رواية سأنتقم الفصل الثاني 2 بقلم ميرفت السيد

رواية سأنتقم الفصل الثاني 2 بقلم ميرفت السيد

رواية سأنتقم البارت الثاني

رواية سأنتقم الجزء الثاني

رواية سأنتقم الحلقة الثانية

الوقت جه ده اللي انا قلته لفارس في التليفون رد عليا وقال لي: نتقابل امتى
قلت له :النهارده في المكان المعتاد بالليل
وقفلت معه المكان المعتاد ده يبقى فوق سطح البيت اللي انا فيه
نزلت واشتريت كل اللي انا هاحتاجه عشان انفذ خطتي اشتريت باروكه صفراء من احسن الانواع اشتريت هدوم انا في العادي ما مبلبسهاش بس لازم لان انا من مراقبتي لعدوي عرفت انه هو بيحب الستات بقى لي سنين مراقباه وعرفت كل شيء عنه والبركه في فارس وفي ناس من طرف فارس في الامن كانوا بيساعدوه بدافع الصداقة
وقدر بسهولة يجيبلي مسدس ويدربني على التصويب للحماية مش اكتر
استايله في الستات عرفته النوع اللي بيفضله طريقة المعامله اللي بيفضلها علاقاته السابقه شغله حياته اكله بيحب ايه بيكره ايه درسته ظهرا عن قلب نقاط ضعفه وقوته
درسته وراقبته باستمتاع كما يراقب الصياد فريسته
فهمت عمتي ان انا مسافره اغير جو و هي عارفه اللي انا فيه وعارفه انه انا من ساعة ما والدي اتقتل وانا مش قادره اتعيش مع الموضوع فقالت لي هتروحي فين قلت لها هالف العالم وهو ده اللي انا قلته ليها عشان ما تقلقش عليا
جهزت كل حاجه وبالليل في مكاننا المعتاد قابلت فارس وشه متغير شكله مش طبيعي قعدت انا وهو عملنا دراسه لكل حاجه

قلت له فارس ما فيش اي مجال لاي خطأ ما تخافش انا حاسه بقلقك ومقدره خوفك عليا وعارفه كل اللي انت عايز تقوله وعارفه كل الي جواك وعارفه ان انت عايز تساعدني بس صدقني طالما الطرق القانونيه ما قدرتش تجيب لي حقي والموضوع اتقيد ضد مجهول محدش هيقدر يجيب حقي الا انا مش قادرة اتعايش مع الموضوع انا مش عارفه اعيش كده
فارس بكل هدوء : انت عارفه ان انا خائف عليكي ومش قادر اتخيل انك ممكن تعرضي نفسك لأي خطر ومش قادر اتخيل ان انتي تعملي كده وانا ما اساعدش واكون بعيد
مسكت ايده وابتتسمت بادلني بابتسامة رقيقة متوترة
قلتله: صدقني يا فارس انا مش قادره اعيش لازم اعمل حاجه وبعدين مين قال ان انت مش بتساعدني بعد كل اللي انت عملته معايا ده يبقى ايه انت اكثر واحد ساعدني في حياتي كلها انا يا فارس اصلا ما اقدرش اعمل اي حاجه من غيرك
خلينا بقى نركز في خطتنا بدون اي تأخير عشان انا خلاص الوقت بقى مناسب جدا ان انا ابدا هو دلوقت حياته فاضيه ما فيهاش اي ست وفاضي مفيش صفقات ولااي حاجة تشغله عن ست جميلة مغرية ولا أي سفريات انا عندي كل تقضيلة وواثقة من الميعاد هو دة الوقت المناسب
سلمته مفاتيح البيوتي سنتر والبيت وكل حاجة وطلبت منه يقيم مع والدته طول فترة غيابي
بدأت ارجع الخطه خلاص مع فارس وحضرت كل حاجه ما فيش مجال لأي خطأ مفيش مجال للتراجع ودعته وودعت عمتي وطلبت دعواتها ومشيت ورايحة لقدري وقدره خلاص قربت اوصل للمكان اللي هو فيه قربت يا بابا قربت ابدأ انتقامي
ومفيش حاجة ولامخلوق في الكون هايمنعني انا الي هاموته بالحياة

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية سأنتقم)