روايات

رواية زينب الفصل الثالث عشر 13 بقلم هي جنته

رواية زينب الفصل الثالث عشر 13 بقلم هي جنته

رواية زينب البارت الثالث عشر

رواية زينب الجزء الثالث عشر

رواية زينب الحلقة الثالثة عشر

خالد قاعد علي سريره وماسك ايد زينب

خالد: عارفه يازوزو نفسي تكوني صاحيه

واقعد اتكلم معاكي كتير واكتر حاجه عايز

احكيها هي حكايتي انا وليلي (وهو بيرجع

راسه علي المخده اللي وراه ) اااااه ياليلي

كانت اجمل حاجه في حياتي واجمل حاجه

حصلتلي اول يوم شفتها فيه كانو نقلين جداد

في حارتنا وكانت بتشيل مع ابوها وامها ولما

شوفتها انا ومراد قررنا نروح نساعدها

خالد:السلام عليكم ياعمي احنا جيرانكم في

الشقه اللي قبالكم دي وجايين نساعدكم انا

خالد ودا اخويا مراد

ابو ليلي :اهلا وسهلا يابني بس مش عايز اتعبك معايا

مراد وهو بيبص علي ليلي : تعبك راحه ياعمي

ابو ليلي :انا عمك ابراهيم ودي مراتي حوريه

ودى بنتي ليلي معنديش غيرها

خالد وعيونه من ليلي :ربنا يباركلك فيها ياعمي

ابو ليلي :ويباركلك يابني

طلعنا العفش كله في الشقه ورتبنا شويه

معاهم وعمي ابراهيم حكم علينا لازم نتغدى

عندهم واحنا علي الاكل

مراد:والانسه ليلي في ايه

ليلي بخجل : انا في ثانويه عامه

مراد:كويس خالد في الجامعه وممكن يساعدها

خالد وهو بيبص لمراد وبيتكلم بصوت

واطي :ايه اللي انت بتقوله دا

مراد بصوت واطي :اسكت انت متبوزش اللي بعمله

 

 

 

 

 

 

 

 

 

ليلي وهي بتبص بخجل لخالد : بس مش عايزه اتعبه

خالد:ولا تعب ولا حاجه شوفي عايزه تبدأي

امتي وانا تحت امرك

ليلي:نبدأ من بكرا ان شاء الله

بدأنا دروس و وساعدتها كتير في المزاكره

والامتحانات وخلصت الثانويه وجابت

مجموع كبير وبدأت تروح معايا الجامعه

وقلبي بقي متعلق بيها لدرجه متتخيلهاش

الصبح تروح معايا وبعد الكليه نروح سوا

وبالليل نسهر انا وهي ومراد علي السطح

وناكل لب وتعملنا كيكه ومراد يروح يجيب

الشيكولاته اللي هي بتحبها وفضلنا علي الحال

دا لحد ماأنا خلصت الكليه وبدأت ادور علي

شغل عشان اروح اعترف لها واتجوزها وفعلا

اشتغلت كل حاجه واي حاجه وفي الاوقات

دي مراد هو اللي كان بيوصلها للكليه ويمكن

مكنتش بشوفها غير لحظات من بعيد لبعيد

وجمعت فلوس كتير وقلت اروح اعترف لها

استنيتها عند الكليه ولقيتها ماشيه مع

صحباتها ناديت عليها

خالد:ليلي ممكن نتكلم دقيقتين

ليلي بزعل: نعم في حاجه

خالد:انتي زعلانه مني

ليلي:وهزعل منك ليه

خالد:اصل مش دي مقابلتك ليا كنتي الاول لما

بتشوفيني كنتي بتبقي فرحانه ومبسوطه

ليلي: مش انت اللي بعدت وبتشتغل عشان

تخطب البنت اللي انت بتحبها

 

 

 

 

 

 

 

 

خالد:مين اللي قالك كدا

ليلي:مراد سألته عليك قالي انك مموت نفسك

في الشغل عشان تخطب البنت اللي بتحبها

خالد:فعلا انا كنت بعمل دا عشان الانسانه

الوحيده اللي دخلت قلبي وعمري ماحبيت ولا

هحب حد غيرها

ليلي وقفت وهي بتبكي : بعد اذنك ممكن

امشي عشان البنت اللي انت بتحبها لو شافتنا هتزعل

خالد:وهتزعل ليه ماهي واقفه معايا

ليلي وهي ماشيه : بعد اذنك وبعد خطوه

وقفت :انت بتقول ايه

خالد:بقول البنت اللي بحبها وعملت دا كله

عشانها هي انتي عمري ماحبيت غيرك

ولاهحب ممكن تقبلي تتجوزيني يا يا حبيبتي

ليلي اول لما سمعت كدا بكت وحضنت خالد :

