روايات

رواية هذه ليلتي الفصل الثالث عشر 13 بقلم نجمة براقة

رواية هذه ليلتي الفصل الثالث عشر 13 بقلم نجمة براقة

رواية هذه ليلتي البارت الثالث عشر

رواية هذه ليلتي الجزء الثالث عشر

هذه ليلتي
هذه ليلتي

رواية هذه ليلتي الحلقة الثالثة عشر

ليلي _ عاوزة اكلم ادم
يامن_ ماشي، استني اشوف حد جاي ولا لا
ليلي_ ماشي
يامن بيفتح الباب ويبص هنا وهناك ميلقيش حد ف يرجع لها ويتصل ب أدم
ادم_ ايوة يا يامن
ليلي بدموع_ انا ليلي يا ادم، انت فين مبتسالش عليه
ادم_ مش وقته يا ليلي اقفلي دلوقتي وهكلمك بعدين
ليلي_ بس انا كنت عاوزة اقولك اني همشي مع يامن
ادم_ تمام روحي معاه وبعدين هكلمكم انا مشغول اوي دلوقتي سلام وبيقفل
ليلي تبص لتليفون وهي مش مصدقه انه بيكلمها بطريقه دي، وتبتدي تبكي
يامن_ مالك بتبكي ليه دلوقتي
ليلي_ صاحبك قفل عليه تصور بقوله همشي معاك يقولي روحي من غير ما يسأل رايحين فين
يامن_ اكيد مشغول ف حآجه مهمه
ليلي ببكاء_ في ايه اهم من الي بيحصل معايا، ادم مش بيحبني لو بيحبني كان هو اللي يحميني مش يخلي واحد معرفهوش يحميني بداله

 

 

يامن بتنهيده_ هو لو هيقدر يحميكي ولا عنده اي طريقه تانيه مكنش سابك معايا
ليلي بدموع_ جايز، بس انا كنت عاوزة اقول علي اللي حصل، ويفهمني اعمل ايه، انا محتجاله اوي يا يامن
يامن يتوجع لحالها_ ليلى، انا جمبك لغيت ما ادم يرجع، صدقيني مش هيحصل اسوء من كده، كله هيكون تمام
ليلي بدموع_ مبقتش قادره اطمن لحد، اذا كان عمي قتـ.ل بابا والراجل اللي رباني من صغري، كان عاوز يقتـ.لني و…
يامن يقرب منها ويحط ايدو علي كتفها ويبصلها_ انا عارف انه مش سهل عليكي اللي حصل معاكي،بس كله هيعدي، وحقك هيرجعلك اوعدك
ليلي تبصله والدموع تنهمر في عينيها لترتمي بين احضانه، وتبكي بشكل هستيري _ خايفة بجد اول مره اخاف كده
يامن قلبه ينفطر لخوفها وحزنها الشديد، ليغمرها بين زراعيه باحتواء لتمسك به بقوه، كادت ان تخترق اضلعه، لتزداد ضربات قلبه، وتعلو انفاسه، ثم يغلق عينيه لتكون مشاعره هي سيدة الموقف
بعد وقت
يامن وليلي يمشو من فيلا كمال
يامن _ ليلى ممكن تستنيني هنا ساعه وهرجعلك
ليلي _ هتروح فين
يامن _ عاوز اشوف بابا قبل ما نروح الغردقه
ليلي _ طيب ما تاخدني معاك واستناك برا
يامن _ ههه انا كنت عاوز اشوفه من برا اصلا،
ليلي _ طيب وليه، ما تروح تكلمه اكيد انت واحشه
يامن بتنهيده _ مبقاش ينفع ادخل عندهم
ليلي _ عندك حق، طيب يلا بينا نبص عليه سوا ههههه
يامن _ ههههه يلا

 

 

