رواية عائلة بالإكراه الفصل العشرون 20 بقلم سلمى بسيوني
رواية عائلة بالإكراه الفصل العشرون 20 بقلم سلمى بسيوني
رواية عائلة بالإكراه البارت العشرون
رواية عائلة بالإكراه الجزء العشرون
رواية عائلة بالإكراه الحلقة العشرون
ضامم ركبته لصدره وجسمه المربوط كله مبلول ويتحرك بعنف وهو بيزعق : حنان ليا ..حنان حقي ..حنان حقي ..حنان حقي وهتبقى ملكي **********
علي في المستشفى بيتابع مرضاه ولسه سرحان في ساره وشكلها اللي خطفه في كتب الكتاب
جت زينه (زميلته) من وراه وبصتله ببرود : مين اللي واخد عقلك
فاق على صوتها : محدش
زينه قربت عليه بدلع : يعني مش بتفكر فيا انا
على بعد عنها : الزمي حدودك يا زينه ..وكذا مره قلتلك اللي بتعمليه دا ملوش لازمه ..ف ياريت ما يتكررش تاني لانه لو حصل واتماديتي تاني مش هيحصل خير
سابها ومشي قد اي بيقرف منها ومن حركاتها القذره دي
وهي واقفه الغيظ هياكلها منه ومن ساره اللي من ساعه ما قابلته واخده عقله
بتلاحظ نظراته ليها كل ما تيجي المستشفى وبتشوفهم واقفين سوى بتتمنى لو تجيب ساره من شعرها وتشفي غليلها
*********
ساره ونور راحوا لأسراء المطعم بعد ما يوسف اخد حنان للشركه
قاعدين هم الثلاثه مخنوقين
اسراء : مالك يختي انتي وهي
ساره : قولي انتي الاول
اسراء بلويه بوز : حُسام مجاش ..المواعين كتير ..كتير اوي
ساره وهي بتشرب من العصير اللي قدامها : وانا هموت واعرف مين عمل كدا في المرسم
نور وهي سرحانه في الطبق اللي قدامها واتنهدت : وانا عايزه اشوف حازم
اسراء وساره بصولها بتبريقه : اووو ..في مستجدات واحنا منعرفش
نور فاقت وادركت بتقول اي : لا ..انتوا فهمتوا غلط انا …انا اقصد عايزه اشوف حزم ..حزم كدا مش اسلوب الاستسلام اللي انتوا فيه دا
اسراء بمكر : حزم اه ..خدت بالي
نور : ساره قومي اغسلي المواعين ..اتحركي
اسراء : يووه طب قايمه متزوقيش ..
اسراء قامت وساره لسه باصه لنور
نور زعقت : اييييي …متبصيليش كداا
وبعدين قومي ننزل المول
ساره : ننزل المول ليه
نور ابتسمت : نجيب الوان ..وورق وفرش ولوح ..ما احنا مش هنقعد ايدينا على خدنا
هنرجع كل حاجه احلى من الاول يا سوسو
ساره : طب واللوح اللي اترسمت ..نور ..اللوح دي انتي فاهمه مهمه ازاي بالنسبالي
نور مسكت اديها :فاهمه والله يا حبيبتي ..بإذن الله ربنا يعوضك
اسراء بصوت عالي : اتحركي يا عسل انتي وهي مش هعمل المواعين دي لوحدي
********
عبير ومنيره في النادي قاعدين بيضحكوا جت عليهم واحده في سنهم تقريباً
قالتلهم ببرود: انا حقيقي مش مصدقه عنيا ..
ردت منيره : مش مصدقه اي مش فاهمه
_مش مصدقه ..انتي منيره هانم قاعده مع دي (شاورت على عبير بسخريه) مش دي اللي سرقت جوزك وجابت منه ولد وبنت ..
