روايات

رواية هذه ليلتي الفصل الرابع عشر 14 بقلم نجمة براقة

رواية هذه ليلتي الفصل الرابع عشر 14 بقلم نجمة براقة

رواية هذه ليلتي البارت الرابع عشر

رواية هذه ليلتي الجزء الرابع عشر

هذه ليلتي
هذه ليلتي

رواية هذه ليلتي الحلقة الرابعة عشر

فهد _ اخلصييي دقيقة واحدة وتكوني مظبطه الدنيا
نور برجفه _حاااضر. وبتمسك التليفون ومبتعرفش تقول ايه للبنات اللي بعتتلهم سكرينات من محادثاته ثم تنظر اليه بخيبه _ مش عارفه
فهد يجز على سنانه ويبصلها كانه هياكولها _ امال بتعرفي تبعتيلهم سكرينات وانا بخونهم عادي، نهار اللي خلفو.كي اسود
نور تداري وشها بأيدها وتبكي _ هتموتني صح
فهد بانفعال _ الموت راحه ليكي، انا هخليكي تتمنيه ومتلقهوش،
نور ببكاء _ طيب وانا اعملك ايه انت اللي عينك زايغه وبتاع بنات
فهد يشدها من قفاها _ انتي هنا مخطوفه مش خطيبتي.. غوري اقعدي علي جمب دلوقتي يكون فضيتلك
نور تبعد عنه وتقعد في زوايه من زوايا الغرفه
فهد بحيرة _ اقولهم ايه اه يابنت ال… نانا الحيرانه ضاعت دي كانت بتطري في الصيف
نور تتمتم بقرف_ تكيف بروح امك
فهد يبصلها بغيظ _ بتبرطمي بتقولي ايه
نور _ مش ببرطم
فهد _ طيب اقعدي مسمعش صوتك انتي فاهمه
نور _ طيب

 

 

فهد يكلم واحده منهم _ ايوة يا روحي ههههه انتي صدقتي انا كنت بشوفك بتغيري عليه ولا لأ يابيبي
نور تمط شفتيها بسخريه_ الو يا ناناي
فهد يبصلها بحده ويهمس لها _ هنفوخك بس الصبر ويرجع يكلم البنت بتاعته _ ههههه معقول تشكي في فهد حبيبو بردو لا زعلان جامد… لااا مش ممكن انتي شكيتي في اخلاصي ليكي… بتقولي هتصالحيني لما نتقابل، هتعملي ايه
نور بانفعال _ اتلم
فهد يجز على سنانه ويروح يسدلها بوقها بأيده ويكمل كلام _ لا انا بحب القميص الاسود اكتر من الاحمر ابقي تعالي بيه
نور تبصله بذهول وتحاول تشيل ايده بس متقدرش
فهد بهمس _ ولا نفس… لا يابيبي انا بكلم الكلب بتاعي ما انتي عرفاه قليل الادب… ههههه بتقولي زيي قليل الادب.. طيب بزمه مش بتنبسطي
نور تعضه في ايده وبانفعال_ ايييه برص قدامك ما تغور تكلمها هناك دا انت طلعت….
فهد_ شويه وهكلمك يابيبي ويقفل معاها ويبص ل نور بحده_ طلعت ايه كملي
نور بغيظ_ طلعت نجس
فهد يضم قبضته وبنبرة تهد.يد _ انتي عارفه اني ممكن اعاقبك علي تطاولك معايا
نور بانفعال_ متقدرش، انا اشتغلت في ملجأ قبل كده وعرفت ازاي اتعامل مع العيال اللي ملهمش اهل يربوهم، وترفع ايدها علشان تضربه ف يمسكها وبأنبهار_ اوو دا انتي طلعتي مش سهله بقا وبابتسامه، بس تعرفي عجبتيني
نور بانفعال_ طيب سيب ايدي احسنلك
فهد يقرب منها ويستنشق رائحة شعرها _ انا ازاي مكنتش واخد بالي منك من الاول، معقول قدامي الجمال دا كله ومحروم من البنات

 

 

