رواية الوجه الأخر للحلال الفصل الثالث 3 بقلم ميفو السلطان

رواية الوجه الأخر للحلال الفصل الثالث 3 بقلم ميفو السلطان

رواية الوجه الأخر للحلال البارت الثالث

رواية الوجه الأخر للحلال الجزء الثالث

رواية الوجه الأخر للحلال الحلقة الثالثة

كانت عطر تتلمس وجه ايوب والرعب يجتاحها لتري الدماء لتشهق عندما مسك يدها مره واحده وهمس بصوت خافت….. انجديني يا بت الناس ماتهملنيش اكده.
ليتوه عن وعيه من راسه لتخرج تليفونها وتنيره بجوارها لتظل تفكر كيف تربط له راسه لتخلع وشاحها عن راسها لينهال شعرها وتربط به راسه كانت مرعوبه والدماء تسح لتنظر حولها ولم تجد احدا لتحاول ان تعيده الي وعيه كانت تخبطه علي وجهه لم تعرف ماذا تفعل خافت ان تتركه لينهشه احد الكلاب لتدور حولها لتشم احد اعشاب النعناع لتقوم جريا وتاتي بها وتفركها في انفه.
ليتأوه ويفيق ليفتح عيونه ليجد امامه فتاه يسطع عليها ضوء القمر ليخفق قلبه فأمامه عيون غريبه عيون بنفسجيه رائعه ووجه ملائكي قمر في ليله ظلماء وشعر يتدلي علي وجهه من قربها منه كان يفتح عينه ويقفلها احس انه دخل الجنه َجاءته حوريه من السماء كان مسحورا. لتهتف…. انت كويس انت كويس بالله رد. لم يرد لتهتف….. طب فوج انت شايفني اعمل ايه دلوك.
كان لا ينطق يشعر بدوار وهيا قد تلبسته وجعلته ساهما لتحاول ان ترفعه ولكنه كان ثقيلا لتخبطه علي وجهه لتهتف…..

 

 

 

فوج بالله عليك ماتمتش حاسس بايه فوج انا ربطلك راسك والدم وجف فوج الله يخليك. طب ايه هتفضل تبصلي اكده هو اتشل والا ايه اعمل ايه دلوك. يابن الناس فوج انت واعي طب سامعني لتهزه كان يخاف ان ينطق ولا يفقد وجهها لحظه اراد ان يستمتع بما يري الي ابعد حد كانت الضربه ليست بقوه اد ما هيا تهويش للتخويف فقط لتقترب َلتشده عن الارض وتهتف… طب ايه انت اخرس طيب طب تجدر تجوم اتحمل عليا طيب ماهعرفش اشيلك لتتنهد وتجلس وتضع راسه علي قدميها وتملس علي شعره فوج هتفضلي تبصلي اكده. دا ايه الغلب ده. انت مش شايف والا ايه يا مري..لتصمت وتمسد علي شعره بحنان لتتنهد وهو لا ينطق وعيونه ساهمه في وجهها لتهتف… طب اعمل ايه دلوك اكلم مين ينجدنا طيب هنفضل جاعدين اكده كانت تملس علي راسه ليغمض عينيه يحس بملمس اصابعها في راسه كان مشوشا وعيه يذهب وياتي لتتنهد وتقترب من وجهه لتهمس بحنان خلع قلبه.. بصلي وبراحه كده سامعني ليظل ساهما ينظر الي عيونها البنفسجيه وشعرها البني الذي يتدلي علي وجهه. وجمالها الروحاني كانت حاله من اللبس والسحر لقلبه ليغمض عينه يشعر بلمستها واصابعها تتخلل شعره بحنان ليخاف ان ينطق حتي لا يفقد تلك الحالميه لتهمس يا واد عمي ليفتح عينيه لتضع يدها علي جبينه وتهتف انت حاسس بايه طيب .. ليبتسم لها فكانت حانيه بشكل كبير لتبتسم له ابتسامه ساحره خطفت قلبه لتهتف.. ايه حاسس والنبي.. ليهز راسه لتهتف…. شايفني طيب ليهز راسه بهيام لتهمس طب ايه طب هتفضل نايم اكده انت عجلك جراله حاجه هو انهبل والا ايه ليغمض عينه ويصمت قليلا و لمساتها الحانيه علي راسه تخلع قلبه ليتنهد ويفتح عينيه لتهتف هتعرف تجوم اخدك دارنا اداويك يابن الناس ليهز راسه

