رواية لعبة الغدر الفصل الرابع 4 بقلم محمد منصور

رواية لعبة الغدر الفصل الرابع 4 بقلم محمد منصور

رواية لعبة الغدر البارت الرابع

رواية لعبة الغدر الجزء الرابع

رواية لعبة الغدر الحلقة الرابعة

**الحلقة الرابعة**
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
‏
ومن جوة شقة سالم ترقد زينب علي سريرها وهي تربط دماغها بقطعة من الشاش والدم باين من تحت الشاش وجنبها تقعد بنتها الصغيرة فتسمع زينب صوت خبط علي باب الشقة فتبص لبنتها مسرعا وتقول
قومي افتحي بسرعة.
فتخرج بنت زينب جري من الاوضة ولا يمر سوي لحظات حتي يدخل الاوضة رشدي فتقول له زينب بلهفة
لقيتة يا رشدي
رشدي وهو بيقعد علي كرسي موجود في الاوضة وبيهز دماغة باشارة معنها لا. فتلطم زينب علي وشها وتقول وهي بتعيط
يادي المصيبة السوداء. هايكون راح فين بس
رشدي
اهدئي يا زينب مش كدة. انا كلمت عجمي ابن خالتي وهو هايدور علية بمعرفتة
زينب
انا حاسة اننا مش هنلاقي المرة دي يا رشدي قلبي مقبوض. سالم المرة دي كان بيقول انا رايح لعماد. شكلة عمل حاجة في نفسه
رشدي بحزن
أن شاء الله خير وعجمي يلاقي
ثم يسكت رشدي للحظات ويقول
زينب هو انتي بتقولي انه قال انا رايح لعماد
زينب
اة هو قال كدة
فيقف رشدي مسرعا فتقول زينب

-***-

زينب
رايح فين
رشدي
رايح اشوفة مكان ما حصلت الحادثة ممكن يقصد بانه رايح لعماد انه يروح له مكان ما مات
فتحاول زينب النزول من فوق السرير وهي تقول
طيب استني هالبس واجي معاك
رشدي
انتي قادرة تقومي من مكانك خليكي هنا مع بنتك. وانا هاطمئنك بالتيلفون لو وصلت لحاجة
ويخرج رشدي من الاوضة مسرعا،،،،،،،
من قدام المستوصف تقف عربية جابر وينزل منها عزت وجابر وهم شيالين سالم المتخدر ويدخلو بي المستوصف ،،،،،،،
ومن جوة مكتب نصر يقف نصر قدام سالم ويتفحصوا ومن وراء منه يقف جابر وعزت فينتهي نصر من فحص سالم ويبص لعزت وجابر ويقول
برافو عليكم. مين فيكم صاحب فكرة انكم تصطادو المتسولين
عزت بتباهي
هي فكرة زي دي هاتطلع من حد غيري
نصر
علي رايك جابر دة كبيرة يسند معاك
جابر بغيظ
أنا بصراحة مش واطي اوي زيكم انتو الاثنين علشان تطلع مني فكرة خبيثة زي دي
فيضحك نصر ويبص لعزت اللي كان بيضحك وبيقول
انت واطي زينا بس غبي
نصر
خلصتو وصلة الردح ممكن بقي نتكلم في الشغل
جابر
يبقي احسن. هاتدفع كام بقي
نصر
15 الف جنية
عزت
بقول لك اية 30 الف.
نصر باستهزاء
30 الف. عارف يا بابا الباب اللي انت دخلت منه.
ويشاور علي سالم ويكمل قائلا
خد الزبالة دي واخرج انت وصاحبك

-***-

جابر
مالك بس يا دكتور قفشت لية
نصر
قفشت من كلام صاحبك المستفز.
نصر لعزت
اسمع يا عزت لو انت واطي قيراط انا واطي فدان. وانا ما قولتكش اني عايز جتت دلوقتي انت اللي جيت ومعاك صاحبك وقولت لي عايزين نشتغل معاك
عزت
واحنا علشان جينا ليك برجلينا تشتري وتبيع فينا
نصر
الكلام مات. هما 15 الف عجبك سمعني امين مش عجبك وعندك اللي ياخد منك ب30. خد اللي انت جايبة معاك دة وامشي
فيبص عزت لجابر ويقول جابر
خلاص بقي يا عزت. قول امين
عزت بغيظ شديد
أمين
ومن تحت كوبري اكتوبر. وقدام الرصيف اللي كان نايم علية سالم يقف رشدي مع فتاة في 18 من عمرها وهي بائعة ورد وتنام تحت الكوبري الموجود في الشارع وتدعي نعمة وتقول له
الراجل اللي انت ورتني صورتة كان نايم النهاردة علي الرصيف دة انا شايفة بعينية من ساعة
فيبص رشدي للرصيف الفاضي ويقول
طيب راح فين بس

