رواية بعد الفراق الفصل الثاني عشر 12 بقلم نور عصام

رواية بعد الفراق الفصل الثاني عشر 12 بقلم نور عصام

رواية بعد الفراق البارت الثاني عشر

رواية بعد الفراق الجزء الثاني عشر

رواية بعد الفراق الحلقة الثانية عشر

الفصل الثاني عشر
ديما. انا مفيش بيني وبينك اي اتفاق
نبيله. ديما اسمعيني
ديما. بصتلها وقالت مش هوافق علي اي حاجه تقوليها
نبيله. ديما انا مستعده اكتبلك المول والشركه وكل الفلوس اللي ف البنك وكل شئ نمتلكه قصاد انك تتنازلي عن سيف وتسبيه
ديما. ههههههه والله ضحكتيني وباست ابنها اللي علي رجلها وقالت مكنتش اعرف ان سيف غالي عندك قوي كدا بس انا بقا عندي ابني مش بالدنيا واللي فيها بس مش بشوبة فلوس يا نبيله هانم ابني عندي ميتقدر انتي غلطي لما افتكرتي انك ممكن تساوميني علي ابني
نبيله. سيف اغلي من كنوز الدنيا وانا مش بساومك انا عاوزه حفيدي انا عاوزه يتربي ف بيت ابوه وف حضنه
ديما. وحفيدك دا ابني وملكيش حاجه فيه ومش هخليكي تلمسيه روحي جوزي ابنك اربعه وهاتي احفاد يملو بيته وبيتك
نبيله. ديما فوقي ومتشوفيش نفسك
ديما. انا فايقه وابني ف حضني والدنيا مش سيعاني ومش محتاجه حاجه من حد انتو الليي بترمو نفسكم عليا وانا مش عاوزه ولا طايقه
نبيله. ياريت ياديما متنسيش اننا نقدر ناخد سيف منك

ديما. كل اللي تقدري عليه اعمليه وانا معاكي للاخر
نبيله. خلاص جابت اخرها قامت وقفت وقربت منها
ديما. بعدت بابنها عنها وقالتلها متحاوليش
نبيله. هخده منك غصب عنك
ديما. قولتلك اعملي كل اللي تقدري عليه
نبيله. روحها ف الولد قالت طيب خليني بس اضمه لحضني متنسيش اني جدته
ديما. لأ
نبيله. بصتلها ومش عرفه تعمل ايه علشان تقنعها وبعدين فكرت وقالت ديما انا ممكن اخلي ماجد يطلق ريهام ويكتبلك كل حاجه يملكها بس ارجعي البيت انتي وسيف نفسي اضمه لحصني
ديما. مش هنولهالك ابدا
نبيله. دموعها نزلت غصب عنها
ديما. شرفتي يا نبيله هانم
نبيله. بصت ل سيف اللي حته من ابنها ودموعها ذادت وعرفت ان ديما خلاص مش هتخليها تلمسه التفتت ومشيت
ديما. قفلت وراها واتنهدت وقالت بسهوله كدا عوزاني انسي وجعي وحرقة قلبي منك ومن ابنك وحضنت ابنها بكل ما فيها
وبعد بعض الوقت
نبيله. روحت بيتها وهي ف حاله لا يرثي لها
ريهام. ماما مالك
نبيله. بدموع قالت مفيش

ريهام. ماما انتي بتعيطي مالك فيكي ايه تعبانه
نبيله. بتعيط وخلاص
ريهام. زعلت علي حالها رغم قوتها وجبروتها الا انها منهاره فعلا طبطبت عليها وبعدين اتصلت علي ماجد وقالتله
ماجد. ازاي يعني بتعيط ومش بتتكلم
ريهام. والله ما عرفه انا حاولت اعرف بس هي بتعيط وخلاص
ماجد. طيب انا كنت رايح ل بابا المول وخلاص وصلت اهو هجيبه واجي وانتي خلي بالك منها
ريهام. حاضر وقفلت
ماجد. ياتري ايه اللي حصل يا ماما ودخل المول واخد ابوه وخرجو بسرعه
ابوه. اهدي يابني مش كدا هتموتنا
ماجد. ماما ريهام بتقول انها تعبانه قوي
ابوه. ربنا يستر وكان قلقان
ريهام. عملت عصير وقالت ماما اشربي دا علشان تهدي
نبيله. مليش نفس سبيني ف حالي
ريهام. طيب بس قوليلي مالك
ماجد وابوه. دخلو واتفاجئو بشكلها اللي يحزن
ماجد. جري عليها ومسك ايدها وقالها ماما مالك فيكي ايه وليه عامله كدا قومي اوديكي لدكتور
نبيله. بدموع وشهقات قالت شوفته شوفته
ماجد. مين دا

