روايات

رواية هذه ليلتي الفصل الثالث والعشرون 23 بقلم نجمة براقة

رواية هذه ليلتي الفصل الثالث والعشرون 23 بقلم نجمة براقة

رواية هذه ليلتي البارت الثالث والعشرون

رواية هذه ليلتي الجزء الثالث والعشرون

هذه ليلتي
هذه ليلتي

رواية هذه ليلتي الحلقة الثالثة والعشرون

يامن بيدخل بيت صلاح ومعاه البوليس
يامن ببرود _ ازيك يا صاصا امال فين مراتي
صلاح بخبث_ مراتك موجوده ياحبيبي ايه مجتش خدتها ليه
يامن_ علشان انت خاطفها مني
صلاح بحزن مفتعل_ في حد يخطف بنته.. في ايه ياحضرت الظابط
الظابط _ معانا بلاغ انك خاطف مرات الراجل ده
صلاح _ دي انا اللي مربيها هخطفها ازاي
الظابط _ هي فين
صلاح _ حالا اندهالك.. ليلي تعالي ياحبيبتي
ليلي بتيجي _ نعم يا بابا
يامن _ بابا مين
صلاح _ تعالي ياحبيبتي كلمي حضرتك الظابط
ليلي _ افندم
الظابط _ الراجل ده خاطفك فعلآ
ليلي _ لا انا جيت بيت بابا عادي مين اللي قالكم كده
يامن بانفعال _ انتي بتقولي ايه دي بتكدب هو مهددها
صلاح _ بلاش اتكلم انا اهي قدامكم انا مهددك يابنتي
ليلي _ لا

 

 

صلاح _ شوفت يافندم
الظابط _ لو خايفه منه انا ممكن احبسه
ليلي _ انا بقول الحقيقه
صلاح _ شوفت حضرتك .. بقا كده يا يامن بعد ما اقولها مينفعش تطلقي منه وبكره ربنا يهديه تيجي وتجيب لعمك البوليس
يامن _ ليلي اتكلمي مش هيقدر يعملك حآجه
ليلي بدموع_ اتكلم اقول ايه اكدب يعنى
يامن _ مش هنلاقي فرصه تانيه عشان نحوشك من تحت ايده اتكلمي
ليلي ببكاء_ انا عاوزة اطلق. مش هسيب بابا واجي معاك خليه يطلقني يا بابا
صلاح يحضنها وبحزن مفتعل _ خراب البيوت مش سهله يابنتي بكره ربنا يهديه
يامن يشدها منه بغضب وبتحذير _ متلمسش مراتي
صلاح_ شوف حضرتك بيتعامل معاها ازاي علشان كده هي سابت البيت مقدرش تستحمل
الظابط_ انا ممكن اعملك محضر بتهمت التعدي عليها
يامن _ محضر ليه انا.. هو اللي خاطفها
الظابط_ وهي بتقول مش خاطفها
يامن بترجي_ ليلي علشان خاطري اتكلمي ارجوكي
ليلي بدموع_ انا مش عاوزاك ولا هقدر اعيش معاك طلقني بقا
يامن بحده_ مش هطلقك حضرت الظابط انا بطلبها في بيت الطاعه
صلاح يبصله ويضحك من غير صوت
الظابط_ ابقا قدم شكوي واستنا يكون المحكمه حكمتلك يلا يابني
الظابط والعساكر بيمشو

 

 

صلاح _ هي مش قالتلك مش عاوزاك رايح تجيب البوليس يشهد علي خيبتك
يامن بخزلان _ بتكدبي ليه.. عاجبك انك تكوني محبوسه عنده ويعمل فيكي اللي هو عاوزة
صلاح _ ادخلي جوه انتي
ليلى _ حاضر
يامن _ استني… انا مش هعرف اساعدك وانتي مش عاوزة تساعدي نفسك.. ليلي لو مشيت دلوقتي محدش هيقدر ينقذك منه.. الفرصه لسه قدامك
ليلي بدموع_ مش عاوزاك تساعدني انا مبسوطه هنا طلقني وخلينا ننهي العبه دي
يامن بقهر_ غبيه.. انتي حره انا عملت اللي اقدر عليه وبيمشي ويسيبهم
صلاح_ برافو عليكي
ليلي بدموع_ امتي اقدر امشي من هنا
صلاح_ لما ادم يتجوز
ليلي_ وامتي هتجوز