في اوضة جيلان
جيلان ببكاء _ افتحولي لا امو.تلكم نفسي،
بيدخل عليها نادر
نادر _ ومستنيه ايه ما تمو.تي نفسك قبل ما تفضحينا وتبوظي سمعتنا
جيلان ببكاء _ انا معملتش حآجه لكل ده
نادر يضر.بها بالقلم بغيظ _ جايبك من بيته ومن اوضة نومه وتقولي معملتش حآجه، واحد غيري كان د.بحك
جيلان تحط ايدها علي خدها وتبكي_ انت بتضربني يا بابا
نادر _ واد.فنك مكانك لو سمعت صوتك، اخر مره هتخرجي قبل الفرح
جيلان _ مش هتجوز اللي اسمه ادم ده لو كان اخر يوم في عمري
نادر يضر.بها قلم تاني _ هتجوزيه غصب عنك، واعملي حسابك فرحك الشهر الجاي
جيلان ببكاء _ متعملش فيه كده انا مبحبهوش ولا هو عاوزني
نادر _ خلص الكلام، وبيمشي ويسيبها
جيلان بزعيق وصوتها يوصل لعند الحرس ليسمعه عز _ مش هتجوزه حتي لو وصل بيه الحال اني اموت نفسي.. مش هتجوزه انتو فاهمين.. وبعدين تهدي وتحدث نفسها،، ههرب مستحيل اقعد هنا دقيقة واحده، وتبتدي تفكر في طريقه تهرب بيها

 

 

محل شامي
شامي _ يامسهل الليل قرب اهو
ناردين بزهق _ انا تعبت، ما تشوف كده يمكن الشبكه رجعت
شامي _ مفيش شبكه هنا خالص،
ناردين _ طيب مفيش حد يسأل عليك، معقول مفيش حد فكر يدور انت فين
شامي _ هما متعودين على كده، بغيب بالايام عشان الشغل
ناردين بزهق _ طيب وبعدين، بابا هيطين عيشتي وانا مش عارفه هقوله ايه لما ارجع
شامي_ ما تقوليلوه اللي حصل
ناردين _ عاوزني اقوله بيت معاك ليلتين لوحدنا؟!
شامي_ مش بظبط بس افتكر لو عرف اللي حصل هيعذرك
ناردين _ هو ايه اللي حصل، عيد عليه كدا
شامي _ خدتك غصـ.ب عنك وحبستك
ناردين _ كويس انك عارف،.. انا لو قولتله كده هيقـ.تلك
شامي _ ههههه طيب وانتي خايفه يقتـ.لني ليه
ناردين _ شكلك عاوز تتقـ.ل
شامي_ يعني هيقصر من عمري يوم مثلا، الاعمار بيد الله
ناردين _ يابرودك واحد غيرك كان مات من الخوف
شامي يبصلها بتركيز_ انا مش خايف غير من حآجه واحده
ناردين _ هي ايه
شامي بإبتسامة _ دا سر مش هقولك عليه
ناردين _ قول
شامي _ لاا
ناردين _ براحتك،

 

 

شامي_ طبعا بمجرد ما نخرج من هنا مش هنشوف وشك تاني
ناردين _ ابدآ، في حد عاقل يرجع هنا تاني،
شامي_ علي رأيك
ناردين _ طيب دلوقتي في مشكله اكبر من مشكلة بابا
شامي _ هي ايه،
ناردين _ المعلم بتاعك لما يفتح بكره ويلاقينا هنا، هيعمل ايه
شامي _ مش عارف، بس هيعمل ايه يعني زي ما يحصل بقا متفكريش كتير
ناردين _ ممكن يرفدك؟
شامي_ معرفش بس احتمال يعمل كده فعلاً
ناردين _ ولو عمل كده انت هتعمل ايه
شامي بإبتسامة _ انتي شاغله نفسك ليه ما تسيبيها لظروفها
ناردين _ بقولك ايه اديني رقمك
شامي _ اشمعنا
ناردين _ علشااان اه علشان العربيه، متنساش انها بايظة وهسيبها هنا ف عاوزة اعرف اتصلحت ولا لاء.
شامي بإبتسامة _ ماشي، هاتى اكتبهولك
ناردين _ اهو،
شامي_ اتفضلي
ناردين _ اسميك ايه
شامي _ اي حاجه مش هتفرق
ناردين _ ههههه هسميك الخاطف

