رواية الدبش اللي خطفت قلبي الفصل الثامن عشر 18 بقلم نرمينا راضي

يمنى قررت إنها تكمل في خطتها عشان تربي عمر زي ماقالت، بالرغم إنها لسه مش مستوعبه إنها تنضرب من الراجل الوحيد اللي أمنتله وحبته، بغض النظر عن حبها الأولاني اللي خذلها وكرّها في الرجاله كلهم وعاهدت قلبها انه ميتعلقش بحد تاني (مزكور في الحلقه ال٢)

بس حنية عمر ورومانسيته معاها،خلاها تعشقه مش تحبه بس ، كأي واحده لو إنضربت من جوزها اللي بتعشقه،بتصعب عليها نفسها.

حتي لو كان متعصب فهو ملهوش حق يمد إيده عليها خصوصاً لو لسه في شهر العسل زي ماحصل مع يمنى كده،وبما إنهم داخلين علي أربع أسابيع جواز،مع حمل يمنى اللي تقريباً حملت من أول أسبوع،وتعبها وتقيأها المستمر واللي عمر مأخدش باله منه،لأنها بنفسها مكنتش بتبين ده.

مع هرمونات حملها الغير مستقره،كل ده مأثر علي نفسيتها،فطبيعي إنها متسامحوش بالساهل كده 

بس يمنى تفكيرها مختلف شويه عن أي زوجه،هي مش هتعاقبه بأنها ترجع بيت أهلها أو تطلب الطلاق والكلام ده،لأ يمنى قررت تعاقبه بطريقتها ????…

.بس ياتري هتكمل في العقاب ده ولاا؟!  تعالوا نشوف ايه هيحصل مع عمر ويمنى..

..

قامت من النوم جري عالحمام،فضلت تتقيأ كذا مره،قفلت الباب عشان عمر ميسمعش وخطتها تبوز،أخدت دش عالسريع كده عشان تفوق،وقررت إنها تعمل الفطار بس بطريقه تانيه،رغم دراعها اللي كل شويه بيوجعها،بس صممت انها تكمل في المقالب.

طبعا هما لسه في دهب،فطبيعي مش هتلاقي كل حاجه في المطبخ،لأن معظم أكلهم ياإما في المطاعم الفخمه أو دليفري 

بس واحده في جنون يمنى وزكائها، إتسحبت براحه لأوضه النوم،وجابت الأيفون بتاع عمر من جنبه،وهي طالعه…وقفت شويه تتأمل ملامحه الوسيمه،قربت منه براحه، طبعت علي جبينه بوسه رقيقه..همست جنب ودنه برقه،أنا اسفه عاللي هعمله ده بس لازم أعلمك الأدب..بحبك،طبعت علي ودنه بوسه كمان،وغطيته كويس وطلعت قفلت الباب براحه،وبدأت تعمل الجريمه بتاعتها ????????

.

ياتري يامجنونه هتعملي إيه…????♥

.

بعتت رساله لـ أيمن من موبايل عمر علي أساس أن هو..

كتبت كل الطلبات اللي محتجاها في المطبخ،وقالتله حطها قدام الباب من غير مترن الجرس وامشي علطول،بس ابعت رساله وانت جاي،ومش عاوز إزعاج عشان مراتي تعبانة ونايمه…..    ياقااادره يايمنى ????????

…

ربع ساعه بالكتير وأيمن نفذ اللي مكتوب في الرساله،وبالفعل طلعت أخدت الطلبات 

كانت الطلبات عباره عن مقادير بسكويت،وأكياس عصائر بودره، لبست مريلة المطبخ علي الكاش مايو اللي كانت لبساه،وبدأت تحضر البسكويت.

بس كانت كل شويه تحط إيدها علي مناخيرها وكأن البسكوت بقا من الممنوعات في حملها،مع إنها بتحبه جدا بس لما حملت بقت تقرف من معظم الأكل منهم البسكويت،ولحد الأن عمر ميعرفش بحملها،بعيداً عن زعلها منه،فهي كانت عاوزه تفاجأه بطريقه رومانسيه..

…

عملت البسكويت بس الحشو بتاعه مكنش شوكولا أو مربى مثلاً،  لأ دي المجنونه حشيته معجون سنان ????.!!!