منيره قامت من كرسيها وقربت على الست دي وقالت بهدوء : تلاته بالله العظيم ..لو نطقتي كلمه كمان لأخلي النادي كله يتفرج عليكي ..ومش هيفرق معايا حاجه على فكره ..الست دي ضافرها برقبتك يا زباله الستات ..بقا في واحده تيجي تقولي كدا على عشره عمري …دانا اطلع روحك ..لمي كرامتك اللي ماتسواش ٣ جنيه واغرقي في داهيه ..وما اشوفش وشك اللي عليه غضب ربنا دا في حته تاني ..يلا يا شاطره
الست منطقتش بكلمه واخدت نفسها ومشيت
ومنيره قعدت تاني جنب عبير وشربت عصيرها كل دا وعبير بصالها بزهول
منيره بصت لعبير : هاا كنا بنقول اي ؟!
عبير لسه مصدومه وبعدين بصتلها وضحكت : انتي قولتيلها اي خلاها تاخد في وشها وتمشي كدا
منيره بغرور مصطنع : مبحبش اتكلم عن نفسي كتير
فضلوا يضحكوا ويهزروا سوا
لآخر اليوم
*******
حنان دخلت على يوسف وقعدت على الكرسي قدامه : لا انا تعبت …تعبت من كتر الملفات والحسابات ..ااه ..عايزه ارتاح
يوسف قام من مكتبه وقرب عليها مسك ايديها بحب : طب اي رأيك ناخد بريك وننزل نتغدى
حنان : ايوا ..وناكل ايس كريم
يوسف بصلها وضحك : عنيا يا حبيبتي حاضر
نزلوا هما الاتنين سوا ويوسف موديها على مطعم
فقالت بسرعه : لا يا چو .. مش عايزه اكل في مطعم
يوسف بإبتسامته الجذابه : أمال يا تعباني
حنان ابتسمت بدلال : عايزه اكل شاورما ..ومش من اي حد ..في محل على النيل كدا الشاورما بتاعه جميله ..عيزاك تجربها
يوسف اخدها للمحل دا وجابلهم اكلهم وقعدوا على النيل
_طب اقولك على حاجه ..مفيش احلى من القاعده دي بجد ..بحس المكان دا هادي وجميل ..مفيش غير صوت الهواء والمياه (بصتله بحب) وانت !
يوسف ابتسم وأخدها في حضنه و هي غمضت عنيها واخدت نفس طويل واطمنت فكملت : ودا العامل الاساسي اللي بيخلي اي مكان حلو ..وجودك وبس يا يوسف
يوسف شدد عليها في حضنه : ودا كفايه عندي وبس يا حبيبتى ..ربنا ما يحرمني منك ابدا يا حنتي
******
علي قاعد في مكتبه بيتابع ملف مريض عنده اتصلت بيه امه
_ ايوا يا حبيبتي
_ايوا يا علول ..عايزه اطلب منك طلب
_اطلبي يا حبيبتي
_عايزه كاميرات مراقبه
_ عنيا بس ليه
_عايزه احطها في المشتل الجديد
_حاضر يا حبيبتي عنيا ..بس اجيبها منين دي
_ من سيتي استارز فيه محلات كتير بتبيعه ..روح هناك
_حاضر يا ست الكل
قفل معاها وقام عشان وراه عمليه
طلع برا لقى زينه بتتمشى في الطرقه مجرد ما شافها اتخنق واستغفر ومشي
*********
حنان مع يوسف في حضنه على النيل والشمس بدأت تغيب والدنيا بتمطر قطرات خفيفه بعدت عنه شويه وابتسمت : بما ان كل الحاجات اللي بحبها اجتمعت في وقت واحد ومفيش فرصه احلى من دي
طلعت من شنطتها علبه وعطتهاله وكملت وعنيها في عيونه : جبتها عشانك
يوسف فرح جداا بيها واخدها ورفع ايد حنان وباسها : تسلميلي يا حبيبي
فتحها لقاها ساعه جميله مطبوع في ارضيتها “چوو” باللون الاسود لونه المفضل
طلعها من العلبه وتحسسها بإيده ..اول هديه منها كمراته ..قلب الساعه لقى محفور على ظهرها “حنتك” بحيث عمرها ما تطلع ابدا
بصلها وهو بيحس الكلمه المحفوره : بحبك يا حنتي
********
ساره ونور واسراء واقفين على الحوض
ساره بفرحه وهي ماسكه آخر طبق : اااه …يياه على الفرحه يجدع
اسراء اتنهدت :لا اله الا الله
نور بصوت عالي :فيينك يا حسااااام …شال عنك كتير الاخ والله فينه
اسراء : مش جاي ..ثائر كلمني وبيقول مش جاي عنده برد باين
ساره : ربنا يشفيه ويقوم بالسلامه ….