 

 

شامي _ ههههه تخيلي ابوكي يشوف الاسم ويسالك مين ده
ناردين _ عاملة باسورد متقلقش
شامي _ ماشي على راحتك،
ناردين _ الليل هيدخل اهو، كلها ليلة ونمشي بقا
شامي _ دا انتي مش طايقه القعدة هنا
ناردين _ في حد يطيق السجن؟!
شامي_ علي رايك، ع فكرة انا مبسوط بمعرفتك
ناردين _ وانا مش مبسوطه بمعرفتك، ومش ناسيه اللي عملته معايا وخصوصا الكنس
شامي بإبتسامة_ اهو اتعلمتيلك حآجه تنفعك في بيت جوزك
ناردين _ انت فاكر اني لما هتجوز هكنس وانضف
شامي _ وليه لاء
ناردين _ انا ناردين المنياوي اكنس وانضف
مستحيل
شامي _ افرضي جوزك مكنتش يقدر يجبلك شغاله هتعملي ايه
ناردين _ مش هتجوزه طبعا
شامي بإبتسامة _ الله يكون بعونه هيتورط انا لو اعرف اللي هياخدك هقوله انفد بجلدك ده فخ
ناردين _ والله الي شاريني يعمل اي حآجه عشان يوصلي مش هنوقف علي شغاله تنضف يعني
شامي _ يعني مفيش تنازل؟
ناردين _ مستحيل اتنازل ولو واحد في الميه عن المستوا اللي عايشه فيه، اللي مش هيقدر يعيشني في نفس المستوا ميقربش احسنله
شامي يمط شفتيه _ عمرك حبيبتي ؟

 

 

ناردين بأستغراب _ نعم
شامي _ بندردش عادي
ناردين _ متدردش معايا تاني
شامي _ ماشي وبيسكت
ناردين _ وانت حبيت قبل كده، لكن مش بيجيلها رد
ناردين _ انتااا بكلمك _
شامي_ لما تجاوبي انتي الاول ابقا اجاوب
ناردين تشرد شويه وتفتكر يامن _ حبيت من اسبوع بس طار بقا
شامي _ طار راح فين
ناردين _ خدته مني ناكرة الجميل اللي ربيناها ومتمرش فيها
شامي _ هو كان بيحبك؟!
ناردين _ مقالش بس انا متاكده انه حبني
شامي _ ههههه واتأكدتي ازاي
ناردين _ مفيش حد يشوفني وميحبنيش، ناقصني ايه، جميله وشيك وغنيه
شامي _ ومغروره ومتعجرفه ومتكبره نسيتي تقولي دول كمان، ثم ان مش شرط كل الي يشوفك يحبك انا اهو شوفتك وقعدت معاكي ومقبلتكش قد كده
ناردين بنرفزه_ احسن انك محبتنيش علشان هتكون بتبص لنور العالي بعنيك وتتعمي
شامي _ ههههه ثقتك بنفسك وبفلوس ابوكي عاليه اوي، صدقيني حتي لو اتجوزتي مش هتتحبي وهتفضلي وحيدة، مين ممكن يحب وحده متكبر زيك
ناردين بنرفزه _ وانت مالك بتقولي الكلام ده ليه، حآجه متخصكش
شامي يبصلها بحده ويديلها ضهره ويحدث نفسه _ بنت مغروره ومتكبره انا كنت فاكر انها ممكن تتغير، انت بتحلم واحده زيها مستحيل تتغير،،.. يلا كلها سواد الليل وتمشي ومشوفش وشها تانى

 

 