 

 

 

ليهمس فلم تسمعه لتنزل بوجهها امام شفتيه لتسمع ماذا يقول ليحس بجسده يتشنج ليبتلع ريقه فخدها ينير عينيه ويشم رائحتها ليهمس بتهته لا يريدها ان تفهم لتقترب امثر ليلامس اذنها وخدها ليغمض عينه وقلبه يصرخ لتدير وجهها وتهمس ايه قول اهه سامعاك. كان عيونه ساهمه في شفتيها وقربها المهلك احس انه دخل عالم اخر ليسمعها تقول بتجول ايه طيب.. ليعود الي صمته لتهتف طب هم هم اتسند عليا لتقوم هيا ويقوم هو ويتحامل كان هناك دوخه بسيطه لتاخذه ويركن عليها لتحتضنه من وسطه كل ذلك وهو قلبه سيخرج من مكانه ليشدد عليها لتهتف دارنا جريبه يلا اهه اني سنداك اهه يلا هم وبدات تمشي وتحتضنه وهو لا يعلم ماذا اصابه من تلك الساحره ليتعثر لتاخذه في احضانها ويسقط بها لكنه ادار جسده حتي لا يقع فوقها يؤذيها لتنهال فوقه وهو يمسك وسطها ليظل مشددا عليها في احضانه احس ان هذا مكانها وبيتها وهيا متلبكه لتهتف واد عمي واج عمي كان اصابعه من انفعاله تغرز في وسطها لتهتف انت جرالك ايه متشنج ليه اكده بالله عليك فوج لتملس علي راسه ليعود الي نفسه ليفك يده لتبتعد مسرعه ويغمض هو يستعيد ما كان فيه وهيا تنظر اليه بغلب لتتنهد وتهمس اني تعبت اجيب مين بس هو هيجراله حاجه عفشه ماهتحملش لتتنهد وتقترب لتقول معلهش اتحمل وهنوصل اتحمل بالله عليك لتساعده وتحتضنه وتقوم به وتذهب ليصلا الي البيت لتخبط عليه لتفتح عمتها.
لتصر*خ…. ايه فيه ايه.
لتهتف عطر.. شيلي معايا بس ندخله جوا يا عمتي يلا.

 

 

ليدخلا به وتريحه عالفراش وترفع قدميه وتتركه مسرعه وتذهب تلبس شيئا علي شعرها تداريه لتعود اليه ليتنهد فهو قد حرم من رؤيه ذلك الحرير الذي هوي علي قلبه صرعه. لتقترب مَنه وتمسك يده لتشعر ان حرارته قد ارتفعت قليلا لتهتف… هاتي ميه يا عمتي لتحضر لها الماء وبدات في تمسيد راسه وتنظيفها وربطها باحد الشاش والقطن الموجود كل ذلك وهو يراقبها كالممسوس وبدات في وضع القماش علي راسه واحضرت بعض الحبوب المسكنه وخافضه الحراره واقتربت وجلست بجواره وقالت.. ها حاسس بايه.
ليهتف اخيرا…. اني منيح بخير.
لتتنهد وتهتف.. اخيرا سمعنا حسك دانت وجفت جلبي بالله منيح .
ليبتسم هلي حالميتها وقلبها الحنين… ايوه مافيش احسن من اكده.
لتهتف سعيده… طب معك تلافون نكلم حد من جرايبك ياجي يشوفك وياخدك.
ليهتف.. تلفون هاه.. لاه ماعيش اللي ضربوني خدو تلافوني لم يكن يريد ان يذهب الي اي مكان.
لتهتف… طب خلاص ماتجلجش انت بات اهنه ونام علي خير وبكره نتصرفو عالله تصحي تكون بخير يا ود عمي.
ليبتسم لها ويهتف…. تسلمي انت جميلتك علي راسي.
لتهتف بحنان…… جميله ايه دي.. كلها لله ما في حاجه بتروح. ايه جولك اجبلك وكل دلوك.
ليهتف…. لاه وكل ايه ما رايدش حاجه.
لتهتف….. طب اني هعملك كمدات عشان حرارتك دي الضربه والدم باينهم اثرو عليك.
ليبتسم ويهتف…. انت اسمك ايه.
لتهتف.. اني خيتك عطر.
ليبتسم.. عطر.. ايه الاسم الحلو ده بس انت شكلك مش صعديه واصل انت شكلك بحراويه عالاخر.
لتضحك… اني امي كت من المنصوره.
ليهمس…. عشان اكده جمر بدر منور.
لتهتف… بتجول ايه.