نور تبعده عنها، وبغيظ_ انت انسان وسـ.خ
فهد بإبتسامة وتركيز _ ورغم كدا كل البنات بتحبني، وانا بقا عاوزك انتي ودخلتي دماغي
نور بخوف _ انا انا منفعش الله يخليك اطلع بره
فهد ببرود_ لسه قايله انك هتربيني جبتي ورا ليه
نور تبتدي تبكي_ انا اسفه مش هقول تاني، بس اطلع بره
فهد بتركيز _ لأ، والنهارده مش هسيبك غير لما اخد منك اللي انا عاوزة
نور ببكاء_ معنديش حآجه ادهالك،
يمسك شعرها ويبصلها بتركيز_ متستعبطيش بقا يانور
نور ببكاء وترجي _ معنديش غيره ولو خدتوه انا هموت نفسي،
فهد ببرود_ اممم صعبتي عليه بصراحه، خلاص خليها وقت تانى يكون هديتي.. وبيمشي خطوات وهي تقعد وتداري وشها وتبكي
فهد محدث نفسه _ امال عامله فيها عشر رجاله ليه،.. هنشف د.مك عشان تضيعيلي الموزز ، و ترفعي ايدك عليه كويس بعد كده
فيلا منصور
يامن بيدخل ومعاه شنط في ايده وبيقابل رانيا في وشه
راينا بغيظ _ قدرت تجوز غيري يا يامن
يامن يتجاهل كلامها ويتقدم خطوتين وهي تمسكه من ايده
يامن _ سيبي ايدي وبلاش فضايح كفايه اللي عملتيه
رانيا بغيظ_ مش هسيبك يا يامن، انت بتاعي انا لوحدي
يامن باستحقار_ وانتي بتاعت الكل، سهل اوي اتنين يشتركو فيكى ما انتي رخيصة
رانيا بقهر_ رخيصة عشان بحبك

 

 

يامن _ سيبي ايدي يا رانيا بدال ماجوزك يجي ويشوف المنظر ده
رانيا بترجي_ خرج هو وعمي، تعاله معايا، لازم نتكلم، انا مستعده اعمل اي حآجه علشان تسامحني، لتقطع حديثم ليلى
ليلى_ ايه ياحبيبي اتاخرت ليه انا من بدري مستنياك… ازيك يا رانوشه
رانيا تسيب ايده وتبصلها وتبص لهدوم يامن عليها وتحس بنار بتاكول فيها _ كويسه، ايه اللى لبساه ده
ليلى تمسك دراع يامن وتسند رأسها عليه، دا لبس حبيبي، ايه رأيك يا روحي مش البس بتاعك حلو عليه
يامن بارتباك_ اي حآجه بتلبسيها بتبقي حلوه عليكي
رانيا يذداد قهرها وتبصلهم بحقد وبعدين تاخد بعضها وتمشي،
ليلي _ اما بجحه بصحيح، دي لازم تضرب بنار
يامن يبعد عنها وبارتباك_ متشكر يا ليلي
ليلى بخنقه_ انا مكنتش متخيله انها بالبجاحه دى غير لما شوفت بعيني، يخربيتها
يامن_ سيبك منها، تعالي اوريكي جبتلك ايه
ليلي_ جبتلي؟
يامن_ ايوه، تعالي يلا، وبيدخلو جوه، وهي بتقفل الباب من الداخل، لينظر له وهو متوتر
ليلي_ وريني

 

 

يامن يطلع شيكولاته من جيبه ويدهالها
ليلى بفرحه_ شيكولاته الله دي وحشتني اوي، تعرف انا مكنتش بحبها لغيت ما ادم اقنعني انها حلوه، ودلوقتي بعشقهااا
يامن بإبتسامة باهته_ كويس اوي،
ليلى_ شكرا يا يامن انك افتكرتني
يامن_ استنى انتي مشوفتيش حآجه لسه، وبيطلع هدوم من الشنط ويسيب شنطه مقفوله _ ايه رأيك
ليلى بإبتسامة باهته_ حلوين، بس لمين دول
يامن_ ليكى، ايه وحشين
ليلى_ حلوين بس انت جايبهملي ليه
يامن_ علشان معندكيش هدوم خالص،
ليلى_ مينفعش انا هبقا اشتري لنفسي
يامن بتركيز_ ليه بقا
ليلى_ انت مش ملزم تجبلي حآجه
يامن_ ملزم طول مانتي معايا،
ليلي_ مش هينفع اسفه،.. انا غسلت هدومي ودلوقتي ينشفو والبسهم تاني، من فضلك رجعهم
يامن _ لا طبعا، ايه اللي بتقوليه دا، انتي ملزمه مني لغيت ما تمشي، اتفضلي الهدوم اهي، وانا برا لغيت ما تشوفيهم وتلبسي اللي يعجبك

 

