رواية جيت يا رمضان الفصل التاسع 9 بقلم إسراء ابراهيم عبدالله

رواية جيت يا رمضان الفصل التاسع 9 بقلم إسراء ابراهيم عبدالله

رواية جيت يا رمضان البارت التاسع

رواية جيت يا رمضان الجزء التاسع

رواية جيت يا رمضان الحلقة التاسعة

فجر بدموع: لأ يا ماما مش عايزاه قولتلك بخاف منه وبتوتر لما بشوفه ومش بحب أكون في مكان هو موجود فيه
والدتها: يا بنتي هو كويس مش بيخوف زي ما أنتِ متخيلة
طب هسألك سؤال: هل شوفتي منه حاجة ضايقتك؟ أو قالك حاجة زعلتك؟
هزت رأسها بلا
والدتها بتنهيدة: طب ما هو ماعملش حاجة أهو يا بنتي، وخالد كويس وبعتبره ابني وهبقى مطمنة عليكي معاه
بصي اقعدي معه لما يجي يتقدملك، أصل أنا مش عارفه أنتِ بنيتي أفكارك اللي مخوفاكي دي عليه على أساس إيه
أنا أصلا مش بشوفك بتكلمي معه لما بيجي هنا أو لو روحتي عندهم، مفيش بينكم غير السلام بس
فجر: ما أنتِ عارفه يا ماما إني مش بتكلم مع غير محارمي، كل اللي بيكون ما بينا إلقاء السلام وبس
انا بحب أحفظ حدودي مع أي حد أجنبي عني، ويمكن فعلا أنا خدت عنه الفكرة دي عشان ماعرفش حاجة عنه ولا دار ما بينا حوار من وقت ما كبرنا
والدتها: دا أكيد
في اليوم التالي كان «علي» يصلي صلاة الظهر لكي يذهب إلى دروسه
قابلته والدته في الصالة فقالت بابتسامة: ربنا يهديك يا بني وتفرحني كدا
علي بابتسامة: يا رب

أنا نازل بقى دعواتك ليا
والدته: بدعيلك يا بني في كل وقت وكل صلاة
علي وهو يقبل يديها قال: ما أنا عارف يا ست الكل، ما أنا مكمل حياتي بسبب دعواتك
يلا سلام زمان منى وصلت الدرس
نزل بسرعة ووالدته تدعيله، وبعدها راحت تقرأ قرآن
وصل علي الدرس ودخل بعدما ألقى السلام
ابتسمت أخته أنه أصبح ملتزم
كان يركز في كل كلمة يقولها المدرس، ويدون بعض الملاحظات
فهو يريد أن يفرح والدته وأبيه بنجاحه فهذا هو هدفه الأول
عند والدة نيرة كانت تحادث أختها وتخبرها أنهم سيذهبوا لهم اليوم بعد العشاء
عاد كل شخص لبيته قرابة الإفطار، ومنهم من ذهب ليصلي الفروض ومنهم من ذهب ليقرأ القرآن
بعد الإفطار جلس علي بجانب منى وقال بابتسامة: شكرا يا منمن على اللي عملتيه للرؤوس السودا امبارح، تعرفي صحابي سألوني عملت إيه وقولت لهم اللي عملتيه
منى: يا نهار أبيض أنت شرحت لهم بالتفصيل إيه اللي عملته؟

علي: أيوا يا بنتي عشان تنفع معهم، قولت غلست وشي بصابونة للبشرة أو أي غسول، وبعدين سبته دقيقة وبعدين روحت غسلته بمايه سخنة بس مش أوي يعني عشان مايتسلخش، وبعدها نشفت
وجبت الإبرة بتاعت الرؤوس دي وبدأت أزيلها لغاية ما بقت نضيفة كدا، وبعدها غسلت وشي بمايه ساقعة عشان أقفل المسام، وماتخافيش ما قولتش أختي اللي عملتلي كدا
عشان مابحبش حد يجيب سيرتك لأني بغيير
منى بضحك: حبيب أخته اللي بغيير عليها هات حضن ياض
علي بصدمة مصطنعة قال: في رمضان؟!
اخص عليكي يا منى وأنا اللي كنت مفكرك مؤدبة يعني تخيلي أمك تدخل علينا كدا تشوفنا يغمى عليها
ضحكت منى على كلامه، وضمته لها وهى تدعي أن يديم المحبة بينهم
منى: تعالى يلا عشان نذاكر
علي: طب يلا
بقلم إسراء إبراهيم عبدالله
منى: طب استنى سمعلي الحفظ بتاعي في سورة البقرة
علي: هو أنتِ كنتي بتحفظي قرآن؟
منى بابتسامة: أيوا من أول ما دخلت تالتة ثانوي، ولما اخلص سورة البقرة كدا هكون ختمت القرآن
علي بدموع: بجد فاجئتيني، أنا منت بعيد أوي عن ربنا

منى وهى تربت على يديه قالت: ابدأ من دلوقتي يا حبيبي، طالما لسه فيك نفسك ابدأ ودور وابحث
علي: حاضر، يلا هاتي أسمعلك
وبدأت تسمعله من بداية الربع التالت من سورة البقرة
بعد لما خلصت تسميع قال علي بانبهار: بسم الله ما شاء الله وصوتك جميل وهادي
منى: أنا كنت بقلد قراء رغم إني ماكنتش بعرف الأول لكن مع الوقت لقيت صوتي بقى كويس وبحفظ بالتجويد الحمد لله
علي: بس بقولك عايز تفسير لما فضلوا يسألوا عن البقرة وشكلها ليه ربنا أمرهم إنهم يذبحوها؟
منى بهدوء: بص يا قلب أختك
اليهود أو بني إسرائيل دول كانوا بيعبدوا البقر، فطبعا ماكانوش عايزين يذبحوها فقعدوا يماطلوا في الأسئلة
وفي الآخر ذبحوها

طيب ليه ذبحوها في اختلاف آراء
رواية تقول عشان واحد غني عنده بنت وابن أخيه عايز يتجوزها فأبوها رفض فقرر يقتله وقتله
ورواية تقول عشان واحد عقيم في بني إسرائيل وقتله وليه
ورواية تقول عشان لقوا واحد مات وكانوا عايزين يعرفوا مين اللي قتله وواحد دلهم على سيدنا موسى عليه السلام فقالهم يذبحوا بقرة طبعا ردوا عليه قالوا أنت بتستهزأ بينا قالهم أعوذ بالله أن أكون من الجاهلين
وكل شوية يجوا يقولوا دلنا أكتر عن البقرة دي عشان عشان في بقر كتير لغاية ما لقوا المواصفات عند امرأة تربي يتامى وكانوا عايزين ياخدوها بتمن قليل فرفضت وبعدها دفعوا قصادها دهب وذبحوها وهم كارهين، وخدوا من العظم بتاعها عشان يضربوا الميت ويعرفوا مين اللي قتله وطلع قريبه عشان الورث
والله أعلم
علي بانبهار قال: سبحان الله، المفروض نفهم معنى المعاني وسبب نزولها مش نقرأ كدا وبس
منى بابتسامة: أكيد
في بيت فجر كان خالد عندهم ووالدته ونيرة
خرجت فجر بتوتر وجلست بجوار نيرة ووجهها في الأرض
والدة خالد قالت بابتسامة قالت: طب نسيب العرسان مع بعض
وخرجوا وتركوهم لوحدهم، كانت فجر متوترة جدًا فقالت: إيه هدفك من الجواز؟

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية جيت يا رمضان)