 

 

صلاح_ لسه محددناش معاد الفرح.. انتي مستعجله ليه.. ولا هيوحشك
ليلى باستحقار _ ملكش دعوة انا نفذت كلامك اهو وعجل بالفرح عشان امشى
صلاح_ ماشي يابنت الغالي.. ارجعي اوضتك واقفلي علي نفسك كويس
يامن بيطلع من هنا ويروح يوقف على الكورنيش ويبص للميه .
يامن _اعملها ايه هي اللي مش عاوزة تساعد نفسها… اعمل فيها ايه بس.. طيب اسيبها يمكن ترتاح وتريحني ولا ارمي نفسي من هنا … ويبص لسما… انا هنا يارب شايفني اتصرف انت بقا علشان انا تعبت
كمال _ وهو ربنا هيرجعها لوحده امال خلقنا ليه مش علشان نكون سبب
يامن_ انت.. ايه جابك
كمال_ كنت حابب اشوفك هتعرف تتصرف ولا هتفضل قليل الحيله زي عادتك
يامن بزهق_ مش هنكر انا قليل الحيله ومبعرفش اتصرف واتعبت .. دلني انت.. مانت قتال قتله وقتلت ابن عمك يعني هتعرف تقولي اعمل ايه
كمال _ ايه اللي بتقولو ده انا اقتل ابن عمي
يامن_ متخافش انا بره الموضوع ومش هدخل… عارف برغم اني من الاول وانا مش مطمنلك بس حاسس انك بتحب ليلي بجد
كمال _ مين قالك على الموضوع ده
يامن_ ليلي عرفتك وقالتلي
كمال _ امتي ومجتش واجهتني ليه او بلغت
يامن_ قليلة حيله زيي
كمال بتنهيده _ كانت زلة شيطان وقتها كنت ضعيف
يامن _ ايووه لقيت نفسك ضعيف ف قولت اقتل ابن عمي علشان احس بقوتي..

 

 

كمال _ ههه كنت ضعيف قدام الفلوس
يامن_ انا اعرف انه مكنش معاه حاجه.. فلوس ايه اللي قتلته علشانها
كمال _انسا خلينا نفكر هنرجع ليلي ازاى
يامن _ فكر انت.. انا راسي وجعاني من التفكير
كمال _ مش بقولك قليل الحيله
. تليفون يامن بيرن
يامن _ لحظه نشوف مين ده كمان … الووو
ناردين _ يامن
يامن _ اه انا مين معايا
ناردين _ انا ناردين
يامن بقرف_ عاوزة ايه انتي كمان ولا هتخطفيني زي ما ابوكي خطف مراتي
ناردين _ لازم اقابلك هقولك حآجه مهمه عن ليلي
يامن _ اوعي تقولي عملتولها حآجه مش هرحمكم
كمال _ ههه. كلام كلام وفعل مافيش
يامن _ اهدي ياعم القاتل شويه مش وقت تقطيم… خير ياناردين مالك بيه
ناردين _ لازم اقابلك ونتكلم
يامن_ قولي على.كده
كمال بهمس _ قابلها وشوف عاوزة ايه
يامن بزهق_ موافق هنتقابل امتي بقا
ناردين_ بكره

 

 

يامن_ ماشي ابقي ابعتيلي المكان اللي هنتقابل فيه
كمال _ كان لازم تعرف هتقابلها فين
يامن _ وانت مالك مهتم كده
كمال_ هقولك
ادم في الشركه قاعد محتار مش عارف يامن عمل ايه ف بيتصل عليه يطمن
ادم _ عملت ايه
يامن _ خطيبتك اللي هي مراتي تستاهل اللي بيحصل فيها ياصاحبي
ادم_ عملت ايه
يامن_ انا خدت البوليس وروحت عندكم عشان اجيبها ف قعدت تحكي كلام فاضي وتقول انا قاعده عند بابا وقال ايه عاوزاني اطلقها
ادم _ البنت دي بتصعبها علينا باللي هي بتعملو انا مش عارف هو مهددها بأيه
يامن_ وليه مهددها ماهي ممكن تكون قاعده علشانك طالما مبيحاولش يقتلها
ادم _ اكيد قاعده علشاني بس ليها كذا حل تاني غير انها تكون تحت رحمته بشكل ده
يامن بغيظ_ اه… طيب ياصاحبي كمل انت، ادام هي عاوزاك وانت عاوزها وعاوزين بعض، انا هروح اطلقها عشان تقدر تجوزها
ادم_ لا استنا شويه اكيد هنحتاجك
يامن بنرفزه _ استبن انا يعني. ما تشيل شيلتك هاخد ايه من المشاكل دي انا
ادم _ هتتخلا عن صاحبك في وقت زنقته
يامن _ لا ازاي لاازم اقف جمبك والا هطلع وحش وابن *””. هقف طبعا علشان بعدين تقولو يامن الشطور اللي بيساعد صحابه اهو

