رواية شط الغرام الفصل الأول 1 بقلم سلمى تامر

ريان وندى دخلو القصر ايديهم فإيدين بعض 

:كويس ياريان انك جيت كن..مين دي؟؟؟!

ريان بجمود:ندى….مراتي يا أمي اتجوزتها النهاردة

والدتو بصتلو بصدمه وزهول

:م مراتك ..انت بتقول اي انت اتجنيت

ريان ببرود:كان حلم حياتك اني اتجوز مش كده؟وأنا اهو اتجوزت ياماما …ودي ندى مراتي يا زهرتي

زهرة زعقت بغضب:يعني اي يعني تتجوز من غير علمنا ..انت طالع من بيتك سنجل وراجعلي فإيدك واحده وبتقولي عليها مراتك..وبعدين وجهت كلامها لندى:انتي مين ياحلوة ومن عيلة مين وازاي اصلا اهلك يسمحو بحاجه زي دي تحصل

ندى بصتلها والدموع فعنيها لما جابت سيرة أهلها ريان لاحظها وصعبت عليه جدا

ريان بضيق:ماما لو سمحتي كلامك معايا انا..تعالي وهفهمك كل حاجه..ثواني بس هطلع ندى اوضتها علشان ترتاح….ومسك ايد ندى وطلع اوضته

***

ريان بحنان:بصي ياندى دي من النهاردة أوضتنا والبيت دا كلو بيتك لأنك بقيتي مراتي

مش عايزك تتأثري بأي كلام تسمعيه ..ايوه هنواجه صعوبات فالأول بسبب طريقة  جوازنا لكن مش عايزك تقلقي من حاجه انا معاكي وفضهرك ومش هسمح لأي حد يقلل منك 

ندى بحزن:مكنش لازم تعمل كده ياريان بيه كان ممكن تساعدني بأي طريقه تانيه ..كمان مكنتش مجبر انك تساعدني اصلا انا هسببلك مشاكل كتير اوي فحياتك

ريان بضيق:اي يابت انتي ريان بيه دي؟!يابنتي انا خلاص بقيت جوزك وانتي مسئوله مني فعلشان كدا مفيش داعي للكلام دا… على فكره انا عندي بيت تاني غير دا ..لو عايزة  ننقل فيه وتبقي براحتك يلا بينا دلوقتي

ندى برفض :لأ طبعا انا مش عايزة اكون السبب فإنك تبعد عن أهلك

…انا هعيش معاك هنا

ريان بإبتسامه:هنزل دلوقتي لماما وراجعلك واستنى شوية وهتجيلك الخدامه بشنطة الهدوم اللي جبتهالك

ندى بإمتنان:مش عارفه اشكرك ازاي على كل اللي بتعملو معايا..شكرا ياريان بجد

ريان بإبتسامه:مفيش داعي للشكر انا زي جوزك برضو..

****

:ينهارك اسود ياريان…متجوز واحده فقيرة وملهاش أهل اقول لصحباتي اي ..اقول لأهلي اي؟متجوز شحاته

ريان بضيق وغضب:جرى اي ياماما في اي؟دي بقت مراتي على فكره وميصحش تقولي عليها الكلام دا

زهرة بغضب:بقى الجربوعة دي هتبقى من عيلة الأحمدي ؟!لااا انت أكيد اتجننت لما حازم يرجع من السفر هخليه يشوفلو صرفه معاك

:فيه اي يا امي واي صوت الزعيق دا؟؟؟!

زهرة بغضب:تعالى ياحمزة يابني شوف أخوك وخيبتو..رايح جايبلي  واحده مقبلش تكون خدامه فبيتي وبيقول عليها مراتو 

حمزة بهدوء:انت اتجوزت يا ريان ؟مبروك ياحبيبي

زهرة بغضب وهي هتتجن منهم:انتو ناويين تشلوني واحد جايبلي داهية ومسميها مراتو..والتاني عايشلي فذكرياتو مع واحده ميتة ومش راضي يخرج منها والتالت عندو اربعه وعشرين سنه ولسه متخرجش من الكليه انتواييي اتجنيتو؟!

حمزة بغضب وزعيق:قولتلك ميت مره بلاش كل شوية تتكلمي فنفس الموضوع..مش هتجوز ياماما اقسم بالله مهتجوز من بعد منه الله يرحمها خلص الكلام؟

وسابهم بغضب وطلع من البيت 

ريان بص لوالدتو واتكلم بمنتهى الهدوء:بصي ياماما ومن الآخر كده لو مش متقبلاني انا وندى هخدها وأطلع من البيت ومش هاجي هنا تاني..مهو مش معقول برضو هطلق الانسانه اللي بحبها علشان أقل مني ماديا؟!ها قولتي اي؟!وافقتي طب تمام شكرا ياماما. 