ليلى_ طيب بس هبقا ادفعلك تمنهم
يامن_ قولتلك خديهم وخلاص، تمن ايه اللي اخده منك يلا هسيبك
ليلي_استني متخرجش، خليك هنا وانا هغير في الحمام
يامن_ اسيبك علي راحتك احسن
ليلي_ ولما الحربايه تقابلك بره،.. خليك انت بس،….. هو ايه الكيس ده
يامن بارتباك_ دي دي هدوم بردو خديهم معاكي
ليلي تبصله بأستغراب وتمسك الكيس وتفتحه قدامه
يامن يديرلها ظهره
ليلى بصدمه_ يانهارك اسود ايه اللي جايبه ده
يامن بارتباك_ انا قولت انك محتاجه دول بردو
ليلي بارتباك’ بس مكنش ينفع تجيبهم،
يامن_ انا اسف،
ليلي محدثه نفسها_ جايبلي هدوم داخليه، احيه اوريلوه وشي ازاي بعد كده، وبتاخدهم وتجري علي الحمام
يامن محدث نفسه_ ههههه اعمل ايه ما كان لازم اجيبلها ، دلوقتي تطلع تشد معايا، انا عارفها تموت في الخناق،.
ليلي تبص لنفسها في المرايا بعد ما لبست فستان من اللي جايبهم وهي مستغربه عرف يجيب المقاس مظبوط كده ازاي، لترسم بسمه علي وجهها وتحدث نفسها_ الولد ده ساهي و وراه دواهي، بسهوله كده جاب مقاسات مظبوطه بالملي وانا اللي بقعدطول اليوم ادور علي مقاسي، وربنا ما هسيبه غير لما اعرف جابهم ازاي،… بتطلع بسرعه، وتدور عليه في الاوضه وبعدين بتلاقيه في البلكونة واقف وبيبص على الجنينة، وفجاه بتضرب ايده لينتبه لها، ثم ينظر إلى الفستان بإبتسامة _ حلو عليكي تصدقي،

 

 

ليلى_ تسمح تقولي عرفت تجيب مقاسي ازاي، دا انا بلف طول النهار علي المحلات علشان الاقي مقاسي
يامن يشرد وميردش لتقطع شروده _ اخلص، عرفت مقاسي ازاي
يامن بغرورمصتنع _ انا كدة نبيه وبفهم في كل حآجه
ليلي_ ياااسلام
يامن_ زي ما بقولك كده
ليلى بإبتسامة_ على العموم متشكره، بس ايه رأيك، وتلف لفتين وهو يبصلها بتأمل لغيت ما بتوقف
ليلي_ ايييه بكلمك
يامن بإبتسامة شارده_ حلو اوي
ليلى تلاحظ نظراته لتلملم نفسها بارتباك_ شكرا،…. تاكول؟
يامن بإبتسامة_ يارييت انا جوعت اوي ،
ليلى بإبتسامة_ سمعت الحربايه بتقول ان اخوك وابوك مش هنا، ما تيجى نجهز ونضايقها بالمرة
يامن بإبتسامة_ اوك يلا
ليلى تمسك ايده لينظر لها بصدمه_ ايه في ايه
ليلى بإبتسامة_ امشي بس وحاول تضحك اي وكأننا زوجين سعيدين مثِل يعني متبقاش مبلم كل ما اسبلك قدامها
يامن _ ههههه ماشي يلا،
يخرجو برا الأوضة ويدخلو المطبخ وهما بيضحكو، وبعد شويه هي بتسمع صوتهم وبتنزل من غير ما تعمل صوت وتبصلهم من بعيد

 

 