 

 

ادم _ مالك يابني
يامن_ مالي ما انا كويس اهو ولطيف
ادم_ فهمني ايه سبب مصورة الصرف اللي ضربت دي
يامن _دا اقل تعبير يقال… مفيش ياصاحبي بس اللي انت متعرفهوش ان علاء فى المستشفى بين الحيا والموت وانا بلف ورا ست ليلي بتاعتك.. شيل جربتك ياحبيبي
ادم _ لا الف سلامه مكنتش اعرف بجد. خلاص انا هجيلك
يامن بزهق _ طيب
يامن محدث نفسه _ ولما هي عاوزاه وهو عاوزها حطيني انا في النص ليه
بيت شامي
شامي محدث نفسه _ هي بتعرف ازاي اللي بيحصل معايا.. ومستفادا ايه انا عمري ما شوفتها قبل كده. … ودلوقتي حظرتيني وزودتي حيرتي يا .. اه لو اعرف ايه حكايتك معايا كنت ارتحت.. بس اوصلها ازاي انا دلوقتي……. امممم طيب ما اتصل عليها من رقم تاني انا ازاي مفكرتش في كده
شامي _ بسمه.. بسمممه خدي عاوزك
بسمه _ نعم
شامي _ عاوز تليفونك دقيقة
بسمه _ اهو
شامي بيطلب الرقم ويحط التليفون علي ودنه وبعدين يقفل تانى
شامي _ اقولك … هتصل بواحده وانتي كلميها علي اساس غلطانه في الرقم وحاولي تعرفي هي مين
بسمه _ مالها دي

 

 

شامي _ لسه هنعرف
بسمه _ اوك انا هعرفلك كل حآجه في دقيقه
شامي _تقدري
بسمه _ ايوة اتصل يلا
شامي بيتصل ويديها التليفون بعد ما بيشغل الاسبيكر
ناردين _ الو
بسمه _ اهلا بيك يافندم مع حضرتك مروه محمد من شركة فودافون
ناردين _ اهلا وسهلا
بسمه _ لو سمحتي يافندم كنا عاوزين نعرف المعلومات الخاصة بصاحب هذا الرقم لإعادة تسجيله حرصآ منه علي زيادة الامان ولضمان ان خط حضرتكم ميوقفش
ناردين _ معلومات زي ايه
الاسم والسن والعنوان يافندم
ناردين_ مش مشكلة انا اصلا كنت هرميه
بسمه_ ولو حضرتك دي شروط الشركه لازم ناكد الرقم بأسم صاحبه حته لو هترميه بعدين يا انسه…. الاسم من فضلك
ناردين _ ناردين… ناردين صلاح
شامي بصدمه _ ناردين اه ياشيطان… بت بت اساليها جابت الرقم ده من امتي
بسمه_ تشرفنا يافندم.. الخط ده حضرتك جيباه من امتي
ناردين_ من أسبوعين
شامي بهمس _ قوليلها حد غيرك بيشغله
بسمه_ اي حد غير حضرتك بيشغلوه او بتشاركيه مع اي فرد من العائله يافندم
ناردين_ لا … هو في ايه
بسمة_ القاونين الجديدة بتحتم علينا نعرف كل التفاصيل عن صحاب الارقام للحرص على حمايتهم وخصوصيتهم يافندم. وبكده احنا هنبلغ حضرتك لو حصل تلاعب في الخط بتاعك…

 

 

