روايات

رواية خادمة قلبي 2 الفصل الحادي عشر 11 بقلم زهرة عصام

رواية خادمة قلبي 2 الفصل الحادي عشر 11 بقلم زهرة عصام

رواية خادمة قلبي 2 البارت الحادي عشر

رواية خادمة قلبي 2 الجزء الحادي عشر

رواية خادمة قلبي 2 الحلقة الحادية عشر

مالك:- فاكرة يوم ولادتك يا لوكا

ملك هزت راسها و قالت:- و هو دا يوم يتنسي و ضحكت و قالت:-

من أوله و هو باين

مالك ابتسم للذكري و قال:- بس جاتلي فيه أجمل هدية في العالم

فلاش باك

العيلة كلها قاعدة تفطر و ملك بتاكل بشغف كأن الأكل هيطير من قدمها

مالك :- براحة يا ملك في اية مش كدا هو الأكل هيطير من قدامك

ملك :- هششش اسكت أنت دلوقتي أنا حاسة إن في حاجة مش طبعية

مالك بحذر:- اوعي تكوني

ملك بصت ليه و مخلتوش يكمل كلامة و قالت:-

شكلي كدا و الله اعلم يا مالك بولد

كلهم بصوا عليها و ملك بصت تحت رجليها لقت ماية الجنين نزلت

ملك بصت لـ مالك تاني و صرخت بصوت عالي و قالت:-

الحوقونااي بولد بولد يا مالك بولد

الحقيني يا منال

منه قامت تجري عليها ملحقتهاش كانت ملك وقفت و طلعت تجري و هي بتصرخ:-

بولد يا مالك بولد

حازم :- ما تهدي بقي يا ستي هو مفيش حد ولد غيرك ؟

ملك :- اسكت انت يا كريم شانتية دلوقتي

و بصت لـ مالك و قالت:-

الحق يا مالك بنتك بدأت تضرب

مالك واقف متلغبط و مش عارف يعمل ايه و متوتر من حركيتها

منال :- ما تشلها على المستشفى يا مالك سايبها كدا لية أخلص يا ابني بدل ما تخلص علينا

ملك :- لا لحظة يعني اية أخلص عليكم

سكتت ثانية و قعدت على الأرض بركبها و حطت ايد على بطنها و التانية على ظهرها و بقت تصرخ

ملك :- الحقني يا مالك القرن طش الحقني هولد دلوقتي

مالك شافها كدا فوق نفسه و شالها و جري بيها على العربية و الباقي وراه

ملك طول الطريق تضرب و تعض في مالك و هي يتقول:-

منك لله انت السبب انت السبب

مالك :- اهدي يا ملك يا حبيبتي اهدي خدي نفس و اكتميه

ملك بصراخ:- و انت ايش عرفك انت بالحاجات دي آه يخويا هتلاقيك متجوز عليا و مراتك كانت حامل .. قول عندك كام عيل منها قول متخبيش

مالك :- يا شيخه بقي اتقي الله و ركزي في اللي انتي فيه

ملك :- بس اما أولد يا ملك هعرف شغلي معاك و كملت بعياط بس أولد بس أنا معنتش قادره استحمل الوجع

مالك بصلها لقاها بتتالم جامد باس على اديها و قال:-

معلش يا حبيبتي استحملي شوية و هنوصل

ملك بقت تعيط شوية و تصوت شوية لحد ما وصلوا المستشفى

مالك شالها و جري بيها على جوه

الدكتوره قابلته و كشفت عليها و قالت:- يلهوي دي هتولد حالا

ملك :- منك لله يا ملك منك لله أشوفك تقولي خلفة تاني و أنا هطلع بروحك

ملك صرخت مره واحده فزعت مالك و قالت:-

ااااه انت السبب انت السبب في اللي أنا فيه دلوقتي

مالك :- السبب في اية يا بنت كوم الشكاير كنت ا.غتصبتك وإلا شقطك دا انتي مراتي يا بت

وليد سقف ليه و قال:-

برافوا ياض اديها على دماغها خليها تسكت شوية

ملك :- مش إنت اللي قولت عاوز اخلف منك يا منك عاوز دسته عيال منك يا ملك يا أخي أ.بوك على أ.بو ملك

