Uncategorized
رواية حبيبي سبب عذابي الفصل الخامس 5 بقلم رحمة عصام
رواية حبيبي سبب عذابي الفصل الخامس 5 بقلم رحمة عصام
 |
| رواية حبيبي سبب عذابي الفصل الخامس 5 بقلم رحمة عصام |
رواية حبيبي سبب عذابي الفصل الخامس 5 بقلم رحمة عصام
_حنين بأرتباك: اا ا ش شنط اي يبابا اللي انت بتقولي احضرها
=يوسف قالي ان جاله سفريه تبع الشغل لراس البر وعايز يكتب الكتاب وياخدك عشان تكونوا على راحتكوا
_حنين بضيق: ايوه بس انا موافقتش هو قرر كده من نفسه؟
=الأب بأستغراب: خلاص ياحبيبتي في اي نقوله لا، اي رأيك نطلع معاه كلنا نغير جو
_اللي انت شايفه يـ بابا عن اذنك
دخلت وانا تايهه وحاسه اني ضايعه، قررت أن أنسى مراد بس مش قادره كل ماحاول ابعد اتعب واكون محتاجاه اكتر، انا ازاي عملت كده ووافقت على صاحب عمره وكسرته، قد ايه انا وحشه وربنا بيعاقبني على كده، سامحني يارب انت اللي عالم بحالي”
_ايوه يا يوسف يابني، كلمتها بس هي موافقتش، اي رأيك نطلع كلنا مع بعض واهو تتعرفوا؟
=معنديش مانع خالص ياعمي هقول لمراد ونطلع سوا
” في اللحظه دي دخل مراد”
_مراد بأبتسامه: مراد اهو، ماله مراد ياعم
=يوسف بمرح: تعالى احكيلك، كنت عايزه ااقدم كتب الكتاب واعمله اليومين دول واخدها واسافر السفريه اللي قولتلك عليها عشان انت عارف شغلي والإجازات صعبه وكده
_مراد بأرتباك: اا اه اه و وهما قالوا ايه
=يوسف بحُزن: باباها وافق لكن هي لا
_مراد بأرتياح: طيب هتعمل اي
=ولا حاجه اتفقنا أن هنفضل مخطوبين بس هنسافر كلنا اجهز بقا
_مراد بأرتباك: هو هو هو انا لازم اجي؟
=يوسف بأبتسامه: اكيد، السفريه متحلاش منغيرك يصاحبي، يلا اجهز وانا هخش اريح شويه
ياااا الله….يعني لما أقرر ابعد واتجنبها عشان صاحبي تحصل اي حاحه عشان اشوفها! ودي هتعامل معاها هناك ازاي بقا مش هقدر اخبي نظراتي وكده يوسف هياخد باله، يارب انا كل ماحاول ابعد بتقربني منها لو ليا خير فيها قربهالي منغير مشاكل يارب…”
________________________________
جه معاد السفريه وانا مش قادره، حاسه ان الدنيا كلها ضلمه ومفيش مفر منها…كل ماحاول ابعد الظروف بتجبرني أن أكون معاه في مكان واحد، مش قادره أدى يوسف فرصه مش قادره”
كلمت ندى قولتلها تيجي معايا عشان مش هقدر اكون لوحدي هناك امال مين هيواسيني؟؟ رفضت في الأول اقنعتها ودلوقتي جه معاد السفريه ووجع قلبي، اتقابلتا هناك وكان باين عليه انه بيتجنب النظر ليا بس انا مش قادره اتجنبه، مش قادره أفضل معاه في مكان واحد ومبصلوش، ركبنا الأتوبيس كنت انا جنب ندى وهما في الكرسيين اللي جمبنا وبابا ورا معرفش مين اللي بيتكلم معاه بس شكله لطيف اوووي، ماعلينا، سيبت ندى ونزلت من الأتوبيس وروحت السوبرماركت عشان محتاجه حبه حاجات نسيت اقول لبابا عليها، رجعت لقيت يوسف جمب ندى ومراد لوحده!!”
_حنين بأستغراب: انت قعدت هنا ليه
=يوسف بأرتباك: اا ا معلش يا حنين خليكِ جمب مراد لحد ماسأل ندى على حاجه
_تسألها على اي!!!!!
=ياحنين متبقيش رخمه بقا
_حنين بضيق: اه تمام، بس خليك قاعد عندك بقا مش هقوم تاني
قعدت جمب مراد وانا مضايقه، مش غيره عليه بس مش عايزه احتك بـ مراد أو اكلمه كفايه احساس الخيانه اللي جوايا”
_ندى بأستغراب: مالك يا يوسف عايزني في ايه؟!
=عايز اعرف منك حنين بتحب ايه وبتكره ايه عشان معملوش
_اه تمام، بص ياسيدي……..