امه. سيف ابنك حتك منك يا ماجد
ماجد. اتنهد وعرف سبب زعلها بالشكل دا
امه. اول ما شوفته خطف قلبي وخصوصا شكله شبهك بالظبط وحلو حلو قوي قوي كنت هموت عليه
ماجد. طيب اهدي يا ماما
امه. روحي كانت هتطلع عليه والمسه
ماجد. بصلها واستغرب
امه. للاسف ديما مخلتنيش المسه ولا اخده ف حضني برغم دموعي لها
ابو ماجد. متزعليش منها يا نبيله البنت مجروجه اعذريها
نبيله. وانا مين يعذرني حفيدي وهموت عليه مستنياه بقالي سنين ووقت اشوفه اتحرم منه كدا ليييه
ماجد. اهدي يا ماما وانا جيبهولك لحد عندك
امه. مش هتوافق ديما اتغيرت قوي
ماجد. هرجه هو وامه
امه. مكنتش متخيله ان ديما بقت كدا انا عرفه انها قويه بس مش بالقوه دي ولا بالجمود دا
ماجد. معلش يا ماما هي تعبانه
امه. بدموع قالت كان نفسي اضم سيف لحضني كنت هتجنن وابوسه روحي كانت هتطلع عليه وانا شيفاه ومش قادره المسه
ماجد. حقك عليا يا ماما صدقيني هجيبه واحطه جوا حضنك وتشبعي منه كمان
نبيله. امته بس
ماجد. الصبر يا ماما الصبر
نبيله. تخيلو اني قولت ل ديما اني مستعده نتنازل لها عن شئ نملكه بس تسيب سيف يتربي عندنا وهي رفضت
ماجد. اييييه وبعدين قال ليه قولتي كدا يا ماما انتي بتسوميها علي ابني يا ماما حرام حرام عليكي انا مصدقت القيها
نبيله. اللي حصل بقا انا كنت عاوزه الولد ف حضني باي طريقه وهي عنيده ومش بتديني فرصه اكلمها قولت كدا
ماجد. استغفر الله العظيم ربنا يستر بقا

ابوه. اهدي يابني
ماجد. قعد وبيفكر ازاي يتكلم مع ديما ويصلح اللي امه عملته وخصوصا انو عارف اسلوب امه
وتاني بوم
ديما. لبست وجهزت ابنها وبس فتحت الباب لقت
ريهام. ببتسامه قالت صباح الخير
ديما. ريهااام وابتسمت
ريهام. حضنتها وقالت وحشتيني قوي ياديما
ديما. وانتي كمان يا حبيبتي وبعدين مالت علي سيف وقالت قلبي انته وباسته وقالت ياتري هدخليني ولا
ديما. اخص عليكي دا انا اديكي مفتاح شقتي اتفضلي حبيبتي
ريهام. انتي كنتي خارجه
ديما. ايوا كنت رايحه الشركه
ريهام. طيب انا مش هعطلك انا كنت جايه اشوفك واتطمن عليكي انتي والقمر سيف
ديما. تعطليني دا ايه احنا خلاص هنقعد مع بعض انهارده
ريهام. تسلميلي ياديما واخدت سيف الولد مكنش راضي
ديما سيفو حبيبي روح ل ماما ريهام وقالتلها استني وجابت لعبه وقالتها خدي ادهاله ولعبيه بيها
ريهام. فعلا اخدتها واخدت الولد فعلا وفرحت قوي لما ديما قالت ماما ريهام
ديما. نورتيني وراحت عملت عصير
ريهام. يا بنتي مش عاوزه حاجه تعالي
ديما. اهو جيت يا ستي
ريهام. قالت وبعدين يا ديما
ديما. ريهام علشان خاطري بلاش تفتحي الموضوع دا انا تعبت منه وقلبي محروق بما فيه الكفايه
ريهام. ديما ماجد بيحبك وهيتجنن عليكي وكمان علي ابنه والله ما ارتاح من بعد ما مشيتي من يومها وهو ف دنيا غير الدنيا وطلق داليا علشانك بس لانها اتكلمت عنك بغل وغيره قدامه ومش بيسكت لامه لو جابت سيرتك
ديما. ميهمنيش وداليا هي الوحيده اللي كانت تستاهل تقعد مع ماجد وامه علشان تربيهم
ريهام. ابتسمت وقالت ابدا والله ماجد غلط لما اتجوزها وهو بنفسه معترف بكدا بس كان خلاص اتجوزها وبقا أمر واقع ومش هيطلقها من غير سبب حتي لما فرض عليها متخلفش هي وافقت وهو مكنش متوقع كدا بس اللي حصل وعموما انسي داليا وأرفها وخلينا ف دلوقتي لو انتي حابه اني امشي من حياتك انتي وماجد انا هعملها بقلم نور عصام
ديما. ريهام ميت مره اقولك مشكلتي مش انتي انا مستحيل كنت اتجوز واحد متجوز واخطفه من مراته بس الظروف كانت غير وانا وافقت بناءا علي موافقتك وحبيتك من اول مره شوفتك فيها وعذرتك
ريهام. طيب ليه مش بتنسي وتسامحي وترجعي بيتك

