روايات

رواية هذه ليلتي الفصل السادس عشر 16 بقلم نجمة براقة

رواية هذه ليلتي الفصل السادس عشر 16 بقلم نجمة براقة

رواية هذه ليلتي البارت السادس عشر

رواية هذه ليلتي الجزء السادس عشر

هذه ليلتي
هذه ليلتي

رواية هذه ليلتي الحلقة السادسة عشر

صلاح بياخد شامي في مخزن داخل جنينة الفيلا، ورابطه وبيضربو فيه لغيت ما وشه بقا الوان، والدم نزف من فمه
صلاح يمسكه من فكه بغيظ _ الي انت غلطت معاها دي تبقي بنت صلاح المنياوي.. ااادم هات ناردين خليها تشوفه هو وبيتربا قدامها
شامي يسكت وميرضاش يتكلم، لغيت ما بتيجي ناردين
صلاح _ هو ده الكـ.لب اللي حبسك
ناردين اول ما بتشوفه بيصعب عليها، ودموعها تنزل، وبخنقه_ مش هو يا بابا،
صلاح _ انتى بتقولي ايه، ازاى يعنى مش هو
ادم _ يعني ايه يا ناردين، صاحب المحل قالنا ان هو ده
ناردين بدموع _مش هو، دا ساعدني عشان امشي، وصاحب المحل فهم غلط، فكوه الله يخليكم
شامي يبصلها بوجع وقهر ويحدث نفسه_ شيطانه… بس مش هسيبك يا ناردين
ادم يروح يفوكه بسرعه وبتأسف _ احنا اسفين بجد
شامي يبعده عنه ويمشي من غير كلام
صلاح _ استنا عندك

 

 

وهو يوقف ويضم قبضته بقهر
صلاح _ احنا اسفين على الي حصل، انا مستعد اعوضك
شامي يبص لناردين _ شكرا، انا مش عاوز حآجه
ناردين بدموع _ يا.. استنا مينفعش تمشي انت تعبان
شامي بوجع _ كتر خيرك انا كويس، وبيمشي ويسيبهم
ادم _ بهدلنا الراجل ظلم، انا هروح الحقه
ناردين _ استناني انا جايه معاك
صلاح _ استنو عندكم، رايحين فين
ادم _ رايحين لراجل اللي ضربناه ظلم ده لازم نعوضه
صلاح _ خلاص انت روح وانتي اقعدي مفيش خروج
ناردين _ يا بابا الراجل اتبهدل بسببي
صلاح بحده _ قولت اقعدي
ناردين، بدموع _ حاضر، هرجع الفيلا، بتطلع بسرعه وتوقف وتبص عليه هو وماشي بذول وقهر
ناردين محدثه نفسها _ زادت منك دي يا ناردين، كده مستحيل يجي هنا تانى،
ادم _ استنا لو سمحت
شامي بتعب_ افندم عاوزين مني ايه تانى
ادم _ احنا اسفين حصل سوء تفاهم حقك علينا، انا مستعد اعوضك باي حآجه تطلبها
شامي _ هتعوضني عن الاهانة اللي حصلتلي ولا منظري اللي بقا زي الزفت قدام اهلي، ولا عن شغلي اللي خسرته،
ادم _ اللي تطلبه مستعد ادهولك، انا ميرضنيش الظلم

 

 

شامي بخيبه _ متشكر مش عاوز حآجه
ادم _ طيب ممكن اوصلك
شامي_ لا
ادم_ لو سمحت انت تعبان مش هتقدر تمشي كده
شامي _ قولت متشكر عن اذنك وبيمشي ويسيبو
ادم محدث نفسه _ حقه يزعل ويبلغ عننا كمان، الله يسامحك يا ناردين
ناردين _ ادم
ادم _ نعم
ناردين بدموع _ متسبهوش، عشان خاطري حرام اللي حصله بسببي
ادم _ اقنعيني يا ناردين ان دي مش خطه من بتوعك
ناردين بلخبطه _ لا انا معملتش حآجه كله سوء تفاهم وبس
ادم بشك _ متاكده
ناردين بلخبطه _ ايوه
ادم _ انتي عارفه ان امه لما سمعت الي حصل وقعت وياعالم ممكن تكون ماتت بسبب اللي حصل ده
ناردين _ كمان.. يانهار اسود .. ادم ونبي اتصرف اعمل اي حآجه نساعده بيها
ادم _ هو رافض اعملو ايه يعني
ناردين _ هو ساكن فين طيب
ادم _ في ***** بس مالك بيه
ناردين _ خلاص مش مهم

