رواية غرام الفارس الفصل الرابع 4 بقلم منى محمد

دخل فارس ومامته الاوضه لغرام

فارس: عامله اي دلوقتي يروحي؟ 

غرام بأستغراب من حنيته: الحمدلله كويسه????

فارس بحنيه: دايما ياقلبي

غرام في سرها: هو مالها بيقولي ياقلبي و يروحي ليه اي اللي غير طريقته كده

فارس وهو بيمسك ايد غرام بحب: انتي.. انتي اللي غيرتي طريقتي وغيرتي حياتي انا اسف بجد انا بعتذر عن كل مره نيمتك معيطه بسببي بتمنا تسامحيني بجد.. هتسامحيني؟ 

غرام بدموع: مش هقدر يا فارس انت بقالك شهر و يومين بتضربني وتهني انا بقيت اعد الايام عشان نتم شهرين ونتطلق.. ثم اكملت بجمود.. وانا لسه عند قراري وهنتطلق

فارس بعصبيه وصوت عالي: لاااا.. لاا مش هنتطلق انا مش هطلقك واللي عندك اعمليه

غرام بتضم رجليها بخوف: م.. متزعقليش لو سمحت????

مامت فارس بهمس لفارس: اهدى يبني مينفعش كده انت نسيت كلام الدكتوره ولا اي

فارس وهو بياخدها في حضنه: خلاص خلاص اهدي يا عمري اهدي

غرام ببرأه: هو انت بتعاملني حلو ليه؟ 

فارس: هو حد يشوف القمر ده ويعامله وحش! 

غرام: ايوه انت كنت بتعامل القمر ده وحش????

فارس: انسي اللي فات يروحي وركزي على اللي جاي 

غرام بنوم: هبقا اركز بعدين اوعا كده خليني انام بدل ما انت عضلاتك واخده لسرير كله كده!! 

ضحكت مامت فارس وفارس

مامت فارس: انا هروح انام انا بقا. يا فارس

فارس بدون انتباه ومركز مع غرام: ياريت يا ماما وشدي الباب وراكي

مامت فارس ضحكت عليه وخرجت وقفلت الباب 

غرام: وسع بقا وقوم خليني انام

فارس: اقوم منين انتي اللي هتقومي!! 

غرام بأستغراب: اقوم ليه ده سريري اقوم انت نام على سريرك.. 

فارس: لا مهو احنا الاتنين هنام على سرير واحد بعد كده

وقام شالها.. 

غرام بشهقه: يلهوي لاااااا نزلني يا قليل الادب انا هنام على سريريييييي

فارس: يبت اهدي هتنامي جمبي يعني هتنامي جمبي وهتنامي في حضني كمان

عرام اتكسفت و وشها احمر راحت دفنت راسها في صدر فارس

فارس بخبث: علفكره احنا وصلنا للسرير من بدري بس انتي شكلك حضني عجبك متخفيش هتنامي فيه

غرام شهقت وشالت وشها من صدره: ا.. ااانت قليل الادب 

فارس: وسافل كمان عادي????????

غرام بكسوف: طب هو ممكن تخلبني انام عادي منمش في حضنك عشان خاطري 

فارس محبش يغصب عليها: حاضر يستي يلا نامي

في الصباح.. 

غرام صحيت لقت نفسها نايمه في حضن فارس وهو مش لابس تيشرت راحت صرخت

فارس بفزع: في اييي القصر ولع ولا اي 

يتبع…..