 

 

ليهتف.. هاه لاه ابدا اني بس بجول انك زينه وحلوه.
لتخجل وتهتف…. طب يلا نام وارتاح واني هجلس جارك اهه اعملك كَمادات.
ليهتف…. وانت هنا لحالك مع امك دي.
لتهتف.. لاه دي عمتي وامي ماتت الله يرحمها. وصمتت بحزن
ليهتف…. وابَوكي فين عاد.
لتهتف…. ابوي مهملنا الله يهديله حاله.
ليقول.. طب طب… مشبوكه يعني فين راجلك.
لتبتسم.. لاه ماجاش النصيب.
ليهمس.. احسن حاجه والله… ليهتف… طب معلش وعايشين ازاي.
لتبتسم….. اني بشتغل بدي دروس. اهه نعملو ايه لازم نسعي وربك بيرزج الجطه في بطن امها……. الحمد لله
ليهتف.. بس زمنيتك بتتعبي.
لتهتف…. اتعب دا اني ببقي نفسي ماخدش فلوس بس اجول ايه الحوجه يابن الناس وجله الحيله.
ليهتف.. ان شاء الله يجيلك نصيبك ويستتك وتلاجي الخير كله.
لتخجل وتهتف….. الله كريم ده نصيب عاد ويلا بطل كلام و غمض يلا عشان تريح..
ليتنهد ويغمض عينيه متعبا وظلت هيا طول الليل تغير في الكمادات حتي تعبت وانتابها الصداع مره اخري واستكانت بلا حيله بجواره جالسه واتت حاله التوهان اليها مره اخري لتغمض عينها رغما عنها لتركن بجواره جالسه ويدها علي جبينه.

 

 

 

ليمر الوقت لتسقط عليه وتركن لتنزل راسها ملامسه لوجهه. ليستيقظ ايوب من نومه ليجدها بجواره ليرجف قلبه..ايه ايه جلبي هيجف كان يخاف ان يتحرك.. اكتم الله يخربيتك هتصحي وتبعد دي لامسه وشي جلبي بينحرج ليسهم فيها وعيونه تتاملها بهيام.. هيا حلوه ليه اكده وايه ده ملاك كيف الملاك رجيجه وشكل الجنيات اللي بتنزل من السما. نايمه تاخد العجل ازاي اكده ليرفع يده يمسك يدها ويتلمسهم ثم وضعها علي قلبه الذي يدق ولا يعلم لماذا يدق هكذا ليظل ساهما فيها ليهمس ايوب انت طبيت مافيش كلام جلبك بيفط وهيا جمر وايه شفايفها دي دا الواحد يتوه فيهم عمر كان وجهه ملامس وجهها وانفاسه تلفح انفاسها كان متعبا ولكنه كان يجبر نفسه علي الاستيقاظ ليخرج تليفونه من جيبه ويلتقط لهم صوره ليبتسم وينظر اليها كانت تاخذ العقل كانت تلمس رقبته بوجهها ليحس بانسيابيه في جسده ليركن براسه علي خدها ويحركها بحنان لتتململ وتندس في عنقه ليشعر بجمال وحالميه…. مش جادر هنام ازاي في ليلتي الطين دي ايه دي هو فيه اكده جمال واخلاج ورجه وحاجه ماشفتش ولا هشوف تنام ايه يا طور انت فيه جمر اكده يبقي لامس وشك وتنام انت مخبول ليرفع يده يلمس خدها ليهمس ايه النعومه دي دا بتنور والا عيونها فيه عيون اكده لون البنفسج وتحت الطرحه سلاسل دهب تاخد العجل. كيف البدر.. لاه بدر ايه كيف الشمس تكوي وتسيح الحجر اني سيحت وجلبي هيفط اعمل ايه دلوك ماعايزش اتخمد بس تعبان عنيا بتجفل ليتلمس يدها بحنان هو اللي ياخدك يبقي عامل ايه داني هنهبل نايمه جاري شيطت جلبي.. ايوب انت انخبلت بتكلم حالك. مسك ايه منها.. دا تمس الحجر تنزل عليه تفتته. كنك لو بتاعتي اصحي كل يوم علي اكده جمر ياخد العجل اكده ليظل يملس علي وجهها لتتململ اكثر وتضع يدها علي صدره ليهتف.. اولع بقه اكتر مانت والع مين اللي ضربني اروح ابوس وش امه ليظل ساهما فيها ليتوه اخيرا رغما عنه من تعبه حتي الصباح وكان قد بعث رساله باخيه يطمئنه عليه انه في مشوار ليعاود نومه مره اخري.