-***-

نعمة
ماعرفش
في هذة اللحظة يقف خلف رشدي الشاب الذي راي جابر وعزت وهم بياخذوا سالم وهذا الشاب يدعي ياسر فيقول لرشدي
باشا انت بتسال عن الراجل اللي كان نايم هنا
فيبص له رشدي ويقول
رشدي
ايوه. ماتعرفش هو فين
ياسر
في اتنين رشو حاجة في وشة وشالو وحطو في عربية
رشدي باستغراب
مين دول ولية عملو كدة
ياسر
والله ماعرف يا باشا
رشدي
الكلام دة حصل امتي
ياسر
من ساعة تقريبا
رشدي
ماتعرفش مين الاتنين دول
ياسر
اول مره اشوفهم يا باشا بس انا حفظت شكلهم ونمره العربية بتاعتهم

-***-

رشدي
طيب قول النمره بسرعة
ياسر
57 3 57 ملاكي القاهرة
اخرج رشدي الموبيل بتاعه مسرعا واتصل بعجمي وانتظر للحظات حتي رد عجمي
صوت عجمي
ايوة يا رشدي
رشدي
عجمي اخويا سالم في ناس خدوا من تحت الكوبري ودي رقم العربيه اللي كانوا ركبنها 57357 ملاكي القاهرة
عجمي
وانت عرفت ازاي الكلام دة
رشدي
انا واقف مع واد وبت شافو اخويا سالم واتعرفو علي صورتة. والواد اللي معايا شاف اللي خدوا اخويا سالم
عجمي
طيب هات العيلين دول وتعالي بيهم علي القسم علشان يوصفوا شكل الاثنين دول
رشدي
خلاص ماشي. بس انجز واعرف لي مين صاحب العربية دي
عجمي
ماتقلقش مش هايطلع النهار الا وانا جايب لك قرار ام العربية دي وقرار صاحبها
وينهي رشدي المكالمة ويبص لنعمة وياسر ويقول لهم
عايزكم تيجو معايا القسم علشان توصفو للظابط شكل الاثنين اللي خدوا الراجل اللي كان هنا
فيبص ياسر لنعمة خائفا ويقول
قسم لا. انا ماليش دعوي
ويجري سالم مسرعا فيبص له رشدي ثم يبص لنعمة ويقول
هو خايف من القسم لية

-***-

نعمة
اصله يا باشا لسة خارج من الاصلحية وبيخاف يخش اقسام خالص
فيجري رشدي وراء الشاب وهو يقول
استني يلا ما تخفش
**اللي عايز يتابع القصة دي كاملة هيلاقيها صوتية علي اليوتيوب قناة حكايات منص ومي **
ولكن ياسر لا يقف ورشدي يجري وراء منه باقصي سرعة وياسر يدخل من شارع لاخر بمنتهي السرعة ورشدي وراء منه ودارت مطاردة حامية بين رشدي وياسر اللي بيجري وسط العربيات بمنتهي السرعة ورشدي بيحاول اللاحق به
ومن شارع اخر ينطلق ياسر في الشارع باقصي سرعة ورشدي وراء منه الي ان يقفز ياسر دون ان يراة رشدي بداخل شقة من الشقق المهجورة في الدور الارضي في عمارة يعرفها ياسر وعدي رشدي علي العمارة وهو لايزال يجري ويخرج ياسر راسة من شباك الشقة ويبص ناحية رشدي اللي ابتعد فيتنهد ياسر الصعداء ولايمر سوي لحظات حتي تنضم له نعمة فيتخض ياسر ويقول لها مفزوعا
هو انتي
فتقعد نعمة بجانبة وهي تقول
ممكن اعرف انت لية عملت كدة