نور بسرعه وهي بترفع شنطتها : يلا يا ساره
ساره : حاضر يلا
اسراء : خدوا بالكم من بعض
**********
حنان ويوسف وصلوا الشركه وكملوا شغلهم
وساره ونور وصلوا المول وبدأوا يشوفوا الالوان اللي محتاجينها واندمجوا جداا في اللوح والورق
نور راحت تسأل الموظف على مكان الفرش
بصلها من فوق لتحت وركز على مناطق معينه وبصلها
_ اتفضلي معايا يا قمر
نور حست بالرهبه من نظراته وحاولت تتوه وتبرر انها اتهيألها
وكملت معاه ونادت ساره تختار
ونظرات الراجل لسه مستمره ونور مخنوقه جداا
علي نزل يجيب الكاميرات وزينه شافته ونزلت وراه وصل المول واشترى الكاميرات من نفس الدور اللي فيه نور وساره وزينه بردو لسه وراه
ساره ونور خلصوا ونور مدت اديها للراجل بالڤيزا وهو اتعمد يلمس ايديها خدت نفس طويل ووحاولت تهدى وتسكت سحب منها ورجعهالها تاني واخدت الاكياس ومعاها ساره وهما طالعين حط الراجل ايده على وسطها وسط الزحمه ومحدش واخد باله وبإبتسامه : نورتينا يا فندم كانت خلاص على آخرها ، نفضت ايده من عليها وبصوت عالي سمعه اغلب الموجودين ومسكته من ياقه قميصه وبتهزه بعنف : لا دانتا اتعديت كل حدود الوساخه بقى ..وربنا لأعرفك مقامك ..انتوا كدا لابيفرق معاكوا لابسه اي ولا شكلها اي ..عالم مريضه .. والله لأربيك ..( ضربته بالقلم علم على وشه ) حد يندهلي مدير البهيم دا
جه المدير بيجري : اي اللي حصل بس يا نور هانم
نور بعصبيه : انا دايما بجيب لوازم شغلي من هنا ..وعمري ما شفت فصيله البهايم دي يا استاذ منير ..من امتى وانت بتشغل عندك ناس زباله
المدير بصلها ولغايه حالا مش فاهم ف كملت : الحيوان دا اتحرش بيا ..والله اعلم عمل كدا في كام بنت قبلي وسكتوا ..بس انا مبسكتش يا لستاذ منير ..وهفضحه
المدير بسرعه : اهدي بس يا نور هانم ..احنا اسفين جداا علي اللي حصل دا ..والعامل دا هيتطرد
نور : ايوا ماهو اكيد هيتطرد وكل حاجه وياخدله كام شهر في السجن يتربى ..والله مانا سيباك
ساره : يا نور اهدي خلاص انتي خدتي حقك اهدي بقا
نور : والله ما يحصل ..عايزه امن المول حالا
الامن فعلا اخده يسلمه ونور هديت شويه
ساره : مش فاهمه فرقت ايه يعني
نور : فرقت انه هيتربى دلوقتي لو كنت سبته وما اتحاسبش كان هيشتغل في مكان تاني عادي ويكمل القرف دا ..انتي متخيله يا ساره كام بنت قبلي حصل فيها كدا وسكتت المفروض يكون في توعيه بالموضوع دا
ساره : فعلا .. الوضع بيسوء بسبب السكوت دا كويس اللي عملتيه
علي كان واقف سامع صوت عالي بس مشغلش باله وجت زينه اتمشت من قدامه على اساس قابلته صدفه : اي دا ..انت هنا يا دكتور
علي بصلها بقرف وخنقه : انتي شايفه اي
زينه بدلع : طب ممكن توصلني بعربيتك لو سمحت ..اصل عربيتي عطلت
علي مشي وبيتهرب منها : لا معلش ورايا مشوار مهم
راح ناحيه الاسانسير وهي لسه وراه
شاف ساره ونور واقفين مستنين الاسانسير
ابتسم تلقاي لمجرد وجود ساره ونسي زينه ونسي اي حاجه حواليه قرب لعندهم وسلم عليهم وساره فرحت اوي بوجوده وزينه واقفه بتتفرج وهتولع من غلها ..ازاي ..دا كان بيكشر في وشها حالا ..اشمعن دي ..ليه مش بيبقى مبسوط كدا وهي موجوده
قربت عليهم ومسكت ايد علي رغماً عنه : قدامك كتير يا حبيبي ؟!
