رواية الملك ام الحب الفصل السادس 6 بقلم روان خالد

رواية الملك ام الحب الفصل السادس 6 بقلم روان خالد

رواية الملك ام الحب البارت السادس

رواية الملك ام الحب الجزء السادس

رواية الملك ام الحب الحلقة السادسة

كان حاروت جالسا ف قصره الذى صنعه بنفسه بواسطة قواه السحرية عندما وصل الأرض
جالس على كرسيه فمكتبه الخاص يقرأ بعض الأوراق الخاصة بالمشروع و كيف يستطيع السيطرة على الشرق و التفوق على شركات حور
و بينما كان مندمجا فعمله دقت الساعة ال ١٢ ليلا و هو موعد خروج الجن للارض و بما ان حاروت منفى يجب عليه النوم حتى لا يكتشف احد انه الامير وريث العرش
دخل حاروت متجها لسريره لكى ينام وضع راسه على الوسادة و حرك يده ناحية قلادته لم يجدها و هنا تذكر انه تركها مع حور و تذكر كل مواقفه مع حور و استوقفه ذلك الوميض الذى ينير بمجرد لمس حور له
قال حاروت لنفسه: يا ترى ايي حكايتك يا حور و لى انتى بالذات اللى حاسس انى مش عايز ابعد عنك فيكى ايي مختلف و ايي علاقتك بالوميض اللى بيظهرلى يا ترى انتى مين يا حور
و اغمض عينيه و غط فى نوم عميق بعد ذلك اليوم المرهق
عند حور فالبيت
اخذت حور من أميرة الورقة و نظرت بها و كانت هنا الصدمة
الورقة مكتوب بها كلام بالدم غير مفهوم لم يستطيعوا ترجمته
حور و هى تبتلع ريقها: اميرة انتى فاهمة حاجة من المكتوب دة
اميرة: مش فاهمة حاجة يا حور دى يبدو و انها كدة أعوذ بالله من الشيطان الرجيم تلاصم شيطانية
حور و هى تضرب على صدرها: يا نهار اسود تلاصم يا اميرة يعنى دة سحر ولا دة ايي دة
اميرة بقلق: معرفش معرفش يا حور انتى شايفانى ساحرة؟
حور: طب و العمل هنعمل ايي و نعرف المكتوب دة ازاى
اميرة بتفكير: مفيش غير حل واحد
حور: ايي هو ؟!متقوليش اننا هنروح لساحر
اميرة: لا يا حور مش هنروح لساحر
حور: اومال احنا هنروح فين
اميرة بصوت هادئ: هنروح ارض الجن
حور: انتى يا أميرة ارض جن ايي اللى نروحها انا لايمكن اروح هناك مستحيل
اميرة: مفيش قودامنا غير الحل دة احنا هنروح لسمرائيل و هو هيعرف اي المكتوب دة و مين اللى عمله
حور: مين سمرائبل؟! انا اروح لعفريت العلبة دة لا يمكن روحى لوحدك
اميرة بنظرة حادة و جدية: حور مش وقت هزار الموضوع أخطر مما تتصوري
حور: طب و هنروح ازاى يعنى هى ارض الجن دى فالشارع اللى ورانا
ذهبت اميرة و فتحت دولابها و أخرجت منها ملابس غريبة غير مالوفة لحور
اميرة: خدى البسي دول و تعالى ورايا
حور: ايي الهدوم دى يا أميرة دى عاملة و كأنها فساتين من العصر الفيكتورى
اميرة: البسي دة يا حور و تعالى معايا
حور : حاضر حاضر علبس
ارتدت حور تلك الملابس التى كانت عبارة عن فستان من فساتين العصر الفكتورى ذو اكمام طويلة و واسعة و كورسيه عريض يتلبس على الوسط
و لكن الكارثة انه كان أعلى من صدرها بمسافة بسيطة للغاية مما يعنى ان رقبتها باينة و سلسلة حجر القمر اللى فرقبتها بانت
ارتدت حور و قامت بفرد شعرها لان الفستان ظهره عارى جدا
دخلت اميرة و كانت منبهرة من جمال صديقتها: ايي الجمال دة دة انتى ولا الاميرات
حور: بجد يعنى حلو عليا
اميرة: جميل جدا دة حت.. ايي دة يا حور
حور: فيي ايي
اميرة : ايي ال فى رقبتك دة دى جبتيها منين و امتى.