ديما. ماجد جرحني وخبي عني انو متجوز غيرك وامه كمان بدل ما تحاول تهدي الموضوع وتداري علي عمايل ابنها لااا وقفت ف صفه ف الغلط وعاملني بطريقه تكسر وتحرق القلب
ريهام. تعرفي لما ماجد اتجوز داليا قلبي وجعني قوي وحسيت اني ست ناقصه ومش كامله وخصوصا بعد عمايلها فيا وكلامها ليا وماما كانت بتشوف كل دا وتسكت وانا كنت كل اللي بعمله ادخل اوضتي واعيط بس بصراحه ماجد كان بيجي ويراضيني وكان بيبقي عارف افعال داليا وكلامها معايا و
ديما. قاطعتها وقالت ريهام اوعي تقولي علي نفسك ناقصه ومش كامله انتي مغلطتش ف حاجه انتي تزعلي من نفسك لما تقصري مع جوزك ومع اهله لكن اللي فيكي دا بارادة ربنا واللي بايد ربنا احنا منتحاسبش عنه لكن نحاسب ونتحاسب علي افعالنا وعلي اهمالنا لو كنا اهمالنا وقصرنا اما بالنسبه ل داليا ف دي كانت حجه ل ماجد يبعد بيها شويه عنك لحد ما يستعيد وعيه تاني واكيد يسكت امه من زنها عليه لانها مليون ف الميه كانت بتقوله اتجوز بس اللي زعلني منه انو اتجوزها وخلاص كان عاش معها طبيعي وخلف لكن هو خدع وظلم الكل وغلطتك الوحيده انك وافقتي انها تزعلك وتقهرك كان مفروض تردي عليها وتوقفيها عند حدها لكن استسلمتي وداويتي جروحك بكلمتين من ماجد ودا غلط واللي بتحاولي توصلهولي من ناحية ماجد انا مش مقتنعه بيه
ريهام. ديما صدقيني ماجد مش وحش ماجد قلبه طيب جدا بس الشيطان لعب بدماغه شويه وبعدين اهو فاق وندم
ديما. بعد فوات الآوان وفونها رن فتحت وقالت ببردو ايوا
ماجد. ايه الرخامه دي
ديما. اتنهدت وقالت خير يا فندم
ريهام. يا خلاصي عالقمر ياناس وبتلاعب سيف وهو بيضحك
ماجد. سمع صوتها وقال بهمس ريهاااام
ديما. انت يا استاذ انته عاوز ايه
ماجد. هكون عاوز ايه يعني الشغل يا ست هانم
ديما. مش جايه انهارده
ماجد. مفيش حاجه اسمها مش جايه انتي موظفه ف شركه محترمه وف شغل لازم انتي اللي تعمليه
ديما. اعتقد من حقي اخد اجازه عارضه ولا ايه يا مديري

