Uncategorized

رواية مغرور في مملكتي الحلقة الأولى 1 بقلم عمرو خالد

 رواية مغرور في مملكتي الحلقة الأولى 1 بقلم عمرو خالد 

رواية مغرور في مملكتي الحلقة الأولى 1 بقلم عمرو خالد 

رواية مغرور في مملكتي الحلقة الأولى 1 بقلم عمرو خالد 

_ مش هسافر الصعيد يا ماما انا معرفش حد منهم هناك ولا حد يعرفني انا مش بحب اروح هناك بتخنق اووي  .. 

_________________________

_ وانتي عرفتي انه بيحبك ازاي ..؟

: من دبشه

_ ازاي ..؟

: كنت كل ما أقرب منه يقول يا ربنا يستر كأنه في مصيبه هتحصل وقتها قالي انى احلي نصيبه حصل في حياته ومش كده وبس لا، البنات كانوا بيحذروني منه بس انا أصريت أني أعرف ماله وبيعمل كده لي، طلع مظلوم وأنه مش بيحب يقرب من حد، كان مفكر أن اللي جواه مش اي حد يستاهل انه يحصل عليه

_ بس انتِ حصلتي عليه

: ماهو قالِ اني انا مش حد

_________________________

ماما : عشان خاطري هما كام يوم بس ونرجع على طول عشان جدك

ملاك _ بالله عليكِ روحي انتِ انا مش عايزه اروح هروح اعمل اي هناك معرفش حد

ماما : هما يومين وهنرجع نقولهم عشان دراستك وبعدين نرجع بس هنروح عشان جدك

ملاك _ ماشي يا ماما عشان جدي بس

ماما : والباقي ..؟

ملاك _ مانا معرفش حد منهم غير جدي عشان بيجي عندنا بس

الصعيد طريقتهم وتقاليدهم غريبه جدا عننا، مش بحب اروح هناك من كتر الكلام والتشدد اللي بسمعه عنهم، بس دول يومين يعني مش حوار يخلصوا علي خير .. جهزنا الشنط بتاعتنا وكانت ماما قبلها حجزت أتوبيس خاص نسافر فيه، عشان مش بحب جو القطارات والعربيات دا، جهزنا كل حاجه والمفروض اننا هنسافر الصبح بدري ليهم ..

_________________________

رحاب : فرح يا فرح

فرح _ أي يا أمي خير

رحاب : خلصتي تنضيف الشقه ولا لسه ..؟

فرح _ خلصت ومنه وفاطمه فرشوها خالص وعملوا كل حاجه وبيشربوا الشاى على السطوح

رحاب : طيب كويس خلصنا كل حاجه كده وابعتي فاطمه تجهز الاكل معايا

فرح _ حاضر وأنا هروح ارتاح شويه 

رحاب : امال فين عمر ..؟ 

فرح _ خلص تنضيف معانا ونقل الانتريه وراح يقعد في الجنبنه 

رحاب : طيب خلاص انا هروح اشوفه 

_ مفيش احلى من أن تبقى لوحدك في مكان هادي وبترتب أفكارك بهدوء وتتخيل حاجات مش موجوده وتصحى علي الواقع الأليم ..

رحاب : عمر انت فين يابني ..؟

عمر _ اي يا ست الكل انا اهو

رحاب : بتعمل اي لوحدك هنا كل يوم كده

عمر _ بحب الهدوء والبنات جابولي صداع منهم ما صدقت خلصنا من الشقه

رحاب : طيب عمتك جايه بكره ومعاها بنتها

عمر _ ينوروا

رحاب : ينوروا اي يا عبيط انت بقولك جايه هي وبنتها

عمر _ المفروض اعمل اي يعني …؟

رحاب : يابني هو انت لي مش زي الاولاد بتبقي ملهوف علي البنات

عمر _ ماما البنات بطبيعتهم صداع ووجع بس وانا مش فايق وبعدين انا ابقى ملهوف على بنت قولي كلام غير دا بس

رحاب : ماشي يا حبيبي اللي تشوفه

قال لي مش ملهوف على البنات زي الاولاد ع اساس اني بنت زيهم يعني ولا اي ، هو اي دا هو انا عشان ابقى ولد لازم عقلي يطير بسبب البنات ، مين دول اصلا عشان اعمل كده عشانهم هو انا ناقص نفسي ولي اعمل كده اصلا ، انا كائن بيحب الهدوء والضلمه لي اشغل نفسي ب كائنات مزعجه اه والله مزعجه، خليني انا ف نفسي وفي الكتب بتاعتي  .. 