 

 

ادم بتحذير_ اوعي تعملي حآجه من غير ما تقوليلي
ناردين _ حاضر
كمال _ راحو فين دول، لسه مرجعوش ولا سمعنا عنهم خبر .. هتصل ب صلاح اكيد يعرف عنوان يامن
كمال _ ايوه يا صلاح
صلاح _ خير متصل ليه دلوقتي
كمال _ تعرف عنوان يامن
صلاح _ عاوزة ليه
كمال _ مشي هو وليلي ومعرفش عنهم حآجه
صلاح _ ما يمشو وانت شاغل نفسك بيهم ليه
كمال _ في ايه ياصلاح، البنت قريبتي ولازم اقلق عليها
صلاح _ هه يا حنين، وكانت فين القرابه لما قتـ.لت ابوها،
كمال _ وزت شيطان وراحت لحالها بطل كل شويه تفكرني، مش انت اللي قولتلي اعمل كده
صلاح_ ايوه انا اللي قولت بس انت مش ملاك يعني، وافقت ونفذت وخدت الفلوس، ف متجيش دلوقتي تقولي قريبتي
كمال _ اخلص يا صلاح، فين العنوان
صلاح _هبعتهولك، بس خلي بالك من نفسك بلاش رقتك الزايدة دي
كمال _هتديني العنوان ولا لا
صلاح _ هدهولك
فيلا منصور
يامن بيكون بيجهز نفسه وبتدخل عليه ليلي وهي زعلانه
ليلي _ يامن
يامن _ نعم

 

 

ليلى _ آدم متصلش
يامن _ اتصل وسأل عليكي
ليلى _ امال مكلمنيش ليه
يامن _ تلاقيه مشغول،.. دلوقتي يكلمك
ليلي _ شكله نسيني
يامن مين قالك طيب دا هيموت ويشوفك، ايه رايك هتصل بيه وهو يقولك كده بنفسه
ليلى بدموع _ هو لما يعوذ يكلمني هيتصل مش هيستنانا احنا نكلمه
يامن يقعد جمبها وبحنيه _ ليه الدموع دي
ليلي بدموع _ انت مش عارف كنا قريبين من بعض ازاي هو ومسافر، كنا بنتكلم طول اليوم، بس دلوقتي لما احتاجته مسالش فيه.. تفتكر يكون اختار راحت باله ونسيني
يامن بإبتسامة باهته _ مستحيل ينساكي، هو بيحبك
ليلي _ تفتكر
يامن _ اكيد، خليكي متاكده من الموضوع ده
ليلي بإبتسامة باهته _ انت طيب يا يامن، فيك اللي مكفيك ولسه عندك خلق تهون عليه
يامن بإبتسامة _ ده دور الصحاب، وانتي كمان بتساعديني اهو وبضايقي رانيا ههههه
ليلي بإبتسامة _ بس علي الله تيجي بفايده ونقدر نكشفها
يامن _ انا مش عاوز اكتر من انها تشيلني من دماغها وبس
ليلي _ كنت بتحبها ؟

 

 