علي كان هيرد عليها بس ساره سبقته لما شافت اديها في ايديه ودايقت : طب يلا يا نور ..(بصت لعلي ) هنمشي بقا يا دكتور
ركبت الانسانسير بسرعه ومعاها نور
علي واقف منزعج جداا ونفض ايد زينه من ايده وزعق وكسفها قدام الكل
_انتي هتحترمي نفسك امتا بقا ..بطلي قله ادب لو مش على اخلاقك على الاقل خلي عندك كرامه يا بني ادمه .. وبتقولي حبيبي كمان انتي مفكره نفسك اي ..اتلمي بقا وخلي عندك حياء ..
نزل مش طايق نفسه ونزلت هي كمان كان علي بيتحرك بعربيته وشافت ساره واقفه مستنيه نور تجيب العربيه من الجراچ
قربت زينه عليها : اي اخبار المرسم بتاعك (قربت على ودنها وهمست ) واللوح بتاعتك ..معلش بقا تتعوض ..تعيشي وتاخدي غيرها ..نصيحه اخت ..ابعدي عن علي يا حلوه
بعدت عنها وساره غمضت عنيها بعنف وفتحتها وبصت لزينه بتحدي وهي بادلتها نظراتها
كانت نور وصلت بالعربيه نزلت لما شافت زينه وقربت عليهم : في اي يا ساره
ساره : انا لو جبتها من شعرها دا مش هيحصل حاجه صح
نور بصت لساره : اهدي هي عملت اي بس
ساره بإبتسامه سمجه وبصت لزينه من فوق لتحت : الحلويات دي هي اللي بوظتلي المرسم
نور تنحت وبصت لساره : يلا يا صحبتي وانا في ضهرك
في لحظه واحده ساره نطت علي شعر زينه وشدتها منه : وربنا لأعرفك مقامك
زينه بتصرخ بكل قوتها وساره مش شايفه قدامها : دانتي قلبك مات بقى ..رايحه تقطعي لوحي يا بت ..دانتي اتهبلتي في مخك ..بتلعبي معايا انا ..وانا اعرفك اصلا يا ام شعر مقشه انتي
موظف الامن وكان راجل كبير في السن جه عليهم بيجري : يا جماعه عيب والله اي الي بيحصل بس
نور بتحاول تشغله : يعني يرضيك يا عمو تبوظلها المرسم بتاعها
الراجل الكبير بملامح طيبه : اخص ..لا ميصحش (علّى صوته) اديها (بص لنور) هي اسمها اى
نور ضحكت : ساره
الراجل كمل : اديها يا ساره
نور بضحك : انت موظف امن ازاي
الراجل ضحك معاها : والله مانا عارف
**********
عبير ومنيره دخلوا الڤيلا اول ما دخلوا سمعوا صوت تكسير جاي من اوضه اسلام ف طلعوا جري يشوفوا في اي لقوا الباب مقفول عليه وبيخبطوا زعق فيهم انه مش عايز يشوف حد
شويه وحنان اتصلت عليهم
_ايوا يا بيبو اسلام عمل اي
_ عمل اي في اي الولد مش عارفه ماله
_ النتيجه ظهرت يا بيبو
_ اووف ..عشان كدا ..الولد قافل على نفسه الباب وبيكسر في الاوضه يا حنان
_طب انا جايه حالا
يوسف كان سامعها وشافها وهي نازله واتعصب جداا انها معرفتهوش ركبت وكلمت البنات في السكه
وصلت بعد مده لقت اسراء هناك ونور وساره لسه مجوش واسلام لسه قافل الباب عليه
قربت عليهم : جاب كام
منيره : 85%
عبير : مش فارق معايا حاجه يا حنان لما بجراله حاجه مش هيرجعهولي المجموع ..حاولي تتكلمي معاه بالراحه ..انا خايفه عليه اوي
حنان : حلضر يا طنط هحاول
حنان قربت من الباب وخبطت براحه