 

 

لتستيقظ هيا لتجد نفسها تركن بجواره ويدها علي صدره ووجهها ملامس خده لتشد يدها وتنتفض وتهتف…. ايه ده اني ما حسيتش اني نمت من اساسه ايه الفضايح دي يا مري لو كان صحي كت هتبقي جرسه.
لتقوم وتحضر الفطار مما هو موجود في البيت كان الاكل بسيطا ولكن الصنيه نظيفه لتاخذها وتذهب اليه لتدخل عليه وتبدا في افاقته لتهتف… واد عمي اصحي اصحي ليفتح عينه علي بدر منور يتامله باهتمام ليهمس لنفسه.. هو صباحك بيبقي نار اكده ليتنهد ولا ينطق فهو اصابه شئ لا يعلمه ليقوم ويعدل نفسه. لتهتف… جبتلك الوكل معلش بقه حاجه بسيطه بس اهو كله رزج نحمده ليبتسم لها وتقترب وتضع علي قدمه الصينيه ليبدا في الاكل كان ياكل ويتاملها كل حين وهيا تبتسم له ابتسامه ساحره لينتهي لتهتف…. حاسس بايه دلوك.
ليهتف…. اني كويس. لينتبه ويشعر بالخوف ان يرحل ليهمس.. لاه مش كويس جوي يعني.
لتهمس..خير هتبقي كويس.. يا رب دايما.. طب دلوك جولي داركو فين واني اروح اكلمهم ياجو ياخدوك.
ليبتسم ويهتف…. انت ماشفتنيش في البلد جبل سابج….. استغفر الله
لتقطب.. لاه اني بنزل البلد للدروس وبس هشوفك فين.
ليهتف….. طب مش عايز اتعبك البيت بعيد ممكن بس لحد بالليل وهمشي معلش هتعبكو.
لتهتف.. تعبك علي راسنا يا ود عمي انت ضيف ومريض نشيلك علي راسنا ربنا جالنا مانسيبش حد ونجف جنب المحتاج.
ليهتف…. ايه مش خايفه مني.

 

 

لتبتسم بحنان.. يعني اجولك ربنا تجولي خايفه اللي يعمل خير بيجعدلك يابن الناس فما بالك اللي ينقذ روح واخاف علي ايه مانت شايف حالنا اهه لتضحك هتسرج مننا ايه جله والا طبليه.
ليبتسم ويهتف.. مش بالمكان ممكن يكون المكان بسيط بس اللي فيه كنز متخبي عن العيون.
لتبتسم.. الله يكرم اصلك يا ود عمي طب اجوم بقه اشوف شغلي وعمتي معاك اللي تامر بيه هتجيبهولك.
ليهتف مسرعا….. هتاجي ميته من بره
لتهتف…. هاجي بالليل جبل ما تمشي ليرجف قلبه ليقطب جبينه ويتأوه لتقترب مسرعه. لتهتف…. مالك عاد بيك ايه.
ليهتف كاذبا.. ما خابرش مش عارف حاسس بدوخه ونار في راسي مش عارف مش حاسس اني كويس ممكن تجعدي ماتخرجيش اني محتاجك لحد ما امشي.
لتتنهد ولا تعلم ماذا تفعل فهو عملها وتاتي به بقوت يومها ليحس بان بها شيئا متحيرا ليهتف…. طب ادفعلك فلوس الدروس طيب.
لتحمر خجلا وتهتف غاضبه.. ايه يابن الناس هتدفعلي فلوس نجدتك وجعدتك في دارنا.
ليهتف مسرعا….. لاه والله بس ده اني السبب في خسارتك دي.
لتتنهد…. خساره ايه مش الفلوس اللي نجري وراها الثواب يابن الناس حتي لو ما هنكلش لجمه ومانلاجيش بس عموما خلاص اني ما هاهملكش الا انت معاود داركو .
لتتركه وتذهب لعمتها وتخبرها.
لتهتف… عمتي تدبحي حاجه نوكلها له دا نزف كتير.
لتهتف عمتها.. يا بتي احنا نعرفو منين ده وهتهملي شغلك لاجل خاطره وتدبحيله كمان شايفه الفرختين كتار جوي.
لتبتسم عطر.. دا كرم الضيف يا عمتي لو ما جدمناش الا هيا وماناكلش ماهيهمش الغريب ياكل ويشبع ومش مهم اهل الدار. ناخد الثواب كله لله وربك مابيسيبش حد. لتفتح تليفونها وتتصل باصحاب الشغل وتعتذر وتعاود الي ايوب مبتسمه تجلس معه.
ليهتف ملهوفا….. هتجعدي جاري خلاص.
لتبتسم…. ايوه ماتخافش ما هملكش
ليهتف…. ايوه ماتهملنيش واني كمان ماههملكيش.