-***-

ياسر
انتي عايزا نشال يروح برجلة للقسم
نعمة
وهي يعني الحكومة تعرف انك نشال. انت صفحتك بيضاء
ياسر
برضو ماروحش ليهم برجلي
نعمة
حرام عليك الراجل قلبة محروق علي اخوة
ياسر
بقول لك أية. انا مش هاخش اقسام. خلصانة. ،،،،،،
ومن داخل بيت مطاوع يقف شناوي وسط الدوار ومعه جيهان وجميلة وكانت جيهان ترتدي فستان اسود وتبص لشناوي اللي كان بيعيط وتقول له
ما توحد الله يا شناوي. عمك ان شاء الله دلوقتي في مكان احسن
شناوي
مش مصدق أني دخلت البيت بتاعه وهو مش موجود
جيهان
شناوي. دي ارادة ربنا ولازم ترضي
شناوي
الله يرحمك يا عمي مطاوع
وفجاة يسمعا الاثنين صوت خبطة جاية من اوضة النوم بتاعت مطاوع فتفزع جيهان وتبص ناحية شناوي وتقول له
شناوي. هو في حد في البيت
شناوي
حد مين بس وعمي كان عايش لوحدة
جيهان
اومال اية الصوت دة
فاستعد شناوي للذهاب ناحية باب الاوضة ولكن جيهان تمسك ايدة وتقول له
رايح فين
شناوي
هاخش اوضة عمي اشوف مين اللي جوا
جيهان خائفا
بلاش وتعالي نروح

-***-

شناوي
نروح فين بس في ساعة متاخرة زي دي واروح واسيب بيت عمي
ويبعد شناوي ايد جيهان عن ايدة ويذهب ناحية باب الاوضة فيفتح باب الاوضة من الداخل ويخرج من الباب شاب ملثم ويدفع شناوي بمنتهي العنف بعيد عن طريقة لدرجة ان شناوي وقع علي الارض وخرج هذا الملثم من البيت مسرعا فتصرخ مستنجدة باي احد يسمعها وتذهب ناحية شناوي مسرعا لكي تطمئن علية فتقول له
شناوي انت كويس
شناوي
انا بخير،،،،،،،،

-***-

ومن امام بيت مطاوع يخرج الملثم جري من البيت فيراة رجل في الاربعينات من اهل البلد يدعي حسين فهجم علية وامسك به بمنتهي القوة ورفع الكوفية عن وشة اللي كان متلثم بيها ليجد شاب في منتصف العشرينات من عمرة ويدعي عوض فبص حسين لعوض وقال باستغراب
ولا يا عوض خارج بتجري لية من بيت عمك مطاوع في ساعة متاخرة زي دي خليت الناس اللي في البيت يصرخوا
فييص له عوض ويبكي ولا يرد فيقول حسين بحزة
انتي هاتعيط زي النسوان قول يا ولا كنت بتعمل اية جوة.
عوض
ما كنتش بعمل حاجة يا عم حسين وسابني خليني امشي
حسين
بقي كدة. طيب انجر قدامي بقي لما ندخل البيت ونشوف انت كنت بتعمل اية جوة
عوض وهو يحاول الافلات منه
لا ابوس ايدك بلاش والنبي

-***-

حسين
يبقي كنت بتعمل مصيبة. وبتعملها فين في بيت عم مطاوع الراجل اللي رباك
عوض ببكاء شديد
سايبني امشي والنبي. امي تعبانة وعايز ارجع لها
في هذة اللحظة يخرج من البيت شناوي ومعه جيهان بعد ماسمعه صوت الحوار اللي بين عوض وحسين،،،،،،،
ومن داخل بيت مطاوع يجلس حسين مع شناوي وامام منهم يقف مطاوع ووشة في الارض وحسين يقول له بحدة
يا قليل الاصل. تيجي تسرق عم مطاوع ولي نعمتك وامتي يوم دفنتة بالليل. واية اللي عند عم مطاوع يتسرق
فيبص له عوض والدموع في عيونه فيكمل حسين قائلا
احنا لازم نتصل بالحكومة تيجي تاخدك
فينزل عوض عند رجل حسين ويبوسها وهو يقول
احب علي رجليك بلاش. أنا امي تعبانة وانا كنت بسرق علشان اجيب لها علاج
فيجعلة حسين يقف ويضربه بالقلم وهو يقول
تعالج امك بفلوس حرام. اية اللي حصل لك يا عوض انت عمرك ما كنت كدة
ويضربة كمان مرة فيقف شناوي ويمنع حسين من ضرب عوض وهو يقول
خلاص يا خال حسين. كفاية اللي هو في