حور: سلسلة؟
اميرة : اه بصي فالمرايا
وجدت حور تلك القلادة و استعجبت من أين لها بتلك القلادة فهى لم تشتريها قط
حور لكى لا تقلق اميرة: اه دى انا اشتريتها من عم جمال اللى قودام الشركة شكلها عجبنى.
اميرة: بس انا حاسة انى شوفتها قبل كدة بس مش عارفة فين
حور: بقولك شارياها شوفتيها فين ايي
حور لسرها: و الله انا ذات نفسي يا أميرة نفسي اقولك انى معرفش هى جات منين بس خايفة تقلقي
اميرة: حور حور سرحانة ف ايي يلا بينا قبل الفجر ما يادن
حور: ها لالا مش سرحانة يلا بينا
اميرة : بس استنى خدى الشال دة البسيه فوق الفستان يمكن الجو برد هناك
حور: و الله انا خايفة اروح اصلا بس يلا محدش واخد منها حاجة
اميرة : يلا بقى الفجر هيادن
حور : حاضر حاضر
ذهبت اميرة لاسفل القصر (البدروم) و قامت بفتح باب كبير و وضعت سبع من المرايات و وقفت هى و حور فى وسط تلك المرايات و بدأت اميرة تتمتم بكلام غير مفهوم و تقول: إلى امير الظلام و امير النور لسمرائيل ابن شامل سنفتح العصور هيا لنصل للامير المبجل سمرائيل ابن شامل ملك العصور قالت تلك الكلمات و ظهر نور شديد و هواء صادم من تلك المرايات و صوت يقول
إلى أين تريدون الذهاب؟!
اميرة: إلى قصر الملك شامل ف ارض حاروت يا مولاى
الصوت: إلى اى غرفة تريدون الذهاب
اميرة: غرفة الامير سمرائيل يا مولاى
الصوت: هل اعلم الامير بمجيئكم
اميرة: نعم اخبره بأن اميرة تريده ف أمر هام لا يمكن تاجيله
المرآة: حسنا سبدتى ساخبر الامير حالا
حور: اميرة اى هواء الجامد دة و اي النور الشديد دة انا مش شايفاك هو فى ايي و بتكلمى مين
اميرة: شششش اسكتى و ركزى عشان نروح مش وقت أسألة
عند الملك شامل فى القصر فتحت بوابة فغرفة سمرائيل و خرج خادم المرآة للامير
سمرائيل: خادم المرايا فى ايي انت اي اللى جابك هنا
الخادم: مولاى السيدة اميرة تريد رؤيتك لأمر هام و تقول انه لا يمكن الانتظار
سمرائيل بقلق: اميرة؟!طب هى كويسة فيها حاجة؟!
الخادم : انها على مرام يا مولاى اعطيها الأذن لكى تأتى لغرفتك؟
سمرائيل: لك الأذن يا خادم و اسرع قبل غلق البوابة
الخادم؛ امرك يا مولاى
عند اميرة و حور
الخادم: سيدتى الامير سمرائيل يعطيكى الأذن ارجو منك التشبث بصديقتى ستفتح البوابة الان
و بعد عدة ثوان فتحت البوابة ووصلوا اميرة و حور لغرفة سمرائيل لكن كانت فقدت حور وعيها من تلك الموجات و الهواء الشديد
سمرائيل و هو يجرى نحو اميرة بلهفة: اميرة وحشتنى عرفتى ازاى تيجى اخيرا
اميرة: شيل معايا حور بسرعة يا سمرائيل مفيش وقت البوابة هتقفل عليها
ذهب سمرائيل و حمل حور و وضعها على سريره ثم أدار وجهه لاميرة: متقلقيش هى بس عشان اول مرة تيجى مستحملتش الموجات الخارجة من المرايات بس عايز اقولك انى فرحان انك جيتي بجد
اميرة : مفيش وقت للحب يا سمرائيل انا جاية فمصيبة
عقد سمرائيل حاجبيه قائلا: مصيبة؟! خير فى ايي
اميرة و قد أخرجت الورقة من جيبها و اعطتها له: اهى دى الكارثة تقدر تقولى ايي دة؟!
اخذ سمرائيل الورقة و بدى عليه القلق عندما قرأها ثم نظر لاميرة قائلا: دة سحر يا أميرة
اميرة: سحر؟! طب و مين العمل كدة
سمرائيل : مش عارف
اميرة: نعم مش ايي مش عارف ازاى يعنى هو انتم مش بتبقو عارفين مين اللى بيعمل كدة و بيبقا مكتوب اسم الخادم و تبع أنهى ساحر
سكت سمرائيل ثم قال: دة سحر ملكى يا أميرة يعنى اللى عمله حد من قصر الملك
اميرة: و الملك ايي اللى هيخليه يعمل سحر لبشرية؟!
