رواية عشقت طالبتي الفصل الرابع والعشرون 24 بقلم منار محسن

رواية عشقت طالبتي الفصل الرابع والعشرون 24 بقلم منار محسن

رواية عشقت طالبتي البارت الرابع والعشرون

رواية عشقت طالبتي الجزء الرابع والعشرون

رواية عشقت طالبتي الحلقة الرابعة والعشرون

زينه بصدمه: ازاي الكلام ده وانت كنت شغال معاه وانت عارف انه شخص مش كويس يا ياسر
ياسر بتوضيح: لاء طبعا انا اول ماعرفت انه كده مشيت علي طول بس لسوء حظه اني اكتشف انه كده لما اسمي بقا معروف وبقا ليا مكانه في مجال التجاره الاستيراد والتصدير والحمدلله عدت علي خير
زينه: انا عايزة اعرف عرفت ازاي و وصلت للراجل ده ازاي
ساره: الاهم من ده كله انا مش مقتنعه ان برضو شيري تتحب*س في شوية كلام يعني غيره بنات وكده
وليد: لاء الموضوع اكبر من كده شيري دي مش سهله دي هي السبب في كل ده وهي اللي وصلت ياسر للراجل ده
زينه بصدمه: ازاي وانت ياياسر كنت عارف وكمان مش قلت لنا حاجه
ياسر بسخريه: انتي عبيطه يا زينه اقولك ايه ده خطر انك تعرفي فالوقت اللي هما كانوا لسه موجوين ومكنش ينفع طبعا واحده مش سهله دي من ضمن المافيا اللي في امريكا وهي اصلا اصلها امريكانيه فهمتي
زينه: انا برضو ما كنتش مرتاحلها الصفره دي ما علينا عملت ايه احكي
ياسر: الموضوع وما فيه اني كان نفسي ابقا شخص ناجح وابقا رجل اعمال وقررت اسافر روحت وحجزت لامريكا وودعت صحابي وكل الكلام ده وسافرت وانا في امريكا لقتها جتلي علي الفندق وبتقولي على واحد عنده شركة كبيره في امريكا وانها تعرفه ورحت معاها واشتغلت وهي كمان اشتغلت معايا بس كان في حاجه غريبه بنها وبين جورج وساعتها انا بقيت رجل اعمال وبقا ليا اسم بس كنت شغال برضو معاهم عشان اكبر اسمي اكتر وفي يوم سمعت
فلاش باك

ياسر كان داخل علي جورج المكتب بعد ما الموظفين مشيت ياسر كان لسه هيخبط سمع جورج وهو بيتكلم مع شيري
بالداخل
جورج: اما ياسر ده عبيط اووي دخلت عليه انه بيشتغل شغل نضيف ميعرفش ان احنا اصلا مافيا ههه
شيري بدلع: مااحنا برضو مش سهلين ولا ايه
جورج بشر: ولا اه المهم انا لازم اودي ياسر في دا*هيه كده خطر عليا بدا يوصل و ممكن يعرف اللي بنعملو في اي وقت ويغدر بينا
شيري: متقلقش انا هعمل اللازم يا حبيبي المهم انت وحشني اوووي
جورج بخبث: وانتي كمان يا قلبي بالخارج كان ياسر مصدوم وبعديها عرف انه شغلهم كله مش تمام وقرر انه ينقل كل اعماله مصر
الواقع
زينه بصدمه: نهار ابيض يعني شيري طلعت استغفر الله وقال ايه وحشتني يا ياسر هاه مش سهله وربنا
وليد: المهم انا عايز اقول حاجه
نظرو له بستغراب وقالو: قول يا وليد
نظر وليد لساره وقال بحب: انا بحبك يا ساره وعايز اتقدملك بس خايف اترفض او ممكن تبقي مش بتحبيني بس قبل اي حاجه انتي بتحبيني
ولاء
نظر له ساره بصدمه وبتوتر ايضاوكسوف: انت بتقول ايه يا وليد ده مش وقت الكلام ده ومش المكان المناسب
اقترب منها وليد: هاااه قولي بقا وهو ده المكان المناسب خلصي بقا

