رواية رياس الفصل الرابع والثلاثون 34 للكاتبة شيماء عسكر

بوصل جاسر و رياس للبيت و ورا منهم رزان و في حضنها ادم 

اما رياس كانت خايفه من رد فعل اهل جاسر معاها 

بدق جاسر جرس البيت و بعد دقيقتين بتفتح اميمه  ،، 

اميمه بفرحه : رياس  بتحضن رياس جامد  

و رياس كمان حضنت اميمه بحب و شوق 

رياس: لو تعرفي قد ايه كأنتي وحشاني يا امي 

اميمه بلوم: لو انا وحشتك مكنتش تمشي من غير اي كلام كدا علي العموم مفيش داعي للكلام ده اهم حاجه تكوني كويسه 

جاسر كان واقف علي الباب و لسه رزان واقفه وراه  : ايه حلو الكلام علي الباب كدا يعني ولا اي 

اميمه:: اخرس انا اتكلم مكان ما احب  بس اميمه اخدت بالها من رزان  و بتعجب..! 

مين دي 

رياس: ندخل و نتكلم جوا علشان البيبي ???? 

بدخل جاسر الاول و بعدين اميمه اما رياس في كانت جنب رزان لما دخلت و كانت نيسان قاعده في الصالون بكل تكبر و غرور و محمود بشتغل علي الاب توب  

جاسر بكل هدوء.. مساء الخير 

محمود بحط الاب توب علي الطاوله قدام منه و بقوم بروح عند جاسر بحضنه .. حمدالله على سلامتك يا حبيبي 

جاسر.. الله يسلمك يا بابا 

اما نيسان فضلت قاعده مستغربه مين دول  

بتسلم رياس علي محمود  

جاسر.. احب اعرفك علي رياس مراتي 

محمود بحضن رياس بحب.. اهلا يا بنتي نورتي بيتك 

رياس.. منور بيكم يا عمي 

بتروح رياس علشان تسلم علي نيسان لكن نيسان مش اديت رياس وش حتي للاسلام  

رياس باحراج.. ازيك يا طنط 

برضو مفيش رد منها مشيت رياس من قدامها بحزن و وقفت جنب جاسر 

جاسر بجدية.. احم بابا احب أعرفك علي رزان بتكون ام ابني 

في اللحظه دي اميمه انصدمت و كمان محمود اما نيسان بقا الغرور كله خبث.. 

اميمه.. ام ابنك ازاي  وانتي عارفه الكلام ده 

“الكلام كان موجه لرياس”  

رياس..ايوه  

في اللحظه دي نيسان وقفت من مكانها راحت اخدت رزان بالحضن  و كمان ادم.. يا أهلا يا اهلا با ابن ابني الغالي اهو ده الكلام اخيرا بقيت تيته  .. 

محمود أبتسم ليها و قال لجاسر تعالي عايزك 

راح جاسر مع محمود  

بتقعد رياس جنب اميمه وهي شايفه التحويل الجذري اللي حصل لنيسان  

رياس بتغير الموضوع و نظرات اميمه ليهم..امال فين لميس 

اميمه وهي بتلف عيونه ل رياس..  فوق هي و سليم بس يمكن نايمين  

رياس.. طيب ماشي تحبي تشربي حاجه 

اميمه  بجدية .. ايوه و تعالي نعمل الحاجه دي 

مع بعض  

رياس..  ماشي 

بتقوم رياس و ورا منها اميمه بعد الاستئذان من رزان 

بتدخل  رياس و بعض منها اميمه اللي اول لما دخلت  مسكت  ايد رياس جامد وقالت  بعنف..  انتي مجنونه  

رياس بعدم فهم..  في اي 

اميمه بتضغط  علي أسنانه  بغيظ..  مش عارفه  عملتي ايه احب اقولك لو بيتك رجع من اول و جديد ه يدمر تاني يا غبيه جايبه البنت دي معاكم ليه  

رياس.. فيها ايه هي اسبوعين و هترجع تاني امريكا 

اميمه بتسيب ايد رياس.. تبقي غلطانه نيسان مش هتسيب فرصه زي دي جيت لحد عندها علي طبق من دهب و ياريت دهب فيه نحاس لا دي دهب صافي بسبب غبائك رياس 

رياس مش فاهمه اميمه تقصد ايه و ليه نيسان تعمل كدا.. مش فاهمه حاجه ليه تعمل كدا يعني 

اميمه.. لانها مش بتحبك 

رياس بتعجب.. وانا عملت ايه علشان مش تحبني اصلا دي اول مره تشوفني فيها 

اميمه  بصراحه كبيره ليها.. بصي يا بنتي مش كل الناس بتحبك في بيتك لسه علي طوبه ياريت اساس دي طوبه ممكن بكل بساطه حد يلعب في الطوبه دي يدمر كل حاجه نفسك تعمليها في بيتك،، بس علشان انتي طيبه مش حاسه بحاجه،، و ربنا يستر بقا و مش يكون اللي في دماغي صح،، 

رياس.. انا قلبي انقبض من الكلام ده اكيد احساسك غلط و ان شاء الله هيطلع كدا  

اميمه.. يارب.

