رواية عريس اونلاين الفصل الثالث 3 بقلم منار العتال

رواية عريس اونلاين الفصل الثالث 3 بقلم منار العتال

رواية عريس اونلاين البارت الثالث

رواية عريس اونلاين الجزء الثالث

رواية عريس اونلاين الحلقة الثالثة

كانت روان جالسه على سريرها تنتظر اى رساله من تيم و لكنه لم يفعل و لكن بعد قليل جاءتها رساله كانت من تيم ابتسمت و هوا افتحها و لكنها صدمت عندما رآتها و اردفت :هاااار اسود!!!
كان محتوى الرساله(تصبحى على خير و كنت عاوز لو مفيش مانع عند حضرتك نتقابل فى القسم عندى )
روان :انا يقولي حضرتك!!!! اى حضرتك دى !!!!
دخلت تسنيم عليها الغرفه و اردفت :فى اى بتصوتى لي كده
روان بعصبيه: الحقينيييي ده بيقولي حضرتك يا تسنيم!!!!
تسنيم :هو مين ده إللى بيقولك حضرتك و قبل اى حاجه يعنى مالها كلمه حضرتك؟!
روان بنرفزه:تيم إللى بيقولي حضرتك لا و كمان عاوزنى اروحله القسم!!!
تسنيم بضحك :بجد والله عاوزك تروحى القسم!؟
روان بنرفزه:تسنييييم متضحكيش و تعصبينى ما هو ده مجايبك اساسا ورطينى منك لله
تسنيم حاولت الا تضحك و لكن فشلت و اكملت:طب ما هو عاوز يشاركك اهتماماته اهو مش القسم ده اهتماماته!! متظلميهوش حرام عليكى
روان بعصبيه :طب اى رايك بقي انى هروح القسم بكره و اقوله مش عاوزه اعرفك تانى !
تسنيم:متبقيش هبله الراجل مغلطش فى حاجه
روان :مغلطش!! عاوز يبقي اول ديت بينا فى القسم !! هو ده الاص إللى كنت بحلم بيه
تسنيم :يا روان يا حبيبتى انتى لسه عارفاه من مفيش ساعه و روحيله بكره القسم مفيهاش حاجه
روان بنرفزه:انا بخاف من الاقسام اصلا و عمرى ما دخلت قسم يبقي يوم ما اروح قسم هبقي رايحه ل ديت!!! ده اى الحظ ده
انفجرت تسنيم من الضحك على شكل روان
روان :انا هروح بس علشان اقوله انى مش هكمل
تسنيم :والله؟
روان:اه دى كانت ورطه منك انتى السبب فيها اساسا و انا بقي إللى هتخلص من الورطه دى بكره
فى صباح اليوم التالى
استيقظت روان و ارتدت فستانا باللون الزهرى و طرحه باللون الابيض ووضعت بعض الميك اب و خرجت لكى تقابل تيم فى القسم
كانت تنظر حولها بخوف يمينا و يسارا و تنظر إلى المجرمين من حولها منهم من قتل زوجته و منهم من سرق
رأت روان ظابط ف سألته على مكتب الظابط تيم رشوان
أخذها الظابط على المكتب
دخلت روان إلى المكتب و كانت ستتكلم لولا ان وجدت تيم يصرخ بوجه رجل يبدو عليه انه مجرما خطيرا
جلست روان على إحدى المقاعد و صمتت و هى تشاهد تيم يصرخ على ذلك المجرم
تيم بغضب:يعنى مش هتعترف انك قتلتها ؟؟؟
الرجل:يا باشا قولتلك مقتلتهاش
تيم بغضب مسكه من لياقه قميصه و اردف بغضب حجيمى:و حياه امى لو ما اتكلمت لكون مقلعك بلبو*س و اعد*مك فى مكان عام كانت اول مره تراه روان بهذا الشكل و ارتعبت
و بعد محاولات كثيره من تيم بأن يجعل المجرم يعترف
نادا تيم بصوت جهورى:عم شووووووووقي
شوقي بانتباه: امرك يا فندم
تيم:خد الواااد ده حطه فى حبس انفرادى من غير اكل و لا مياه
اومأ شوقي و اخذه إلى الحبس
كانت روان جالسه و مرعوبه من ذلك الغضب
تيم:اى ده انتى هنا من امتى؟
روان بخوف:اعتبرنى مجتش يا باشا
تيم بضحك:انتى خايفه؟
روان بدهشه:لا إله إلا الله إللى يشوفك دلوقتى ميشوفكش من ثانيه فعلا سبحان مبدل الاحوال
تيم بضحك:انا كده مع المجرمين ده طبيعي متخافيش
روان :يا جدع ده انت كنت هتخلينى اعترف مكانه و اقولك انا إللى قتلتها
انفجر تيم من الضحك و نظرت إليه روان بغرابه و اعجاب بنفس الوقت كيف ان يكون برئ و قاسي بنفس الوقت هكذا !!
تيم :احم تشربي اى ؟
روان بخجل:لا و لا حاجه انا همشي
تيم :لا انتى لازم تشربي حاجه
روان :خلاص يبقي نسكافيه
تيم :عم شووووووقي
روان بخوف و اتسعت عينيها له و اردفت:لااا ابوس ايدك بلاش عم شوقي ! مش عاوزه اطفح حاجه خلاص

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية عريس اونلاين)