مالك بنفاذ صبر:- اولدي بهدوء يا ملك و متفرجيش علينا الناس خلينا نخلص

ملك صرخت و قالت:- انت قصدك اني بتاعت مشاكل قولها خليني اغضب و أروح في اوضه أمي

منال كانت بتزقزق ليب أول ما سمعت هروح اوضة أمي منال قامت مرة واحدة و قالت:-

ابدا والله ما تيجي اوضتي البنت ملهاش غير اوضة جوزها استهدي بالله كدا يا حبيبي

ملك :- كلكوا هتشلوني أقسم بالله عيلة بنت كـ ـلب و صرخت صرخة نزلت على أثرها ملوك

الدكتوره:- الحمد لله مكناش هنلحق ندخلها العمليات

الممرضه أخدت ملك على العمليات علشان التنضيف و منال أخدت ملوك بعد ما نضفوها من التمريض لبستها

حازم :- هاتوها أنا عاوز اشيلها

منال :- مالك يشيلها الأول و يأذن ليها

مالك شال ملوك بدموع و أذن في ودن و الودن التانية قال الإقامة و بصلها و قال:-

نوتي بيت أبوكي يا ملوك اكبري بسرعة عشان عندنا حاجات كتير عاوزين نعملها مع بعض

منه جت تاخدها منه حازم اخدها و قال:-

ابدا دي بتاعتي و محدش هياخدها غيري

و شالها و بقي يلعب معاها

مالك راح لـ ملك لقاها خارجة و مدخلينها اوضة عدية

ملك بخطرفة:- اتجوزت عليا و خلفت يا مالك بس أما أولد هطلع عليك الجديد و القديم

مالك بصلها بصدمة و قال:-

يخربيتك إنتي لسه فيكي نفس تتكلمي نامي يختي نامي نامت عليكي حيطة

ملك فعلا نامت من التعب و هي بتسأل عن البنت مرحتش في النوم غير لما مالك ميل عليها و همس ليها :-

ملوك مع حازم يا ملك نامي انتي و ارتاحي يا قلبي

باك

ملك :- رحت فين يا حبيبي

مالك :- رحت لحد ما شرفت ملوك على الدنيا

ملك دخلت في حضنه و حطت ايديها على بطنها و قالت:-

عبال ما يشرف البيبي التاني يا قلبي

مالك :- ملاك إن شاء الله

ملك :- بس انا عاوزة ولد

مالك :- كل اللي يجيبه ربنا كويس سواء ولد أو بنت هسمي ملاك الإسم على الاتنين

ملك بصتله بحب و قالت بهمس :-

بحبك يا ملوكي

مالك بلوية بوز :- قولت بلاش ملوكي اللي محسساني إني كرملة قدامك دي

ملك ضحكت بصوت عالي خلت الكل يبصلهم و لما لقوا مالك مضايق

حازم :- أكيد قالتلك ملوكي هو الوش دا مبيظهر غير مع الكلمة دي

ملوك :- حازم أنا بس اللي ملوكي يا حازم

حازم شالها و قال:- انتي ملوكي انا لوحي و قعد يبوس فيها

❈-❈-❈

كانت ماشية الصبح يتدور على شغل فجأة لقت اللي بيمسك ايديها لفت لية و قالت:-

يا فتاح يا عليم نزل إيدك يا ابن اعتماد بدل ما تتكسر انت مش بنزهق يلا ؟

– و لو منزلتهاش يا هتعملي اية يا رهف

رهف :- هعمل كتير يا ابن اعتماد فـ بالحسني كدا ابعد عني احسنلك و اتقي شري

– مش هبعد يا رهف قولتلك عاوزك بالحلال و انتي اللي سايقه التقل عليا

رهف :- و مش هبقي ليك يا إبن اعتماد اية هو بالعافية

– مش هتبقي لحد غير ليا يا رهف و كمل بصوت عالي

من النهارده رهف تخصني انا و بتاعتي يعني هتبقي مراتي مرات طاهر انتوا فاهمين

رهف:- دا أنت لما تشوف حلمت ودنك يا ابن اعتماد و اوعي من قدامي بقي عشان أنا جبت أخري منك

شدت ايديها منه و لفت من ظهره ضر.بته في ركبته من ورا نزل راكع عليها فـ ضربته على ظهر.ه نزل بوشة في براث المواشي

رهف بصوت عالي:- بالهنا والشفا يا إبن اعتماد و ابقي فكر بعد كدا ميت مرة قبل ما تتعرض ليا تاني

رهف مشيت و هي بتنعل اليوم اللي شافت فيه طاهر و قالت:-

ابو شكلك يا أخي في الأرض عكرت مزاجي كنت راحة ادور على شغل استرزق منه طب و ربنا ما أنا راحة و لفت رجعت على بيتها تاني

