رواية عوده بعد غربه الفصل الرابع 4 بقلم هاجر العفيفي

رواية عوده بعد غربه الفصل الرابع 4 بقلم هاجر العفيفي

رواية عوده بعد غربه البارت الرابع

رواية عوده بعد غربه الجزء الرابع

رواية عوده بعد غربه الحلقة الرابعة

سليم بغضب : عمرى ماكنت اتوقع ان غصون تعمل معايا كده
مروان : اهدا ياسليم هي اكيد أعصابها تعبانه برضوا من ال حصل
سليم بعصبيه اكبر : متدافعش عنها هي حتي مفكرتش تسمعني انا مستحيل أسيبها هي وبنتي
مروان : روحلها وحل كل حاجه
سليم : مش هتقابلني وانا متأكد
مروان : خلصت انا هحاول معاها
سليم بتساؤل : هي راحت عند عمها
مروان : معرفش بس اكيد اومال هتروح فين
سليم بوعيد : تمام
مروان : ناوى على ايه
سليم بسخريه : كل خير

مروان : سليم دي مراتك ام بنتك بلاش تأذيها
سليم بحزن : بنتى هي فين بنتي دي
مروان مردش عليه
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹استغفرووا
غصون كانت بتبكي وشايله بنتها وضمتها والباب خبط وقامت تفتح كانت صاحبتها وزي اختها سما
سما بخضه : مالك ياغصون خضتيني عليكي
غصون بدموع استمرت فى حضنها وقالت : انا تعبانه اوى ياسما
سما خدت منها ليان وقالت : احكيلي ياحبيبتى ايه ال حصل
غصون بدموع : سليم اتجوز عليا
سما بصدمه : نعم اتجوز عليكي ازاى
غصون ابتدت تحكيلها كل ال حصل من وقت ماسليم نزل مصر
سما بعتاب : ال عملتيه ده غلط ياغصون
غصون بصدمه : كنتي عايزاني اسيب حقي
سما : لاء طبعا بس مكانش ينفع ترفعي قضية خلع على جوزك ابو بنتك لاء وكمان ابن عمك مفيش راجل هيقبل على نفسه كده ابدا
غصون بدموع : غصب عني من قهرتي انتي مش عارفه سليم كان عندي ازاى فجأه كده ألاقيه يخدعني وكمان يتجوز
سما : جربتي تسمعيه
غصون : لاء بس برضوا مفيش مبرر أن يتجوز كان ممكن ياخدني انا معاه فى السفر مش يروح يتجوز عليا
سما : اكيد فى سبب قوي انا متأكده
غصون : قصدك اعمل ايه
سما بإصرار : تسمعيه وتعرفى أسبابه ووقتها تقررى
غصون : بس
سما : غصون حبيبتى انا خايفه على مصلحتك والله أعطيله فرصه ومش هتندمى
غصون بقلة حيله : طيب

🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
سليم كان فاتح التلفون على صوره لبنته غصون كانت بعتهاله اول لما ولدت دمعه نزلت منه على فراقهم وفجأه تلفونه رن برقم غصون قلبه فرح بس هو كان متعصب منها بسبب ال عملته رد بعصبيه
سليم بغضب : بقا كده ياغصون دخلتى المحاكم بينا تمام
غصون بتردد : سليم ممكن تسمعني
سليم استغرب هدوئها وقال بسخريه : هو يعني انتي كنتى سمعتيني
غصون بدموع : ارجوك كفايه ضغط عليا لحد كده
سليم قلبه رق عشانها وقال : خلاص ياغصون متبكيش عايزه ايه
غصون : انا عايزه اسمعك واعرف أسبابك كلها
سليم بفرحه : بجد ياغصون
غصون : ايوه بس ده كله عشان خاطر ليان بس
سليم : مش مهم المهم انك تسمعيني
غصون : ولو الكلام معجبنيش ياريت تطلقنى بهدوء وانا هتنازل عن أي قضيه
سليم بجديه : اتفقنا انتي فى بيت عمك صح
غصون : لاء انا فى فندق……”
سليم بغضب مكتوم : يعني اخدتي البنت وبهدلتيها معاكي ماشى ياغصون
غصون : مش وقته ياسليم دلوقتي
سليم بنفاذ صبر : ماشى مسافة السكه وهكون عندك

🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
فى منزل أهل سليم
ناهد بشك : انا ليه حاسه ان فى حاجه غلط بتحصل
مروان : حاجه زي ايه يعني
ناهد : هو سليم فى مشكله بينه وبين مراته
مروان بتوتر : معرفش
ناهد بشك : مروان انت ابني انا حفظاك
مروان بتنهيده : موضوع وهيتحل أن شاء الله بس المشكله ان غصون سابت البيت
ناهد بصدمه : سابت البيت اخوك عمل فيها حاجه ولا ايه
مروان باستغراب : غريبه يعني مجتيش عليها زي كل مره
ناهد : يابني انا مبكر”هاش والله دي غاليه عليا بس انا كنت زعلانه أن هي بعيده عني هي وحفيدتي
مروان بابتسامه : متقلقيش ياحبيبتى كل حاجه هتتحل وحفيدتك هتكون فى حضنك قريب اووى
ناهد : يارب يابني ويهدي سرهم
مروان : يارب
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم

غصون فتحت الباب وسليم دخل وشاف بنته وجرى عليها وشالها بحب وقال : وحشتيني ياقلب بابا
غصون حست بالندم أنها حرمته منها
سليم بابتسامه : نتكلم
غصون بجديه : نتكلم
الاتنين قعدوا على الكنبه وسليم كان مازال شايل بنته على رجله
غصون : اتفضل
سليم بتنهيده : انا كنت مسجو”ن وانا مسافر
غصون بصدمه : مسجو”ن !!!!!

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية عوده بعد غربه)