ويامن ياخد باله منها
يامن_ تسلم ايدك يا روحي، اول مره اشم ريحه حلوه للبيض
ليلي باستغراب_ بتكلمني انا
يامن يغمزلها لتفهم هي
ليلي بإبتسامة_ ميرسي يا روحي، انت اللي مجامل
يامن ينظر لها برومانسيه_ بتكلم جد انتي اي حآجه بتعمليها بتكون حلوه عشان كده حبيتك
ليلي _ ههههه وبتحب في ايه كمان
يامن يبصلها بتأمل وينسا رانيا، ثم يقترب منها ويزيح شعرها عن وجهها وينظر لعينيها بتركيز _ عينيكي، بحب عينيكي اوي، وابتسامتك برغم اني مش بشوفها كتير،
ليلى تبادله النظرات وتحس انه مش بيمثل لتكمل ما بدأه _ اول مره اعرف انك بتركز في شكلي، دايما بتتهرب من البصه في وشي،
يامن_ بتهرب عشان متحسيش بحاجه، لكن ملامحك محفوره هنا، ويشير الي قلبه،
ليلي بارتباك_ احم، البيض
يامن بشرود_ مالو
ليلي تقرصه في ايده وتجز علي سنانها_ البيض هيتحرق، ابعد..
يامن يفوق ويبص حواليه وبعدين يبص مكان ما رانيا كانت واقفه وميلقهاش، ليبتعد عن ليلي وبارتباك_ ههههه شوفتي اضايقت ومشيت. يلا اسيبك تكملي عن اذنك وبيمشي ويسيبها
ليلي تبصله وتحدث نفسها _ دا لو كان تمثيل يبقا نقعد احمد عز في البيت ونجيبك انت، ايه ده، دا انا صدقت،
يامن بيدخل الاوضه ويأنب نفسه_ اييييه يا يامن، ايييه ياخي، مش كده، ما كنت بوستها احسن،.. كده كفاية لازم تمشي، تروح ل أدم هو اوله مني،، وبيتصل بيه
ادم بخنقه_ في ايه يا يامن
يامن_ فينك يابني

 

 

ادم _ بندور على ناردين من امبارح معلش اعذرني
يامن_ وهي راحت فين
ادم_ معرفش انا اهو بلف فى الشوارع، ومش لاقي ليها اي اثر
يامن_ طيب انا هجيلك ادور معاك
ادم_ لا طبعا مش هينفع، كمال وبابا هيشكو اننا مش متخانقين
يامن _ طيب ياحبيبي ابقا طمني
ادم _قولي ليلي عامله ايه معاك
يامن _ كويسه
ادم _ حصلت حآجه انا معرفعاش
يامن بخنقه _ لا بس شهل عشان تاخدها انا تعبت
ادم _ معلش يا يامن انا عارف انك مش بتحبها بس علشان خاطري عدي معايا الفتره دي مليش حد غيرك اثق فيه
يامن يحدث نفسه بخنقه _ لو طولت اكتر من كده مضمنش نفسى ممكن اعمل اية، انا كان مالي من الأول
ادم _ يامن انت سامعني
يامن _ سامعك، ماشي يا ادم زي ما تحب
ادم _ طيب خلي بالك من نفسك وسلملي على ليلي، يكون قابلتكم
يامن _ ماشي، .. سلام
بيقفل معاه ويرمي التليفون علي السرير ويروح يوقف في البلكونة
ليلي بتجيب الأكل _ يلا الأكل جه
يامن بخنقه _ كولي انتي انا مش جعان
ليلي تحط الأكل علي التربيزه وتروح عنده_ ياسلام، هاكول لوحدي يعني
يامن بزهق _ مش جعااان روحي كولي انتي وسيبيني لوحدي
ليلي _ ايه دا بقا انت بزعقلي

 

 

يامن بخنقه _ زعقت امتي، واحد ومش جعان هتأكليه بالعافية، خلاص روحي لو سمحتي
ليلي بدموع _ انا كنت عارفه اني هيجي الوقت وتزهق مني ومن مشاكلي، انا اسفه، وبتمشي خطوات للباب، وهو بيوقفها
يامن بخنقه _ انتي رايحه فين
ليلي بدموع _ اروح مطرح ما اروح بقا، عن اذنك، وبتفتح الباب وهو بيمسك ايدها ويرجعها تاني، ويقفل الباب
يامن بانفعال _ مفكيش مخ انتي هو عشان بقولك مش جعان تقومي تمشي
ليلي ببكاء _ مش عشان الاكل بس باين عليه اني بقيت تقيله وانت مش مجبر تتحملني
يامن بخنقه وانفعال _ مش مضايق منك ولا من مشاكلك، انا مستعد اعمل اي حآجه علشانك، بس انا دلوقتي مضايق من حآجه في دماغي انتي برا الموضوع الله يخليكي متزودهاش عليه ويشوح بايده ويروح الحمام ويقفل علي نفسه،
ليلى تروح وراه وتوقف قدام الباب وبدموع_ طيب قولي في ايه، يمكن اقدر اهون عليك، احنا مش خلاص بقينا صحاب،
يامن بخنقه _ انا نفسي معرفش عشان اقولك مالي، اللي اعرفه اني مخنوق وبس،
ليلي_ طيب ممكن تطلع وتكلمني
يامن يغسل وشه وينزل براسه تحت الحنفية، وبعدين يفتح الباب، ويروح لدولاب من غير ما يكلمها وهي تمشي وراه، وتمسكه من دراعه، ليستدير بجسده كله ويهرب من النظر إليها
ليلي بهدوء _ مالك يا يامن
يامن يبص لدولاب تاني ويشيل ايدها _ مفيش تعبان وعاوز انام بس
ليلي تمسك دراعه تانى _ لا فيه انا من اول ما شفتك وفي عز المشاكل مكنتش كده، ايه اللي حصل اصعب من اللي مرينا بيه علشان تكون مضايق بشكل ده
يامن يبصلها شويه ويحدث نفسه _ اقولك ايه يعنى، اقولك اني خايف منك وانك ممكن تكوني سبب في اني اخسر ادم، او اني اخون ثقته، ولا اقولك امشي ويحصل الي يحصل
ليلي _ يامن انت سامعني،