ماجد. قدامك ساعه وتكوني هنا ولازم تيجي
ديما. بأرف قالت مع السلامه وسيف اخد منها الفون بقوه
ريهام. حبيبتي يا سيفو سيب الفون ل ماما
ديما. خلاص انا خلصت
ماجد لسه معهم عالخط وطبعا عرف انها اتأخرت بسبب ريهام
ريهام. طيب انا هقوم امشي وانتي روحي شغلك
ديما. مش رايحه وخلي ابن نبيله يتفلق
ريهام. ههههه اه لو تسمعك
ديما. تسمعني والله لوريه هو امه الحرباية دي
ماجد. حربايه يا ام لسان عاوز قطعه
ريهام. ديما علشان خاطري ادي فرصه تانيه ل ماجد
ديما. ريهام خاطرك غالي عندي قوي بس انا خلاص ماجد دا صفحه سوده ف حياتي وانا قفلتها بكل ما فيها
ريهام. طيب علشان خاطر سيف حقه يا ديما حقه يتربي ف حضن ابوه وخصوصا ان ابوه متمسك بيه وعاوزه
ديما. سيف مش اول واحد يتربي بعيد عن ابوه وانتي عرفه
ريهام. ديما اهدي وفكري بالعقل سيف لازم يتربي ف بيته بيت ابوه وجده والله لو شوفتي ماما هتصعب عليكي
ديما. نعم بعد اللي عملته فيا وكمان لسه هتصعب عليا دي تغور ف داهيه هي وابنها علشان خاطرها انتي مشوفتهاش وهي بتساومني علي ابني دا انا عمري مهسامحها ابدا
ريهام. والله ياديما من وقت رجعت من عندك وهي مقهوره وقلبها هيوقف انا حسيت بيها نبيله بكل قوتها وجبروتها اتهدت قصاد نظره من سيف كل حصونها انهارت مجرد شافت سيف ابن ابنها اللي اتمنه سنين اوعي ياديما تحرميها منه انا مش هنكر انها غلطانه لكن بردو هي ام وكل همها مصلحة ابنها ايا كانت بقا الطريقه المهم ابنها وخلاص سامحيها ياديما
ديما. مقدرش للاسف انا اتعلمت منها الجحود
ريهام. كلام بتقوليه من ورا قلبك انتي ديما البنت الطيبه ام قلب ابيض انا عرفه ومتأكده انك لسه بتحبي ماجد لكن موجوعه وطبعا معاكي حق بس خلاص هو اتوجع اكتر منك ببعدك عنه ديما فراقك صعب قوي علي ماجد متزودهاش بفراق سيف كمان
ديما. دموعها نزلت
ريهام. حضنتها وقالت لو بتعتبريني اختك اسمعي كلامي المره دي بس وصدقيني مش هتخسري
ديما. ريهام ارجوكي متجيش عليا انتي كمان

ريهام. والله معاكي وعمري ما اجي عليكي ومن انهارده انا هبعد عنك انتي وماجد بس انتي ارجعي
دبما. حضنتها بقوه وقالت لا لا يا ريهام انا مقدرش استغني عنك انتي ملكيش ذنب ف اي حاجه انا اللي مش قادره اسامح وانسي انا اللي تعبانه قوي ومش هقدر صدقيني
ريهام. حاولي يا حبيبتي حاولي علشانك وعلشان ابنك وماجد اللي هيموت عليكم وطبطبت عليها
ديما. مسحت دموعها وماردت
ريهام. انا هقوم امشي وانتي يلا علي شغلك بس هطلب منك طلب واتمني متكسفنيش
ديما. ريهام انتي تؤمري
ريهام. سيف انا هاخده معايا البيت ماما هتموت عليه
ديما. لأ
ريهام.انا بنفسي هجيبه تاني هنا او ف الشركه بس علشان خاطري خليها تشوفه اوعي ياديما تبقي قاسيه زيها خليكي انتي غيرها ديما الطيبه الحنونه اللي عمرها متكسر خاطر حد ابدا ماما حالتها فعلا تعبانه وبعدين قالت بتخلصي شغل الساعه كمان
ديما. خامسه سته كدا يعني
ريهام. تمام الساعه خامسه هكون هنا ب سيف
ديما. ريهام لو سيف جه البيت ماجد وامه مش هيسبوه وهندخل ف مشاكل تانيه احنا ف غني عنها كفايه لحد كدا
ربهام. وعد مني ارجعلك سيف زي ما اخدته بس وافقي
ديما. ماشي يا ريهام بس اخلص شغل بتصل عليكي وبصتلها وقالت ربهام اوعي تحطيني قدام الامر الواقع صدقيني وقتها هتخسرينا وانا مش هسكت لاي حد
ريهام. قولتلك اطمني ياديما ويلا علشان متتأخريش
ديما. طيب خدي دا لبن ل سيف وكمان دا داو
ريهام. ديما سيف رايح بيت ابوه وجده يعني بيته معقول تديني اكله ليه كدا يا حبيبتي سيف صاحب البيت والشركه والمول وكل حاجه
ديما. ابني مش محتاج حاجه من حد ولو مش هتاخدي اللبن بتاعه وكل طلباته مش هيروح معاكي
ريها. ياساتر خلاص هاتي
ديما. ودا الدوا بتاعه
ريهام. هو تعبان
ديما. لا يا حبيبتي دا دوا كاليسوم علشان السنان بس ادهوله بعد ساعتين ودا كمان غيار ليه علشان الشوكلاته يعني لو بهدل نفسه ولا حاجه ابقي غيريله
ريهام. لا لا انا حابه اشتري ل سيفو لبس وانا ماشيه
ديما. انا قولت انتي مش نافعه معايا هاتي ابني وكل واحد يروح لحاله ومالت عالولد تاخده
ريهام. يابنتي دي فلوسي انا متخافيش
ديما. والله علي اساس ماجد مخليكي تشتغلي
ريهام. طيب علشاني انا بجد هتجنن واشتري لبس ل سيف بشوف لبس الاطفال هتجنن عليه
نور عصام. يارب ارزق الجميع الذريه الصالحه يااارب