 

 

 

لتهتف…. بتجول ايه.
ليهتف.. هاه لاه مفيش يا غاليه.
لتظل جالسه تتكلم معه وهو متلبسه حاله من السعاده لا يعلم كم البهجه التي دخلت الي قلبه فهيا بسيطه وجميله ووجهها يدخل الي القلوب يضيئها.ميفو السلطان
ليمر الوقت وتقوم وتاتي بالاكل ليهتف…. ليه ده كله انت عامله ايه كتير يا بت الناس.
لتهتف…. كتير ازاي مش عشان تتجوت وتاكل زين. الدم االي نزل ده مش لازم يتعوض.
لتقترب منه وتجلس وتضع الصينيه امامه وتبدا في مساعدته بالاكل وهو ينظر اليها لم يكن يريد ان ياكل من اساسه ولكنها كانت تفصص له الاكل فكان ياخذه منها سعيدا وهو يتفرسها لتخجل هيا من نظرانه وَ وجهها يشع حمارا ليبتسم علي خجلها فنظراته اصبحت تخصها بزياده لتستعجب من تحول نظراته الي نظرات تلهبها لتتنهد وتنهي الطعام لتهمس.. تنام بقه شويه.
ليهتف….. لاه اني نمت كتير ممكن نجعد بره في الزراعيه شويه اتعبك.
لتهتف…. طب ريح شويه.
ليهتف لاه الجو ساعه عصاري بيبجي حلو.
ليقوم ويتصنع التعب لتقترب منه وتمسك يده ليركن عليها وقلبه يدق بعنف من لمستها وقربها ليهمس اجمد انت مخبول هتموت وترشجها في حضنك. ليذهبا الي الخارج وتجلسه وتجلس بجواره لتقول…. انت مش فاكر نمر حد خالص يجي ياخدك.
ليهتف… لاه افتكرت هبقي اخد تلافونك واكلم حد ياجي يا خدني.
لتهتف….. طب خد كلمهم وطمنهم امك عايشه يابن الناس.
ليهتف…. الحمد لله.
لتقول…… طب طمنها بالله عليك زمان جلبها مخلوع واعطته التلفون وقامت مبتعده ليظل ساهما في اثرها وكيف تتمتع بالادب والاخلاق العاليه ليكلم اخيه ان ياتي في المساء لياخذه لتعود اليه ومعها كوبا من الشاي.

 

 

لتهتف… طمنت الحاجه. ليهز راسه لتكمل الحمد لله الام بينخلع جلبها ربنا يخليها ليك ويديها الصحه.ليظلا صامتين.
ليهتف…. وانت مش صعبه عيشتكو برات البلد اكده.
لتهتف…. في يدنا ايه عاد دارنا ومالنا غيرها.
ليهتف…. ممكن اساعدكو تاخدو دار احسن اني اعرف ناس يعني.
لتقاطعه.. نعملو بيها ايه عاد الحمد لله اه صغيره ومش ليها سجف بس زي ما جولت مش بالمكان بالرضا.
ليهتف…. يعني ترضي تجعدي اهنه والا تتمنيش تجعدي في جصر كبير.
لتضحك ليرجف قلبه.. جصر كبير منين ده اسرج عاد والا اتاجر في الحرام. لاه يا واد عمي الرضا اهم حاجه. مش معني اكده اني مش بتمني لاه بس كل واحد يحلم علي جده.
ليهتف.. تحلمي ايه.. دانت جدك عالي. دانت يجيلك الحلو كله.
لتخجل وتهتف….. كتر خيرك يا ود عمي اني واحده مابتبصش الا للي في يدها وبالحلال الحرام ابعد عنه بالمشوار. الحلال ماشي بالعافيه نجوم نفكر في الحرام ماتتبلعش والله اللجمه ولما بفكر فيها بيجيلي صداع واحس ان نفسي رايح سيره الحرام واعره علي جلبي يا واد عمي ربنا يغنينا بالحلال لو لجمه وحته جبنه حلال بالدنيا عن جصور الدنيا في الحرام. ليظل ساهما في كلامها وكيف انها تفضل ذلك البيت او الاصح الكوخ الصغير عن القصور الفخمه.
ليهتف.. طب ما يمكن اللي يتجوزك يكون عنديه جصر يستتك فيه
لتضحك.. جصر مره واحده.. هياخدني علي ايه.. اللي زي دول بيبقو عايزين بالزياده مابيشبعوش صحيح مش الكل بس معظمهم هديلهم ايه اني ماعنديش حاجه.