سمرائيل: انا مقولتش الملك انا بقول حد من القصر ممكن من الجن الخدم فى القصر او حد من المساعدين او من ال
اميرة: كمل سكت لى من ال ايي
سمرائيل: من العرافين بتوع الملك و دة مستحيل دى فيها اعدام للعرافة
اميرة: يعنى افهم من كدة ان اللى عمل السحر دة من عند حضرتك انت و اهلك
سمرائيل: لا مش احنا احنا العرافة بتاعتنا دايما مسافرة من بلد لبلد اكيد حد من قصور تانية بس اللى عايز أفهمه مين ال عنده الجرأة يعمل كدة من اى قصر فاى مملكة
اميرة: يعنى انت مش عارف؟!
سمرائيل: لا اللى عمل السحر دة ذكى مش كاتب اسم الخادم بس الضرر جامد جدا على حور
اميرة: متعرفش تفكه؟!
سمرائيل: اعرف يا أميرة بس لو فكيته هيتعمل غيره و ممكن انا اتحاكم لانى بكدة بتستر على مجرم لازم السحر يتعرض على المحكمة العليا للجن المسلم
اميرة : مش فاهمة
سمرائيل: بصي يا أميرة الجان المسلم ممنوع منعا باتا انه يشارك فعمل الاسحار و اللى بيعمل كدة بيتحكم عليه يا بالعدام يا بالمؤبد على حسب المحكمة العليا بتقرر ايي و دة مش اي سحر دة مكتوب بدم ممزوج بالحبر الملكى القضية كبيرة اوى يا أميرة
اميرة: طب مليكة اللى عملته؟!
سمرائيل: معرفش اللى هيعرف حاروت هو اللى عنده القدرة انه يفك و يعرف اى سحر عشان وريث العرش و كمان اللغة المكتوب بيها غريبة و الوحيد اللى يقدر يتع،ف على التلاصم دى هو حاروت
اميرة: طب هو فين خلينا نفكه و نرجع العالم بتاعنا
سمرائيل: انا مينفعش اقولك هو فين بس حاروت منفى فى ارضكم و محدش يعرف مكانه فين
اميرة: منفى ؟!منفى لى
حكى سمرائيل لاميرة الموضوع
امي،ة: يعنى اتحاكم عشان راح ارض البشر قام ابوك نافيه لارض البشر ابوك دة ذكى جدا ماشاء الله😂😂
سمرائيل: اميرة دة ابويا عيب كدة😂المهم ايي يا جميل هو انا موحشتكش خالص
اميرة بخجل: بس يا سمرائيل ايي دة انا لازم امشي دلوقتى و البت المغمى عليها دى انت هتشيلها لان مش هقدر اشيلها
سمرائيل: تمشي فين؟!
اميرة: اروح البيت هروح فين يعنى
سمرائيل: لا مهو
اميرة: مهو ايي
سمرائيل : المرايا مش هتفتح غير بعد.اسبوع لان بتاخد طاقة كبيرة
اميرة: نعم و احنا هنروح فين و افرض جد شافنا هنعمل ايي
سمرائيل: من الناحية دى متقلقيش انا اقدر اخلي شكلكم زينا
اميرة: و دة ازاى
سمرائيل: روح. بس صحى اللى عاملة فيها ميتة دى😂
ذهب سمرائيل و اميرة لايقاظ حور: حور حور اصحى انتى ايي نمتي ولا اييه
شدها سمرائيل من السرير بشدة كى تستيقظ و إذ بقلادة حجر القمر تقع منها
حور و هى تمسك راسها: يا غبى حد يصحى حد كدة
ذهب سمرائيل و امسك بالقلادة: مين عطاكى دى يا حور
حور: مش عارفة و الله يا سمرائيل صحيت من النوم يوم الخميس اللى فات لقيتها فرقبتى
اميرة: يعنى مش انتى اللى شاريها
حور: خوفت اقولك تقلقي اكتر
سمرائبل: انتى قابلتى خاروت تانى؟!من آخر مرة شوفتينا فيها
حور: لا مقابلتوش
سمرائيل: ازاى القلادة دى مش مع حد غير حاروت محدش فالدنيا معاه حجر القمر غيره
خور: بقولك و الله ما قابلته
وضع سمرائيل يده على راس حور و نظر فعينيها و رأى فيها كل شئ و ان حاروت جعلها تنسى كل شئ
حور: ها شوفت بقى انى مقابلتوش
سمرائيل: اه شوفت
اميرة: ايي مشافتوش
سمرائيل: اه متقابلوش بس مش عارف ازاى وصلتلها السلسلة عمتا يا حور البسيها و اوعى تديها لحد حتى انا فهمتى
حور: فهمت
سمرائيل : خلينا فالمهم دلوقتى انتم قاعدين هنا اسبوع ولازم تتنكرو و تبقوا زينا
حور: و دى هتعملها ازاى يا ابو المفهومية
سمرائيل : اقفوا جمب بعض احنا كل الهنعمله هنطول ودانكم شوية و نطول الانياب و نعملكم ديل و شعر طويل و عيون بتلمع ووهاجة و هابرا كادبراا
اى خدمة يا بنات احب اقولكم انتم كدة بقيتوا شبهنا
جرت حور للمرأة لتنظر بها: الللله شكلى جميل اوى بقيت شبهك فعلا و ايي الديل دة اللللله يعنى كدة هطلع قودام الجن عادى؟!