ساره بخبث وغرور: انا مش موافقه عليك
وليد بصدمه وحزن ولف كان هيمشي: كنت حاسس انك مش ولسه هيكمل لقا ساره بتحضنه وبتقوله وانا كمان بحبكككك يا وليد
وليد بفرحه ولف ليها وهو بيحضنها وبيلف بيها: ااااااه اخيرا غلبتيني يا بنت اللذينه طلعتي عين اهلي
ساره بدموع وفرحه: ماانا برضو مش اي حد انا ساره وهمست له بتحبني يا وليد
وليد بص في عنيها وقال بعشق: بموووت فيكي يا قلب وليد روحي وحياتي فداكي بحبك من اول يوم شفتك فيه بحب كل كلمه بتقوليها بحب كل حاجه فيكي بحبك والله كلمه قليله عليكي وهفضل احبك لا اخر يوم في عمري
ساره وهي تحضنه مره اخري: بقول ايه هااات المأذون يا عم والله قلبي الصغير لا يتحمل
وليد بضحك: مجنونه بس عمتا المأذون جي جي يا جميل وغمز لها وهي اتكسفت
نور كانت تنظر لهم وتبتسم على جملهم وكانت فرحانه جدا لصحبتها سليم من خلفها
سليم همس لها: بحبك
نظرت له نور بحب: وانا كمان بحبك يا سليم

سليم بصدمه: اخيرا الحجر التكلم وحضنها ولف بيها
عند زينه وياسر كانه ينظرو الي اصدقائهم وهما فرحنين
زينه: ربنا يفرحهم دايما يارب
ياسر بإبتسامة: يارب بقولك يا حبيبتي
زينه بحب: قول يا حبيبي
ياسر نظر لها: انا بحبك اووي يعني بجد مش قادر اوصف ليكي الحب ده الاهم بقا ان في سر قاقوله ليكي يوم الفرح ان شاء الله والاهم من ده كله
زينه بستغراب: ايه
ياسر بصوت عالي: ان الامتحانات بعد اسبوعين يا حلوه انتي وهي هتتنفخ*وا يلااا عشان نروحكم
زينه وصحابها بتزمر: يووووووووه بقااااا
ياسر وهو يسحب خلفه زينه: يلااااا يا ختي انتي وهي
زينه بضيق: قال بحبك وبتاع وتلوقاي ساحبني زي الجامو*سه وراك مش كده والله ظلم ظلم
ياسر نظر لها: خلصتي يلا يا ماما بقا
زينه نظرت لصحابها وقالو جميعا:حاااضر

الخاتمة ❤
اليوم الأخير للامتحانات
ياسر بقلق: قوليلي بقا عملتي ايه يا زينه
زينه: كله تمام
ياسر براحه: طيب الحمدلله ان كله تمام
زينه: بس ممكن اشيل ياسر مسكها من قفاها: تشيلي ايه ياما
زينه بضحك: اشيل ابننا يا حبيبي اللي هيجي فالمستقبل انت مش بتهزر يا رمضان
ياسر بقرف: لاء يا ختي ويلا عشان اروحك
نور وساره: شوف البت ماشيه ولا كأن اللي جبو*نا موجودين اصلا طب مين اللي هيوصلنا بالعربيه
وليد وسليم: نحن هنا يلا هنوصلكم اي خدمات
نور وساره بفرحه: طب الحمدلله يلاا بينا
مر على هذا الموقف سنتين