-***-

حسين
انا هاتجنن. ازاي عوض يفكر يسرق ولي نعمتة هو انت فاكر علشان عم مطاوع كان بيحن عليك انت وامك يبقي عندة فلوس ياما. دة كان علي قد حاله
ويستعد ليضربة مرة اخري ولكن شناوي يمنعه فيقول حسين
انا لازم اتصل بالحكومة
ويخرج حسين الموبيل بتاعه ولكن شناوي يمسك ايدة ويقول
هاتتصل بالحكومة لية
حسين باستغراب
لية. علشان كان عايز يسرقك
شناوي
وانا مسامح
فبص عوض لشناوي وحسين قال
ازاي بس
شناوي
يا خال انا حر. وماعنديش حاجة اتسرقت
حسين باستغراب
خلاص طالما انت عايز كدة براحتك
شناوي
وعايز منك حاجة تاني. بلاش حد يعرف باللي حصل هنا
حسين باستغراب
ماشي. مش عايز مني حاجة
شناوي
ما تقعد تتعشي معانا
حسين وهو يتجة ناحية الباب يقول
حسين
الله يخليك. سلام عليكم
ويخرج حسين من البيت ويبص شناوي لعوض ويقترب منه وعوض يبص له خائفا ويقول
والله انا مش حرامي

-***-

شناوي
تحب تتعشي فراخ
عوض باستغراب
لا. انا عايز امشي علشان امي تعبانة
فيمد شناوي ايدة في جيبة ويخرج 300 ج
ويحطهم في ايد عوض وهو يقول
300 ج. كفاية
فيبص عوض للفلوس ويبص لشناوي باستغراب وينزل علي رجلة يبوسها وهو يقول
ربنا يخليك ويوسع رزقك انت ما تعرفش انا محتاج الفلوس دي قد اية
فيساعدة شناوي علي النهوض وهو يقول
روح اطمئن علي والدتك ومستنيك بكرة الصبح هنا نفطر سوي

-***-

عوض
من النجمة هاكون عندك
ويخرج عوض من البيت جري ،،،،،،،
من داخل اوضة نوم مطاوع تجلس جيهان اللي كانت بتابع كل اللي بيحصل من وراء الباب فيدخل عليها شناوي وهي تقول له
انت اية اللي عملتة دة. حرامي لقيتة في بيت عمك في ساعة متاخرة زي دي تسيبة يمشي وكمان تدي له فلوس. اية بتكافاة علي انه كان عايز يسرقنا
فيجلس شناوي علي السرير وهو يقول
الواد باين علية مش حرامي وفعلا بيسرق علشان امة تعبانة
جيهان
لا والله. قالو للحرامي احلف قال جاءلك الفرج. حرامي بيتمسك عاوزو يقول انه بيسرق لية الا علشان اي اسطوانة مشروخة من اللي احنا عرفنهم
شناوي
بس انا حاسس ان الواد دة طيب وما بيكدبش
جيهان
انت علشان طيب فاكر الناس كلها طيبة زيك لا يا شناوي في حوالينا ناس الحيونات في قلوبهم رحمة عنهم
شناوي
ربنا يكفينا شر دول.
جيهان
وبعدين تعالي هنا. انت فاكرة انه هايجي لك الصبح هنا
فيبتسم شناوي
هايجي علشان هو مش حرامي
فيفرد شناوي جسمة علي السرير فتقول له جيهان وهي بتبص ناحية الخزنة الموجودة في اخر الاوضة
مش هاتقوم تفتح الخزنة وتشوف اللي فيها ليكون الواد دة سرق منها حاجة
فيبص شناوي ناحية الخزنة وهو يقول
الخزنة مقفولة قدامك اهه هو كان بيخبط فيها علشان يفتحها وماعرفش
جيهان
معني كدة ان الواد دة عارف باللي في الخزنة