اسلام زعق : قلت مش عايز حد …عايز ابقى لوحدي وبس ..هبقى كويس ابعدوا عني بقى
حنان بهدوء : دا انا يا اسلام ..مش هدخل حد تاني اوعدك ..افتحلي بقا
اسلام فكر شويه وبعدها فتح الباب دخلت لقت الاوضه كلها متكسره والدنيا متبهدله
حنان بصتله : ليه كدا يا اسلام ..ليه كدا يا حبيبي
اسلام بصلها وكان تعب من كتر التكسير في الاوضه اتنهد وقال بحزن : المجموع دا مش بتاعي ..دا مش انا ..مش تعبي ومش مجهودي ..بعد كل دا حلمي يضيع من ايدي وكأنه سراب وأنا مش عارف اتصرف ..ازاي دا مجموعي ..بعد التعب دا كله
حنان قربت منه ومسكت ايده : الظروف اللي مرينا بيها ولسه لغايه دلوقتي بنمر بيها مش سهله ..فاجأه تعرف انك اخويا وبعدها الحادثه وقعادك في المستشفى ..وعماد ص..
اسلام اتخنق وزعق وقاطعها : انا كنت ببات في المستشفى بالكتب يا حنان ..انا مقصرتش في حاجه ..حتى وابن الكلب دا بيديني الزفت اللي اخدته كنت بذاكر ..ليه كدا ..ليه اليوم اللي المفروض اكون اسعد واحد في الدنيا حلمي يضيع مني ليه
حنان اخدته في حضنها : دا قضاء ربنا يا اسلام ..اللي حصل حصل ..عصبيتك وتعبك مش هيعملوا حاجه .. انت عملت اللي عليك يا حبيبي وربنا اختارلك الخير ..مانت ممكن كنت تدخل الكليه اللي عايزها ومتتفوقش ولا تلاقي نفسك فيها .. ربنا دايما بيختار الخير يا اسلام ..وربنا ليه حكمه في مجموعك دا ..مجموع اه لا يضاهي تعبك بس اهو ..ربنا كتبلك كدا .. واكيد في سبب لدا ..مش هنعرفه حالا بس هنعرفه بعدين ولما هتعرف هتحمد ربنا وتقول الحمدلله اني مطلعتش كذا ..ارضى باللي كتبه ربنا ..والدنيا كلها هتبقى زي الفل ..بكرا التنسيق يظهر وهتلاقيك بتختار كليه يمكن عمرك ما فكرت فيها ولا جت في بالك اصلا ..وتبص تلاقي مستقبلك وحياتك كلهم فيها ..متتسرعش يا اسلام ..وبعدين اي اللي انت عملته في الاوضه دا ..عاملي فيها جاكي شان ..قوم يا عم روق كدا ونخرج نشرب حاجه ..
اسلام : لا ملييش نفس مش عايز
حنان: بطل النكد دا بقا وبطل رخامه ..وبعدين انت كنت عايز تدخل اي
اسلام بحزن : طب اسنان ..
حنان بهزار : انت طب اسنان ..يا أخي اتنيل ملقتش غيرها ..وتقعد تلعب في اسنان الناس (اتكلمت بجديه) انا متأكده ان ربنا عاينلك الاحسن ..متبتأسش كدا ..تبسم والدنيا هتبقى فل
وبعدين حد يكسر اوضته كدا عشان النتيجه يا عم آخرتها متر في متر اسمع مني
فضلت تحاول تضحك وتهزر معاه لغايه ما دخلوا كلهم وقعدوا معاه يخففواوعنه ويضحكوه
طلعت مديحه وخبطت بإستحياء ودخلت
_ هو انا بصراحه اول المتفرجين ..اكشن وتكسير وزعيق وعياط وحاجه كدا هوليود يعني …بس هو كل دا ليه يا أُس أُس
اسلام : بالله عليكي يا مديحه بلاش أس أس دي بتقفلني
مديحه : ايوا كل دا ليه بردو
اسراء :النتيجه ظهرت يا مدحدح
مديحه : نجح يعني
حنان ضحكت : ايوا نجح
مديحه فضلت تزغرط وتهزر
اسلام : انتي بتزغرطي ليه ..
