رواية مروضة الرجال الفصل السابع والثلاثون 37 بقلم سلطان زماني
رواية مروضة الرجال الفصل السابع والثلاثون 37 بقلم سلطان زماني
رواية مروضة الرجال البارت السابع والثلاثون
رواية مروضة الرجال الجزء السابع والثلاثون
رواية مروضة الرجال الحلقة السابعة والثلاثون
فضلت متنكده اكتر من اسبوع ورحت ل أمه فضلت اقولها
العربية هتخدنا وهتجبنا مش هتعبك ولا هشيلك حاجه
وراحت معايا اول ما شافت ابنها بحر دموع وشحتفه وهو
سلم عليها عادي وسألها ع اخوه واخته قالتله معها مشاكل مع
جوزها ومطفحها المرار هو انت بعدك بقا ليا قيمة ولا حد بيعملنا حساب
دخلت في الكلام قولتله العلاج كله الي كتبتهولي جبتهولك
وادي الاكل والسجائر بس خف سجائر شوية علشان صحتك
قالي انتي فاكره اني كل السجائر دي بشربها قالي دي زاي
الفلوس جوه بالظبط بشتري حاجات من جوه بشتري بيها حاجات من جوه
صحته في النازل وشكلة مش عجبني وفضلت سنة يوم
الزيارة ده بنسبالي علقه بخدها لاني بحضر في الزيارة قبلها
ب اسبوع والعمال شغالين في العماره بيعملو الوجهه بتاعتها
وركبت العدادات كل ده والمحامي معايا بروح امضي وبس
مشكلتي في عيالي شللين حركتي لو مش هما كنت قولتله
يلا يا ابن الكلبه ومش عايزة اشوف وش امك تاني
خلصنا كل الورق بتاع العمارة ووصلني وواخد العربية
وماشي زاي الاول قولتله بقولك قالي ايه قولتله اركنها جنب
السور ده
قالي اركن العربية ليه
قولتله وانت تخدها ليه هي بتاعتك
وشه جاب الاوان الطيف وقالي مش طريقة دي يا مدام دينا
وبعدين الاستاذ عبدالله قالي خلي معاك العربية قضي بيها
مشاويرك
قولتله والمشاوير خلصت خلاص يلا علشان العيال الي معايا
قالي حاضر وراح ركنها وجبلي المفاتيح وقالي فاضل باقي
أتعاب ٢٠٠٠ جنيه
اخدت المفاتيح وقولتله هشوف عبدالله لو قالي ليك
هدفعهملك واخد بعضه ومشي
مرات ابويا رجعت بالسلامة بقيت اقفل شقتي يومين واروح
اقعد معها اغير جو افك ومكنتش بحكلها حاجه وكنت بروح
لمرات كريم واتغدا عندهم واضحك وامثل اني مبسوطة
وفرحانه زيهم
علشان هحكي ايه واقولهم ايه ..ماصدقت وقولت الدنيا
ضحكلتي وقولت الحظ ابتسملي وعبرني وكنت بحس اني
ملكه الدنيا كلها وكنت مرتاحه ومش شايله هم حاجه دلوقتي
أنا مفيش حاجه مش شايله همها
مش قادره اكمل في الضغط العصبي ده ومش حمل كل ده
وفي نفس الوقت مش قادره ابعد ولا أشيل ايدي ولا حتي
اظهر ده ليه وزعلانه علي صحته الي بتتاخر وفي النازل دي
مش عارفه ماله استسلام ولا يائس مش عارفه كل زياره
اقوله اهتم ياحبيبي وكل كويس واي علاج بيكتبهولي في
الورقه بجيبه معرفش بقا ماله ..افتكرت كلام طارق لما قالي
أنه مكنش شكله كده وأنه اتبهدل لما دخل السجن
مفيش آخر زيارة رحتله فيها كنت حسه أنه بيودعني كل ما
يكلمني ويقولي دي وصيته انا أوقفه عن الكلام وتقوله انك
هتخرج لحد ما زعقلي وهو بيبكي قالي ده اخر طلب ليا يا
دينا ..اخواتي ميخدوش ملييم من فلوسي ..امي الشقة الي
قاعدة فيها تبيعها لنفسك خليها تروح ل اخويا يشوف
هيستحملها ويشلها ع كفوف الراحة زاي ما أنا عملت ولا
هيرميها في الشارع فضلت اقوله اهدا قالي مفيش وقت
اسمعي الي بقولك عليه ..بنت الكلب الي الله لا يسمحها لا
دنيا ولا آخره الي خلعتني وملهاش عندي قرش لا هي ولا
عيالها …اعمليلي حاجات خير كتير يادينا وادعيلي اوعي
تنسي عبدالله ..وربنا يعلم اني حبيتك قد ايه فضل يبوس
ويحضن في العيال جامد اوي ويقولي خلي بالك منهم وخلي
بالك من نفسك وادعيلي
معياد الزياره خلصت وانا عماله ابصله ودموعي مش مبطله
نفسي اقعد معه واهون عليه الي هو فيه وحاسس بيه خرجت
وبعدها عرفت أنه جاله مياة زرقاء علي عينه من كتر البكاء
وشعره طلع فيه شعر ابيض كتير فضل في مستشفي السجن
٢٠ يوم والمحامي كلمني قالي أنه مات .
..أنا وراكم والزمن طويل كل ما التفاعل يقل ..هعلي النكد وهجبلكم الضغط والسكر واكتئاب وهقرفكم في عيشتكم 😂
يتبع ….
- لقراءة الفصل التالي: اضغط هنا
- لقراءة باقي حلقات الرواية اضغط على (رواية مروضة الرجال)