❈-❈-❈

منه روحت البيت هي و مالك الصغير

وليد :- نورت بيتك يا لوكا انت منوش ادخلي برجلك اليمين يا شبه

منه :- هو انا لسة داخلة البيت أول مره عروسة يا وليد ما تاخد بالك على كلامك إسمها حمد الله على السلامه عبال المرة الجاية

وليد بصلها بغيظ و رفع نص شفته العلوية و قال:-

صدقي بالله أنا غلطان روحي اتخدمي نامي نامت عليكي عيطة يا بعيدة

منه :- انت بتدعي عليا و أنا لسة والدة طبعاً ما ليك حق عاوزني امو.ت عشان تتجوز واحدة غيري لكن دا بعدك يا وليد اديني قعدالك

حازم بص لـ ملوك اللي بتنام على نفسها و قال:-

ملوكي تيجي تنامي معايا فوق

ملوك رفعت اديها له من غير كلام و حازم شالها

ملوك مجرد ما حازم شالها حطت رأسها علي كتفه و نامت بعمق حازم ابتسم عليها و باس على رأسها و خدها و طلع فوق

منه :- انت يا وليد خدني على الاوضة عاوزة استريح أنا لسة تعبانة مش قادره أقوم

وليد شالها و هو بيقول:-

بس كدا يا أميرة قلبي انت تؤمر يا بشا و أنا واجب عليا التنفيذ و خدها و دخل الاوضة

منال كانت دخلت نامت أول ما جم

مالك بص لـ ملك و قال:-

يعني أنا و إنتي اللي لبسنا في مالك الصغير ؟

ملك :- لا و حيات أبوكم انا كنت مستحملة ملوك و زنها بالعافية هات الواد

ملك أخدت مالك الصغير و راحت خبطت جامد على اوضة وليد

وليد فتح الباب و قال:- اية في اية خبطي بالراحة في حاجة إسمها اتيكيت

ملك بصتله بقرف و قالت:-

سبتهولك الاتيكيت دا يخويا خد إبنك دا مش عاوزة المحة عندي في الاوضة و سابته و مشيت

وليد بص لـ مالك و قال بغيظ :-

عاجبك اللي هي بتعمله دا يا مالك

مالك هز كتفه بقلة حيلة و قال:-

معلش تعال على نفسك هرمونات حمل و سابه و مشي ورا ملك

وليد بعياط مصطنع:- دا اية العيلة اللي محدش فيهم راضي يتحمل مسؤولية ابني فيها دي و بص لـ مالك و قاله:-

أنت اية يا ابني عاملهم عمل محدش فيهم راضي يستلفك من أول يوم تعال يخويا نام جمب أمك شكلي انا اللي هنام على الكنبة و اخده و دخل الاوضة لـ منه لقاها في سابع نومة حط مالك في سرير صغير جمبهم و غير هدومة و نام جنبها مجرد ما عينه غفلت مالك عيط فـ وليد قام جري عليه شاله و سكته و نيمه جمبهم و هو بيقول:- بدأنا مشوار الزن يا مالك

نص ساعة و مالك عيط تاني راح وليد شايلة و نايم على ظهره و منيمه عليه و هو بيقول:-

يا رب تسكت بقي عاوز اتخد ساعتين أريح فيهم جسمي

❈-❈-❈

مالك :- يصح برضوا اللي عملتية دا يا ملك ينفع تديله الواد كدا

ملك :- بقولك ايه يا كرملة انا أعمل اللي انا عاوزاه و بعدين أخوك معندش دم مش عاوز يتعب في تربية الواد انا بس بساعدة

مالك:- تقومي تقوليله أشوف إبنك في اوضتي ؟!

ملك :- كبر دماغك يا مالك دا وليد و بعدين أنا عاوزه أنام و اقضي وقت معاك بقالي كتير مش قعدت معاك

مالك حاوطها بدراعة و قال:- أيوة يعني بتسربي الواد عشان تستفردي بيا

ملك بصتلة و شنجت و قالت:- استفرد بيك اه يخويا أنا كنت بس عاوزة أعرف مين العرسة اللي كانت بتتكلم جنبك في التليفون

مالك بعد عنها و قال:-

يخربيت رومانسيتك يا ملك و بعدين خدي هنا انتي مش بنتسي أي حاجة كدا

ملك بسخرية:- شوف يا حبيبي أنا ممكن أنسي اي حاجه انسي اسمي شخصياً الا أني انسي واحدة سلعوة كانت بتتكلم جنبك و أنا قفشتك