بسمه بهمس _كدا كفايه
شامي ” اه
بسمه_ شكرا يافندم
ناردين_ العفو وبتقفل
بسمه_ ايه الحكاية بقا
شامي بإبتسامة_ مفيش اي حكايه… خلاص روحي انتي
بسمه_ لا افهم
شامي_ مفيش حآجه افهمهالك
بسمه_ امال ليه عاوز تعرفها
شامي_ اصلها رنت عليه بالغلط ف حبيت اعرف هى مين
بسمه_ ااااه قولتلي.. هعمل مصدقه.. بس ايه رأيك فى اختك
شامي _ لاناصحه يابت انا صدقتك
بسمه بغرور مصتنع _ خسارتك في البلد يابت يابسمه
شامي_ طيب ممكن تطلعي يابت يابسمه علشان مش فاضي
بسمه _ مصلحجي وازعر
شامي_ و واطي حلو كده امششششي
بسمه _مسيرك تجيني راكع
شامي _ ياابت غوري
بسمه_ غورت
بتمشي بسمه وهو بيقعد ويفكر فياللي حصل ويربط الخيوط لغيت ما بيفهم
شامي بإبتسامة_ قال وانت اللي كنت عاوز توقعها انت غلبان يابنى وتضيع في الرجلين… بس اقولها عرفتك ولا استهبل؟… هستهبل ونشوف اخر ما عندك ياست توقه….

 

 

تانى يوم
ناردين _ ماما انا خارجه
ناهد _ هموت واعرف بتروحي فين كل يوم
ناردين _ ايه ده وانا مقولتلكش
ناهد _ مقولتليش علي ايه
ناردين _ انا بدأت اخد كورسات في تعليم الطبخ والاداره المنزلية
ناهد _ لااا ياشيخه ودا من امتي
ناردين _ من يومين بس
ناهد _ كويس اووي. اخيرآ هتنفعي في حآجه
ناردين _ هشرفك.. يلا بقا اتاخرت
ناهد _ طيب متتاخريش في الرجوع
ناردين _ حاضر .. يلا باي
شامي _ صباح الخير
ناردين _ صباح النور .. يلا بينا
شامي _ اتفضلي .. وبيفتحلها الباب ويمشو
شامي _ على فين
ناردين _علي ******
شامي _ تمام يافندم
ناردين _ فندم تاني ياشامي
شامي بإبتسامه _ يا ناردين
ناردين _ طمنى عملت اية مع اخوك خرج ولا لسه
شامي _ خرج

 

 

 

ناردين _ كويس اوي الف مبروك
شامي _ متشكر … بس تعرفي مين خرجه
ناردين _ مين
شامي _ الحوريه.. معرفش عرفت ازاي . البنت دي بتظهر في اوقات عجيبه
ناردين بإبتسامة _ وهي بتعمل معاك كده ليه
شامي _ بتقول انها بتحبني.. بس قالتها قبل ما تعملي بلوك بثانيه علشان مقدرش ارد
ناردين _ وانت كنت هترد تقولها ايه يعنى
شامي _ لما تكلمني تاني هقولها
ناردين _ ومتقوليش لية بقا
شامي بإبتسامة _ مفيش غيرها يستحق يسمع اللي عاوز اقوله
ناردين _ ليه ان شاءلله
شامي _ عشان هي حوريه من الجنه ..
ناردين _ طيب نزلني جمب السوبر ماركت اللي هناك ده هجيب حاجه وارجعلك
شامي _ حاضر
بتطلع ناردين وهو بيبص عليها ويضحك
شامي _ ههههه توقه هتتصل دلوقتي … وبعد شويه بيوصله اتصال منها
شامي _ نعم
ناردين _ عامل اية
شامي _ حآجه متخصكش هتقولي انتي مين قولي مش هتقولي ارجعي اعملي بلوك
ناردين _ انت زعلان ليه دلوقتي
شامي _ واللي بتعمليه في رأيك ميزعلش
ناردين _ وانا عملت ايه يزعل
شامي _ بتكدبي وتلفي وتدوري عليه
ناردين _ وبحبك

 

 

