Uncategorized

رواية أحببته الفصل السادس 6 بقلم نورهان صبري

 رواية أحببته الفصل السادس 6 بقلم نورهان صبري

رواية أحببته الفصل السادس 6 بقلم نورهان صبري

رواية أحببته الفصل السادس 6 بقلم نورهان صبري

و فى مرة نور نازلة من العمارة قابلت ريان على الباب.. 
_نور.. استنى 
~خير يا مستر فى حاجه.. 
_ماعدتش بشوفك ليه يا نور.. ماعدتيش بتخرجي البلكونه كمان.. ماعدتيش بتسهرى.. 
~ماعدتش بحب السهر..
_بس داا ماكنش كلامك..
~معلش يا مستر متأخره عن اذنك..
_انا هتجنن يا حمزه.. مش عارف بتعاملنى كداا لى..
.. فكر كويس يا ريان و اعمل اللى قلبك يقولك عليه..
_فعلاا.. هعمل اللى قلبي يقولى عليه..
-فى عريس متقدملك يا نور..
~قولتلك ميت مرة يا ماما.. لما اخلص دراستى الأول.. انا مش عايزة حاجة دلوقت..
-يا حبيبتى شوفيه.. انا مش بغصبك على حاجة..
~اعملى اللى انتى عايزاه يا ماما..
دخلت اوضتى.. حتى العياط مش قادره عليه.. تعبت اووى من لما بطلت اخرج لريان.. انا اتعودت على وجوده فعلاا.. معقوله اكون حبيته!!..
الساعة سبعه المفروض ان العريس جاى كمان شويه.. لبست دريس كشمير و عليه طرحه اوفوايت.. حطيت مرطب بس و خرجت.. اتفاجات ان ادم كان موجود هو كمان..
~ادم.. انت هناا..
_اكيد اناا اللى هقابل عريس اختى.. و الا اى!..
~شكراا..
دخلت جواا تانى.. و شويه و سمعت جرس الباب بيرن.. ماما جت تمادى علياا.. خرجت و قعدت معاهم.. و الجمله المعتاده.. نسيبهم مع بعضهم شويه.. كنت متوترة.. و باصه فى الأرض.. انا حتى معرفش مين اللى قدامى..
_نور..
اى داا داا صوت..
_ايواا اناا..
رفعت راسي بسرعه و..
~ريان.. انت !
_ايواا اناا.. بعترف انى قبل كداا ماكنتش اعرف انتى اى بالنسبالى.. ممكن صديقه.. مش عارف.. بس اللى اعرفه ان يومى ماكنش ليكمل من غيرك.. برتاح جداا و انا بحكيلك تفاصيل يومى.. الفترة اللى بطلتى تخرجى البلكونه فيهاا.. خلتنى اتأكد انك حاجه كبيره اووى فى حياتى.. أدركت انى مستحيل اكمل حياتى من غيرك.. مش عارف داا حب و الا لا.. بس اللى اعرفه اننا هنكمل بعض.. فكرت كتيير اووى.. و كل الطرق كانت بترجعنى ليكى.. تقبلى تتجوزينى يا نور..
الصدمه خلتنى ساكته و بس.. مش هنكر انى مياله له شويه.. لا مش شويه داا كتيير.. بس متردده.. مش عارفه هو داا الحب و الا داا اى بالضبط.. بس اللى اعرفه انى فعلا مش متخيله يومى من غيره.. و اذا كان داا مش حب.. فأكيد الشعور اللى اناا حاساه حاجة احلى من الحب..
بدموع~موافقه…
_بجد يا نور.. موافقه تكملى حياتك معايا.. موافقه تكلمينى..
~موافقه يا مستر موافقه..
بضحك_مستر يا فصيله.. بتقولى لزوجك المستقبلى مستر..
بخجل ~اسفة يا مس.. قصدى يا ريان..
_انا بجد مبسوط اووى يا نور.. مش قادر اوصفلك اللى فى قلبي.. 
بخجل ~وانا كمان مبسوطه.. 
_لا انا بقول نتكلم فى الجد عشان ناجل الكلام داا لبعد كتب الكتاب.. ????
بصى يا ستى زى مانتى عارفه انا مدرس و مستقر هناا من لما دخلت الجامعه.. أهلى كلهم عايشين فى أسيوط و بروح لهم فى الإجازات.. و الاجازة الجايه تكونى معايا ان شاء الله.. بغمزه.. 
المهم دلوقتى.. انا لازم اخلى كتب الكتاب مع الخطوبه دلوقت.. و الفرح بعدين بقاا.. اتفقنا.. 
بخجل ~اتفقنا.. 
_على بركة الله.. 
دخلت ماما و وراهاا ادم و اتفقوا ان كتب الكتاب و الخطوبه بعد اسبوعين من دلوقت.. 