بتفضل رياس تفكر في كلام اميمه 

•••••••••••••••••• 

اما عند نيسان كانت بتلعب مع ادم و بتكلم رزان في نفس الوقت 

نيسان بخبث.. وانتي عايزة ترجعي أمريكا تاني ليه 

رزان.. شغلي هناك و حياتي كلها هناك 

نيسان بسؤال.. ليه متجاوزة هناك يعني 

رزان بنفي.. لا انا حياتى دلوقتي علشان ابني وبس لكن جواز و كدا نو 

نيسان.. بس انا مش عايزه حفيدي يبعد عني مش كفايه ابني بقا عايش مع واحده زي رياس مش هتقدر تخلف تاني 

رزان بحزن علي رياس.. دلوقتي الطب اتقدم و بعدين فيه امل ان رياس تقدر تخلف تاني هي مسألة وقت بس 

نيسان مش عجبها كلام رزان في قالت.. بيني و بينك انا مش حابه رياس تكون مع ابني  ،،

ابني عايز واحده محترمه و بنت ناس مش بنت شوارع زي دي 

رزان فهمت قصد نيسان بس حبت تلعب معاها كمان.. عيب تقولي علي مرات ابنك حاجه زي دي رياس محترمه اوي و 

قبل لما تكمل كلامها نيسان قالت بكل وضح.. انا عايزاكي تكوني هنا معانا علي طول و انا واثقه انك بتحبي جاسر لان الحب ظاهر جدا في عيونك في احنا نحط اديني علي ايدين بعض نطلع رياس من حيات جاسر للأبد ايه رايك 

رزان بتفكر.. امممم اوك  ” بس كان فيه راي تاني في دماغ رزان ” 

•••••••••••••

عند محمود و جاسر 

جاسر بعد ما حكي كل حاجه لمحمود.. و دي كل القصه يا بابا 

محمود بتفهم.. تمام بس عايزاك تاخد بالك كويس جدا علي مراتك لان امك هتحاول تخرب حياتكم 

جاسر..متخفش انا فاهم قصد امي ايه و اكبر دليل حصل من شويه مش قالت ل رياس عامله ايه حتي  ،،  طول عمرها كدا مش بتحب غير نفسها  

محمود بحزن..للاسف اخدت في امك مقلب عمري  

بطلع جاسر و محمود في الوقت ده كانت وقت خروج رياس و اميمه من المطبخ 

••••••••• 

وفي مكان تاني خالص جديد علينا 

كان الكل قاعد علي السفرة  فريد العزيزي و جنب منه مراته فيروز  و جنب فيروز شهد بنتهم وفي الاتجاه تاني  كان قاعد ابن اخ فريد رعد العزيزي  

فريد بجدية.. يعني كدا خلصت كل الاتفاقية بينا و بين شركة  المهدي يا رعد 

رعد وهو باكل بشياكه  ..  ايوه يا عمي مش فاضل غير توقع  جاسر المهدي وهو خارج  البلد في الوقت  الحالي 

