روايات

رواية العروسة الهاربة وإنتقام الشيطان الفصل الثالث 3 بقلم سلمى محمود

رواية العروسة الهاربة وإنتقام الشيطان الفصل الثالث 3 بقلم سلمى محمود

رواية العروسة الهاربة وإنتقام الشيطان البارت الثالث

رواية العروسة الهاربة وإنتقام الشيطان الجزء الثالث

رواية العروسة الهاربة وإنتقام الشيطان الحلقة الثالثة

نومها على السرير وكان باص لليها وللفستان بتاع فرحها ورجلها اللي بتنزف دم وبينزل على السجاده البيضا اللي في الارض قرب منها وقال: يا بت انتِ ردي
كانت يُسر فاقده الوعي ومبتردش نزل على الارض وكان الدم بينزل على ايده شد ليها المسمار اللي في رجلها وهو قلبه وجعه عليها لما صرخت يُسر وفاقت: اااااااه
علي بصدمه: اتجوزهاااااااا يا يمنى الحقي هيجيكي احفااااد يا كرم ربنا أسد المنشاوي 30 سنه اتفك السحر واتجووووز يا كرمك يا رب
أسد طلع من الاوضة وصـ.ـرخ من فوق: اخرررررس يا زفت، نور هاتي ادواتك الاسعافيه وتعالي، اتحركيييي.
نور: حاضر.
أسد: ماما هاتي ملابس لـ يُسر من ملابس نور
يمنى: مين يُسر
أسد: البت اللي جوه الله!
يمنى: حاضر، حاضر
علي: وانا اعمل ايه

 

 

أسد: تاخد العربية تخفيها خالص محدش يلمح اثرها اتحرك.
علي هز راسه وطلع
طلعت نور تعالج يُسر، اللي بتبكي ودموعها بتنزل ودخلت وأسد واقف ساند على قفا الباب باصصلها وهي بصاله نور كانت بتعالجها وربطت ليها رجلها وهي عينيها في عيون أسد لغاية ما فاقت على صوت نور وهي بتقولها: حاسه نفسك بخير
يُسر هزت راسها وقالت: دايخه.
نور: غيري هدومك وهحط ليكِ محلول علشان رجلك.
يُسر: أنا عايزه امشي من هنا.
أسد: اطلعي يا نور.
نور: بس…
أسد فتح ليها الباب وشاور انها تطلع
طلعت نور ويُسر بلعت ريقها: عايزه امشي من هنا
قامت وداخت هو قرب منها وهي قعدت تاني على السرير: اتجوزتيه يا يُسر؟
يُسر بدموع: هربت قبل ما اتجوزه
أسد: انا معاكِ وهساعدك
يُسر ببكاء اكتر: هيلاقوني وهتجبر اني اتجوزه اوعى انا عايزه امشي.
أسد: محدش هيجبرك.

 

 

يُسر: ليه.
أسد: لإني أنا هساعدك زي ما قولت.
يُسر: اللي يخليك ترفض في الاول هيخليك ترفض تاني يا أسد بيه.
أسد سكت وبص ليها: يعني انتِ عيزاني اساعدك ولا لا
دخلت يُمنى اوضته في اللحظه دي وقالت: اطلع يا أسد هساعدها أنا.
هز راسه وطلع من الاوضه ودخلت يُمنى
يُسر من غير وعي كلبشت في حضنها وقالت: شكرا ليكم.
يُمنى طبطبت على شعرها وقالت: العفو يا بنتي تعالي غيري هدومك والبسي دول، ربنا يفك كربك يا بنتي.
هزت راسها يُسر وقامت معاها وهي بتعرج ولبست ملابس طويله وطلعت معاها قعدت على سرير تلك الغامض ونور دخلت علقت ليها المحلول ودخل أسد وعلي اخوه.
كانت نايمه يُسر على سرير أسد وبصالهم وقالت: أنا عارفة انكم مصدومين ومين دي وقصتها ايه هحكيلكم انا يُسر ودموعها بتنزل وكملت.. عندي ٢٤ سنه خلصت كُلية الطب واتقدملي أحمد صاحبي في الكلية كنا آخر سنه في الكلية وحبيته وهو حبني اخدنا فترة خطوبه سنه ودلوقتي الحب بتاعي تجاهه اتبدل جوايا شعور اني كل يوم بتعذب وانا معاه لدرجة إني انتحرت مرتين! اه مرتين.. واقولهم مش عيزاه يجبروني، طبعًا ابويا عمدة البلد وابن عمدة ميصحش يُقال ليه بنتك عايبه سابته ليه؟ كان نسب في المليان؟ ده ضابط يا جبل؟ مقدرتش ازعله هو عنده القلب ونزلت عليه جلطتين قبل كده، لكن أنا محدش حاسس بيا ولا باللي جوايا انا لحد اللحظه دي وانا هربت من فرحي وابويا بيقع قدام عيني وهربت وجريت ومبصتش ورايا حتى وملقتش نفسي غير وانا هنا.

 

 

أسد بجمود: من اصابة رجلك اغمى عليكِ ولقيتك في الطريق وجبتك هنا.
يُسر كانت بصاله وهو بصلها.
نور: طيب هيحصل إيه دلوقتي.
يُسر: اعذروني الليله بكرا الصبح هطلع على اول طياره وهمشي من البلد خالص.
يُمنى: ميصحش يا بنتي انتِ تقعدي معانا الفترة دي لإن بكرا اول حاجه هيعملوها هيدوروا عليكِ في المطار والاماكن العامه ويا عالم لو لقيوكي هيعملوا ايه.
يُسر: متخافوش عليا هبقى بخير و…
أسد: كلام أمي صح هتقعدي الفترة دي هنا وبعدين تشوفي تروحي فين ارض الله واسعه يعني مش هتفضلي هنا كتير.
يُسر بدأت تدوخ وتفقد وعيها وتقول: بس انا عايزه ام..امشي…….
ونامت تمامًا
نور: حطيت ليها مهدئ في المحلول
يُمنى هزت راسها وطلعت وأسد وعلي ونور
علي: إيه العمل دلوقتي يا أمي
يُمنى: أسد اللي يقرر هيعمل إيه.
أسد نزل معاهم لتحت وقال: ان شاءالله خير، أُم حسن
ام حسن: نعم يا بيه.

 

 

أسد: اعملي شوربه.
هزت راسها وهو قعد معاهم وفرد ضهره وكان الكل بيبص ليه وقال: ايه بالله ما ناقص نظراتكم دي قايم خالص
يُمنى وقفته وقالت: اقعد
قعد أسد وهي كملت: البنت غلبانه وتستاهل كل خير.
أسد هز راسه وكلهم سكتوا فجأة الباب بتاع القصر اتفتح ودخلت (مرام) مرات علي اخو أسد اللي اصغر منه بسنتين
مرام: السلام عليكم يا اهل الدار حمااااتي
يُمنى: مرام
قامت وحضنتها وبصت لـ علي وزعقت: مش قولت جاي تاخدني من بيت ابويا والله ملكش مرا على ذمتك
علي: ششش وطي صوتك
مرام: ليه
ام حسن: جهزت الشوربه يا أسد بيه
أسد قام واخدها منها
ونور قربت من مرام وقالت: اسد جاب بنت جميله اوي ومنومها في اوضته و…
_رغم إني بنزل بدري بس التفاعل قليل اوي ليه كده؟!

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية العروسة الهاربة وإنتقام الشيطان)

تعليق واحد

اترك رد