قدام فيلا منصور
يامن وليلي واقفين وبيبصو على الفيلا
ليلي _ مفيش حد يا يامن
يامن _ خلينا شويه يمكن يطلع في الجنينة
ليلي _ ماشي خلينا
يامن بزهق _ تفتكري هيطلع
ليلي_ معرفش ،، بس انت شكلك بتحب ابوك اوي
يامن _ اكيد مش ابويا
ليلي _ برغم انه صدق فيك اتهام مرات اخوك
يامن بتنهيده _ معذور اصلك متعرفهاش، طول عمرها بوشين وتقدر تضحك علي اي حد
ليلي _ طيب وانت مجربتش تقول لاخوك على عمايل مراته ليه
يامن _ وتفتكري هيصدقني،
ليلي _ لازم يصدقك، انت اخوه من لحمه ودمه
يامن _ بس معنديش دليل وهو بيحبها اوي مستحيل يصدقني
ليلي بتركيز _ يعني لو في دليل هيصدق
يامن _ بيتهيألي كده
ليلي بإبتسامة _ يامن بص كده ابوك ظهر
يامن يشدها ويتوارا ويبص عليه من بعيد
يامن بإبتسامة باهته _ اه شوفته

 

 

ليلي _ يامن روحلو صدقني مش هيصدك، وسيبك من مرات اخوك متعبرهاش
يامن _ قولتلك مش هينفع
ليلي _ بس هي كده هتنتصر عليك وانت سايبلها الحبل،، لازم تواجه
يامن_ اسكوتي متو.لعهاش، مهما اقول محدش هيكدب الست ويصدق الراجل في المواقف دي
ليلي بحده_ يامن اسمع الكلام، روح يلا
يامن _ بقولك اسكوتي
ليلي _ مش ساكته، بص انا هساعدك زي ما ساعدتني ونخليها تكشف نفسها بنفسها
يامن _ ودا ازاي يا فالحه
ليلي تبصله بتركيز
يامن _ مالك بتبصيلي كده ليه
ليلي _ انا مش المفروض مراتك
يامن _ وبعدين
ليلي _ وبعدددين، هتعرف بعدين، بس يلا، عاوزاك تروح، وتعتذر لابوك وتقوله انك. كنت سكران مثلا ومحستش بنفسك انت وبتتعدا عليها
يامن _ انتي مجنونه، اقوله كنت سكران دا ممكن يد.بحني
ليلي _ مش هيد.بحك، قوله انك. كنت معزوم وشربوك خمره علي انها عصير، اتصرف
يامن _ لا يعني لا، اقعدي بقا، وفجاه يقطع كلامهم صوت علاء
علاء _ يا واطي بقا تغيب كل ده وفي الآخر تبص من بعيد زي الحر.اميه
يامن باحراج_ علاء وحشتني، ويحضنه
علاء_ وحشتك ايه بقا ما انت استغنيت عننا، مين دي
يامن بتردد_ دي ليلي
علاء_ ليلي مين

 

 

ليلي بإبتسامة _ مراته
علاء بصدمه _ مرات مين
يامن يبص ل ليلي بغيظ
ليلي _ هتفضل مخبي لامتي يعنى
علاء بزعل _ اخص عليك بقا كده تجوّز من غير ما نعرف
يامن_ جت كده حقكم عليه
علاء_ حقنا ايه بقا، بابا اكيد هيزعل منك اوي
يامن _ دورك انت انك تتوسطلي عنده انا مش قادر اوجهه
علاء بإبتسامة _ عنيا، يلا تعاله،.. اتفضلي يا.. اسمك ايه
ليلي _ اسمي ليلي
علاء_ طيب تعالي اتفضلي
بيدخل علاء و وراه ليلي ويامن
منصور لما بيشوفهم بيوقف وبانفعال_ ايه جابك تاني،
يامن يبص على ليلي باحراج
ليلي تأشرله انه يبوس ايده
يامن يأشرلها بالرفض لترد عليه هي الاخري بانه يبوس ايده
يامن يبصلها بقلة حيله ويروح يبوس ايده
منصور يشد ايده منه _ ايه جابك تاني
علاء_ يا بابا اديلو فرصه، تانيه، مهما كان اللي عملو ومش راضي تقولي عليه دا ابنك بردو
يامن بتذلل_ سامحني يا بابا انا معرفش عملت كده ازاي، صحابي شربوني خمره ومكنتش عارف انا بعمل ايه
منصور يسكته علشان علاء ميشكش في حاجه_ خلاص مش وقته خلينا نتكلم بعدين.. مين دي وجايبها معاك تاني ليه
يامن بخيبه_ دي مراتي