وتم تخرج زينه ونور وساره للعلم زينه واصحابها كانو في سنه تالته هندسه وهندسه بتبقا خمس سنين واتخرجه وفات أسبوع وتم كتب الكتاب وفالاسبوع اللي بعده في البيوتي سنتر كانت تقف كل من زينه ونور وساره بجانب بعض وكل واحده تبدو مثل الاميرة بفستانها الابيض
دخلو الشباب وكل واحد كان في غاية الوسامه وقام كل منهم بلف محبوبته
ياسر وهو بيلف زينه: اوووووه قمر بسم الله ماشاء الله بقولك كان في واحده اسمها زينه شل*ق ماشفتهاش يا قمر انتي وغمز لها
زينه بكسوف: ياسر بطل رخا*مه انا همو*ت من الكسوف
ياسر بضحك: اجمد يا و*حش مش كده دي الليله لسه طويله وغمز لها
زينه بغيظ: يا قليل الأد*ب وضر*بته على صدره
ياسر ببراءة: انا قولت حاجه يا بنتي يلا طب نروح على القاعه وفعل الباقي مثله واخذ حبيبته اللي القاعه
دخلو القاعه على اغنية إدخلي عمري
وكان حفل زفاف مثل حفل زفاف الاميرات
وذهب كل منهم يرقص مع حبيبته
عند وليد وساره
وليد بحب: انا قولتلك اني بحبك انهارده ولا لاء
ساره بضحك: لاء مقولتش
وليد: طب بحبك بحبك بحبك بحبك بحبك بحبك بحبك بحبك ايه رأيك بقا جامد صح
ساره حضنته: مجنو*ن وانا كمان بحبك واوووي اوووي اووي ووليد حضنها ايضا
وكملوا رقص
عند سليم ونور
سليم أحاط يده علي خصرها وقربها منه اوي
نور بكسوف: سليم الله بقا عييب
سليم بعشق: الله بقا انتي والله بحبك لاء بعشقك بجد انا متيم بيكي انتي خلتني واحد تاني من انا*ني ومتملك بس عندك انتي بس لو حد تاني ولا تفرق معايا خالص كنت بحب تكون لكل حاجه ليا بس بقيت عارف دلوقتي ان كل شيء اسما ونصيب

نور بكسوف: خلاص بقا والله اتوتر اوى وعمتا انا بحبكك اوووي وانت ليا انا بس وهمست ليه ومش لوحدك اللي بقين متملك يا سلومي انت بقيت ملكي انا كمان
سليم بضحك: اللعب بقيت سلومي بس المهم بحبك دي ياااه نور: اسكت بقا اناس هتلاحظ
سليم ببرود: عادي المهم ان احنا مع بعض
عند ياسر و زينه
ياسر بهيام: زينه حبيبتي
زينه بحب: نعم يا حبيبي
ياسر: فاكره السر اللي قولتلك عليه
زينه بتركيز: ايوه ايه هو بقا السر ده
ياسر: تعالي هقولك وشدها وجري بيها والكل التفاجئ من اللي حصل
ياسر وقف في مكان بعيد شويه عن القاعه
زينه: الناس هتقول ايه دلوقتي علينا
ياسر مسك ايدها وبص في عنيها: مش مهم المهم ان احنا مع بعض في هدوء السر اني بحبك من قبل ما اشوفك او الصح من قبل ما نعرف بعض
زينه بستغراب: ازاي ده حصل

بستغراب: ازاي ده
ياسر بهدوء: انا شوفتك مره وانتي في كافيه قاعده مع صحابك وكنتي بتضحكي وساعتها انا توهت فيكي وفي ضحكتك انا بحبك اوووي يا زينه لو قررت اني ابقا معيد فالجامعه بتاعتك وكنت فرحان اوي بسبب اللي كان بيحصل معانا بس معاده كام موقف كده وضحك المهم انا بقولك اني بحبك اوووووي يا زينه وصقف مره واحده وظهر العاب نا*ريه واسمهم معمول بالنا*ر وحاجه يعني جامده
زينه دمعت وضحكت:حاسه اني في فيلم او قصه من القصص الرومنسيه بس انا كمان بحبك اوووي وحضنته
ياسر بحب وضحك: والله احنا اصلا كتبنا الكتاب ومسموح اني اعمل اي حاجه وممكن نروح ونكمل الفرح فالبيت ولا ايه وغمز لها
زينه بتوتر: مش هغلط ولا هقول حاجه غير ان هعمل حاجه واحده
ياسر: هتعمل ايه يا جميل
زينه: هطلع اجري وطلعت تجري علي القاعه
ياسر بضحك: طب خديني معاكي طيب
وخلص الفرح وكل واحد راح البيت بتاعه عش الزوجيه اللي هيتبني على حب وحنان وموده واخلاص وعدم الكدب واهم حاجه الصدق والمعامله الطيبه واتعامل كشخص واحد والاحتواء وقت الضعف والحزن
عند زينه وياسر
ياسر دخل الفيلا هو وزينه
زينه بانبهار: بسم الله ماشاء الله جميله اوى بجد
ياسر حضنها وقال: هتبقي فيها كل الحب والفرحه