يامن بخنقه _ للأسف اه
ليلي _ خدت وقت كبيرة عشان تنساها؟
يامن _ ياريت اقدر انساها
ليلى بلخبطه_ يعني لسه بتحبها؟
يامن _ مش حب بس انساها ازاي وهي دخلت حياتي اكتر من الاول وبتحاول ترجع اللي فات،
ليلي_ عندك حق
يامن يبصلها شويه ويقصدها هي بالكلام و بتنهيده _ عارفه، انا بخاف اضعف،، حقيقي خايف من نفسي وانا معاها
ليلي _ مفتكرش انك ممكن تضعف
يامن _ ومتفتكريش ليه
ليلي _ مش عارفه بس حاسه انك مش ممكن تغلط صعب اللي زيك يخون
يامن بشرود _ ايه رأيك انتي.. التفكير يعتبر خيانه في الحاله دي
ليلي_ مش فاهمه
يامن بتنهيده_ يعني لو فكرت في واحده تكون لحد تاني،اعتبر خاين
ليلي _ بيتهيالي كده، بس طالما مخرجش بره التفكير ف مقدور عليه بردو
يامن بخنقه _ اعمل ايه لما يحصل معايا كده، علشان اشيل الافكار دي من دماغي
ليلي _ هو دة الموضوع اللي كان مضايقك امبارح؟
يامن بخنقه _ ايوه.. مجرد التفكير بيتعبني اوي وخصوصا انها لحد تانى اقصد لاخويا يعني
ليلي بحده _ مش عارفه اقولك اية، بس لازم تنسا وتبطل تفكر التفكير دة تانى
يامن بخنقه_ مش سهل، هي طول الوقت معايا، وكل السبل بتوصلني ليها

 

 

ليلي بتقوم بانفعال_ هو ده اللي مش بتحبها، لو صح مش بتحبها مش هيشغلك وجودها او عدمه،فوق قبل ما تخسر اخوك علشانها،، انساها يا يامن
يامن محدث نفسه _ ليه انا اللي لازم انسا مش هما، وانا لو كنت مكانهم كانو هينسو احساسهم ولا هينسوني انا ويكملو.. كان فين اخويا لما حبيت رانيا، جه بعد سنين حب ياخدها وانا اللي مطلوب مني انسا علشان مطلعش خاين،،، ودلوقتي صاحبي، سايبك معايا تحت سقف واحد ومتجوزين وبيتقفل علينا بابا واحد، ومطلوب منى اقاوم احساسي،عشان مخسرهوش ،….
ليلي _ محتاجه كل التفكير ده علشان تعرف انك غلطان
يامن بانفعال _ انا دايما غلطان، ومحدش بيغلط غيري حلو كده
ليلي _ مش قصدي بس مجرد التفكير يعتبر غلط، لكن انا مش بلومك انت معملتش حآجه
يامن بخنقه _ اللي برا الموضوع مش هيحس اللي انا حاسه،،، كله من حقك يتكلم ماهو الكلام ببلاش،
ليلى _ انا اسفه لو شايفه حل غير انك تنسا كنت قولتهولك
يامن _ ولا يهمك، عن اذنك،
ليلى _رايح فين
يامن _ بابا وكلني بمهمه هروح اعملها
ليلي _ هتتاخر؟
يامن_ يومين

 

 

ليلي _ يوومين، هتسيبني يومين يا يامن
يامن بتنهيده _ خايفة ولا مش هتقدري تقعدي من غيري
ليلى بلخبطه _ معرفش ،بس ممكن متروحش
يامن _ كنت هقعد بس بعد كلامنا لازم امشي عشان امنع نفسي من الغلط ومحدش يزعل..
ليلي بدموع _ مقصدتش اهينك متسبنيش بالله عليك
يامن _ لازم امشي، انا محتاج ابعد شويه وهكلمك كل يوم
ليلى بدموع _ خدني معاك طيب
يامن يمسح دموعها بحنيه ويحط ايده علي وشها _ مينفعش… خليكي مع بابا مفيش حآجه ممكن تحصلك هنا
ليلى _ خايفة يا يامن
يامن _ لازم تتعلمي تكوني قويه مفيش حد هيكون جمبك علي طول عشان يحميكي او يطمنك.. اعتبريه اختبار ليكي علشان تواجهي خوفك
ليلى _ مفتكرش اني هقدر، انا بكون مطمنه وانت معايا
يامن بارتباك _ معلش كلها يومين وارجع، ويمكن ادم يجي قبلي
ليلى بدموع _ تمام. ربنا معاك
يامن _ مش عاوز زعل اوكي
ليلي بإبتسامة _ طيب
في المستشفي
شامي بيدخل المستشفى وهو قلقان بعد ما قالولوه الجيران ان امه تعبت وراحت المستشفي.. وبيلاقي بسمة واقفه بره وبتبكي