 

 

يامن يبعد ايدها عنه وبحزم _ انا كويس، روحي نامى او كولي بس سيبني من فضلك
ليلى تحس بالاحراج بسبب طريقته هو وبيبعد ايدها واسلوبه اللى فيه حزم فى الكلام وكأنه بيقولها متلمسنيش تاني، وبعدين بتسيبه وتروح تنام على السرير وتحضن المخده ودموعها تنزل لتحدث نفسها _ مش كفاية كده انتي مبقتيش صغيره عشان حد يتحمل مسؤليتك
محل شامي
شامي مستلقي علي الارض وباصص لناردين اللي نايمه في ثبات عميق وبيحدث نفسه _ نايمه عادي زينا على نفس الارض، بس هي الفلوس والجاهه بينفوخو البني ادمين ،،، انتي لو اختي كنت شيلت عليكي الطوب علشان اكسر مناخيرك.. قال نارردين المنياااوووي، قال
وفجاه تتحرك وتفتح عينيها وهو يغمض بسرعه ويعمل نفسه نايم
ناردين تبص للغرفه لغيت ما تفوق، وبعدين تبص لشامي اللي نايم من غير قميص، وبقرف _ وبعدين في الاخ اللي مش بيلبس هدومه ده، فرحان بعضلاته.. انت ياسمك ايه… هو اسمه ايه صحيح لغيت دلوقتي معرفش،، انتااا. لكن مبيردش، لتقترب منه وتقعد جمبه بخنقه _ وتبصله شويه وبعدين تركز في ملامحه هو ونايم
ناردين _ غريبه، شحط زي ده يكون شكله كده هو ونايم، المفروض يكون بيرفص، بيشخر، بيتكلم هو ونايم، بس ده شكله مات باين، وتحط ايدها على صدره عشان تشوف النبض شغال ولا لا
وشامي ماسكه نفسه بالعافيه علشان ميضحكش، وبعدين بيقرر انه يشتغلها شويه
ويفتح عينيه واول ما بيشوفها بيحتضن نفسه وبذهول مصتنع_ انتي بتعملي ايه
ناردين _ بعمل ايه ازاي، انت قصدك ايه

 

 

شامي _ قاعدة جمبي وحاطه ايدك عليه ليه، انتي عايزة ايه بظبط
ناردين بغيظ _ عاوزة ايه ازاي، انت باين عليك بتخرف او بتحلم
شامي يقوم ويبعد عنها ويبصلها بقرف_ مكنتش اعرف انك كده، بتستغلي الوضع واننا في اوضة لوحدنا، ارجعي مكانك يلا
ناردين بانفعال _ لاا دا انت مجنون بقا، هعوذ منك ايه انت
شامي_ يااابت، عليه انا بردو، انا شفتك حاطه ايدك عليه وقاعده جمبي، استرها معانا يارب
ناردين _ ياسلااام
شامي _ بكدب انا، مش هو ده اللي حصل، ولا عشان انتو اغنيا تقدرو تاخدو اي حآجه، كله الا الشرف متقدروش تشتروه بفلوسكم
ناردين بقرف_ شرف؟
شامي_ اه شرف، الحمدلله اني صحيت قبل ما تعملي الي ف بالك، الحمدلله
ناردين _ ههههههههههههههه ، دا شكله لسه مفقش ههههههههههههههه
شامي_ وكمان بتضحكي، طبعا حقك تضحكي
ناردين _ حقيقي انت ذكي، ارجع نام بقا
شامي _ لا يمكن انا هفضل صاحي كده لغيت ما حد يلحقني ويفتحلنا الباب
ناردين _ ههههه ماشي براحتك،
شامي_ روحي نامى انتي متقعديش معايا
ناردين _ متخافش هتعبرك زي اخويا ومش هأذيك ههههه