_________________________

ماما : خلصتي ..؟

ملاك _ اه خلصت خلاص وجبت الإيباد بتاعي واللاب توب عشان اشغل نفسي بيهم بعيدا عن البشر

ماما : احنا رايحين نقعد معاهم مش مع الحاجات دي يا حبيبتي

ملاك _ ماما انا اصلا مش موافقه اني اروح ف واخده الحاجات دى عشان اشغل نفسي بس واليومين يعدو على خير

ماما : ماشي يا حبيبتي اللي يريحك

اخدنا الشنط بتاعتنا وطلعنا علي موقف الأتوبيسات علي طول، ركبنا الاتوبيس ومشى وانا شغلت الهاند فري اغاني وفضلت اتفرج من الإزاز، فضلت أفكر هعمل اي هناك ويا ترى هما عاملين ازاي وهيعملوا اي معانا، دماغي من كتر التفكير وقفت وعيني غفلت ونمت علي طول ..

_________________________

عمر : هنفضل واقفين في الشمس كده كتير يا جدي

جدي _ خلاص قربوا يوصلوا يابني

عمر : طيب انا صدعت اصلا

جدي _ أهم وصلوا خلاص

وقف أتوبيس قدامنا وبدأت الناس تنزل منه، واحنا واقفين ولسه عمتي منزلتش من الاتوبيس وهو اصلا شكله مفيهوش حد تاني، وقفت انا وجدي وبعدين هو دخل الاتوبيس وبعد دقيقتين طلع وبعدين طلعت وراه عمتي ووحده ماسكه شنطه وبتشد فيها وشكلها مخنوقه وقالبه وشها، سلمت على عمتي واخدت الشنط وحطيتها في العربيه ومشينا، محصلش اي حوار بيني وبين معرفش اسمها اي دي واتمنى يفضل كده مفيش اي حوار لحد ما يمشوا ..

_________________________

وقفت العربيه قدام بيت كبير شكله زي القصر بظبط وسط زرع ونخل وحاجات جميله كده، نزلنا الشنط ودخلنا وسلمت ماما علي اهلها وانا سلمت عليهم وطلع عندهم بنات قمر كمان وشكلهم طيبين، اخدوا الشنط على المكان اللي هنقعد فيه وروحت انا وماما وراهم ..

ماما : اي رايك في المكان ..؟

ملاك _ حلو خالص حقيقى

ماما : ولسه كمان لما تعرفي الناس هنا

ملاك _ بس احنا اتفقنا انهم يومين بس

ماما : ايوا يومين

ملاك _ هروح ارتاح شويه

_________________________

فاطمه : بس البنت قمرايه

منه _ شكلها طيبه خالص مش زي بتوع بحري دول

فرح : بس بقا صدعتنونى وعمر هيقوم يضربكم

عمر _ قمر مين وطيبه مين انتو لو شفتوها وهي نازله من الاتوبيس ووشها مقلوب زي العربيه مكنتوش هتقولوا كده عليها

فاطمه : يلا انت اسكت هزعلك

عمر _ ولا تزعليني ولا ازعلك انا هروح امشي خالص

سبتهم يرغوا ومشيت خالص روحت المكان اللي متعود اقعد فيه دايما، اخدت الكتب روحت الجنبنه قعدت أقرأ في الكتب لحد ما زهقت روحت حطيت الكتاب علي وشي ونمت ..

_________________________

صحيت بعد نوم عميق من تعب السفر، واتصدمت ولما فتحت الفون ولقيت نفسي نمت ساعه وحده بس، بصيت علي ماما لقيتها نايمه، روحت خرجت فى البلكونه وفضلت اتأمل في جمال الطبيعه وجمال الزرع والبيوت، ولما بصيت تحت لقيت حد نايم وحاطط كتاب علي وشه، ولما ركزت عليها شويه لقيت في حاجه بتمشي جمبه دا طلع تعبان، اخدت طرحتي ونزلت جري على السلم بسرعه، لقيت البنات بيجروا ورايا ولما وصلت عنده لقيت ..

يتبع..

لقراءة الحلقة الثانية : اضغط هنا

لقراءة باقي حلقات الرواية : اضغط هنا

نرشح لك أيضاً رواية القدر للكاتبة مريم أحمد.

اترك رد