 

 

منصور يبصله بصدمه، ويرفع ايدو ويد.يلو قلم علي و.شه
علاء يوقف قصاده_ يا بابا مش كده
منصور _ بيقولك مراته، ولما هو بقا راجل وبيتجوز من غير ما يقولنا راجع تاني ليه
ليلي توقف قصاده وببكاء_ عمي يامن اتجوزني علشان يساعدني مش اكتر والله
منصور باحتقار_ يساعدك في ايه ان شاءلله، وانتي ملكيش اهل يسالو عليكي ولا يربوكي
ليلي الكلمه توجعها ليرد يامن _ بابا لو سمحت كفايه
منصور _ الله وكمان زعلان عليها،
ليلي بدموع _ انا اهلي متوفيين وهو اتجوزني علشان مقعدش في الشارع
منصور يبص عليها ويحس بصدق في كلامها _ حتي لو كده كان لازم ياخد رأينا الاول
علاء_ علشان خاطري يا بابا سامحه دا مهما كان يامن حبيبك
منصور بتنهيده _ شوفت اخوك بيدافع عنك ازاي، اصيل يا علاء
يامن يبص على ليلى وتعابير الانكسار على وشه ليحادث نفسه،_ مكنش لازم اسمع كلامك وادخل
منصور بصرامه_ فين عقد الجواز
ليلي تطلعه من شنطتها وتدهولو
منصور يقراه وبعدين يدهولها تاني _ تمام خدد مراتك وادخل اوضتك دلوقتي ولينا كلام مع بعض بعدين.. وانتي، خلي بالك من جوزك وابقي شوفيه عاوز ايه وهاتيهوله، كويس انه اتجوز عشان يلاقي اللي تخدمه ميدورش بره وينظر ليه نظره يفهم معناها،

 

 

يامن يتهرب من نظراته بأنه يدخل اوضته ويسيبهم
وليلي تبص فوق تلاقي رانيا بتبص عليهم وهى تشيط غضبآ، لتزيد نارها اشتعال _عن اذنك ياعمي، هشوفه يمكن محتاج حآجه ثم تنظر اليها مره اخره بإبتسامة
رانيا تاخد بعضها وتخبط الباب وتدخل وتقفل علي نفسها، وتكسر في الاوضه، بغل وقهر _ اتجوزت يا يامن. مش هسيبك تتهنا يوم واحد معاها، انت ليه انا وبس ،
غرفه يامن
يامن داخل الحمام يستحم ويبكي من غير صوت
ليلي من خارج الحمام، _ يامن انت كويس
يامن بقهر _ قولتلك مندخلش وانتي مسمعتيش الكلام عاجبك. كده
ليلي_ كان لازم ندخل، انت كده عديت اصعب موقف، لازم ابوك واخوك يعرفوها علي حقيقتها
يامن ببكاء _ محدش هيعرفها قولتلك انها شيطانه
ليلي _ ملكش دعوة بيها انا وهتكفل بالباقي، اطلع بقا
يامن يلبس هدومه ويطلع
يامن _ انتي مسكينه اوي، ملكيش دعوه بيها خليكي في نفسك لغيت ما الفتره دي تخلص
ليلي بإبتسامة _ اما نشوف
يامن _ مبهزرش، بقولك اختصريها
ليلي بخبث_ دا انا هختصرها اختصار
يامن بحده_ ليلى بلاش استعباط، انا مش هسمح بانك توقعي نفسك في مشكله معاها، عدي اليومين دول علي خير،
ليلي _ متشغلش بالك، انا مش هكلمها نهائي،

