روايات
رواية حبي الأول الفصل الأول 1 بقلم نيرة عبدالله
رواية حبي الأول الفصل الأول 1 بقلم نيرة عبدالله
رواية حبي الأول البارت الأول
رواية حبي الأول الجزء الأول
رواية حبي الأول الحلقة الأولى
– شيما بت ي شيما اصحي يلا قربنا نوصل
شيما: طيب ي نور خلاص صحيت اهو
نور: بت ي شيمو الواد ده عمال يبص ليكي ومركز معاكي من وإحنا امبارح في الحنة ليه
شيما: معرفش وبعدين انتي ايش عرفك انه كان مركز معايا إمبارح
نور: عيب عليكي الكل كان واخد باله حتي بسمة وضحي اخدوا بالهم بس لما قومتي رقصتي الواد مكنش طايق نفسه وكان علي أخره
شيما: يمكن معرفش مختش بالي وبعدين يلا قومي وصلنا
ونزلت هي ونور والشاب كان مركز معاها حتي بعد ما نزلت
محمد: اي يعم روميو خف شويه مش كده
احمد: اخف من اي مش فاهم
محمد: عليا انا برضوا تخف نظرات للبنت دي من إمبارح وانت منزلتش عينك من عليها
احمد: تعرف انا مستغرب نفسي اوي معرفش ليه مركز معاها اوي كده معني اول مره اشوفها كانت إمبارح بس فيه حاجة بتشدني ليه
محمد بغمزه: حب من اول نظره ده ولا اي
احمد: اتلم ياض انت ويلا عشان ننزل وصلنا اهو
في بيت شيما
وصلت بيتها واول ما دخلت ندهت علي مامتها
شيما: انا جيت ي ماما انتي فين
مامتها: انا في المطبخ ي روحي تعالي
شيما دخلت وحضنت مامتها: عامله اي ي حبيبتي
مامتها: بخير طول ما انتي بخير ي قلب ماما
شيما: يارب ديما ي روحي انا هدخل اخد شاور بقي واجهز للفرح
مامتها: ماشي ي روح قلبي
ودخلت شيما اخدت شاور ولبست اسدالها الأول وصلت وبعد كده وقفلت مرايتها تسرح شعرها الدهبي الطويل لبعد ضهرها
(شيما بنوته جميله اووي وبيضه وعنيها عسلي في اولي ثانوي وحلمها تكون مهندسه)
وبعدها لابست فستانها الاسود السق وفيه لمعه رقيقه وبسيطة اوي علي الفستان والاكمام وعملت الطرحه لورا وميكب سمبل ورقيق اظهر جمالها وشنطه سيلفر وهيلز اسود
اختها فتحت الباب ودخلت
اختها: شيمو بقولك حطيلي روج من عندك
شيمو: روج اي اللي عاوز تحطيه ي بت انتي ده انتي لسه في 6 ابتدائي ي مروه
مروه: وفيها اي يعني احنا رايحين فرح حطيلي بقي
شيمو: طيب ي ام نص لسان وحطت ليها روج لونه هادي يليق مع فستانها الاحمر اللي كانت لابساه وصندل لونه اسود وكانت سايبه شعرها
مروه: ايوا كده اللوك اكتمل؛ قوليلي نور جهزت ولا لسه
شيما: أيوا جهزت يلا ننزل بقي
ونزلت شيما ومروه وقابلوا نور اللي كانت لابسه فستان كشمير سق وعليه شغل بسيط وهيلز شفاف وطرحه بيضة وميكب سمبل
(نور تبقي صاحبه شيما المقربه وهي كمان في اولي ثانوي)
وركبوا اوبر هما التلاته وراحوا الفرح
في بيت احمد
احمد كان بيجهز للفرح ولبس بدله سوده وقميص ابيض وجزمة سوده وساعه جلد سوده وفتح أول زرارين وسرح شعره وحط بريفيوم
(احمد شاب طول متوسط وملامحه جذابه وشعره اصفر وعيونه لونهم عسلي وهو في سنه 2 ثانوي)
تليفون احمد رن وكان محمد؛ واحمد رد عليه
محمد: ها ي دنجوان عصرك خلصت لبس
أحمد بضحك: ايوا يخويا ونازل اهو
محمد: طب يلا انا مستنيك تحت البيت
أحمد نزل وقابل محمد اللي كان لابس زي احمد بالضبط
(محمد يبقي صاحب احمد الانتيم وفيه 2 ثانوي برضوا)
احمد بضحك: طول عمرك بتحب تقلدني
محمد ضربه في كتفه: ده علي اساس اننا مش شارين البدل وكل حاجة سوا
احمد: ي بني ايديك تقيله يلا خلينا نلحق نروح عشان منتأخرش
محمد: يلا بينا وركبوا اوبر وراحوا الفرح
في الفرح
نور وشيما كانوا وافقين جنب بسمة وبيصوروا العروسة والعريس
نور: اللهم بارك العروسة زي القمر
بسمة: طبعا مش بنت عمي لازما تبقي قمر زي
نور بضحك: ماااشي يعم الواثق
شيما: بقولكم هروح اسلم علي شاهندا صحبتي وهاجي
شيما راحت سلمت عليها واخدت بالها ان احمد مركز معاها وبيبص عليها بس مدتش اهتمام للموضوع ورجعت عند البنات تاني
شيما لنور: الواد اللي شاورتيلي عليه الصبح
نور: ماله
شيما: موجود هنا ومش منزل عينه من عليا معرفش اي ده
نور بصت ناحيته ولاقته فعلا بيبص علي شيما بس احمد اول ما شاف ان نور بتبص عليه عمل نفسه بيكلم صاحبه؛نور: ملكيش دعوه بيه ي بنتي
بسمه: بتتكلموا فيه اي
نور: بت ي بسمه مين الواد اللي هنا ده
بسمة: ده احمد باباها يبقي إبن عم بابا
شيما بعصبية: طب خليه يحترم نفسه ويبطل يبص عليا في كل حته بروحها
بسمة بضحك: حاضر حاضر إهدي بس وبعدين مش ممكن يكون معجب وغمزت ليها
شيما: اعجاب اي وزف”ت اي بت متخلنيش اتعصب
بسمة: خلاص ي ستي انا اسفه اهدي
نور: بقولكم اي قفلوا علي الموضوع ده ويلا نروح نرقص مع العروسه
وطلعوا رقصوا وهيصوا مع العروسه واحمد طول الوقت كان عينه علي شيما؛ وبعد وقت البنات نزلت ترتاح شويه
شيما: بقولكم اي اقعدوا ارتاحوا وانا هروح الحمام واجي
نور: تمام ي شيمو
شيما وهي ماشيه مخدتش بالها وداست علي فستانها وكانت هتقع بس فيه شخص مسك إيديها؛ شيما بصتله واتفاجئت انه احمد
احمد بخوف: انتي كويسه حصلك حاجة
شيما بعدت عنه ولسه هترد عليه؛ سمعت صوت بيقولها بغضب: شيماااااا
*تفتكروا مين الشخص اللي نده علي شيما؟!
*واي سر اهتمام احمد بشيما؟!