نظر له بدموع ليجده يونس
يونس : انا معاك هنرجع حقهم
. سيف : وانا معاك
ليسمعو صوت ياسين من الخلف. : مش هسيبكم لوحدك
سيف بهمس : بابا . حضرتك مش هينفع تكون هنا
ياسين : علشان كبرت شويه هتفكرني عجزت وله ايه
سيف : مقصدش حضرتك . بس منصبك ومكانتك
ياسين: حق اهل شبل هيرجع . ولازم اخلص علي اخر الجماعات هنا . ده وعد
نظر لابنه باصرار .. ياسين : اسمعوني كويس بقي . هنعمل ايه . علشان نقتلهم واحد ورا التاني
….
وضع ياسين الخطه . وسيف وشبل ويونس يسمعون بدقه

يتبع…