-***-

شناوي
اكيد
جيهان
طيب احنا لازم نشيل الفلوس والاوراق دي من الخزنة
شناوي
نامي يا جيهان والصباح رباح. ،،،،،،،
مكتب عجمي ورشدي يجلس قدام عجمي ويبص له ويقول
يعني اية عربية مسروقة
عجمي
يعني عربية مسروقة. وصاحبها مقدم بلاغ من 15 يوم
رشدي
يعني كدة اللي خطف اخويا فلت بعملتة
عجمي
ماهو الواد اللي شاف الاتنين اللي خطفو اخوك لو ما كنش هرب منك كنا قادرنا نرسم اللي عملو كدة من الوصف بتاعه
رشدي
يعني ملهاش حل يا عجمي
عجمي
كل حاجة وليها حل وانا مش ساكت ومش هاسكت الا لما اوصل لحكاية العربية دي وكانت مع مين في الليلة اياها واللي كانو فيها. لية خطفو سالم ،،،،،،،،
من داخل مكتب شناوي وجابر وعزت في المصلحة يجلس عزت قصاد جابر ويقول له
اومال الاهطل مجاش لية النهاردة

-***-

جابر
هو انت ما تعرفش ان عمه مات امبارح وهو خد اجازة اسبوع
عزت
لا. بجد عقباله
جابر
يا عم بقي شيل شناوي من دماغك
عزت
ازاي بس وهو واقف بيني وبين القمر
ويرفع عزت سماعة التيلفون ويتصل برقم بيت شناوي فيقول له جابر
اكيد مع شناوي في العزاء
فيضع عزت السماعة بمنتهي الغضب ويقول
وهي لية تروح معه
جابر ضاحكا
وانت مالك يا حشري. واحدة مع جوزها معقولة هاتسيبة في ظرف زي دة
عزت
لا مالي ونص انا لازم افرق بينها وبينه كفاية علية اوي بقي لغاية كدة
جابر
بقول لك اية هو اللي خلقها ماخلقش غيرها
عزت بشر
خلق. بس ماخلقش في حلاوتها. وعلشان كدة كفاية اوي علي شناوي الكام سنة اللي عاشهم معها
جابر بقلق
عزت انت ناوي علي اية
عزت
ناوي اخلي شناوي يزور دكتور نصر وارتاح منه

-***-

جابر
انت اتجننت رسمي
عزت
انا لغاية دلوقتي عاقل لكن لسة الجنون جاي،،،،،،،
من بيت مطاوع يجلس شناوي في الصالة ويتناول طعام الافطار مع جيهان وجميلة ويسمعوا صوت خبط علي باب البيت فتبص جيهان لشناوي
ومين اللي جاي دلوقتي
شناوي
عوض
جهيان باستغراب
مستحيل
فيقوم شناوي ويتجة ناحية الباب ويفتحة ليجد عوض امامة وباصص في الارض مكسوف فقال له شناوي
حماتك بتحبك خش علشان تفطر معايا
عوض
تسلم يا عم شناوي. انا جاي بس علشان اقول لك ما تزعلش مني
شناوي
زعلان. بس هانسي اللي انت عملتة امبارح بعد ما تخش وتاكل معايا لقمة
فتسمع جميلة الحوار وتقوم هي وبنتها وتدخل الي اوضة مطاوع وتقفل الباب وراء منها ،،،،،،
من داخل اوضة مطاوع تقف جيهان وراء باب الاوضة لتسمع ما يقال فتقول لها جميلة
ماما انتي بتعملي اية
جيهان
استني بس يا جميلة لما اسمع ابوكي بيقول اية. وماله بيعامل الواد دة بحنية لية كدة ،،،،
من داخل صالة البيت يجلس شناوي ومعه عوض علي تربيزة السفرة ويبص شناوي لعوض ويقول
مستني اية متاكل
عوض
انت بجد طيب اوي كدة ولا انت عايز مني حاجة
فيحط شناوي لقمة فطير بعسل في بوقة ويبص لعوض وهو يقول
كل الاول علشان يبقي عيش وملح وبعد كدة نتكلم سوي
ويقطع شناوي حتة فطير ويمد ايدة بيها لعوض فيبص عوض للفطيرة وياخذها من ايد شناوي وياكلها،،،،،
من داخل اوضة مطاوع يجلس عوض وشناوي وامام منهم الخزنة ويقول شناوي لعوض
فهمت امبارح من كلام حسين معاك انك متربي علي ايد عمي وكنت معه ديما وكون انك تيجي لبيتة وتخش للاوضة اللي فيها الخزنة ف انت عارف ان عمي معه فلوس وفلوس كتير