سمرائيل: لا حيلك انتى و هى انتم الاول هتكتبوا رسالة انكم جايين زيارة لقصر الملك و انكم من قصر الوافد الملكى دول المفروض جايين بكرة بس انا نبعت جواب رفض للزيارة و انتم هتيجو بدالهم اتفقنا انتم ايي الاميرات بتوع قصر الوافد انتم ايي
حور و أميرة: الاميرات بتوع قصر الوافد
اميرة : طب و احنا عقبال ما يجى الصبح هنروح فين و بعدين عندنا مؤتمر بكرة لازم نحضره
حور: ايي دة المؤتمر انا نسيت صح
سمرائيل : سيبه الموضوع دة عليا انا هلغيه و هجنن الخاضرين😂😂متقلقوش
اميرة : طب هنام فين
سمرائيل: فحضنى
اميرة: يا قليل الادب احترم نفسك
سمرائيل بضحك: بهزر بهزر نامو هنا على سريرى و انا هنام برا عالباب عشان محدش يدخل
ترك سمرائيل الفتيات بالداخل و خرج يجلس امام غرفته
اميرة: مش غريبة ان السلسلة دى متبقاش الا مع حاروت بس و تبقى معاكى ؟!
حور و هى تمسك القلادة و تنظر بها: مش عارفة يا أميرة الأمر غريب فعلا بس فى حلقة مفقودة
اميرة : ثانية يا حور انتى قولتى القلادة دى كانت فرقبتك اول مرة امتى؟
حور: يوم الخميس
اميرة : يوم الخميس و قبلها بيوم مكنتش فرقبتك مش كدة
حور: ايوة مكنتش فرقبتى
اميرة: ايوا صح افتكرت
حور: ايي فى ايي
اميرة: يوم الاربع بليل لما حلمتى انك ….. و بدأت اميرة تحكى لحور ما حدث و لكن حور لم تتذكر شئ
حور: مش فاكرة انى قولتلك كدة
اميرة: ازاى يا بنتى دة انتى صحتينى فعز نومى
حور: لا و الله ما عملت كدة أنا قومت من النوم عادى لقيتها
اميرة: مش قادرة اكدبك لانك مبتنسيش حاجة بس غريبة اوى ان القلادة دى تبقى فرقبة حاروت و تيجى فرقبتك كدة عادى من غير مجهود
حور و قد قامت للنافذة تنظر للسماء و تتنهد: مش عارفة بقا يا أميرة انا حياتى بقى بيحصل فيها حاجات غريبة اليومين دول
اميرة: طب تعالى نامى و ريحى دماغك و بكرة نبقى نشوف الموضوع دة
فى مكان ما بعيد عن الانظار
هى: بعت لحور الورقة يا خادم؟!
الخادم: ايوا يا مولاتى الورقة اتحدفت عليها زى ما طلبتى
هى: متأكد انها شافتها؟!