وسابها وطلع تاني لندى

زهرة بصتلو بغضب:قسما بالله لهسود عليكي عيشتك مش الجربوعة دي اللي تبقى مرات ابني

*****

في الجامعه

:اي بجدعان الواحد زهقان مفيش اي حاجه اتسلى بيها ولا إي

:اي يا اياد يا أحمدي صافي حلقتلك ولا اي

اياد بغضب:مين دي اللي تحلقلي ياعم مازن انا علقتها ف اسبوع بس سبتها لان مقدرتش ارتبط بيها اكتر من كدا 

عدت من قدامهم بنت جميلة جدا بوشها الابيض وخدودها الحمرا المنفوجه وشفايفها الكريز وشعرها الاصفر الطويل الناعم بس جسمها مليان شوية بطريقه جميله

اياد بإعجاب:مين العجلة القمر دي

مازن بغيظ منها: دي ياسمين الهواري حتة بت مش عارف شايفه نفسها على اي دي ٢٠٠كيلو تقريبا

اياد بإعجاب:بس ياض انت دي كيرفي وقمر 

مازن بحقد:متحاولش لأن ملهاش فالارتباط والكلام دا وهتتعب معاها

اياد بعند وتحدي:تراهن على اني أوقعها فحبي  فشهر؟!

مازن بتحدي هو الآخر :اراهن طبعا 

اياد بشرود:هدفي الجديد ياسمين الهواري

(ركزوا فالثنائي دا)

*****

حمزة كان قاعد فمكتبو وبيفتكر حبيبتو اللي ماتت قبل فرحهم بيوم

Flash back

(وكإن الوقت فبعدك واقف مبيمشيش????)

منه بسعاده:ياااه اخير مش مصدقه ان بكره فرحنا يابو الحماميز

حمزة بحب:لأ صدقي ياقلب حمزة انتي فين دلوقتي

منه:انا طلعت من البيوتي سنتر ورايحه اركب عربيتي لأني ركنتها بعيد

حمزة بقلق:طب خلي بالك من نفسك يامنه

منه بضحك:يعني هيحصلي اي ياميزو متقلقش انا ه آااااااااااااااه

حمزة بفزع:في اي مالك يامنه

منه:لا رد

حمزة جرى على مكان البيوتي سنتر فخمس دقايق ووصل لقى لمة وناس بتشيل جثة  من عالأرض وبينقلوها الاسعاف ووشها متغطي 

حمزة جرى عليهم وشاف ايد منه ظاهرة وفإيديها الخاتم 

حمزة بصراخ:لااا منه متسبنيش اوعو كدا انتو واخدنها على فين منه 

الناس بعدو حمزة عن منه بصعوبة وخلصت اجرائات الدفن واندفنت منه فاليوم اللي كان المفروض يبقى فرحهم????

ومن وقتها وحمزة اتغير وبقى قاسي وعلى طول عايش ف أحزانو

Back

حمزة مسح دمعتو وقال:عمري مهنساكي يامنه هتفضلي عايشه فقلبي وعقلي طول عمري

الله يرحمك ياحبيبتي

***

عند ريان وندى

ريان طلع اوضتو ولقى ندى لابسه بيچامه صيفيه محتشمه روز وبتسرح شعرها بشرود 

وقف مكانو متنح من جمالها شعرها كان طويل جدا وناعم بلون النار 

ريان صفر بإعجاب:شعرك روعة. ياندوش

ندى اتكسفت جدا منو:ش شكرا

ريان بضحك:يلهوي عالخدود الحمرا القمر دي ..هخلي الخدامه تجبلنا اكل وهناكل هنا النهاردة

ندى هزت راسها بصمت وسكتت

ريان طلب الخدامه وطلعت ليهم الأكل واتعشو بصمت تحت النظرات المعجبه من ريان لندى 

****

في مكان بعيد

مجهول ١:ها عرفت راحت فين

مجهول ٢:ايوه يازعيم ..اتجوزت ظابط من عيلة الاحمدي ابوه يبقى حازم الأحمدي رجل الاعمال المشهور

مجهول ١بشر:كدا تمام اوي ورحمة امك ياندى لهتشوفي انا هعمل فيكي اي..مفكرة انك كدا قدرتي تهربي مني ..وضحك بشر

(اعوذ بالله)

*****

ريان اتأكد ان ندى نامت ومسك موبايلو ونزل الجنينه

:ايوه ياافندم 

:ها طمني ياريان عملت اي

:كل اللي خططنالو حصل وندى عندي فالبيت

:تمام اوي ياسيادة الرائد راقب تحركتها لانها ممكن تكون عارفه حاجه

:تمام يا أفندم

استووووووب

ياترى مين الشخصية المجهولة دي

واي حكاية ريان 

وإياد الاحمدي هيعمل اي مع ياسمين

وحمزه هيفضل عايش كدا طول حياتو ولا للقدر رأي آخر؟!