. 

عملت العصير بالعافيه كانت قرفانه جامد، بس محطتش سكر، حطت ملح ????! 

. 

جهزت الفطار أو بمعني أصح المقلب، وحطيته عالسفره، راحت تصحي عمر 

بتهمس قدام شفايفه: عمر.. عمرر 

. 

عمر بصوت نعسان: اممممم 

يمنى: هو ايه اللي اممم قوم يلا يابيبي عشان نفطر 

عمر وهو بيفتح عينه ببطئ، فجأه شدها نيمها تحته  وبيوطي علي شفايفها راحت مصوته،قام بسرعه من عليها بخوف 

بس يمنى تصنعت انها موجوعه عشان ميقربش منها،هي عاوزه تربيه الأول رغم عشقها ليه،بس الحب مش كل حاجه،لازم يكون عندك كرامه عشان تخلي غيرك يحترمك،حتي لو الاتنين ميقدروش يستغنوا عن بعض،ده ميمنعش ان كل طرف لازم يحافظ علي كرامته..

—فيكي حااجه ياحبيبتي،ايه اللي بيوجعك 

كانت هترد عليه بزعيق،ازاي بيسألها ايه اللي بيوجعك،وهو مورملها دراعها،بس لأخر لحظه مسكت نفسها عشان تكمل باقي خطتها 

يمنى وهي ماسكه دراعها: درااعي ياعمر…دراعي بيوجعني اووي 

حس بنغزه في قلبه من تألم يمنى قدامه بالشكل ده،هو السبب،ايوه هو السبب وهو الوحيد اللي غلطان،كان يقدر يكلمها بتفاهم،ليه توصل بيه إن يضربها بكامل قوته،لاا وبحزام!! 

اتنهد بحزن ووجع،لعن نفسه ميت مره انه مقدرش يسيطر علي غضبه،بس للأسف الشيطان كان أسرع منه 

شالها زي الطفله قعدها علي رجله،ضمها لحضنه جامد،

للأسف يمنى مقدرتش تسيطر علي نفسها وهي جوا حضنه،هي حست بنار عاطفته،حست بندمه ان زعلها،هي عارفه كويس انها بالنسباله زي الأكسجين.

                              ***

لكن مهلاً من الصّعب الاختيار بين الحبّ والكرامة، والأصعب أن تكون مجبراً على التّنازل عن أحدهم.????

  ..

بس لما تعشق حد للجنون بتبقا مستعد تتنازل عن أي حاجه عشان تبقا جنبه،بيبقا هو بالنسبالك روحك اللي متقدرش تعيش من غيرها.

وعمر إتعلق بيمنى زي الطفل اللي إتعلق بأمه،أما يمنى فهو بالنسبالها كل حاجه،ملاذها الأمن،حضنه الدافئ،كلماته اللي أحياناً بتكون مبتذله،لكن هي عشقتها من هو بس،كأنها بتنزل علي مسامعها كالطرب ♥…

..

مر عليهم نص ساعه من الوقت محسوش بيها،هي متشعلقه فيه زي الطفله اللي خايفه من حاجه،وهو مكتفها بين أحضانه  وكأنه خايف تروح  منه…..       تروح منه!!!! 

مجرد التفكير في الكلمه نفسها بيخليه عاوز يقلب العالم كله لجحيم،،  فلو فعلاً إتاخدت منه؟!   

…..

النص ساعه اللي عدت عليهم دي،عمر مبطلش ثانيه يقولها كلام غزل مختلط بالإعتذار 

كان مقرب من وشها لدرجة أن اللي يشوفهم يقول أنه بيتنفس من نفسها،وهو كذلك..يمنى بقت إدمان بالنسباله.

عمر بحزن واضح في نبرات صوته : أسف…أسف…أسف…أسف…أسف…أس……شششششش 

حطت إيدها علي شفايفه وعيونها كلها دموع:عمر..مش عاوزه اشوفك بالشكل ده…متعوده انك زي الجبل مبتتهزش.، عمر متعتذرش،مسمحااك والله ياحبيبي مسمحااك..

..

(إشتموها ياجمااعه هي تستاهل والله،بتضعف من ثانيه ????)

..