وانا بحبك اوى ياخالد وعمري محبيت غيرك

روحنا البيت وخطبتها من ابوها والكل فرح

وبدأت اجهز الشقه واكبر شغلي والحمد لله ربنا رزقني من وسع

 والغريب من يومها ومراد اتغير ١٨٠ درجه من

الولد الشهم الجدع اللي شغال وبيكافح واللي

بيحب اخوه وامه وابويا بقي شاب مستهتر

 

 

 

 

 

 

 

 

عايش عاله وحاقد علي الكل ومش عارف ايه السبب

بعد كدا اتجوزنا وعشت معاها اسعد ايام

حياتي عمري مدوقت السعاده غير معاها

وكملت فرحتنا بحملها في ليان بجد فرحه

مابعدها فرحه لما ربنا يكرمك بزوجه بتحبك

وطفل يملي عليك حياتك يارب اعطي كل

مشتاق ومتحرمش حد ابدا وبعد سنتين

حملت ليلي بولد بس حياتنا اتلخبطت كنت

حاسسها مش سعيده وكارهه الحمل ودايما

مكتئبه وكانت بتتعالج عند دكتوره تقي بس

مش عارف دا بسبب الحمل ولاكان في ايه

خالد قاعد علي الكنبه وواخد ليلي علي صدره

خالد:مالك ياحبيبتي فيكي ايه

ليلي:مفيش ياخالد تعبانه بس بسبب الحمل

خالد:خالد اول مره تقوليلي خالد من اول جوازنا

ليلي:مفيش ياحبيبي

خالد:لو تريحيني وتريحي قلبي

ليلي اتعدلت بعصبيه :خلاص قلت مفيش سيبني بقي

ليلي اتغيرت جدا معدتش ليلي حبيبتي

وروحي وعقلي بقت واحده عايشه ميته

وفعلا كنت بشوفها بتموت حرفيا لحد ماماتت

يوم ولادتها الله يرحمها انا انهرت كأني كنت

جبل وهي اللي سنداني انهرت يازوزو وزاد

 

 

 

 

 

 

 

 

 

انهياري لما لقيت بنتي يتيمه ومفيش حد

يهتم بيها وكنت مقرر عمري مأتجوز ابدا

وهعيش لها وهكون اب وام لها بس سبحان

الله لما هي شافتك اتعلقت بيكي وخفت عليها

لتضيع مني زى امها أنا أسف يازينب اني مش

قادر اديكي الحب اللي بتتمنيه قلبي مش ملكي

وفي اللحظه دي نزلت دمعه من عيون زينب

عند مراد

ام مراد:مالك يابني فيك ايه لو تريحني يامراد

مراد وهو قاعد علي الارض وضامم رجليه

لصدره وماسك شعره :كنت بحبه ياماما

حبيتها قبله انا اتعلقت بيها قبله وانا اللي

قربتهم من بعض انا غبي غبي غبييييييييي

ام مراد حضنته :ياحبيبي طب ليه متكلمتش

مراد: كنت مستنيها تكبر وقلت يمكن بتحبني

عشان كل يوم بروح اوصلها ونقعد نتكلم مع

بعض ولما قررت اعترفلها جبت بوكيه ورد

ورحتلها الكليه لقيتها في حضنه نار ياماما

 

 

 

 

 

 

 

 

 

كنت عايز اموته عشان حرمني منها ولما

اتجوزو وعيشين سعدا وانا كنت بتخبط مابين

الحشيش والنسوان والاخر قررت اروح لها

وهو كان مسافر في شغل برا واعترفتلها

بحبي رفضتني قررت اخدها بالعافيه

واغتصبتها وقلت هاخد حقي وهرتاح بس

للاسف انهيارها موتني قالت هتحكي لخالد

هددتها انها لو قالتله هموته وهموت بنتها

وللاسف حالها اتغير ودبلت ومعدتش ليلي

اللي بحبها وبعدها عرفت انها حامل كلمتها

وعرفت ان اللي في بطنها ابني وكانت بتموت

حرفيا لما عرفت انها حامل مني وبعدها ماتت

وهي بتولد ويمكن هي اختارت دا عشان

تتخلص من الذنب اللي عايشه بيه وقبل

متموت بعتتلي رساله وقالت ربنا مش بيسيب

وهياخد حقي وهينتقم منك تأكد ان ربنا عدل

يمهل ولا يهمل فوضت امري فيك لله

بجد يأمي انا ندمان ندم عمري كله

وكرهت نفسي وكرهت خالد اكتر ولو طولت

اموته هموته و كرهته اكتر لما اتجوز بعد ليلي يعني مكنش بيحبها

 ام مراد: اوعي تكون انت اللي خبطت خالد؟

ياتري هو اللي خبط خالد ولا لأ

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية زينب)

اترك رد