مديحه : انت واد خايب اصلا متعرفش تفرح ..مش تعبت وسهرت وطلعت روحك عشان ٣ زفت دي ..افرح بمجهودك حتى لو موصلش للي مستنيه ..في الاول والاخر مجهودك ..متنكرهوش وتدايق ..افرح كدا وربنا هيفرجها ..وبعدين هو احنا هندخل الجنه بالمجموع يا أخويا
كلهم فضلوا يضحكوا يهزروا سوا والجو قلب خالص واسلام هدي شويه وعبير اطمنت
مديحه : بص بقا هنزل حالا اعملك صنيه بشاميل تنسيك الثانويه والتنسيق وطب اسنان والكليات المجاوره
اسلام : تسلمي يا مدحدح
قاطعهم ساره ونور بعد ما انسحبت مديحه تجهز العشاء ، داخلين مبهدلين وبينهجوا : اي فانتا كتير
حنان : لا محصلش كتير الاخ كان مخنوق شويه ..انتوا مالكوا عاملين كدا ليه
ساره قربت عليها : اسكتي مش انا عرفت مين اللي بوظلي المرسم
كله باصصلها ومستني أجابه
فكملت : بت محنو كدا بتحب دكتور علي وقال ايه ..قال ايه يعني انه معجب بيا فهي ولعت بقا وراحت ساوت المرسم بالارض بس انا بقا مسكتلهاش ساويت وشها بالاسفلت
اسلام :يخربيتك هببتي اي
قعدت تحكيلهم وكلهم فصلوا ضحك من اسلوب ساره واللي حصل والمود اتغير جامد
شويه ومديحه دخلت عليهم : يلا العشاء يا اهل الخير ..وانت تعالالي يا بتاع اسنان ..اسنان اي اللي تدخلها دي
وهم نازلين الباب خبط وكان يوسف دخل وبص لحنان بصه طويله وبارك لأسلام قعدوا كلهم يتعشوا سوا ويوسف طبعاً اتكلم مع اسلام شويه خلصوا العشا وحنان دخلت البلكونه بالشاي بتاعها الجو كان تلج شويه ودخل هو وراها
يوسف شرب من فنجان القهوه بتاعه : مقولتليش ليه
حنان سكتت واخدت نفسها : كنت مستعجله ونزلت بسرعه يا يوسف
يوسف : والله !! معندكيش حاجه اسمها تليفون ..ما اناي بتكلمني وبتقوليلي على طول ..مقولتيش ليه يا حنان
حنان بصتله وعنيها دمعت : انت اتحملت كتير اوي يا يوسف ..وعمال تشيل في هموم ولسه خارج من عمليه وفي الشركه وهمها اللي ابويا كان مبوظ فيها الدنيا وماشيه بالتهريب انت شايل هم مش همك اصلا ..مش عايزه احملك فوق دا كمان
قرب منها وحط ايده على خدها بحنان وبص في عيونها : انا انتي يا حنان ..انا هو انتي ..مشاكلي مشاكلك ومشاكلك مشاكلي ..فرحتنا واحده وزعلنا واحد انتي حته من روحي ..ازاي ما اكونش جنب روحي ..ازاي مش عايزه تقوليلي ..انا جوزك ..خط دفاعك الاول في كل حاجه واي حاجه ..همومك همومي وتعبك تعبي ..اوعي تعملي كدا تاني ..انا نصك التاني ..وعايز اعرف حبيبتي مهمومه من ايه وشايله اي ..احنا زوجين يا حنان ..يعني يعني روح واحده
حنان حضنته ودمعه نزلت من عنيها وهمست في ودنه : انا بحبك اوي
يوسف رفع ايده وضمها كلها جواه : وانا بحبك اكتر
يتبع ….
- لقراءة الفصل التالي: اضغط هنا
- لقراءة باقي حلقات الرواية اضغط على (عائلة بالإكراه)