_بتحاول تتهرب مني ليه
=مراد ببرود: مبتهربش، مفيش حاجة اتهرب منها اساسًا
_حنين بطفوله: انا عايزه اقعد جمب الشباك
لقيته ابتسم وقام قعدني مكانه وفضل ساكت وانا سرحت فيه وفـ تفاصيله اللي وحشتني….”
=هتفضلي بصالي كده كتير!!
_حنين بتلقائيه وسرحان: وحشتني اووي يامراد
فضلت 5 ثواني استوعب اللي انا قولته ده ومش عارفه ارد اقول ايه ولا اعمل اي غير اني ابص في الأرض واخرس خالص”
_مراد بحُزن: حنين
=حنين بدموع: اسفه
_مراد بحُزن: مبقاش ينفع ياحنين خلاص، كلها شويه وهتكوني مرات صاحبي مينفعش نكمل
=بطلت تحبني؟؟
بصلي بنظره استغربتها ومردش عليا وبص قدامه تاني، اي المتكبر ده!! طنشته واستغليت وجوده جمبي وسندت راسي على الشباك ونمت من كتر التفكير فيه مبنامش محتاجه انام”
صحيت من النوم بعدها بشويه لقيتني نايمه على كتفه وهو صاحي باصصلي والاتوبيس كله نايم….”
_حنين بأحراج: اسفه، انا نمت هنا ازاي
=مراد بأبتسامه: ولا يهمك عادي، بعد مانمتي بشويه اتحركتي ونمتي على كتفي عادي
_مش هتنام طيب
=لا مش عايز انام
فضلنا ساكتين طول الطريق لحد ماوصلنا، نزلت معاهم وكان يوسف وندي وبابا معايا ومراد بيتكلم في الفون بعيد، استأذنت منهم اني حابه اتمشى لوحدي شويه قبل مانطلع الفندق….. في الأول يوسف وندي عرضوا عليا يمشوا معايا بس رفضت واصريت امشي لوحدي، بابا قالهم يسبوني على راحتي وهما يطلعوا يرتاحوا، كنت بتمشي عادي وبعد فتره مش كبيره لقيت مراد ورايا…..”
_حنين بأستغراب: انت ايه اللي جابك هنا؟
=مش عايز اطلع الاوضه فقولت اتمشى شويه، وانتِ
_زيك بالظبط
بصلي وكان باين عليه انه عايز حاحه بس متردد سهلت عليه الموضوع وبدأت انا….”
_محتاج حاجه؟
=مراد بتردد: امممم يعني لو ينفع نتمشي سوا
_حنين بفرحه: اكيد معنديش مانع يلا
اتمشينا وكان أحلي يوم في حياتي، فضلنا نجري ورا بعض ونهزر ونضحك. نرش بعض بالميه وكان يوم لطيف بس الحلو مبيكملش، واحنا بنهزر فجأه منغير مقدمات اغمى عليا وانا مش حاسه بحاجه*
________________________________
كنت معاها وحاسس اني فرحان، مش فرحان لا انا طاير من الفرحه كأن روحي رجعتلي تاني والدنيا ضحكتلي ، كنت مقرر أن أقول ليوسف اني بحبها، مقدرش ابعد عنها روحي فيها اصلا، وانا سرحان وبفكر بصيت عليها لقيت علامات التعب باينه عليها ووقعت فجأه وانا مصدوم ومش عارف اعمل ايه،جريت عليها شيلتها وروحت أقرب مستشفى واتصلت على يوسف وبابلها، استغربوا انها معايا بس عدوا الموضوع وبعد ربع ساعه لقيتهم قدامي وكمان الدكتور خرج”
_مراد بقلق: ها يادكتور مالها طمني
=الحمدلله بس هي أكلها ضعيف جدا وصحتها في النازل ياريت تهتموا بيها، بعد اذنكوا
دخلتلها وكان باين علي ملامحها التعب والإرهاق بس لسه جميله، كنت واقف جمبها ولقيتها بتهلوس بأسمي ويوسف باصصلي بصدمه وانا مش عارف اعمل ايه”
_مراد بقلق: اا ا انا انا اهو ياحنين فوقي
=حنين بهلوسه: مرااد… متسبنيش يامراد انا مصدقت لقيتك، متسبنيش يامراد
فضلت تكرر جمله “متسبنيش يامراد” دي كتير، لقيت يوسف بصلي بضيق وشدتي من دراعي وخرجنا بره..”
_يوسف بضيق : انا عايزه افهم منك كل حاجه دلوقتي حالًا
مراد: اا ا
يتبع…..
لقراءة الفصل السادس : اضغط هنا
لقراءة باقي فصول الرواية : اضغط هنا
نرشح لك أيضاً رواية ملكة الزين للكاتبة نانسي محمد