 

 

شامي بقلق _ ماما مالها
بسمه ببكاء_ شامي انت جيت ازاي عملو فيك ايه المجر.مين دول
شامي_ ماما مالها يابسمه مش وقت الكلام ده
بسمه_ تعبت لما عرفت اللي حصلك، وجبناها علي المستشفى
شامي_ الدكتور قال ايه
بسمه ببكاء_ ذبحه صدريه
شامي بصدمه_ ذبحه صدريه، يعني ممكن..
بسمه ببكاء_ بعد الشر متقولش كده هتبقا كويسه ان شاءلله ادعيلها بس
شامي ببكاء_ يارب يارب،
وبعدين الدكتور بيطلع من عندها
شامي _ دكتور ماما عامله ايه دلوقتي
الدكتور_ حد يجيب الدوا دا بسرعه وبيديلو الروشته
شامي_ حاضر بس طمني عليها
الدكتور_ ادعيلها،.. بسرعه الدوا ده يجي
شامي _ حاضر، وبيمشي بسرعه، وقبل ما بيوصل الصيدلية، بيفتش في جيبه مش بيلاقي فلوس
شامي بقهر_ اعمل ايه دلوقتي.. التليفون مفيش غير اني ابيعه، بيروح بسرعه لمحل تليفونات وبيعه بسرعه رخيصة من غير ما يفاصل ويروح يجيب الدوا وبعد وقت بيوصل يلاقي بنت اسمها توقا واقفه مع بسمه
شامي_ انا جبت الدواء اهو
بسمه_ اي التأخير ده، خلاص الدوا جه
شامي باستغراب_ مين اللي جابه
بسمه_ الانسه

 

 

شامي_ انتي مين وليه جبتي الدواء
توقا_ حضرتك اتاخرت وكان لازم الدوا يجي، انا توقا، بعدي علي المستشفيات، وبقدم اي مساعدة اقدر عليها
شامي بجدية_ احنا مش محتاجين مساعدة، فلوس الدوا هتوصلك، استنى، انتى جبتيهم بكام
توقا هي وماشيه_ مش مهم، يلا الف سلامه علي الحجه
شامي_ استني عندك، احنا مش بنقبل صدقه، انا جبت الدواء ب 400 واكيد ده نفس السعر اللي جبتيهم بيهم، اتفضلي اهم
توقا، تتجاهل مدة ايده وتمشي
شامي_ انتي ياست.لكنها بتمشي ومتردش عليه
بسمه_ بنت غريبه ايه حكايتها دي
شامي باستغراب_ مش عارف،.. المهم، الدكتور قالك حآجه علي ماما.. نقدر نشوفها
بسمه_ مرضيش.. وطلب اننا ندفع فلوس للاستقبال، بعد ما دخلوها بالعافيه
شامي _ مش مشكلة انا هروح ادفع
بسمه_ جبت منين فلوس يا شامي
شامي_ ادبرت،، يلا شويه وراجع
وبيروح الاستقبال
شامي _ لو سمحت انا ابن المريضة في غرفة 109 كنت عاوز ادفع حاجه تحت الحساب
الموظف _ لحظه يافندم … اه لا دا ادفع خلاص.. اتفضل دول 2000 جنيه الانسه اللي دفعت طلبت مننا نديلك دول
شامي _ انسة مين دي