كنت مبسوطه اووى و مريم كانت مبسوطالى اكتر منى فعلا.. “انك تلاقى الصاحب اللى يتبسط لفرحك اكتر منك.. اقل حاجه عنك بيحب يعرفهاا و يشراكك فيهاا.. بتاخد نصبحته فى أصغر امورك.. بينصحك النصيحه اللى المفروض تعملها.. مش اللى انت عايز تعملها.. حاجه حلوه اووى ????” 
طبعاا انا وريان خلال الأسبوعين دول ماتكلمنيش الا للضرورة القصوى.. اجلناا كل كلامنا للحلال عشان ربنا يباركلنا فيه.. مش هتحس بالكلمة الحلوه و هى حلال طول مانت علطول بتسمعها او بتقولها.. فعلا الحلال حلو اووى ♥️.. 
و فى يوم ريان كان قاعد بيفتكر اللى حصل من كام شهر.. لماا واجه جنه بالحقيقه.. 
Flash back..
_و تسجيلات الكاميرات اللى جابتك.. هتكدبيهاا كمان.. انا بس عايز اعرف ليه عملتى كداا..
بعياط.. عايز تعرف ليه.. هقولك…. الشخص الوحيد اللى حبيته فى حياتى.. كان بيحبها هى..
كان أكبر منى بسنتين.. اول مادخلت الجامعه كان هو فى سنة تالته… لفت نظرى من اول مره شوفته فيهاا.. بس هو ماكنش يعرف انى موجوده اصلا.. حاولت ألفت نظره كذاا مره بس هو ماكنش بيعبرنى.. كان بيعبرنى صديقه و زميله و بس .. و فى يوم و انا جايه السنتر شوفته واقف جمب عربيته بعيد شويه استغربت هو بيعمل اى هناا.. روحت ليه و انا متردده..
.. ادم.. بتعمل اى هناا.. 
_جنه.. انتى اللى بتعملى اى هناا. 
.. انا بشتغل هناا.. كان لازم اوفر شويه عشان مصاريف الجامعه.. 
_اهاا.. انا بس كنت معدى من هناا صدفه و افتكرت ان نور بنت خالتى بتيجى السنتر هناا ففكرت انى اعدى اسلم عليهاا يعنى عادى.. 
كان بيقولها و هو مرتبك.. داا اللى خلانى استغرب شويه.. عدى كذاا يوم و كنت كل كام يوم الاقيه واقف نفس الوقفه دى و انا بعمل نفسي مش واخده بالى.. عرفت ان هى نور اللى بيتكلم عنهاا.. نظراته ليهاا ماكنتش انهاا بنت خالته و بس.. نظراته كانت بتاكدلى كل يوم انه بيحبها و اووى كمان .. و داا خلانى اكرههاا اكتر و اكتر.. كنت بكلمها بطريقه مش كويسه.. و آخر حاجه عملتها هى انى بدلت ورقة امتحانهاا.. ليه يحبهاا هى و انا لا.. 
و انهاردة فى العياط… 
_داا اسمه حقد.. انتى ازااى تلوميهاا على حاجه هى مالهاش ذنب فيهاا اصلا.. الحب داا ربنا بيزرعه فى قلوبنا.. مش بايدناا نتحكم فيه… هو كان ممكن يحب اى واحده مش شرط نور.. انا مستغربك اووى بصراحه.. 
انا بنصحك دلوقت عشان انتى زى اختى الصغيره.. ماتضيعيش نفسك يا جنه.. انتى حلوه.. و قلبك من جوا طيب.. اذاا كنتى غلطتى مره.. فداا مش معناه انك وحشه ابداا.. الحب مش المفروض يخلينا نغلط.. الحب بيخلينا أقوى.. اذاا ماتقابلش حبك داا بحب المرة دى.. لازم تتعلمى من تجربه مرت فى حياتك.. 
:.. انا اسفه.. انا مش عارفه عملت كداا ازااى.. انا فعلا هحاول انساه.. و هشيله من قلبى.. مقدرش اوعدك بداا.. لكن اوعدك اني هحاول.. 
_وانا واثق فيكى.. انا مش همشيكى المره دى.. لانى عارف انك محتاجه الشغل داا.. بس هنتفق انى زى اخوكى الكبير.. و توعدينى ماتعمليش كداا تانى.. 
:.. اتفقنا.. 
Back… 
وكمان افتكر لما سأل نور اذاا كان فى حد بيحبها او لا.. كان قلقان اووى من الفكره دى.. يمكن نور طمنته شويه.. بس كل مابيشوف ادم.. مابيقدرش يفكر غير فى انه كان بيحب نور.. او لسه بيحبها.. لازم الموضوع داا ينتهى..
ريان رن على جنه و عزمهاا على الحفله و أصر انهاا تحضر.. لحد ما وافقت..
يتبع…..
لقراءة الفصل السابع : اضغط هنا
لقراءة باقي فصول الرواية : اضغط هنا
نرشح لك أيضاً رواية فانوس رمضان للكاتبة نيللي ياسر

اترك رد