مالك :- اية قفشتك دي كنتِ قفشاني معاها في شقة مفروشة

ملك :- توه في الموضوع توه أنا مش هتكلم دلوقتي عشان عاوزة أنام و اعمل حسابك هاجي معاك الشركة بكرة مش هتختار سكرتيره لـ حازم أنا اللي هاجي أختار و سابته و نامت بهدوم الخروج

مالك :- طب قومي غيري هدوك طب

ملك :- لا عشان ابقي جاهزة أول ما اصحي نمشي علطول و بطل رغي بقي انت بقيت لكاك كدا من أمتي ؟

ملك ضرب كف على كف و قال:-

لكاك مهو الاي يعيش معاكم في بيت واحد لازم يبقي لكاك يا روحي و غير هدومة لهدوم مريحة و نام جنبها بهدوء

❈-❈-❈

رهف كانت بتاكل سندوتش ملفوف في جرنان و لفت انتباهها إعلان الشغل و عنوان الشركه ضحكت بأمل و قالت:-

يلا يمكن نفلح في حاجة

تاني يوم الصبح ملك صحيت بدري غيرت هدومها و صلت و نزلت تستني مالك تحت

ملك :- مهو هاجي معاك يعني هاجي معاك يا لوكا أنا مش برمي كلام و خلاص

حازم نازل يشرب قابل ملك في المطبخ بتدور على أكل

حازم :- انتي بتعملي اية عندك يا ملك

ملك :- هكون بعمل اية يعني يخويا المطبخ للجميع نازلة أفطر على ما تصحوا نفطر مع بعض

حازم بصلها بصدمة و قال:-

قصدك إنك هتفطري مرتين

ملك هزت راسها بنعم و قالت و هي بتخمس في وشة :-

الحمل و عمايلة كل نص ساعة بجوع هو إبن الجزمة اللي جوه دا المفجوع مش انا خالص

حازم :- صادقة يا غالية صادقة مش هقطع عليكي خلوتك مع البانية هشرب و أطلع اغير هدومي عشان الشغل

ملك بلا مبالاة:- براحتك يخويا كدا كدا هنتقابل هناك عشان أختار ليك السكرتيرة

حازم فتح بقوه و قال:- ينهار منيل هتختارلي السكرتيرة الله أكبر راحت عليك خلاص يا حازم و ملك هتقوم بالواجب تالت و متلت سألها و طلع و هو بيضرب كف على كف و بيقول:-

ربنا إن شاء الله هيلهمني الصبر عشان مرتكبش جناية النهارده

ملك بقت تاكل بنهم و جوع شديد

مالك خلص لبس و نزل لقي ملك بتاكل و مش في بالها حاجة حاول يتسحب و يخرج من غير ما تحس ملك قالت و هي باصة في الطبق :-

فكر تعملها يا مالك و شوف اية اللى هيحصل استني خمسة و جيالك

مالك حط ايده على وشة و قال:-

نفسي اعرف شافتني إزاي

أكلت باقي الطبق و قامت غسلت ايديها و راحت ليه و قالت:-

أنا جاهزة مع إني مفكرتش معاهم بس هنفطر في الشركة

مالك خدها و مشي و هو بيدعي اليوم يعدي على خير

حازم جهز و مشي وراهم بالعربية

مالك و ملك و صلوا و طلعوا و حازم وصل بعدهم و طالع وراهم خبط في رهف على باب الشركة

رهف:- مش تحاسب يسطا خد بالك في عالم عايشة معاك على الكوكب

حازم :- انتي مين يا بت انتي و إزاي تكلميني كدا انتي اتجننتي ؟!

رهف :- انا ؟ انا اتجننت ؟ انا بت ؟ أنا دا كله ؟ شكراً مش عارفه أقولك اية على كمية المدح دا يسطا

حازم :- يا ربي انتي يا بت هبلة وإلا فيوزاتك ضاربة

رهف :+ لا اسكوز مي بقي اية فيوزاتك ضاربة دي

حازم :- يعني هبلة عادي يعني؟

رهف :- بقولك ايه يا جدع أنت أنا واقفة ألطف و أقول يا بت مش قاصده حظك إني مش فضيالك خدلك سكه بقي عشان أطلع أشوف فرقع لوز اللي راعب الكل دا

حازم بصدمة:-

يتبع
لقراءة الفصل التالي : اضغط هنا
لقراءة باقي حلقات الرواية اضغط على (رواية خادمة قلبي 2)

اترك رد