عمر بعد إيدها برفق،طبع قُبله رقيقه في باطن كفها، وطى علي شفايفها بكل قوته وكأنهم إدمان بالنسباله،تعمق في قبلته  أكثر حتي تورمت شفايفها،فما كان منها إلا الإستسلام،

ليأخذها بجنونه وعاطفته المبالغ فيها لبحر حبهم الصغير،ينهل من عسل شفتاها الكرزتين، يثبت ملكيتها له في عش الزوجيه الخاص بهم…♥

…..

نطت من السرير وتناست تماما انها حامل،شدت فوطه لفت بيها جسمها وطلعت تجري عالحمام زي الهبله،طبعا عمر انصدم في الاول لما بعدته عنها وهي في حضنه ونزلت جري،بس بعد كده استوعب اللي عملته وفضل يضحك علي شقاوتها اللي بيشبها بالأطفال،،هي طفلته ومدللته مهما زعلوا من بعض فميش واحد بيقدر يسيطر علي نفسه ويبعد عن التاني لحظه…

يمنى وهي في الحمام فضلت تضرب عالحيطه بإيدها وتردد

غبيـه…غبيـه،، كان لاازم يعني يصعب عليكي وتضعفي قدامه،أهو كل اللي عملتيه رااح 

ثوااني وفضلت تضحك زي الساحره الشريره:ها ها هاا  

بتقلد مصطفي خاطر في مسرح مصر.: لااا ياحبيبي ده أنا محدش يتوقعني نيهاااع.  ????????????

عمر سمعها :ايـييه ياارووح قلبي. ساااامعك علفكرره.،،بطلي هبل في الحمام لحسن تتلبسي ???????? الخبث والخبائث هيترعبوا من هبلك ياحبيبتي ????

يمنى: طب بمناسبة الخبث والخبائث بقا اسمع النكته دي 

عمر بهزاار:  عفوا هذا الرقم الذي طلبته مغلق أو غير متااح 

????????

يمنى:طب انا زعلانه منك ياعمر يلاا هي 

عمر: طب افتحي ياحبيبتي أخش أصالحك ????

يمنى في سرها: نمبر واان في قلة الأدب ياعمر،  ردت عليه بصوت عالي عشان يسمعها:لو ضحكت عالنكته دي مش هدخلك 

عمر:خلااص مش هضحك قولي يلاا هااا 

يمنى:شيطان فتح فرن عيش سماه الخبز والخبائز نيهاااااع ????????????

عمر غصب عنه ضحك 

يمنى:ابعد بقاا يسطا ايدك عن الباب عشان خسرت 

عمر:يسطا!!  يابنتي حسسيني انك أنثي 

يمنى: أنثي ولا كبده هق هق هق ????????????

عمر:ههههه طيب ياحبيبتي خدي حمامك وانا هحضر الفطار 

يمنى أول مسمعته افتكرت اللي عملاه في البسكويت والعصير،لفت بشكير علي جسمها وسابت شعرها الطويل مغطي ضهرها وطلعت تجري عالمطبخ 

عمر:اييه ده!! خضتيني يابت….تنح لجسمها زي الذئب،قرب منها وهي مش واخده بالها، لحظه وكان رافعها علي وسطه 

يمنى:عمر نزلني 

عمر:.  تؤ. هاتي بوسه الأول 

ضربته في صدره: هو انت مبتزهقش،ادخل خد دش الاول 

عمر وهو بيقرب من شفايفها:حد يزهق من الفراوله 

يمنى:ايووووه بقاا،طب سيبني اعمل الفطار وبعدين اعمل اللي انت عاوزه 

عمر: وعد.!؟

يمنى:وعد         …..  

..

نزلها ودخل أخد دش،كانت هي محضره الفطار،أخدته طلعته برا، ودخلت الاوضه جابت البرفان بتاعه اللي بقا بالنسبالها مخدر من ساعة محملت،فضلت تشمه شويه،لما سمعت باب الحمام بينفتح،عرفت انه طلع…

جرت قعدت قدام الفطار،قبل مايشوف تصرفاتها الغريبه ويشك انها حامل 

كالعاده شالها قعدها علي رجله،

عمر:ايه ده..!!  حبببت قلبي عاملالي البسكوت اللي بحبه 

يمنى:ااه شفت بحبك أد إيه،   افتح بقك هم جمل يلاا ????