 

 

يامن_ اتمنا
ليلى _ احنا في مشكله كبيره دلوقتي
يامن_ مشكلة ايه تاني
ليلى _ انا هنام فين وانت هتنام فين
يامن_ انا هنام برا وانتي خليكي هنا
ليلى بتريقه_ تصدق كانت غايبه عن بالي الفكرة دي… انت اهبل يابني، مهما هيشكو في الموضوع
يامن _ متقوليش اهبل،
ليلى _ خلاص انا هبله، اممم انت هتنام علي السرير وانا هنام علي الكنبه
يامن _ لا خليكي انتي علي السرير وانا علي الكنبه
ليلي _ تمام موافقه ههههه
يامن بإبتسامة حالمه _ متشكر
ليلي _ علي ايه
يامن _ علي كل حآجه
ليلي بإبتسامة _ معملتش حآجه تشكرني عليها بس العفو ابقا تعاله كل يوم ههههه، وفجاه الباب يخبط
يامن _ مين
رانيا وهي بتفتح الباب _ انا
يامن يجي يتكلم ولكن ليلي تمسكه من ايدة علشان يسكت وبابتسامه_ اتفضلي
رانيا تبصلها بكبر_ الف مبروك،،، الف مبروك يا يامن

 

 

ليلى تمسك ايد يامن وتقرب منه وبابتسامه _ ميرسي يا روحي، تعالي اقعدي واقفه ليه
يامن قلبه يخفق ويحاول يتماسك
رانيا تبص لايديهم ولقربهم بغل مخفي وتقعد علي الكنبه
ليلى تبص ليامن بإبتسامة _ ايه يا حبيبي، مش هتقعد
يامن بارتباك _ حبيبك
ليلي تقرصه في ايده وبابتسامه _ وعمري كله كمان، ودا وقت دلع، خلينا نقعد ولما نكون لوحدنا بقا ههههه
رانيا تشيط غضبآ وقهر لتقوم بانفعال _ اسيبكم علي راحتكم، الف مبروك وبتمشي وتشد الباب وراها
ليلى تجري وراها وتقفل الباب، وتفضل تضحك بعفويه لينظر لها ويهيم بها وهو مبتسم وقلبه يخفق بقوه
ليلى _ ههههههههههههههه شفتها خدت بعضها ومشيت ازاي، ههههه
يامن يبعد نظره عنها لكي لا تلاحظ نظراته لها وبابتسامه _ اضايقت فعلا
ليلي تقترب منة وتمسك يديه لينتفض وينظر لها
ليلي برومانسيه مصتنعه _ خدت بالك من وعمري كله كمان اللي انا قولتها قدامها، انفع صح ههههههههههههههه وتسيبه وتترمي علي السرير
يامن ينظر لها بارتباك وضربات قلبه تتسارع
ليلى تقعد وتبصله باستغراب _ هوووي مالك المفروض تكون فرحان فيها، عرفنا نحر.ق دمها، ولسسسه، هتشم ريحة الشياط طالع منها ههههه
يامن بارتباك _ ان شاءلله اذنك هشم شوية هوا في البلكونة ويمشي ويسيبها ليحدث نفسه _ ايه ده في ايه، مالك .. اركز يا يامن، اررركز ادم يزعل، ادم يزعل ، ادم يزعل
ليلى تقوم وتفتح الدولاب وتلاقيه كله ملابس ليامن،
ليلي _ وبعدين انا عاوزة استحما، امممم مفيش غير اني البس حآجه من عنده، بتمسك ترنج من بتوعه وتدخل تستحما وتلبسهم، لتظهر مثل الطفل بداخلهم، ف المقاسات تختلف تماماً، ليكون التيشرت فضفاض لاقصا حد والبنطال طويل يعرقل خطواتها،

 

 