زينه لفت ليه وقالت: يااااه نفسي اوووي يا ياسر يتملي البيت ده بكل الناس اللي بنحبها انا بحبك اوى يا احلي حاجه في حياتي
ياسر شلها ولف بيها: وانا بعشقك مش بحبك طب تعالي بقا عشان الموضوع باين عليه كبير اووي وضحك
عند وليد وساره
دخلو الشقه ووليد كان فرحان اووي
وليد بيقفل الباب: نورتي بيتك يا عروسه ولف ليها لقها بتقفل باب الاوضه
وليد بياخد نفس عميق: افهم ايه شغل الاطفال ده يا ساره افتحي الباب يا ساااره
ساره من الداخل: لاء انا شكه فيك وانت شكلك ميبشرش بالخير وانا اخاف على نفسي
وليد بصدمه: شكلي ايه ده انا كنت بقفل الباب انتي هبله ولا القصص قصرت عليكي افتحي ومش هعملك حاجه عايز انام يا بنتي
ساره بشك:اشك فيك يا لقيم لاء برضو
وليد ببراءة: افتحي الباب يا ساره انا تعبان انهارده
ساره بخوف عليه: حاضر بس انا بحظرك وجت تفتح الباب وليد دخل وقفل الباب على طول
ساره بغيظ: شغل قصص طب والله انا اللي غلطانه
وليد بضحك: ايوه طبعا غلطانه اووومال ايه

عند سليم ونور
سليم دخل الفيلا شايلها : الف مبروك يا نور عيني
نور بكسوف: الله يبارك فيك يا حبيبي نزلني بقا
سليم: هاه انزلك احلمي بقا تعالي عايز اقولك حاجه
يمر على هذا اليوم سنه
زينه بصراخ: الحقني يااا ياااااسر بمووو*ت مش قادره ليه كده حراااام عليك اااااه
الدكتور بستغراب: هو حصل حاجه يفندم
ياسر بتوتر: احم لاء عادي مفيش وقال بهمس منك لله يا زينه الك*لب
زينه بصراخ: اشوفك مكااااني يا ياسر الحقنيييييي وبتعض ايده
ياسر بصراخ: عاااااا ايه يا بنتي ايه الدعوه الغريبه دي ازاي اصلا اسكتي بقا خدوها جوه يا جماعه زينه: هخلع*ك يا مخلو*ع اهدي عليا بس
ياسر بضحك: حاضر اعملي اللي انتي عايزاه بس اولدي الاول
ساره ونور جوم برضو واتعاد نفس الكلام بس ساره ابهرت الجميع
ساره مسكه ايد وليد وبتعض فيها: ااااااه منك لله يا وليد قال قصص ايه ده كلام فارغ ده انا هوريك لما اقوملك اشوف فيييك يوووم اسود من اليوم اللي شوفتك فيه
وليد بالم وصراخ: طيب ايدي يا بنت انتي ايه ارحمي ايدي ومش كان بمزاجيك يا روح طنط غوري وليه بومه بصحيح
ساره مسكت وليد من هدومه : ده انا هطلع عييينك تعاله بقااا وبقت تشد في شعرو وتعض ايده وليد كان هيعيط ويندم انه اتجوز المجنو*نة دي
الدكتور وفريق التمريض خدوها بالعافيه ودخلوها
وياسر وسليم كانه مسكين الضحكه بالعافيه
ياسر: معلش الاتنين اللي قبلوها عملوا نفس الكلام
ياسر: سؤال اليوم اللي انتو شفته بعض فيه ده يوم خطوبتي انا وزينه وقرب من وليد اضر*بك فين مافيش مكان وليد بالم: ابوس ايد امك يا شيخ انا متبهدل خلقه سليم: خلاص بقا يا جماعه سماح يا ياسر