 

 

الموظف بيشاور على توقا وكانت خلاص ركبت العربيه، ورايحه تطلع
شامي بعدم فهم _ نفس البنت، هي مين دي.. وبيجري وراها … يانسه استني .. لكنها بتمشي قبل ما يوصلها
شامي بحيرة _ مين البنت دي وحكايتها ايه
بعد وقت بيجي ادم وبيلاقي شامي وبسمه قاعدين في الاستراحة
بسمه باستحقار_ شوف مين جاي، عاوزين مننا ايه تانى
شامي_ استنى يابسمه .. خير يا استاذ، حصل سوء تفاهم تانى وجاين تكملو ولا ايه
ادم _ انا اسف، بس جيت اطمن علي ولدتك
بسمه بانفعال _ تطمن عليها ولا تتاكد انها ماتت
ادم _ مش هعتب عليكي، انا عارف ان اللي عملناه غلط،
بسمه _ لا كتر خيرك والله .. خلاص اطمنت يلا امشي بقا
شامي_ بسمة اسكوتي
بسمه_ اسكوت ازاي مش شايفه عامل زي اللي يقتل القتيل ويمشي في جنازته
شامي_ قولت اسكوتي، الاستاذ ملوش ذنب في اللي حصل،.. احنا متشكرين علي اهتمامك
ادم_ هي عامله ايه دلوقتي
شامي _ اهي بتعافر، وكله بأيد ربنا
ادم_ طيب احنا ممكن ننقلها احسن مستشفى، هيكون فيها رعاية احسن من هنا
بسمه باستحقار_ كتر خيرك، بتعرف تعمل الخير انت وابوك.. امال هو مجاش ليه ولا مقامه ميسمحلهوش، يسال في الست اللي كان سبب في تعبها
شامي بحده_ قولت اسكوتي مسمعش صوتك
بسمه _ حاضر، عن اذنك وبتمشي من جمبهم

 

 

 

ادم _ انا مش عارف اقولك ايه.. بس حط نفسك مكانا لو سمعت ان حد تعدا على اختك هتعمل ايه
شامي _ اختك دي متزعلش منى بس يتفات لها بلاد
ادم _ هي عملت ايه
شامي _ ولا حآجه
ادم _ لا لازم افهم سبب جملتك دي
شامي _ أبداً، بس هو مكنش قادر عليها لقيته متشلفط، المفروض كان كفاية اللي عملتوه مش تولعها كده
ادم _ ههههه فعلاً هي مفتريه
شامي محدث نفسه _ بس والله ما هعدهالها.. لازم اكسر منخيرها وقلبها، ولو ماما حصلها حآجه هيكون موتها علي يدي
فيلا نادر بالليل
جيلان بتنزل من البلكونة بحبل، وتتسحب للخارج بحذر لغيت ما بتوصل البوابة وفجاه بترتطم بعز
عز_ رايحه فين
جيلان بغيظ _ وانت مالك ابعد من احسنلك
عز _ عاوزة تهربي صح

 

 

 

جيلان _ ملكش دعوه، متنساش نفسك ومقامك هنا،
عز_ انتي عارفه لو ندهت علي عز بيه وقولتله اني مسكتك وانتي وبتهربي،.. هيديني مكافأة. ف اقصري الشر وارجعي
جيلان ترفع ايدها عشان تضربه ف يمسكها ويضغط عليها بقوة
جيلان بوجع_ ااه سيب ايدي يا خدام يا حقير
عز يبصلها بحده_ مش هو ده الخدام اللي كنتي عاوزة تهربي معاه، علي العموم مقبولة.. يلا ارجعي بدال ما انده ل نادر بيه
جيلان بغيظ_ طيب سيب ايدي
عز _ اهو، اتفضلي بقا
جيلان تفرك معصم ايدها وتبصله بكره_ هعرفك ازاي تتعامل مع اسيادك، واعرفك مقامك كويس اوي وتمشي وتسيبه
عز محدث نفسه_ الحمدلله انك مش من مقامي كنت ربيتك من اول وجديد
فيلا منصور
ليلي بتتكلم في التليفون مع يامن
ليلي_ وصلت ولا لسه
يامن_ لسة داخل الاوتيل حالا
ليلى_ حمدالله على السلامه
يامن_ انتي عامله ايه دلوقتي،.. هديتي
ليلى_ ، اهو قافله على نفسي من جوه بالمفتاح
يامن_ ههههه خايفة من ايه
ليلي_ زيادة امان