-***-

عوض
صح. انا اعرف كل حاجة عن عمك مطاوع لاني ببساطة شغال معه في العقارات من وانا في ثانوي وماحدش في البلد يعرف بان مطاوع غني الا انا وهو أأتمني علي سرة دة وبقيت ابيع واحصل الايجارات باسم واحد تاني واجيبها هنا لعمك مطاوع وهو يشيلها في الخزنة قدامي
شناوي
واشمعني انت
عوض
علشان انا من صغري وانا شاطر في الحسابات واشتغلت مع سماسرة كتير في البلاد اللي حوالينا وعارف كل الاراضي اللي هاتخش كردون مباني من قبل ما تخش وعمك مطاوع كان مفهم اهل البلد اني بنظف له البيت واعمل له لقمة كدة يعني
شناوي
طيب يا عوض عمي قال لك ان كل الفلوس بتاعته كتبها باسمي
عوض
انا اللي جريت في ورق نقل الملكية في اخر ايام عمك. يا عم شناوي عمك ما كنش بيخبي عني حاجة كان بيعتبرني زي ابنه وانا ويعلم ربنا كنت بعتبرة زي ابويا اللي ماشفتوش. وقسما بالله العظيم اللي حصل امبارح دة كان،،،،،،
فيقاطعة شناوي قائلا
انسي امبارح احنا ولاد النهاردة وعايز اسالك سؤال وتجاوب علية بمنتهي الصراحة. فلوس عمي جاية من حلال ولا، ،،،،،
فيقاطعة عوض قائلا
حلال يا عم شناوي والله العظيم حلال دة عمك كان بيتاجر في الاراضي وعمرة ماقبل يدخل مبلغ حرام علي نفسه بس هو ماكنش بيحب اي حد يقرب منه علشان خاطر فلوسة وبس علشان كدة كبر وكبر في كار العقارات وطلع ياما فلوس لوجه الله من غير ما حد يعرف انها منه

-***-

شناوي
الحمد لله. كدة اقدر اقبل الفلوس دي وعيش منهم بنتي ومراتي ومصاريف علاج امك كلها علية انا
عوض فرحا
بجد
شناوي
الا بجد. كدة بقي اقدر افتح الخزنة
ويتجة شناوي ناحية الخزنة ويفتحها ليجد اوراق كثيرة وفلوس ملهاش اخر
من داخل مكتب عجمي يجلس عجمي علي مكتبة وكان معه رشدي فيرن مربيل عجمي فيرد قائلا
الو

-***-

ويسكت قليلا ثم يقول
الله عليك. اديني بقي العنوان بسرعة
ويمسك عجمي القلم ويكتب في ورقة امامه العنوان اللي اتقال له وينهي المكالمة ويبص لرشدي ويقول
لقينا ابن الكلب اللي سرق العربية. يعني كلها كام ساعة ونوصل للي خطف اخوك ،،،،،،
قهوة في منطقة شعبية وقدام باب القهوة يجلس شاب في الثلاثينات من عمرة شكلة سوابق ويدعي اوكا وكان يشرب شاي مع شيشة فيجلس بجانبة علي التربيزة اللي هو قاعد عليها كلا من عجمي ورشدي فيبص لهم اوكا باستغراب ويقول ببلطجة
قوم يا روح امك منك له. انا ما بحبش حد يقعد معايا
فيخرج عجمي مسدسة الميري ويصوبة ناحية اوكا ويقول
ولا احنا بنحب
فيترك اوكا الشيشة ويرفع ايدة لفوق خائفا،،،،،،
من الاوضة السرية الخاصة بدكتور نصر ينام سالم علي طاولة التشريح وهو مخدر ونصر يقف امام منه ويمسك بمشرط التشريح ويتجة به ناحية جسم سالم ويستعد لاخراج الكلية منه ولكنة يسمع صوت خبط علي باب الاوضة فيصدم ويخاف. ،،،،،،،

يتبع …

لقراءة الفصل التالي : اضغط هنا

لقراءة جميع فصول الرواية اضغط على ( رواية لعبة الغدر )