عمر أكل اول قطعه يدوب حس بطعمها الغريب،بس محبش يزعلها ويقولها ان طعمها وحش،راح أكلها غصب عنه ????

يمنى انصدمت قالت في سرها: ياابن المجنونه،!!! 

نست الملح اللي حطيته في العصير،خافت عليه لما اكل البسكوت بالمعجون ????..جبتله العصير،لسه بياخد بيشرب،راح جري عالحماام  جاب كل اللي في بطنه،،  ياعيني مقدرش يستحمل ملوحته ????????

يمنى حست انها غلطت،بس لما افتكرت ضربها ليه بالحزام،قررت تكمل اللي بتعمله 

طلع من الحمام ووشه باين عليه انه مضايق 

عمر:انتي طلبتيه دليفري ولاايه؟!

يمنى بعياط كده وكده يعني ????:انا اللي عملته…انا اسفه انه مش عاجبك 

خدها في حضنه،طبطب عليه وقالها خلاص متزعليش هنطلب اكل،تحبي تاكلي ايه!

يمنى: امممم نفسي جايباني علي جوافه خضرا 

عمر بإستغراب: جواافه خضراا.!!!  عاوزه تاكلي جوافه مستوتش يايمنى.!!

بتلوي شفايفها زي الاطفال،بدبدب برجليها في الارض:لاا مليش دعووه اناا عاااوزه.جواافه خضراا 

عمر بضحك علي شكلها الطفولي:هههه حااضر هتصرف واجبلك 

جات في دماغها فكره،دخلت الاوضه وهي بتضحك بخبث،جاابت قميص باللون الأسود يكاد يصل لخصرها الممشوق،بفتحه تصل للصدر،سرحت شعرها،جابته علي جنب عشان تظهر مفاتن ظهرها الأبيض  

وحطت روچ بالأحمر الغامق،وطبعا البرفان بس المره دي كان حريمي برائحه مثيره،بصت لنفسها في المرايه 

أحيييه!!!   إيه الجرأه اللي انا فيها دي!! 

بس وماله طالما العقاب ده هيجيب معاه من الاخر وهحرمه من لمسه ليا بحجه ان تعبت فجأه…نيهاااع والله ياعمر لأخليك تقيد ناار.،، والناار الناار الناار وانا قلبي قاايد نار ????????????????

سمعت صوته بيزعق في التلفون

عمر بزعيق:يعنـي إيــيييه ملف الصفقه يتاااخد،وإنت كنت فين يااعصاااام،هو أناااا مشغل معاايااا حراااميه ولاإيييه،ده أناا هدفنكواا بالحياااا ياكلااااب 

يمنى الرعب دب في جسمها وبقت واقفه بترتعش من شكله وصوته وهو بيزعق 

سمعت صووت البااب بيترزع،طلعت جرري تشوفه،لقيته اختفى فجأه 

دخلت الاوضه جري وجسمها بيرتعش من الخوف،لبست إسدال،   فتحت باب البلكونه لقيته ركب عربيته ومشى!!!

قعدت عالسرير  خايفه عليه وعلي نفسها، لأول مره تقعد من غيره،لاول مره تحس بالرعب والخوف من يوم ماعرفته،،حبيبها وراجلها وبطل حياتها مش معااها..

غصب عنها انفجرت في العياط،تعب حملها زااد،بقت ماسكه بطنها من المغص،وبتعيط خاايفه يحصله حااجه 

سندت نفسها وجابت تلفونها تتصل علي باسم أخوه عشان يلحقه قبل مايحصل معاه حاجه،بس جرس الباب رن 

رمت التلفون، وجرت تفتح الباب،بس قلبها وعقلها بيقولولها لأااا. 

.

فتحت الباب وهي بتقول عمررر 

لقت اللي بيكتفها من ايدها ويحط علي بوقها منديل،،لحظات وغاابت يمنى عن الوعي 

كانوا اتنين رجاله طول الباب،أجسامهم ضخمه ولابسين قناع اسود،خدوا يمنى وهربوا بيهاا!!!

ياتري عمر هيلاقيها؟!