فريد.. تمام  وانتي يا شهد عامله ايه في الجامعه  دلوقتي  

شهد بهزر…  كل ميه ميه يا باشا دي انا شهد برضو 

فيروز..  بنت ايه كلام الحواري ده 

فريد بضحكه..  خليها  تاخد راحتها   

شهد وهي بتعمل بوسه لفريد علي الهوا..  حبيب قلبي  انا  والله من غيرك  كانت 

وقبل لما تكمل كانت نظره من رعد كفيه  تسكت شهد 

فريد..  كانتي ايه  يا بنتي 

شهد بتحاول  تخبي خوفها  من رعد… ها ولا حاجه  يا بابا انا هقوم بقا اكمل مذكرة  

فيروز  ..  طب كملي اكلك الاول 

شهد وهي بتقوم من علي السفره.. اكلت الحمدلله  تصبحوا علي خير لاني مش هنزل تاني 

فريد بحنان.. وانتي من اهل الخير يا قلبي  

و بعد  شويه  الكل كان قاعد  

جه شخص من اللي واقف علي الباب قال لفريد ان فيه حد عايزاك 

فريد مستغرب من الشخص ده..  طيب انا جاي 

رعد..  خليك انت يا عمي  هشوف مين 

فريد.. انا هروح  خليك انت 

بطلع فريد علي برا 

كان حاتم واقف بشرب سيجاره  

فريد..  ايوه حضرتك  عايزني  

حاتم عمل نفسه  الشخص الشهم بقا و كدا يلا نشوف  ..  اهلا فريد  باشا 

فريد..  اهلا حضرتك  مين 

حاتم..  انا حاتم و كنت  عايز  حضرتك في كلمتين  علي انفراد  

فريد..  كلمتين  ايه دوول  اتكلم هنا 

حاتم بخبث..  مش يصح برضو يا باشا  حد من خدامين  حضرتك  يسمع الكلام ده شوف هما كلمتين  وانت اللي هتحكم امشي او افضل  

فريد بعدم ارتياح ليه.. طيب تعالي هنقعد في الجنينه 

بقعد حاتم.. احم بصراحه كدا الموضوع بخص اميره ???? 

فريد بعدم فهم..اميره مين 

حاتم حط ايده علي راسه وقال..تصدق انا غبي اني مقولتش اميره مين  ،، اميره البنت اللي كانت شغاله عند اهلك حضرتك 

في اللحظه دي الزمن رجع ب فريد.. ايوه مالها اميره مش فاهم 

حاتم.. ماتت 

فريد..الله يرحمها برضو مش فاهم جاي ليه  

حاتم بخبث.. علشان بناتك انا عارف كل حاجه ان حضرتك اخدت البت الغلبانه غصب عنها 

فريد بغضب..ايه الكلام الفارغ ده ياراجل انت 

اخدت مين والهبل ده 

حاتم برتاح علي الكرسي.. طب بلاش اميره بنتك المخطوفه 

فريد قام من علي الكرسي و راح عند حاتم ومسك في هدوم حاتم جامد و بدأ يصرخ عليه ..انت تعرف بنتي مين انطق 

حاتم ببعد ايد فريد عنه..اهدي يا باشا انت ليك بنتين مش بنت واحده بنت من اميرة و البنت تانيه 

بعد فريد عنه بتعب مش مصدق يعني اي بنت من اميره و ده حصل ازاي  

قعد فريد تاني علي الكرسي.. اتكلم 

حاتم.. قبل اي كلام هيطلع مني عايز خمسين مليون 

فريد بصدمه..كام 

حاتم.. ايه مش كتير علي بناتك يعني يا باشا دول قطعه منك برضو… 

فريد.. هما ٢٠ مليون 

حاتم.. طب خليهم ٣٠ 

فريد بنفاذ صبر… طيب ماشى قولي 

حاتم بكدب..هقولك طبعا اميره علشان تنتقم منك خطفت البنت الغلبانه دي و جبتها عندي  و تاني يوم اميره ماتت  والبت بنتها هربت من البيت فضلت البنت الصغيره مكنتش عارف اتصرف ازاي اتجوزت و اعتبرت البنت دي بنتي ،، بس لسه من فترة قصيره فكرت ليه مش تكون دي بنتك بما اني عارف كل حاجه عن اميره لاني جوزها يعني قولت استر عليها 

بس صدقني يا باشا لو كانت اعرف كانت جتلك علي طول اه ماهو اصعب حاجه لما تفقد قطعه منك 

فريد بسمع بهتمام .. طيب وانت ايه عرفك ان بنت اميره تكون مني مش يمكن بنتك 

حاتم..لا يا باشا انا مش بخلف اصلا  و بعدين انا اتجوزت اميره وهي حامل في الشهر تاني  في اكيد بنتك انت اه انا مش هكدب عليك يعني 

فريد..هما فين 

حاتم..هما مين 

فريد..البنات 

حاتم.. اه متجوزين  

فريد بختصار ..العنوان 

حاتم.. الفلوس تاخد العنوان 

فريد..وانت مش قولت ان بنت اميره هربت 

حاتم..اه هربت لكن رجعت تاني و عرفتها من وسط مليون بنت 

فريد.. بكرا تعدي عليا في الشركه الساعه تسعه فلوسك هتكون جاهزه 

حاتم.. ماشي يا باشا و بكرا العنوان هيكون جاهز كمان بالاذن 

بمشي حاتم و بفضل فريد شارد في الماضي