بعد ساعتين
الدكاتره طلعوا من اوضة العمليات باين عليهم التعب
الدكتور: فين ياسر يا جماعه
ياسر بلهفه: انا يا دكتور المدام كويسه يا دكتور
الدكتور بتعب: مبروك 3توأم ولدين وبنت اه الحمدلله المدام كويسه مش باين عليا ولا ايه اتفضل ياااوستاذ
فرح اوووي واذن في ودانهم
الدكتور: سليم فين سليم بلهفه: انا اهو المدام كويسه اهم حاجه
الدكتور بتنهيده: الحمدلله اتفضل بنت وولد
سليم بص لي ياسر: اتفاق ده ولا ايه محدش يجيب واحد لاء سوري اتنين او تلاته اما نشوف وليد وبص على اولاده واذن في ودانهم وكان فرحان اووي بيهم
خرج الدكتور بتاع وليد وكان باين عليه الارهاق
الدكتور بتعب: اه فين الاستاذ وليد
وليد يكتم ضحكته: احم انا يا دكتور مش محتاج اسال علي المدام باين انها بخير
الدكتور يكاد يبكي: هي بخير انا بقا عايز اروح انا بقالي 15سنه فالقسم ده قررت اغيره بسبب المدام بتاعت حضرتك اتفضل ولادك بنتين وولد الف مبروك ومشي يا عيني وهو مش قادر من كتر التعب😂
اولاد ياسر: حور و مالك وساجد
اولاد سليم: وعد و حازم
اولاد وليد: نغم و عهد و تيام
تعدي السنين وبعد 6سنوات في الفيلا بتاعت ياسر تجلس العائله كلها مع بعض
ياتي ساجد ومالك وكل واحد معاه بنت مالك مع نغم ساجد مع وعد
مالك وساجد لي ياسر: بابا احنا هنتجوز لما نكبر وبنت اونكل سليم وبنت اونكل وليد ماشي
ياسر بضحك: ماشي يا حبيبي إن شاءالله
عند سليم جاء حازم ومعاه عهد وقال: وانا كمان يا بابا عايز اتجوز عهد
وليد هاته بناتي لو سمحته مش كده فين تيام ابني المحترم وجاء صوت تيام وهو بيزعق
وليد: اسحب كلامي يا جماعه
تيام: حور انا مش قولت ملكيش دعوه بالواد ده تاني ولاء
حور بدلع: انا معملتش حاجه يا تيمو هو اللي كلمني وقولتلو انا بلعب مع تيام بس انت حبيبي يا تيمو

تيام بفرحه: عارفه انا لما اكبر هتجوزك يا حبيبت قلبي ومسك ايدها وراح عند وليد وياسر: انا بقول اهو لما اكبر هتجوز حور ماشي يابابا انت وانكل ياسر واكمل بغرور انا بس بقولكم مش باخد رايكم وسابهم ومشي
ياسر بصدمه: انا مصدوم والله لاء نص الثقه اللي عند ابنك يا وليد الواد ولا كانه عنده 30سنه
سليم بضحك: وحياتك وانا مأهور مش مصدوم
وليد: وانا مطنش هعوز ايه من الدنيا بعد اللي حصل ابني بيعرفني اللي هو ابقي نورنا يابا الحج والله مش كلام واحد عنده 6سنين
زينه بضحك: طب يلا بقا ناخد صورة حلو يلا نتجمع كلنا وندو على الباقي والكل اتصور مع بعض وكانت من احلي الصور لانها مليئه بالحب والدفئ والصداقه الحقيقه.
حقيقي كانت تجربه جميله جدا ودي مش النهايه لاء دي بداية قصة عشقت طالبتي سلاام❤️☺️❤️
#تمت

لقراءة باقي حلقات الرواية اضغط على : (رواية عشقت طالبتي)