 

 

يامن_ طيب..هتنامي ولا صاحيه
ليلي_ مجينيش نوم دلوقتي
يامن بإبتسامة_ ولا انا
ليلي_ ازاي انت اكيد تعبت من المشوار
يامن_ متعبتش.. المشوار مش بعيد
ليلي_ طيب ايه
يامن_ ايه
ليلى_ اسيبك ترتاح شويه ولا هنتكلم
يامن بإبتسامة_ نتكلم،
ليلى بإبتسامة_ اوكي
يامن_ البيت عامل ايه من غيري اكيد وحش
ليلى_ ههههه معرفش انا ملحقتش اعرفه كويس
يامن_ اهاا طيب اتعرفي عليه قوام قوام، وسلميلي علي الكنبه
ليلى_ هاهاها دمك مش خفيف
يامن بإبتسامة_ طيب ايه رايك اني اخف دم في العيلة والبنات في الجامعة كانو يتلمو حوليه عشان خفة دمي
ليلي_ ههههه ومين يشهد للعروسه
يامن بإبتسامة_ طيب بذمتك ياشيخه مش دمي خفيف و وسيم
ليلى بإبتسامة_ مش اوي كده

 

 

 

يامن _ عرفتك انتي من النوع اللي بيتكسفو يقولو لحد انت كويس في وشهم
ليلى_ ههههه لا مش منهم لعلمك، انا صريحه يعني اقول اي حآجه حساها من غير لف ودوران
يامن _ اه ما انا عارف انتي هتقوليلي
ليلى_ وانت صريح ولا بتلف وتدور
يامن بإبتسامة_ بلف ودور
ليلى_ طيب ليه
يامن_ كدا
ليلي_ يبقا مش هنتفق
يامن _ مش مهم نتفق انا وانتي، كفاية متفقه انتي وادم
ليلي بشرود_ ادم
يامن_ اه ادم، مالك
ليلي_ مش عارفه بس اتعودت علي غيابه ونسيت موضوع الاتفاق ده
يامن_ اتعودتي علي غياابه..
ليلى_ ايوة
يامن_ تبقي مش بتحبيه كفاية
ليلي_ لا بحبه وبزياده كمان
يامن_ جايز بس انا لو بحب حد عمري ما اتعود علي غيابه، دايما هحس انه مكانه فاضي
ليلي بشرود_ اكيد الناس مش زي بعض، يمكن التعود ده، عشان انا اتحطيت في مشاكل واتلهيت عنه وهو كمان
يامن _ امم طيب ايه رايك تعتبري الفتره اللي بعيدة عنه فيها اختبار لمشاعرك، وخليكي عارفه انك لو بتحبيه مش هتقدري تستحملي غيابه يوم واحد

 

 