 

 

شامي _ لا انتي بتكدبي عليه
ناردين _ مبكدبش انا عندي ولايه، اقصد رجاله واخاف عليهم بردو ههههه
شامي بإبتسامة _ خلاص مصدقك
ناردين _ انت بتستعبط صح
شامي_ بصراحه اه، لقيتك قاعدة جمبي قولت اظيط في الظيطه
ناردين _ ههههه لا بس ضحكتني بجد
شامي بإبتسامة _ اه ما انا خدت بالي،
ناردين _ اممم هو انت ليه قالع قميصك مش عيب
شامي _ مبلول عندك في الجردل اهو ومعنديش غيره هنا
ناردين _ اه صح انت عملتلي بيه كمدات
شامي _ على الله يتمر بس
ناردين _ متقلقش هجبلك فلوس بدال تعبك معايا
شامي بقرف_ انتي مبتعرفيش تتعاملي عادي زي البني ادمين، هو كل حآجه عندك بالفلوس
ناردين _ الله وانا قولت ايه، مش ملاحظ انك من اول ما اتقابلنا وانت عمال تذلني بالموضوع ده
شامي _ علشان مبتحسيش،
ناردين _ انا مبحسش

 

 

شامي _ ايوووه مبتحسيش وبتحسبيها بالفلوس، دايما معندكش حآجه اسمها انسانيه
ناردين _ خلاص ياسيدي مش دفعالك حق تعبك معايا انا غلطان توفر
شامي بقرف_ اقولك روحي اتخمدي انا مش طايقك قدامي
ناردين _ هتخمد اهو بس يكون بعلمك انا مش وحشه زي مانت فاهم، وبكره تعرفني كويس،
شامي_ بكره الصبح يعني ولا ايه
ناردين _ قصدي في المستقبل
شامي _ وانا هشوفك ازي في المستقبل، انا كرهتك من يومين مش عاوز اعرفك تاني
ناردين _ بقااا كده
شامي_ ايوة كده
ناردين تقرب منه وتبصله ببلطجه_ بص ياسمك ايه، انت خلاص دخلت دماغي، ومش هسيبك غير لما تعرف اني مش وحشه،
شامي بقرف_ بقا نارديين المنياوووي بجلالة قدرها هتتنازل وتثبت للمكانيكي الكحيان دا انها كويسة، دا ايه الرضا ده
ناردين ترفع صوباعها في وشه_ متنرفزنيش، انت هتكون السواق بتاعي من بكره لغيت ما تعرف اني مش وحشه وبعدين تغور، عشان انت قرفتني من ساعه ما عرفتك
شامي محاول استفزازها عشان تتمسك برأيها _ مش عاوز اعرف عنك حآجه ياستي هو بالعافيه، انا مش طايقك الساعتين اللي فاضلين لسه هستحملك يكون اثبتيلي انك كويسه، وياريت هتقدري
ناردين _ تبقى خايف

 

 

شامي _ اخاف من ايه بقا
ناردين _ مني انا
شامي _ وايه يخوفني منك
ناردين _خايف اني اتطاول عليك او اتنرفز عليك في الرايحه والجايه بحكم فلوسي الكتير وانت ميكانيكي كحيان
شامي ببرود _ انا خايف عليكي مش منك
ناردين _ ليه بقا
شامي بإبتسامة _ علشان هتحبيني، دا لو مكنتيش حبيتيني فعلاً، وساعتها بقا، هتتمسكي بيه وباباكي هيطردك ويحرمك من الميراث، والكلام ده
ناردين بقرف_ انا ناردين المنياوي احبك انت ههههه والله ضحكتني
شامي_ انا لو مش متأكد من كلامي مكنتش قولته
ناردين بتحدي_ اوووكي، اعتبر ان دا تحدي
شامي_ لا انا مبحبش اراهن علي حآجه خسرانه
ناردين _ معلش تعاله على نفسك وراهن المره دي، وفي الحالتين خسرت او كسبت، هديلك اي مبلغ تطلبه
شامي بزهف_ ممكن متدخليش الفلوس في كل جملة تقوليها
ناردين _ ماشي، .. قولت ايه
شامي بتحدي_ موافق

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية هذه ليلتي)

اترك رد