ديما. حست بيها قالت تمام بس وقت ارن عليكي
ريهام. مفهوم يا ماما وكانو نزلو تحت البيت وريهام كانت فرحانه ب سيف
وبعد بعض الوقت
ريهام وصلت البيت ودخلت اوضة نبيله وقالت ماما ماما
نبيله. ربهام روحي انا تعبانه وعاوزه انام
ريهام. ابتسمت وقالت طيب قومي شوفي مين جاي يزورك
نبيله. ريهام انا مش فايقه لحد
ربهام. خلاص علي راحتك يا تيتا وقالت يلا يا سيف تيتا مش عاوزه تشوفك
نبيله. بس سمعت كلامها التفتت وقامت من السرير وهي قلبها هيوقف من الفرحه ومش مصدقه انها شايفه سيف قدامها
ريهام. راحت وحطته بين ايديها وقالت سيف اهو حفيدك اهو
نبيله. بدموع باسته وحضنته بقوه
ربهام. براحه يا تيتا عالواد امه هتموتنا
نبيله. ديما هي فين
ريهام. راحت الشركه
نبيله. يعني هترجع البيت
ريهام. للاسف لأ بس ان شاء الله قريب وقالت استنو بقا نتصل علي جدو كمان علشان يحي ويشوف سيف حبيب جدو
في الشركه
ماجد. طبعا كان سمع كل الحوار اللي دار بين ديما وريهام وبس نزلو قفل وفرح جدا انو سيف عندهم ف البيت وديما قلبها ابتدي يلين ودا فرحه اكتر
ديما. دخلت وقالت ازيك يا سلمي
سلمي. اهلا ديما ايه التأخير دا كله وفين سيف
ديما. معلش كان عندي ضيوف وسيف عند جدو
سلمي.جدو
ديما ايوا وبلاش الفضول دا بعدين بقولك بس دلوقتي هشوف الشغل المتأخر ومشيت وسابتها بقلم نور عصام
ماجد. سمع صوتها وخرج وراح علي مكتبها ومعه ملف
ديما. بصتله بأرف وما اهتمت
ماجد. اتعصب وبعدين حاول يهدي وقالها سيف فين
ديما. مش شغلك
ماجد. اومال شغل مين

ديما. ابني وانا حره فيه
ماجد. لأ لحد هنا ومش هسمح دا ابني ولولا وجودي مكنش جه وغمزلها بعينه
ديما. رفعت حاجبها وقالت اكبر غلطه بالنسبه ليا وعموما خلينا ف الشغل خير جاي عندي ليه
ماجد. حط قدامها الملف وقالها راجعي الملف دا علشان بس ارجع الاقيه جاهز
ديما. ببردو قالت طيب
ماجد. مال عليها وهمس جنب ودنها وقال انا سايبك بمزاجي

ديما. مش بمزاجك وطلاقي منك قريب إن شاء الله
ماجد وقريب ليه ياروحي شوفي الوقت اللي يناسبك وانا انفذ وقتي انا مستحيل ارفضلك طلب ومشي
ديما. قلبها وقع ف رجليها وخافت يعرف انو سيف عندهم وبكدا ممكن ياخده منها قامت و…… يتبع
تفتكرو ماجد فعلا ممكن ياخد سيف
وايه هيكون رد فعل نبيله بعد ما سيف بقا بين ايديها

• لقراءة الفصل التالي : اضغط هنا
• لقراءة باقي حلقات الرواية اضغط على (رواية بعد الفراق)