 

 

 

ليهتف مسرعا…. تديلهم الحلو كلو دانت مفيش زيك. الحمد لله
لتهتف بخجل .. تسلم يابن الناس بس ربك خلجنا طبجات كل واحد يركن للي شكله.
ليهتف .. يعني لو جالك اللي شكلك وجالك بتاع الجصر تاخدي التاني ازاي ما اصدجش.
لتبتسم.. لاه اني ما بحسبهاش اكده.. اني بحسبها بالحلال لو جاني اي حد بالحلال ان شالله فجران فجر السنين بس هيوكلني لجمه حلال هتراضي واعيشله العمر كله تحت رجليه وعيالنا يتربو في رضا ربنا.
ليهتف .. انت ازاي اكده ما جابلتش حد اكده
لتهتف.. لاه اللي يعرفو ربنا كتير بس انت دور علي ذات الدين.
ليرن تليفونها لتفتح الخط لتهتف ازيك يا ابله دلال. لترتبك.. هاه اكلمه دلوك طب طب… لينتبه ايوب ليقطب جبينه ليهتف اني هركن اريح شويه مش جادر افتح عيني ليركن ويتصنع النوم لتجلس هيا وتهتف ايوه يا ابله دلال كانت تتكلم بصوت خفيض. طب هكلمه بس بالله عليكي هما عشر دجايج بس اني بتكسف ماشي لو فيه نصيب نتكلم ماجولتش حاجه لاه مش مجفله والله بس بتكسف . لتصمت وايوب منصت ليشتعل.. نصيب نصيب ايه مين اللي بيحدتها ده..
لتهمس.. اهلا يا واد عمي. اهلا يا استاذ محمود عاشت الاسامي.. هاه لاه يعني ماينفعش اجولك محمود اكده طوالي. هاه نشوف بعض…هنا تشنج ايوب واحس انه سيهجم عليها يمسر ذلك الفون… ليسمعها تكمل….. طب لما اجي الدرس يعني ممكن اشوف.. لاه بره لاه ماينفعش اجابل حد.. ماشي عارفه انك طالب الحلال.. ليسمعها ايوب ليشتعل ليهب ايوب ويتاوه لتنتفض وتستدير لتخاف لتهمس طب يا واد عمي معلهش عندي حاجه ضروري مع السلامه لتقفل الخط وتستدير مرتعبه وتمسك يده ايه مالك بيك ايه ماكت نايم. ليظل صامتا فهو غاضب ويستعجب من النار التي شبطت بقلبه ليتحكم في نفسه.. ليهتف… معلهش كت بحلم.

 

 

 

