Uncategorized

رواية أحبني متمرد الحلقة الثانية 2 بقلم رنا

 رواية أحبني متمرد الحلقة الثانية 2 بقلم رنا 

رواية أحبني متمرد الحلقة الثانية 2 بقلم رنا 

رواية أحبني متمرد الحلقة الثانية 2 بقلم رنا 

نور: شغل music بدل الملل ده 

سليم: تحبي تسمعي ايه 

نور بملل: اي حاجه 

*سليم شغل اغنيه ل بيلي ايليش *

نور: واو انت عارف ان انا بحبها جدا!!

سليم: وانا هعرف منين 

نور: متوقعتش انك تكون بتسمع اغاني انجلش!

سليم: اه انتي واخده فكره عن الصعايده ان اغانيهم قديمه وكده 

نور: كل حاجه قديمه مش بس الاغاني!! ممكن ميكونش الصعيد كلها بس عيلتكو دي هتفضل بيئه كده 

سليم: مش عيلتنا دي اللي هي عيلتك بردو ولا انا غلطان.. يابنت عمي صدقيني مش هتلاقي احسن من عيلتك تخاف عليكي وتحبك..صحابك دول عايزين الحرق متمشيش وراهم 

نور: انت مالك بصاحبي…

سليم: انا غلطان 

* سكتو شويه وبعدين جالها تلفون *

نور: هااي 

عمر: اي يابييي وصلتي 

نور: في الطريق اهو 

عمر: حببتي انا اسف صدقيني مكنش قصدي ازعلك 

نور بابتسامة: ولا يهمك…اول مااوصل هكلمك..باي 

سليم: بتكلمي مين 

نور: ده…. وبعدين انت مالك 

سليم: استني عليا بس لما نوصل 

نور: المفروض اخاف منك يعني 

سليم: لا لا متخافيش انا محضرلك مفاجأه هتعجبك اوي 

نور: مش عايزه منك حاجه 

سليم: ازاي بقي وانا هبقي المفأجاه 

نور: يعني ايه 

سليم: هتعرفي لما نوصل 

نور بتفكير: هو قصده ايه ده!! مالك يانور هتخافي منه ولا اي!!

نور بصتله بتفكير: باين عليه تعب من السواقه… بس يستاهل..بس بردو سايق من زمان واكيد تعب 

نور: انا بعرف اسوق علي فكره

سليم بصلها وابتسم: مبروك 

نور: انا غلطانه اني عايزه اساعدك 

سليم: لا مش غلطانه بس مينفعش تسوقي وانا معاكي 

نور: ايه الهبل ده فيها اي يعني 

سليم: مش عايز اتعبك 

نور: مفيش تعب ولا حاجه انا بحب اسوق عادي 

سليم: احنا وصلنا اهو مينفعش ندخل وانتي سايقه وانا جمبك ده كان جدك علقني 

نور بابتسامة: بتخاف منه اوي كده!!

سليم: وهو في حد ميخافش منه 

نور بتوتر: ليه هو بيعمل ايه 

سليم: متخافيش هو بس كلمته بتمشي علي الكبير قبل الصغير..ولعب العيال ده مش موجود عنده يعني…

نور: انت بتخوفني يعني!!

سليم: لا انا بقولك علي اللي هيحصل بس 

نور: طيب طيب خلاص… 

سليم: امسكي 

نور: ايه ده!!

سليم: استري نفسك وصلنا ومينفعش تنزلي كده 

نور رمت العبايه: انتي شايفني عريانه!!

سليم: وانتي بتسمي اللي لبساه ده هدوم!! 

نور: والله ده لبسي ومش هغيره..فاهم!!

سليم بعصبيه: نوور انا ساكتلك من اول ماشوفتك بس لحد كده وخلاص… جدك عازم قرايبك وعمامك ومينفعش تنزلي كده… اتفضلي البسيها دلوقت

*نور مسكتها بعصبيه ولبستها*

سليم وقف العربيه: انزلي!!

نور بتوتر: الناس دي قاعده كده ليه 

سليم نزل وراح يفتحلها العربيه: متخافيش دول قرايبك جايين يشوفوكي وهيمشو.. انزلي سلمي علي جدك 

نور:……..

سليم: انزلي يلاا… الناس مستنيه

نور بدموع: مش عايزه..

سليم لما شاف دموعها قرب منها وكلمها بصوت واطي: بتعيطي ليه!! دول اهلك محدش هيأذيكي!

نور: مبحبش اكون مع ناس معرفهاش بتوتر… مش عايزه اقابل حد… بليز 

سليم: طيب اهدي انا معاكي اهو… يلا متخافيش

نور مسكت ايده ومشيت جمبه: عيلتكو كلها رجاله!!

سليم ابتسم: لا الستات والبنات في جوه..تعالي 

رجل كبير في السن: اهلا اهلا ب ست البنات… تعالي يحبيبه جدو في حضني اتوحشتك قوي 

*نور بصت لسليم *

سليم: متخافيش ده جدك…سلمي عليه 

نور راحت حضنته: ازي حضرتك 

محمد: حضرتك ايه!! قوليلي يجدي زي بنات عمك 

سليم: متخافش يجدي هتتعلم كل حاجه 

محمد: تعالي سلمي علي عمامك وولادهم.

*سلمت علي عيلتها كلها وسليم خدها يعرفها علي امه واخواته *

نور بابتسامه: عيلتكو كبيره اوي انا نسيتهم اصلا 

سليم ضحك: لحقتي!! ده لسه فيه جوه 

نور ضحكت: بس عارف كنت خايفه من جدو بس طلع حنين اوي وعمو كمال وباباك عمو فؤاد يعني طيبين كده مش زي….

سليم: عمي مدحت!! نور صدقيني ابوكي ده من احسن واطيب الناس اللي هتقابليهم في حياتك

نور: انت بتقول كده عشان مش عايش معاه… المهم مش هتعرفني علي مامتك واخواتك 

سليم: لا ازاي… يام سليم!! زينه!!! 

ست كبيره طلعت ومعاها تلات بنات: حمدلله علي السلامه… تعالي يبنتي اتفضلي 

سليم: دي يستي ام سليم.. احسن واحن ام في الدنيا… ودي زينه اختي ودول بنات عمك كمال امنيه وملك 

*نور سلمت عليهم وقعدت معاهم تهزر وتضحك ومكنتش عارفه اللي هيحصلها….. 

امنيه: وانتي بقي بتلبسي جلبيات في القاهره ولا اي 

نور: لا خالص سليم قالي البسها عشان الناس اللي بره دي 

*نور قلعت العبايه وكانت لابسه تحتها فستان قصير *

امنيه: وانتي طول الطريق قاعده كده مع سليم!! 

نور: فيها ايه!! 

امنيه: ميصحش طبعا 

نور: ده لبسي وسليم عارف كده 

امنيه: وسليم لحق يعرف امتي!!

* نور لسه هتتكلم بس سليم خبط علي الباب ودخل *

سليم بتوتر: جدي عايزيكو كلكو…. تعالي يانور….

يتبع..

لقراءة الحلقة الثالثة : اضغط هنا

لقراءة باقي حلقات الرواية : اضغط هنا

نرشح لك أيضاً رواية عريس من ديزني للكاتبة ندى حمدي.

اترك رد