رواية الرجوع الفصل الثاني 2 بقلم إسراء ابراهيم عبدالله
رواية الرجوع الفصل الثاني 2 بقلم إسراء ابراهيم عبدالله
رواية الرجوع البارت الثاني
رواية الرجوع الجزء الثاني
رواية الرجوع الحلقة الثانية
بعد ساعة كان وصل أحمد وباين إنه مبسوط فقالت بكيد: مالك داخل مبسوط كدا مش عوايدك يعني
أحمد بدون وعي: هو في حد يكون في حياته تغريد ومايكونش مبسوط
سعاد بحزن قالت: العشا عالسفرة أنا داخلة أنام
أحمد بسرعة: مش هتتعشي معايا؟
سعاد: لأ مليش نفس
ودخلت وسابته وهى بتعيط
بعد شوية طلعت تشوفه بيعمل إيه؟ لقيته قاعد وماسك الموبايل ومبتسم وبيراسل حد فجه في بالها زميلته اللي عايز يتجوزها
مشيت براحة عشان مايحسش بيها ووقفت وراه، وبدأت تقرأ كل اللي بيتكتب بدون ما يحس
بتقرا في سرها وبتقول: استغفر الله العظيم، دا أنا متجوزاه وماقولتش كدا ودول لسه بيواعدوا بعض بالجواز
رومانسية تقرف اها والله داهية في فيكوا فعلا لايقين على بعض وشبه بعض في أخلاقكوا، طب والله بقى لمصرة
عالطلاق وما قاعدة مع الخسيس أبو عين زايغة دي وبكرة يعرف قيمتي ووقتها مش هعبره عشان خلاص هكون مع اللي
يقدرني، وبكرة تخسر كل حاجة وترجع زي ما كنت قبل ما
أدخل حياتك بكرة هتخليك عالحديدة ووقتها هتعرف السعادة فعلا كانت مع مين يا بتاع تغريد
بقلم إسراء إبراهيم عبدالله
فوطت جنب ودانه وقالت: بتعمل حرام يا أحمددددد
اتخض أحمد ووقع من عالكنبة والموبايل جنبه
أحمد بخضة وصدمة: حرام عليكي كان قلبي هيقف
سعاد بسخرية: يعيني عليكي يا سعاد متجوزة واحد قلبه خساية
أحمد بضيق: حاسبي لألفاظك يا سعاد
سعاد بسخرية: مامعيش فكة عشان أحاسب يا أخويا
أحمد بينفخ وقال: مش كنتي نمتي جاية تتجسسي عليا، وبعدين حراك إيه اللي بعمله؟
واحد بيكلم خطيبته واللي هتكون مراتي بعد اسبوعين
سعاد: ماليش دعوة بيكوا أنت مش صغير عشان أقولك دا حرام وحلال، لو كنت فعلا مهتم بالحرام والحلال وخايف من غضب ربنا عليك وعارف إن في حساب كنت بحثت وسألت على اللي بتعمله حرام ولا حلال وتعرف دينك أكتر يلا ربنا يهديك
خلينا في المهم يا أحمد أنت قررت تتجوز عشان تجيب عيال وتقريبا حبيتها بشغل المراهقين اللي شغال فيه دا
وأنا مش هعترض بس تطلقني قبل ما تتجوزها وأنت تشوف حياتك وأنا كمان أشوف حياتي، وأشوف واحد يقدرني
أحمد بعصبية: بتقولي إيه يا سعاد؟ مين اللي لعب في عقلك؟
سعاد بعصبية: ماحدش لعب في عقلي، أنا بقول الصح، عايز تتجوز اتنين وتلاتة مش هقولك لأ، بس تطلقني وكل واحد يروح لحاله
ياترى هيطلقها؟
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية الرجوع)