لتتنهد.. وجعت جلبي ياىشيخ اعوذ بالله من الشيطان الرجيم. طب خلاص خير اجبلك حاجه تشربها. ليهز راسه ويندفع كتي بتكلمي مين
لتقطب جبينها .. هاه.. لاه يعني يعني
ليهتف.. راجل ده صوح تعرفيه ده يعني رايداه.
لتخجل.. رايده ايه بس بتجول ايه لاه ماعرفوش.استغفر الله
ليهتف.. مش عارف اني كني سمعت كلمه حلال خير.
لتهتف بخجل.. ده واحد عايز يتجدم بالحلال.
ليبتلع ريقه ليهتف…. امم طب اسمه ايه اسالك عليه.
لتهتف….. مالوش لزوم مانا هسال شيخ الجامع.
ليهتف مندفعا.. اني عارف رجاله البلد نفر نفر جولي بس.
لتهتف.. هو اسمه محمود عتمان.. ليقطب ايوب جبينه فهو يعرفه كان شابا ليس سيئا ليبتلع ريقه لتهتف تعرفه ده.
ليقول ايوه اعرفه ماينفعكيش خالص.
لتهتف بلهفه….. ليه ماله وحش.
ليهتف.. عيل سئيل وماينطاجش وبتاع حريم.
لتهتف… يا مري لاه ماينفعش.
ليهتف…. ايوه ماينفعش خالص ليهمس… ياخدك ازاي خده ربنا ابن عتمان بقي ابن عتمان ياخد دي واخد اني ايه.. ليسهم تاخد تاخد ايه يا هباب اتخبلت.. ليقول مسرعا.. ترفضيه طوالي يا عطر انت ماتنفعيش معاه ليهمس ولا مع غيره اقسم بالله.
لتتنهد وتهتف….. طب خلاص.
ليهتف… ايه زعلتي والله بكره يجيلك سيد الرجاله انت مش اي حد يجيلك.. لتبتسم له ليهتف…. طب كلميه ارفضي.

 

 

لتهتف… لاه اما اروح دار اخته اجولها.
ليهتف… لاه بالله عليكي كلميها جوليلها اي حاجه اصله ممكن يرط اكده والا اكده يوجف سمعتك. لتنظر اليه ليهتف كلميه بس ريحيني ماعرفش اجعد.
لتستعجب.. ليه طيب.
ايهتف.. مش حرمه ونجدتبني اخاف عليكي بالله كلميهم.
لتتنهد وتتصل تعتذر للسيده لتقفل ليجلس هو سعيدا وقلبه ينبض ليهتف الله يفرح جلبك جريب لينخرط يكلمها ويسايرها بعيدا لتنسي الموضوع.
ليمر الوقت سريعا ليجد اخيه ياتي له بعد فتره ومعه احد العربات التي تجر بالاحصنه لينزل مسرعا ويطمن عليه ليستدير ايوب ويشكر عطر لتبتسم له ليقترب يحي مبتسما.. ايه يا واد الجمر ده.
ليزغده ايوب…. اتلم ولم عينك اخلعهالك.

 

 

ليقطب يحي جبينه… ايه يا واد مالك بتزغدني اكده ليقترب يحي من عطر ازيك يا شابه.
لتهتف بخير يا واد عمي خلي بالك منه وراجبه كويس لو اي حاجه وديه للدكتور.
ليقترب يحي ليهتف ايوب… تسلمي ويسلم كلامك ليظل ساهما مبتسما وهيا تشعر بالخجل.
ليهتف يحي هامسا .. يا حلاوه يا ولاد طب اجعد علي جنب هبابه علي بال ماتخلص تسبيل.ميفو السلطان
ليدفعه ايوب….. روح اركب اني جاي منك لله. ليستدير ليهتف.. اني ماشي وماعارفش اجولك ايه.
لتهتف… ماتجولش. بالسلامه يا واد عمي اشوف وشك بخير.
ليهتف… بالسلامه يا ست الناس جميلك علي راسي.
لتهتف جميل ايه بس الله يوجفلك ولاد الحلال ويراضيك بالحلال .
ليقترب ويهتف وعيونه تتاملها بحالميه.. احلي دعوه والله دخلت علي جلبي طوالي هيراضيني بالحلال جريب واشوفك تاني وجريب جوي ليتنهد ويبتعد مرغما مع اخيه وقد مس ايوب العطر ودخل انفاسه ليملاء صدره ليذوب وينتشر بداخله لينبض قلبه لاول مره ليذهب وتفكيره في تلك النسمه العاطره ولا نعلم كيف سيعود ايوب لها وكيف سيكون قصتهم وهناك الحلال الذي تطلبه عطر والحرام الذي يتاجره ايوب فايوب ليس شرا في حد ذاته ولكنه جنح الي سكه تؤدي الي شرور الدنيا حتي لو لم ينغمس فيها فبدايه الغوث قطره فكيف سيتلاقي الغريمين وكيف ستتلاقي القلوب… فقلب العطر لا يطلب الا الحلال فهل سيقدر عليه ايوب ام قصتنا ستشهد صراع ضاري بين الحلال والحرام. لننتظر…

يتبع..

لقراءة الصفل التالي : اضغط هنا

لقراءة باقي حلقات الرواية اضغط على : (رواية الوجه الأخر للحلال)