شامي بإبتسامة _مش مصدقك
ناردين _ مش محتاجه تصديقك في حآجه
شامي بإبتسامة _ عافيه يعنى
ناردين _ ايوه
شامي _ لنفترض اني صدقتك… بتحبيني ليه بقا
ناردين بإبتسامة _ تصدق مش عارفه مع ان مفكش ميزه تذكر وقليل الذوق
شامي _تبقي غاويه أشخاص توكسيك في حياتك بتحبي اللي يديكي فوق دماغك
ناردين _ ههههه ماشي يا توكسيك
شامي_ انتي مستنيه اقولك وانا كمان بحبك صح
ناردين _ قول اللي حاسه هي مش خدمه عشان تردهالي
شامي _ عندك حق.. انا منكرش اني معجب بيكي وبجدعنتك معايا بس الحقيقه انا مبحبكش
ناردين _ مسيرك تحبني
شامي _ مفتكرش انا قلبي مشغول بواحده تانيه
ناردين _ مين دي بقا وايه ميزتها عشان تحبها ومتحبنيش
شامي بإبتسامة _ مفهاش اي ميزه بالعكس بنت متعجرفه وعاوزه الضرب وعملتلي مشاكل من اول ما قابلتها بس بردو حبيتها
ناردين بإبتسامة _ اي دااا وانت كمان ذوقك زبالة في الناس زيي
شامي _ اه عشان كده حبيتها
ناردين _ يعني هي زبالة

 

 

شامي_ طبعا اسكوتي دي في مره اتحرشت بيه بكل بجاحه وباستني بالعافيه.. و كل شويه تحاول تغريني بس محسوبك تقيل
ناردين بانفعال _ من الواضح انها بنت مش كويسة
شامي _ خااالص مشفتش ربع ساعه تربيه.. بس بحبها اعمل اية
ناردين _ وياترااا بتقولها كده في وشها
شامي _ طبعا ده انا ضربتها طرااخ مرتين تلاته علي وشها
ناردين بغيظ _ وهي سكتتلك
شامي _ طبعا دي مشغلاني عندهم مخصوص عشان تكون جمبي مهما اعمل فيها واهزقها مبتزعلش
ناردين بغيظ_ دي كده تبقا زيرو كرامه
شامي _ من فضلك متغلطيش فيها بزعل. انا بس اشتمها واضربها
ناردين تقفل في وشه وترجع وهي مش طيقاه وتقعد ورا وبصيغ الامر _ اطلع
شامي _ حاضر يا ناردين
ناردين بحده _ اسمي ناردين هااانم
شامي _ انتي من شويه قولتيلي اقولك ناردين بس
ناردين _ رجعت في كلام اطلع يلا
شامي بإبتسامة _ حاضر معاليكي

 

 

 

ناردين محدثه نفسها _ يا منافق يا ابو وشين
شامي محدث نفسه _ ههههه هاين عليها ترفدني بس مش لاقيه سبب
ناردين _ قولي يا شااامي
شامي _ افندم معاليكي
ناردين _ ايه رايك فيه
شامي _ كشكل ولا شخصية
ناردين _ شخصية
شامي _ انا السواق طبيعي هقول على معاليكي احسن الكلام حتى لو مش مقتنع بيه
ناردين _ لا قول متخفش
شامي _ اااا كويسه
ناردين _ بتقضي غرض وخلاص ايه هو اللي ااا كويسه دي
شامي _ يافندم راي السواق ملهوش لازمه عند الهوانم.. انا عاوز اكل عيش
ناردين بغيظ _اتمنا ميكونش رايك فيه اني وحشه
شامي بإبتسامة _ انا اقدر اقول كده طيب دا انا بقول في حقك كل خير ومش بنافق والله
ناردين بقرف_ مصدقاك.. وقف هنا خلاص وصلنا
شامي _ ممكن اعرف معاليكي رايحه فين
ناردين _ رايحة اقابل الشخص اللي كنت بكلمك عليه قبل كده
شامي _ اللي مش عارفه بتكلميه ليه
ناردين _ ما عرفت خلاص
شامي_ طلع ايه
ناردين _ طلعت بحبه علشان متربي وابن ناس
شامي بإبتسامة _ فرحتلك
ناردين بقرف_ ميررسي
بتمشي ناردين وهو بيقعد في العربيه ويضحك وهي ماشية بتشوح. وفجاه خمسه ملثمين بيخطفوها قدامه

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية هذه ليلتي)

اترك رد