الخادم : شافتها يا مولاتى و سمعتهم و هما بيقولو انهم رايحين ارض الجن
هى و هى تبتسم: و من هنا اقدر اقول ان بدأت قصة عذابك يا شامل هتتخسر على ابنك الكبير و هو بيتعذب قودامك هخليك تتدمر يا شامل هنتقم منك و من عيلتك كلها و بدأت تضحك بهيستيريا و تقول: هدمرك يا شامل هدمرك زي ما دمرتنى هدوقك طعم العذاب هتدوق طعم فقدان الابن يا شامل و مشت بكل بهدوء للنافذة تنظر للسماء و هى تقول: نهايتك قربت يا شامل ابنك بدا يحب البشرية😈😈😈المعركة ابتدت يا أقذر شخص فحياتى
عند حاروت فالقصر كان أتى صباح اليوم التالى استيقظ حاروت و دخل للاستحمام و جهز نفسه للنزول للمؤتمر و اتجه للمرأة لكى يقوم بتسريح شعره و إذ بصدره ينير ثانيتا و بسرعة قال: حور؟! لالا مش كل اما الاسم ينور يبقا قصده على حور انا اصلا ميهمنيش امرها
و نزل للمؤتمر و هناك فالمؤتمر تجمع الجميع و كان فاضل حور
الرئيس للمؤتمر؛ الباش مهندسة حور فين؟!
مليكة: شكلها انسحبت يا محمد بيه
الرئيس؛ مظنش حور تعمل كدة حور شجاعة و مبتخافش من الهزيمة
مليكة بغيظ؛ الوقت اتأخر و هى مسموحلها بالتاخير لمدة ١٥ دقيقة بس و دلوقتى عدت ساعة يا محمد بيه لابد من بدا المؤتمر للمقارنة المشروعات
بدا القلق على حاروت عندما لم تأتى حور و كان يريد فتح بوابة ليرى أين هى و لكنه ا يستطيع قواه نفذت لانه فارض البشر و منفى
حاروت فسره: يا ترى انتى فين يا حور
و بينما كأنه سيبدأ المؤتمر بدأت الكراسي تطير و النور يقفل و يفتح و من الواضح كدة ان سمرائيل بدا الشغل 😂😂😂
نظر حاروت لمن الذى يفعل تلك الحركات و قام بفتح عيناه الوهاجة الحقيقة ووجده سمرائيل و شمروش
جرى الجميع من القاعة من الخوف و لم يتبقى سوى حاروت الذى لم يبدو عليه الخوف ابدا
اقترب سمرائيل منه و لم يكن يعرف انه حاروت لانه متنكر ف زى بشرى و بدء يلعب بخصلات شعره حتى يرعبه لكنه وجده لا يهمه ما يحدث
و فلمح البصر تحول ماروت لهيئته الحقيقة ثم نظر لسمرائيل و شمروش قائلا
حاروت: ممكن اعرف بتعملو ايي
سمرائيل و هو يجرى على حاروت و يحضنه : حاروت وحشتنى اوى انت كنت فين كل دة
حاروت: متوهش عن الموضوع بتعملوا كدة لى
سمرائيل: تعالى بس نخرج من هنا و هحكيلك كل حاجة
خرجو و حكى سمرائيل لحاروت كل الموضوع
حاروت: ايي عملوا عمل لحور؟!
سمرائيل: ايوا و انا للاسف مش عارف افك التلاصم دة سحر ملكى
حاروت: عشان كدة الاسم كان بينور
سمرائيل: اسم ايي
حاروت : لا ولا حاجة
سمرائيل: هو صحيح انت عطيت لحور القلادة لى
حاروت: دى حكاية طويلة اوى هبقا احكيهالكم بعدين المهم دلوقتى انا لازم ارجع ارضنا تانى
سمرائيل: ايوا بس انت لسا فاضلك شهر يا حاروت مش هينفع ترجع
حاروت بقلق: حاول تقنع بابا يا سمرائيل انا لا يمكن اسيبها لوحدها هناك حور جميلة و كلهم هيطمعوا فيها هناك
سمرائيل بخبث: انت بتغير عليها ولا ايي
حاروت: ها اغير لا طبعا هغير عليها لى انا اساسا مبحبهاش
سمرائيل: طيب عمتا انا هحاول مع بابا عشان ترجع
حاروت بعينان كلها قلق و حزن: ارجوك يا سمرائيل حاول
سمرائيل: حاضر يا حاروت بس لازم امشي دلوقتى البنات لوحدهم فاوضتى و خايف حد من الخدم يخش عليهم و انا مش موجود
حاروت: طب روح بسرعة روح و لو عرفت تفك السحر ال ابوك عمله عشان مستخدمش قوتى فكه
سمرائيل: حاضر هحاول
عند حور و اميرة فاوضة سمرائيل.
حور: يييييي انا زهقت بقا اى مفيش اي ساسبينس تشويييق يا ناس ايي الملل دة
اميرة: بس يا حور بقا عايزة انااااام بطلى دوشة
حور : يا بنتى اصحى الشمس طلعت خلاص قووومى قومى قومى
و بينما حور بترخم على اميرة إذ بالباب يفتح عليهم
حورو اميرة بصدمة:**********