ليلي_ ههههه ياعم علي الفلسفة، اشجيني اشجيني
يامن بغرور مصتنع_ انا كده في الفلسفة معنديش يامه ارحميني ههههه
ليلى بإبتسامة _ كويس.. على العموم انا هاخد بنصيحتك،
يامن _ اوكي ولو معتبراني صديق، ممكن اعرف وصلتي لايه لما ارجع
ليلي _ اكيد.. بس انت لسه بردو هتكمل يومين
يامن_ يوم وليله ويوم تاني وليليه التانيه هكون عندكم
ليلى _ نستنااا يوم وليله ويوم وليله تاني مش هيحصل حآجه
يامن بإبتسامة _ اسيبك تنامى؟
ليلى _ لو مش هتنام خليك انا مش جايني نوم
يامن بإبتسامة _ ولا انا،.. خلاص خلينا لغيت ما يجيلنا نوم
بعد ساعات الرصيد بيخلص وبيبعتلها على الواتس
يامن _ خدتي بالك ان الفجر اذن
ليلى _ اه سمعته ايه هتصلي
يامن _ نصلي. بس انا اقصد على عدد الساعات اللي عدت ولسه مفيش نوم
ليلي باستغراب _ حقيقه، النوم اتاخر فعلا.. خلاص مبدهاش، اقفل وخلينا نصلي
يامن بإبتسامة _ ادعيلي معاكي
ليلي _ من غير ما تقول .. وانت كمان ادعيلي
يامن_ حاضر

 

 

ليلى بإبتسامة _ هتدعيلي بأيه
يامن _ لا دا سر بيني وبين ربنا
ليلي _ ههههه ربنا يستر من دعوتك
يامن _ ههههه متخافيش هتكون دعوه حلوه.. وانتي هتدعيلي بأيه
ليلي _ بأن يريح بالك ويرزقك الي بتتمناه
يامن بإبتسامة شارده_ بلاش اللي بتمناه ده، كفاية يريح بالي
ليلي _ ههههه وانت بتتمنا ايه خايف يتحقق
يامن بإبتسامة _ بتمنا اوصل للقمر وزي مانتي عارفة صعب وتعب
ليلي _ ههههه بلاش الي بتتمناه خليها راحت بال وبس.. احنا محتاجين القمر ينورلنا
يامن _ ولا اقولك ادعي يحقق اللي بتمناه، جايز تحصل معجزه ليه لأ
ليلي _ ههههه اخر كلام
يامن_ ايوه .. ادعيلي، وبضمير كمان
ليلي بإبتسامة _ حاضر، يلا سلام
يامن _ سلام
تاني يوم الصبح
ادم بيرن علي يامن لكنه مبيردش عليه
ادم محدث نفسه _ في ايه يا يامن كل ده مبتردش، ايه حكايتك.. هو هيعمل فيها عريس بجد ولا ايه.. لو كنت قربتلها هيكون اخر ما بينا

 

 

بعد وقت يامن بيصحا ويشوف الاتصالات من ادم ويرن عليه
ادم بانفعال_ ايه ياعريس صباحيه مباركه
يامن بأستغراب_ مالك يابني
ادم _ كنت فين كل ده ومبتردش
يامن_كنت نايم،.. ايه النبره دي
ادم_ وياترا نايم لوحدك ولا حد معاك
يامن_ قصدك ايه
ادم بعصبيه_ اللي فهمته
يامن بحزن_ لا ياصحبي انا نايم لوحدي، انا اصلا مسافر وهي عند بابا
ادم_ بتعمل ايه عند ابوك لوحدها
يامن _ ملقتش مكان اوديها فيه غير هناك
ادم’ وطبعا قولتلهم دي مراتي
يامن بانفعال_ عاوزني اقولهم متجوزها يكون صاحبي حل مشاكله يعني ولا ايه
ادم بغيظ_ لا بس انا مش هقدر اروح اقولهم ونبي ادوهاني دا ابنكم متجوزها سوريآ..الله يسامحك ملقتش حل تانى
يامن _ لا.. تقدر تروح وتاخدها وانا بعدين هفهم بابا الموضوع
ادم_ ماشي يا يامن، انا هروح وهقولهم اني زي اخوها، يمكن يحنو عليه ويدوهاني.. انا غلطان اني متصرفتش لوحدي
يامن بانفعال_ ايوه غلطان وحملتني حمل فوق طاقتي، اتفضل خودها وانا هقفل التليفون واريح دماغي.. سلام وبيققل
ادم _ ياامن، يابني… يووه ايه اللي انت قولته ده

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية هذه ليلتي)

اترك رد