يامن بيدخل من البلكونة، ويشوفها بالمنظر دا،
يامن يقرب منها _ ههههههه ايه اللي عملاه في نفسك ده
ليلى تخطوه خطوه لتقع ويسندها يامن بين ذراعيه لتلتقي نظراتهم عن قرب
ليلي تسند نفسها وتعتدل وبارتباك_ اسفه بس البنطلون طويل زي ما انت شايف
يامن بإبتسامة _ بس حلو عليكي
ليلي _ بتتريق حلو منين انا مش باينه خالص
يامن _ خلاص اقعدي هنا واقفلي علي نفسك وانا هوصل مشوار وراجعلك
ليلي _ هتروح فين
يامن _ مشوار قريب مش هتأخر وزي ما قولت اقفلي علي نفسك واكنك نايمه
ليلي بإبتسامة _ ماشي يلا روح
في المخزن
نور ماسكه تليفون فهد وبتحاول تتصل بحد لكن مش حافظه ارقام غير رقمها ف بترن عليه علي امل خالتها تسمعه وترد، ، لكن بدون فايده،
نور بخنقه _ يادي النيله تليفوني معمول صامت طيب وبعدين
بتفكر شويه ومبتلقيش حل ف الفضول بياخدها ويخليها تقلب في الصور والملفات.
بتشوف صور لفهد هو وبيتدرب ويصوب بالمسدس، وبعض الألعاب الرياضيه، وايضا صور بتجمعه مع صحابه، وصور اخري مع كلب ويظهر انه صاحبه، لتمط فمها بقرف _ ما جمع الا ما وفق،، حتي صورك متعجرف، لتدخل بعدها علي الرسايل الخاصة، وتلاقي عدة رسايل من بنات وكلهم علي علاقه بيه لتفكر قليلآ، وترتسم على وجهها ابتسامه، ثم تفعل شئ سريع وبعدها تتوافد الرسايل والرنات علي هاتف فهد، لتغلق المكالمات وترد علي الرسايل،
نور _ ههههه دا هيتعمل منه كفته
ليقطع ضحكاتها فتح الباب ويدخل فهد، وهو يبحث عن شيء
نور محدث نفسها _ اكيد بيدور علي التليفون

 

 

فهد ينظر لها وهو يشك في امرها، ليقترب منها وبجديه_ شايفك مبسوطه
نور بإبتسامة لا تستطيع اخفائها _ هو الانبساط ممنوع هنا كمان
فهد بشك_ لا مسموح بس ايه السبب، ثم ينظر ليدها التي تخفيها ورا ظهرها _ مخبيه ايه
نور بارتباك _ مفيش حآجه
فهد _ وريني ايدك
نور تحط التليفون في ايدها التانيه وتوريلو ايدها الاولي
فهد بحده_ التانيه
نور تكرر نفس الحركه
فهد _ الاتنين مع بعض
نور بارتباك _ مفيش حآجه
فهد يقرب منها ويمسك ايدها ويشدها، ليتفاجاء بتليفونه في ايدها
نور برعب_ انا اناانا لقيته ومعرفش بتاع مين
فهد يفتحه ويركز في اللي حصل، لتتبدل ملامح وجهه من الشك الي الون الاحمر وعيون كادت ان تخرج منها الهب ليحرق نور
نور ترجع للخلف وبخوف_ هفهمك
فهد بانفعال شديد _ تفهميني ايييه اااه يا شقاك يا فهد، اصلح دا اااازاااي ويقرب منها ويمسكها من قفاها وانفعال_ اصلح دا ازاي فهميني، دا انتي نهارك مش فايت
نور ببكاء _ مكنتش اعرف انه تليفونك
فهد يجز على سنانه _ مكنتيش تعرفي، امال اسمي اللي متكرر دا ولا صوري اللي قلبتيهم بالواحده كله دا ومكنتيش تعرفي، طيب وربنا ما انتي نايمه ولا اكله ولا شاربه غير لما تصلحي العك ده
نور ببكاء _ حاضر حاضر هصلح والله بس سيبني
فهد بزعيق يجعلها تفزع_ اهووو

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية هذه ليلتي)

اترك رد